غنوة ما لـها ش صدى

[ابو جيداء]

غنوة ما لـها ش صدى

******

لـموا ضفاير غـنوتى

من فوق الـسطــوح

ماتـخلوهاش مفرود ه

في وش الـــعـصـارى

خـلـوها تسكن كهفها

وتنـحبس داخل جدارى

خــايـف عـليهــا تــموت

مـن غـير مـاقلبى يضمها

وألقى الــديــابــه كـلــهم

واقــفـين بـيــاخدوا في العزا

ويـشهــدوا ساعة أنكسارى

******

لما الغراب

يا خد مــكـان العــندلـيب

وأمـا الــغنــا يـصـبح نــشيد

من غير وتر

والــحـرف مـرمى ع الطريق

ملهو ش أثر

واللـيل يـصـاحـب خــطوته

مـن غـير قمر

ولا فــيـش مــشاعـر تحضنه

وقـــت السفــر

ولا فـــيش لقا

ولا فيش وداع

يـبقـى حـــرام

اللحن يفضل للأبد

يــخــبـط دمـاغــه في الحجر

******

لـما الغــيطان

وقــت الحصاد

ماتعرفش المواسم

ولا كــفــها يمــلا المناجـل

والــعــود ميطرحش الثمـر

وأمـا السواقي

تهــجـر عـناوين المساقى

والتلاقي يـحــتــضــر

لــما الــكافور ينسى الكفور

ويــطـاطـى للـــريح الهفية

والــضل يـتـحـدى الشجر

يـبقـى عـلى الدنيا السلام

******

لــما الـمـسائــل كــلها

تـصـبـح سراب

والأسئلة مالها ش جواب

والمسطرة والمنقلة

يـنسـوا قــوانـين الحساب

يـبـقى مانـيش محتاج مكان

ويـبقـى عـلى الدنيا السلام

******

كلمات

ابو جيداء

[مصري جدا]

أيه الجمال ده ....ربنا يسعدك وتمتعنا كمان وكمان

[badroora]

ابو الفاضلة جيداء .......مين قال ان الغنوة دي ملهاش صدي بالعكس وانا باقراها استحليت صوتى غنيتها وعديك ع الصدي اللى

حصل وصحبتى قامت من النوم مبهورة ..........مبهورة يعنى ...........طبعا من صوتى موش من الغنوة :sad:

بجد تسلم ايدك .............. :lol:

[ابو جيداء]

أيه الجمال ده ....ربنا يسعدك وتمتعنا كمان وكمان

الأستاذ مصرى جدا

الجمال فى مرورك العطر الف شكر

[ابو جيداء]

ابو الفاضلة جيداء .......مين قال ان الغنوة دي ملهاش صدي بالعكس وانا باقراها استحليت صوتى غنيتها وعديك ع الصدي اللى

حصل وصحبتى قامت من النوم مبهورة ..........مبهورة يعنى ...........طبعا من صوتى موش من الغنوة :sad:

بجد تسلم ايدك .............. :lol:

انا خايف يابدرية صاحبتك يجيلها صرع :wub:

ربنا يستر