المهندسون فى أونتاريو

[yassir]

الحلقه العشرون فى رحله البحث عن رخصه مزاوله المهنه للساده المهندسون

أمتحانات المعادله......

طبعا كلنا عارفين ياشطار أن الأمتحانات مرتين فى السنه فى مايو و ديسمبر و طبعا الجدول حيتبعتلك على البيت ....أيوه سعاتك ال PEO مبيديش كورسات فى الأمتحانات ديه ....صرف نفسك فيه أماكن تانيه.....هست نعدين نشوف الموضوع ده متقطعش التسلسل....

كل أمتحان 3 ساعات ...و العهده على الراوى فى أمتحانات فى تخصصات معينه يسمح بأستخدام مراجع ....لأ ياسيدى مش من الى بالك فيها .....ركز معايا حتضيع المنتدى معاك ....

فى أمتحانات كتيره فيها أسئله أختياريه 4 من خمسه حاجه كده يعنى .....

مين بيدى كورسات و بكام ...خد عندك

كتشنر

www.conestogac.on.ca/jsp/cecatw/technology/ces.jsp

ميسيساجا

WWW.EPIC-EDU.COM/EPIC/PRODUCTS/PEO/PEO-TECHNICAL-EXAMS.HTM

البرتا

WWW.CYBERED.CA

تورنتو

www.senecac.on.ca/cgi-bin/outline

القاهره

دبليو دبليو دبليو . أبقى قابلنى .هع

peo.doc

[yassir]

الحلقه الحادية و العشرون فى رحله البحث عن رخصه مزاوله المهنه للساده المهندسون

طيب دخلنا الأمتحانات ....ايه الأحتمالات ....

أولا نجحت فى أمتحانيين فى نفس ال sitting و جبت فى واحد أعلى 65 فى الميه و التانى أعلى من 60 فى الميه ....يامتين بالقوى ....تعفى من باقى الأمتحانات ....هيه ....

ثانيا ....أتكعبلت فى أمتحان و عدته و جبت فيه 70 فى الميه و حبت فى التانى أعلى من 60 فى الميه ....شرحه زى أولا معاف مؤقت علشان أعزب و يعول.....

ثالثا عديت 3 فى 2 sittings و مافيش و لا واحد أقل من 60 فى الميه ....معاف من الباقى برضه .....

رابعا وقعت فى واحد و التانى ....شلت الطين ياعبد الهادى ...ممكن تشيل أمتحانت أكتر حتى لو مكنش وقوع كان أنك مش عايز تكمل امتحانات مش حتقدر تقدم الا بعد سنتين .....أى خدمه

خامسا وقعت فى واحد و مقدمتش علشان تعيده فى ظرف سنه ....مبروك حتشيل واحد كمان

سادسا عديت واحد و مكملتش فى خلال سنه ونصف ....حلاوتك ...واحد كمان فى الصندوق...

سابعا نجحت فى تلاته على الحرحرك ...يعنى 55 فى الميه لازم تكمل الرابع

ثامنا ...وقعت فى واحد مرتين ...أو امتحانين ...ياجماله ...ياجماله ...تشيل أتنين كمان ياريس...

تاسعا ...مكملتش الأربع أمتحانات فى 3 sitting ....تشيل واحد كمان فى الصندوق ......

عاشرا ...بس نفسى اتقطع ...هو فيه احتمالات تانيه ....أخدلى بس قطمتين و كبايه شاى و راجع ....حد يقف على المنتدى على ما أرجع.....

[yassir]

الحلقه الثانية و العشرون فى رحله البحث عن رخصه مزاوله المهنه للساده المهندسون

الأحتمال التانى ...لقوها معادله للبكالريوس الكندى (CEP ) .....و عندك 5 سنين خبره بس مش عايز امتحانات .....من حقك مقابله مع الERC ....نجحت ...................خش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG

ايه بقى موضوع المقابله دى و مع مين ....الأخوه أعضاء ال ERC ربنا يزيد ويبارك ...160 عضو متطوع من كل تخصصات و فروع الهندسه ....اللجنه هى اللى حتقرر سعادتك حتقابل مين و طبعا احتمال واحد من خمسه حيكون منهم واحد صينى و أحتمال واحد من أربعه واحد من أوروبا الشرقيه ....أيوه ياسيدى أبقى حط كريم علشان تخبى علامه الصلاه و أعمل الأسم الأخير ماتيوس بدل حنتس ....

المهم ...لازم الأخوه الأعضاء يتأكدوا من خبرتك العمليه و أنك مش محتاج أمتحانات و لايحزنون ,خلى بالك لو قدمت ولو حتى على أمتحان واحد بتفقد فرصتك فى المقابله ....تسهيل سعادتك مفيش أى كلاكيع ...تانى و لا كفايه ....

سعاتك بتقول للسيد ال CLERK المسئول عن الملف بتاعك خبرتك فى ايه ...يعنى حاجه واحده ...و لالأكتر من حاجه ...عايز تقابل الخبراء الأتنين أعضاء اللجنه الموقره و لا واحد بس ....ايه الأختيارات و الدلع ده ...أمال أحنا عندنا أعز منك...

[yassir]

الحلقه الثالثة و العشرون فى رحله البحث عن رخصه مزاوله المهنه للساده المهندسون

المقابله ساعه ....مش أى ساعه ياريس ....ساعه يقرر فيها جوز ال .....ماعلينا جوز الخبراء و الله أعلم بنيتى ...أنك عندك خبره فى اللى أنت قلته و لا لأ ....نصيحه منى الجريمه لا تفيد ....بلاش الحداقه و الفتاكه علشان خالى النجومى بيقولك .... حب يعمل فيها فله و يمشى حبه فى الزمالك و الألاطه و الفتاكه ...يرموا طبعا على المهالك....

قول اللى أنت بتشغله ...خدهم مقص حرميه , لوحك جاهزه , حته عينه ماشى ...حسابات تصميم ...الجماعه بتوع كهرباء و ميكانيكا و كيمياء و كله ما عدا المعمارجيه نفس الموضوع ....أتكلم أنت متدهمش فرصه يطلع بيك بره اللى معاك .... علشان بيقولك أحنا موش بنسأل فى الدراسه الأكاديميه و بيسألوا ...يقولك فى الأنترفيو مالناش داعوه بالدراسه و الأمتحانات و يسألوا برضه علشان يحاول يشيلك أمتحان ولا أتنين ....

ماتقعدش تضيع وقتك و تقول كنت شغال فى المصنع الفلانى الى يسوا 100 مليون دولار ...و لا صممت المشروع اللى فى دبى اللى يسوا تلاته شلم ...و لا تفرق معاهم لو كنت أحمد عز ولا ابن عز و لا حتى رئيس مجلس ادارة الشركه الجامده لأصحابها أبو لكميه و شركاه ....

ألبس كرافته ...مش شغلى أجر واحده ...قابلى فى قهوة ليالى الشرق و أسلفك واحده و أبقى أفتكرنا بسندوتش شاورمه من عند ابراهيم المغربى ....أستغلال بقى عاجبك و لا لأ....

تيجى بدرى يعنى نصف ساعه و لا حاجه ...ماليش دعوه أركب الصبواى.... الركنه زى الزفت فى يونج مع شبرد ...ياراجل نقى بدله عدله بلاش الأوفر ده ...بنقول ألبس كويس مش بدله رقص....

أوعى تخش عليهم و تديهم الكارت بتاعك و يكون مكتوب فيه السيد المهندس / علاوى أبو الترابيس ...نهار أسود هو أنت لسه بقيت مهندس هنا ....دى نقط حتتخصم منك ...

خلصت البؤيين ...أستريح فى الأوفيييس ...مش فى قهوه أحنا هنا حتديها واحد تيم هورتون ...أترزع لما البهوات يتناقشوا ...أحتمال يندهولك تانى ....لو ربنا كرمك و عديت .. السكرتيره حتقول لجنابك تقدر تروح .....و العهده على الراوى ده كلام أحد أعضاء المحروقه ....قصدى اللجنه ....

لو ندهولك تانى ...يبقعى وقع المحظور و شلت يا عويس ....كام أمتحان؟ الله أعلم ......و تبقى البهيمه وقعت فى الساقيه يا عبد الهادى....وشد يادياب و أنتع باعبد الهادى ....و الله وكيلك و مع السلامه شوف مصلحتك ياسيد....

نجحت بفضل الله تخش على ال PRFESSIONAL PRACTICE EXAMINATION , ياسلام.... أقول ده ايه فاضيلك أنا.... مفيش سندوتشين حواوشى لازم أضربهم ....نط فى الصب واى و قابلنى المحطه الجايه أقولك ايه البتاع ده ...

[yassir]

الحلقه الرابعة و العشرون فى رحله البحث عن رخصه مزاوله المهنه للساده المهندسون

ألف مبروك ياسيدى نجحت فى المقابله وطلعت الأول فى الشعر و الطيران و ما شئتم ...يعنى مش الخنافس تخاف من هجمة الفانتوم .....ماشى تخش سعادتك يمين على طول على ال

PRFESSIONAL PRACTICE EXAMINATION

الجزأ الأول Ethics

الجزأ التانى Law

الأمتحان 3 ساعات و عايز لت و عجن ...

الأمتحان جزأيين...كل جزأ أربع أسئله ..... السؤال الأول من كل جزأ فى الأمتحان أجبارى و الباقى أختيارى ,و closed book , ما عدا ال

excerpts from regulation 941 i.e the definition of professional misconduct/code of ethics (section 72 and 77)

دول حيدهوملك فى الأمتحان و ممنوع القواميس .....

الأمتحان مش بس فى الموضوعيين دول ده يعتبر أمتحان للغه بتاعتك و طريقتك فى التعبير يعنى مفيش أجابه بصح أو خطأ ....لازم لت و عجن ....ولازم تجاوب فى الجزأيين مش بس واحد ...لو جاوبت كويس فى جزأ و التانى لأ مش حتنجح ....أدينا قلنا و الأرزاق على الله ....

بس لو منجحتش فى جزأ بتعيده هو بس مش الأمتحان كله ....و النبى احنا حنينين أوى...درجه النجاح من 50 فى الميه بس ....يا بلاش ....

الكتب المقترحه ...

Part (a) Ethics : Andrews &kemper , Canadian Professional Engineering Practice and Ethics , 2 nd ed .Edition 1998 , nelson Thomson Learning , ISBN :0-17-640467-8

Part(wst:: Law : D.L Marston , Law for professional Engineers, 3 rd Edition, ISBN :007552628-X

[yassir]

الحلقه الخامسه و العشرون فى رحله البحث عن رخصه مزاوله المهنه للساده المهندسون

الأحتمال الثالث ...لقوها معادله للبكالريوس الكندى (CEP ) .....و عندك 5 سنين خبره بس مش عايز امتحانات .....من حقك مقابله مع الERC ....منجحتش ...................خش على confirmatory exams ......نجحت .......خش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG

الأحتمال الرابع ...لقوها ماستر أو Ph.D ممكن تعفى من ال confirmatory exams خد بالك من ممكن مافيش قاعده أو لائحه تجبر ال arc يعفوك... لكن 99 فى الميه ده اللى بيحصل.... خش على طول على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG

شرحنا أمتحانات المعادله و ال PRFESSIONAL PRACTICE EXAMINATION قبل كده مفيش شى نضيفه جديد.

[yassir]

الحلقه السادسه و العشرون فى رحله البحث عن رخصه مزاوله المهنه للساده المهندسون

لحد كده و خلصت قصة الرخصه ...نلت شويه فى شويه أسئله و موضوعات لها علاقه بالرخصه ...

EIT-Engineer Internship Programme

بعد ما اتحددت لك أمتحانات معادله من حق المتقدم للحصول على الرخصه ان يصبح مهندس تحت التدريب زى يعنى junior Engineer فى مقاطعة أونتاريو المحروسه فيه 3000 مهندس كده منهم 800 من المهاجريين و الباقى من الأنصار ....قصدى من أهل البلد ياسيدى ....

ايه بقى البرنامج ده ....

أولا يديك كلمه الدخول للموقع بتاع peo علشان الأسئله و الأجوبه

ثانيا تشترك فى engineer mentor على النت علشان تشوف النشره بتاعة ال peo....

ثالثا ..تشوف المناقشات مع باقى المهندسين اللى مقدمين و ال p.eng.

رابعا تشوف على النت أمثله للواضيع القانونيه تنفعك فى امتحان القسم .

والموضوع ياسيدى بيكلفك حوالى54 دولار فى السنه ....يا بلاش قيمه 13 سندوتش فلافل من عند عيد ....

[yassir]

الحلقه السابعه و العشرون فى رحله البحث عن رخصه مزاوله المهنه للساده المهندسون

مقارنه بين مرتبات المهندسين النقابيين و الفنيين المعتمدين السنويه فى أونتاريو بالدولار الكندى حسب سنه تخرجهم أعتمادا على بيانات The Ontario Association of Certified Engineering Technicians and Technologists.

سنة التخرج مرتب المهندس مرتب الفنى

2002 49159 44614

2001 50893 50101

2000 55259 53273

1999 57932 62937

1998 62730 51102

1997 66587 45627

1996 69365 58759

1995 72793 52946

1994 75474 68117

1993 78862 58859

1992 80348 62326

1991 82714 59857

1990 83514 65303

1989 87864 76841

1988 87893 58665

1987 89407 61047

1986 90536 64395

1985 90497 61427

1984 88902 71774

1983 91570 74536

1982 93036 69655

1981 93910 73254

1980 91855 68537

1979 94920 64128

1978 94619 65565

1977 91276 80244

1976 93917 70540

1975 94746 61050

1974 94647 72014

1973 95024 66686

1972 94626 63056

1971 95708 66828

1970 94891 61475

[yassir]

الحلقه الثامنه و العشرون فى رحله البحث عن رخصه مزاوله المهنه للساده المهندسون

مجموعه من الهيئات التى تساعد فى امتحانات ال PROFESSIONAL PRACTICE EXAM

www.ospe.on.ca

WWW.ADVANCEPRO.COM

WWW.CANADIANTELECOM.COM

WWW.DELTASEMINARS.COM

WWW.EPIC-EDU.COM

WWW.NJEANIUS.COM

[ahmed_saleh]

الحلقه الثامنه و العشرون فى رحله البحث عن رخصه مزاوله المهنه للساده المهندسون

مجموعه من الهيئات التى تساعد فى امتحانات ال PROFESSIONAL PRACTICE EXAM

www.ospe.on.ca

WWW.ADVANCEPRO.COM

WWW.CANADIANTELECOM.COM

WWW.DELTASEMINARS.COM

WWW.EPIC-EDU.COM

WWW.NJEANIUS.COM

ما اقدرش اقول غير حاجة واحدة

الله يجعله في ميزان حسناتك

انا متابع الموضوع بكل شغت قصدي شغف :aslam:

[البوريني]

بارك الله في حسناتك يا زميلنا

بشمهندس ياسر

اخوك المهندس ياسر البوريني

[yassir]

الحلقه الثامنه و العشرون فى رحله البحث عن رخصه مزاوله المهنه للساده المهندسون

مجموعه من الهيئات التى تساعد فى امتحانات ال PROFESSIONAL PRACTICE EXAM

www.ospe.on.ca

WWW.ADVANCEPRO.COM

WWW.CANADIANTELECOM.COM

WWW.DELTASEMINARS.COM

WWW.EPIC-EDU.COM

WWW.NJEANIUS.COM

ما اقدرش اقول غير حاجة واحدة

الله يجعله في ميزان حسناتك

انا متابع الموضوع بكل شغت قصدي شغف wst::

تسلم ياأبو حميد , الحصاله فاضيه و أملى بس فى شويه دعوات منكم ...يمكن ....يغفر ...

[yassir]

بارك الله في حسناتك يا زميلنا

بشمهندس ياسر

اخوك المهندس ياسر البوريني

تسلم أخى العزيز أبو اليسر ....أنا مكنتش ناسى سؤالك ...أنا بس حبيت أجمع كله فى موضوع واحد علشان أكسب دعوات الجميع ...ربنا يوفقك و تيجى قريب انشاء الله ....

[mmdd]

السلام عليكم يانقيب المهندسين انشاءالله والسلام علي جميع من في المنتدى

اشكر حضرتك على ردك المشجع

والله ياباشمهندس انا اتصلت بجميع الجهات ومن ضمنها الجمعية الكندية للمعادلة وكلمت متخصص فقالي انا بس مش حتعب لا انت حتتكبد فوق 30,000 دولار خلال السنتين مصاريف معادلة ومصاريف الكورسات واللاذي منه .

فقال لي على اقتراح وعايز اخد رايكم فيه

قال ان فيه في كندا وظيفة اقل من المحامي بشوية اسمها paralegal ودي اسهلك انك تعملها معادلتها ومش حتذاكر بنفس الكم وكده كده انت انضمامك لنقابة المحامين او الامساعدين مش حبحصل الا بعد ماتشرف كندا فانت ممكن تاهل نفسك على مساعد محامي وبعد ماتعادل وتمتحن وتشتغل شوية حتكون تحت كنف تخصصك برده ومابعدش وممكن وانت شغال هنك تدرس وطبعا حتكون المصاريف اقل لانك حتعتبر كندي مش اجنبي وكده فانتوا ايه رايكوا؟

انا كده كده باذن الله سالت وحاخد كورس توفل وحامتحنه وانشاء الله خير ليا وللجميع

[yassir]

السلام عليكم يانقيب المهندسين انشاءالله والسلام علي جميع من في المنتدى

اشكر حضرتك على ردك المشجع

والله ياباشمهندس انا اتصلت بجميع الجهات ومن ضمنها الجمعية الكندية للمعادلة وكلمت متخصص فقالي انا بس مش حتعب لا انت حتتكبد فوق 30,000 دولار خلال السنتين مصاريف معادلة ومصاريف الكورسات واللاذي منه .

فقال لي على اقتراح وعايز اخد رايكم فيه

قال ان فيه في كندا وظيفة اقل من المحامي بشوية اسمها paralegal ودي اسهلك انك تعملها معادلتها ومش حتذاكر بنفس الكم وكده كده انت انضمامك لنقابة المحامين او الامساعدين مش حبحصل الا بعد ماتشرف كندا فانت ممكن تاهل نفسك على مساعد محامي وبعد ماتعادل وتمتحن وتشتغل شوية حتكون تحت كنف تخصصك برده ومابعدش وممكن وانت شغال هنك تدرس وطبعا حتكون المصاريف اقل لانك حتعتبر كندي مش اجنبي وكده فانتوا ايه رايكوا؟

انا كده كده باذن الله سالت وحاخد كورس توفل وحامتحنه وانشاء الله خير ليا وللجميع

الأخ محامى الجاليه و سند المسلمين فى كندا انشاء الله ..... أحلى تحيه

لاحار من استشار.... و يظهر ان ربنا كارمك بصحبه خير ...بينصحوك بالخير .... رأى له احترامه ...بس الشغلانه دى شغلانه محتاجه skill تانيه غير كورسات اللى حتاخدها ....لو شفت فى معظم الcolleges هنا شهاده ال paralegal أو legal assistant حتلاقى انهم بيشترطوا علشان تدرسها أنك

You must have completed Microsoft Word I and II and College English. You must also have excellent computer and keyboarding skills.

حتى لو دخلت على مواقع ال colleges حتلاقى معظمها بتقول كده , بس الى أعرفه ان متوسط دخل الوظيفه دى من 12 الى 14 دولار فى الساعه و ده مع أسره حيكون دخل بالكاد يعيشك ,فهل حتقدر تشتغل و تذاكر فى نفس الوقت علشان تكمل سكة المحاماه ,ده يرجعلك و أنت عارف بتفرق من أسره لأسره ....

لكن طبعا دراسه الوظيفه دى بالنسبه لك أسهل ...أنا لما شفت كورساتها فى جورج براون هنا لقيتها طبعا أرخص بكتير ... يعنى بتتكلم فى 2500 دولار فى السبع كورسات .... بس ماشفتهاش فى كليه ........و ربنا يوفقك ...

Compulsory Courses (Five)

* SSCI 9009 Fundamentals of Canadian Law

* ENGL 9032 Grammar and Punctuation I

* COMM 1017 Professional Communications

* OP 9010 Legal Procedures – Litigation

* SHM 9001 Legal Transcription

Elective Courses (Choose Two)

* OP 9013 Legal Procedures – Real Estate

* LAW 9034 Family Law Procedures

* LAW 9033 Business Law Procedures

[salamatarek]

فينك يا ياسر؟؟؟؟؟؟؟؟؟؟؟؟؟؟

[blbl]

بالنسبة للمهندس اللي جي جديد فية اوبشن كويس. انك تقدم علي Master of Engineering (Non-thesis

وده ماستر بدون رسالة يعني كورسات بس. ده ممكن ياخذ 9 شهور. تاخذ تقريبا 10 كورسات وممكن تختار كورسين من العشرة من كورسات البكالريوس او سنة ثالثة. الماستر ده فرصة الشغل بتعتة حلوة وبيسهلك PE. مشكلتة انة مكلف ومفيش منح. بس لو معاك فلوس هو بيسهل كتير.

[madey]

الاخ ياسر

والله العظيم انت مهندس جدع جدا

جعله الله فى ميزان حسناتك يا رب

موضوع جميل جدا وشرح ممتاز

انا مهندس طرق ومطارات خبره 6 سنين فى مصر

هل من فرص للطرق والمطارات الكنديه ؟

وايه اخبار تعديلات الهجره الجديده وال NOC الجديده وكدا ؟

[salamatarek]

ممكن اللى مش معاه فلوس للدراسة برضه ياخد قرض بدون فوائد من الموقع التالى (وهو برنامج حكومى لمساعدة الدارسين)

http://osap.gov.on.ca/

شفت الناس فاكراك بالخير اهوه يا ياسر , ابقى افتكرنا بموضوعين ولا حاجه

[hosiny]

تسلم ايديك ياسر باشا

وياريت لو عندك معلومات زيادة بخصوص الرخصة في كالجري