الاهلي والزمالك

[النيل حبيبي]

الاهلي

الزمالك

اسيك

دينامو زيمبابوي

[se_ Elsyed]

قشطة

نتمناها قمم نارية من أجل الكرة المصرية

وتظل مباريات القمة خارج اي توقعات .. حتى لو الفريق المنافس نزل على كراسي متحركة ..

ويارب الاهلي والزمالك يحتلوا قمة مجموعتهم .. وخليها تولع اكتر .

واتوقع ذلك بإذن الله لإن افريقان لديهما خبرة افريقية ويعرفان من أين يؤكل الكتف .. وتعاملهما مع فرق أفريقيا السمراء بيكون افضل من التعامل مع دول شمال أفريقيا ...

احجز على نوفمبر من دلوقت يا موديس ؟ ... انا لسه عند وعدي قدام الحشد الجماهيري المحاوراتي ... تذاكر الطيران عليه وتذاكر الماتش عليك ... ولو الاهل اخد الكاس هاخليك ترجع جده مشياً على الأقدام ...

ولو الزمالك اخد الكاس .. يبقى هاروح أقعد جنب مامي وأرمي راسي على صدرها وأعيط ومش راجع السعودية تاني وأبقى إرجع إنت وإعتذر لهم نيابة عني وقول لهم عندي ظروف كروية ...

؟ - على فكرة دائماً النهائية كل عام بيكون متزامن مع عيد ميلاد الزعيم س س -

[se_ Elsyed]

أنا فرخان .. فرخان فرخان

مش قادر أداري فرختي ... كده بإذن الله ضمننا 6 نقاط .. وأهو إحنا أولى من الغريب

[النيل حبيبي]

ممدوح بيه عباس فرخان اكتر منك ياسى السيد

ضمن الزمالك واسيك في النهائي

[الطيار المصرى]

يا عيني علي القرعة انا كنت متوقعها الا حد ما....

الا اني كنت منتظر الهلال بدلا من اسيك

عشان نزيح من اللي علي قلبنا مرة واحدة....

و نحن ان شاء الله في انتظار الزعيم سين سين و الجنرال موديست في القاهرة خلال نوفمبر القادم....

(اقتراح للمشير سين سين من اركان حربه:ايه رأي معاليك تيجي تتفرج عندي في البيت انت و الجنرال موديست تبقي شرفتني و نورتني واهو توفر تمن تذاكر الاستاد و نبعت لأبو احمد يركب اول توربيني من اسكندرية و يحصلنا علي هنا انظر في الاقتراح و قوللي رأيك)...

و الحمد لله علي الست النقط رايح جاي....مع الاعتذار للسيد ممدوح بيه عباس...

تحياتي...

الطيار المصري

[se_ Elsyed]

شكراً للابن الطيار على العزومه

لكن تفتكر انا والكابتن بوديس نشد الرحال ونضرب اكباد الابل لعدة شهور الى المحروسة عشان في الاخر نتفرج في البيت

طب ما تيجي معانا في الاستاد ؟

ده موديس هاييجي يتفرج معانا في النص الحلو ( ناحية الاهلي يعني ) وهاتبقى ليله

موديس

هو فين صحيح ؟

ده مصر كلها مقلوبة والناس عمالة تجري في الشوارع وده اختفى

[الطيار المصرى]

ان شاء الله معاكم.....

و تبقي فرصة جميلة ان شاء الله نلتقي فيها.....و هتبقي ليلة زي الفل ان شاء الله...

بس السؤال ديلوقتي....هل جدول مواعيد المباريات نزل و لا لسة؟؟؟

تحياتي...

الطيار المصري

[النيل حبيبي]

الاهلي والزمالك18/7

اسيك والاهلي 3/8

الاهلي ديناموز 18/8

[Modest]

موديس

هو فين صحيح ؟

ده مصر كلها مقلوبة والناس عمالة تجري في الشوارع وده اختفى

يعني خلاص يا عم انت و هو؟ اخدتوا الـ 6 نقط و وصلتوا النهائي و أخدتوا الكاس كمان .. طيب أدخل أقول ايه بقى؟ .. أقول مبروك يعني و لا أقول سعيكم مشكور؟ :bro:

عموماً تواضعاً مني أتوقع خروج الأهلي من دور التمانية :aslam:

[Modest]

ان شاء الله معاكم.....

و تبقي فرصة جميلة ان شاء الله نلتقي فيها.....و هتبقي ليلة زي الفل ان شاء الله...

بس السؤال ديلوقتي....هل جدول مواعيد المباريات نزل و لا لسة؟؟؟

تحياتي...

الطيار المصري

ده شرف لينا يا طيار :bro:

بس على الله سين سين ما يحمرقش بعد ما الأهلي يصيف من دور التمانية و يقول لي لأ يا عم مفيش تذاكر طيران و يحجز لي برّي :aslam:

اتفضل جدول المواعيد لفرق المجموعة كلها علشان "النيل حبيبنا كلنا :waf: " ذكر مواعيد مباريات الأهلي بس كأن مفيش غيرُه في البطولة .. كان بالمرة يكتب لنا نتائج المباريات كام كام لصالح الأهلي :cry:

الجولة الأولى : الأهلي - الزمالك ، ديناموز - اسيك أبيدجان (18 أو 19 أو 20 يوليو )

الجولة الثانية : اسيك أبيدجان - الأهلي ، الزمالك - ديناموز (1 أو 2 أو 3 أغسطس )

الجولة الثالثة : الأهلي - ديناموز ، اسيك أبيدجان - الزمالك ( 15 أو 16 أو 17 أغسطس )

الجولة الرابعة : ديناموز - الأهلي ، الزمالك - اسيك أبيدجان ( 29 أو 30 أو 30 أغسطس )

الجولة الخامسة : الزمالك - الأهلي ، اسيك أبيدجان - ديناموز ( 12 أو 13 أو 14 سبتمبر )

الجولة السادسة : الأهلي - اسيك أبيدجان ، ديناموز - الزمالك (19 أو 20 أو 21 سبتمبر )