كل شئ عن كيبك

[gadolly]

انا بس لية كام اضافة

اولا بالنسبة للسكن, ما شاء الله احنا دلوقتي نعرف بعض من فترة و كمان في ثقة , او علي الاقل ممكن نوصل لبعض في مصر عن طريق الاهل, فيها ايه اللي جاي جديد بدال ما يدبس في فندق كدة, كتير اوي 1700 في 10 ايام يخلي اي حد من اللي في كيبك يشوف له شقة, احنا عملناها كتير هنا, و كمان في شقق مفروشة بالشهر تقريبا 900 او 1000 دولار, انا بتكلم علي كيبك سيتي و هي في مناطق كويسة, كدة يبقي وفر كتير.

انا مع وجدي في موضوع التامين و ان كان اعتقد مكن يستعمل الكارت سولي في اول 3 شهور مع انه مش موجود و يسترد الفلوس بعد كدة

مكان السكن في كيبك ستي كله مستوي واحد-العاصمة بقي يا باشا- بس بيختلف من البعد و القرب من جامعة لافال اللي تقريبا اهم حاجة في المدينة

اللي عايزين ييجوا كيبك ستي علي طول بياخدوا اتوبيس اورليان اكسبري من امام المطار و بينزلوا في كيبك ستي و سهل اوي اي حد يوصلهم بعد كدة

[مروان كريم]

السلام عليكم اخوكم مروان من مصر .. باحييى الموضوع ده جدا يا جماعة لانه ماحدش بيطرحه كتير فى المنتدى .. وليا استفسار بسيط ,, المدة من اخد رقم الملف لغاية السفر لكيبك اد ايه ؟؟

سلاااام كبير لعمنا اينشتين وان شاء الله نتقابل فى موريال يا باشا :happy:

[gadolly]

ثلاث سنوات و نصف حسب اخر الاحصائيات و الوقت لاخوانا في المنتدي

[eritrea]

لو سمحتم انا مقدم على كيبك و لسة ما استلمتش رقم الفايل كنت قلقان شوية بخصوص الفرنساوى لانى لسة يدوب فى المستوى الثانى و مقدم من شهر 6 اللفات عايز نصيحة بخصوص الفرنساوى لو سمحتم و خصوصا من gadolly

[gadolly]

لو سمحتم انا مقدم على كيبك و لسة ما استلمتش رقم الفايل كنت قلقان شوية بخصوص الفرنساوى لانى لسة يدوب فى المستوى الثانى و مقدم من شهر 6 اللفات عايز نصيحة بخصوص الفرنساوى لو سمحتم و خصوصا من gadolly

لو انت في القاهرة او الاسكندرية يبقي احسن حاجة المركز الفرنسي

بص يا باشا المستوي الاول و الثاني و الثالث و الرابع ممكن تاخدهم مكثف , بس من اول الخامس خذ الكورس العادي, يعني المستوي في شهرين.

كمان الكورس لوحده مش كفاية, عليك بالمكتبة و تجيب قصص الاطفال و توعد تقرأ فيها, في كمان قصص و معاها الكاسيت بتاعها, و لو عندك التي في 5 اتفرج عليها مع اني كنتش بفهم منها حاجة, و لعلمك لحد دلوقتي مش بفهم بارده متقلقش يعني لو مفهمتش

كمان في الجمهورية بالفرنساوي بتنزل كل اثنين دي مهمة جدا جدا, لازم تقاوح فيها و تيجي علي نفسك

من اكتر الحاجات تعلمك اللغة تدخل علي منتديات بالفرنساوي و احسن حاجة

http://www.forum.immigrer.com/index.php?showforum=17

لان المنتدي ده خاص بالهجرة لكيبك, و طبعا من كتر ما انت عايز تعرف المعلومات اللي في عشان انت عايز تهاجر حتفضل تحاول في اللغة لحد متفهم و دي حاجة كويسة, و كمان كلام المنتدي هو كلام الفرنساوي المستعمل في الحياة فحتتعلم تركيب الجمل و المحادثات و كمان في قصص كتير عن الانترفيو و عن كيبيك.

يا ريت باردو مني عبدون تبص عليه قبل الانترفيو

سيبك من اي كورسات اون لاين, انا جربت كتير مش جايبة همها

[مسافرة]

مجانية التعليم واحدة لكل كندا و لكن للمدارس الانجليزية في المقاطعات الانجليزية, و للمدارس الفرنسية في المقاطعات الفرنسية

السلام عليكم و رحمة الله

الاخ gadolly

المعلومة اللى اقتبستها من مداخلتك دى ازعجتنى بشدة..انا اولادى تعليمهم فرنسى و انا ناوية ان شاء الله هجرة على Ontario .. مع ان اخويا فى Quebec بس هو مش مبسوط فيها..و انا بحثت كتير على موقع وزارة التعليم فى اونتاريو و عرفت ان عندهم 397 مدرسة فرنسية فى كل انحاء المقاطعة..هل كل المدارس دى مش من حقى مجانية التعليم فيها لاولادى ؟؟؟؟ ارجو التاكيد على المعلومة و آسفة للتتقيل عليك..

[gadolly]

the best thing to be sure is to send an email to any school of the french ones in Ontario

For me I am sure that here in Quebec the fees for the english schools can reach 3000 dollars / year because we are in french province, but for the french school it is free

For Ontario, also I am sure that the english schools are free, for the french school you have to ask them to be sure, may be because quebec wants to spread french it gives aids to french schools so it is free, I know also that Ottawa is bilangual so there is french there, but you have to know that although Montreal is bilangual but the english school also are very expensive because Montreal is in quebec

[gadolly]

السلام عليكم

انا حاسس يا جماعة ان احنا مقصرين اوي مع الناس اللي لسة متعرفش حاجة و عايزة تقدم هجرة كيبك

انا لسه جايلي رسالة علي الخاص واحد بيحسب ان التقديم لكيبك من فرع السفارة في القاهرة

احنا من كتر ما اتلهينا في امورنا و احنا كلنا قدمنا من زمان فكانت اسئلتنا خاصة بينا علي خطوات متأخرة شوية

عامة انا ححاول ابدأ

تحضير الملف:

1-الدخول علي موقع كيبك في دمشق

http://www.immigration-quebec.gouv.qc.ca/e...kers/index.html

حتلاقي هنا لينك عشان تعمل تقييم لنفسك و تشوف فرصتك في الهجرة

2-الفلوس المطلوبة

http://www.immigration-quebec.gouv.qc.ca/e...ting/index.html

و دة المبلغ المطلوب عشان ابليكيشن كيبك

http://www.immigration-quebec.gouv.qc.ca/e...es-payment.html

3-تروح البنك الاهلي و تجيب شيك بالمبلغ المطلوبو ده اللي انا عارفه ممكن يكون في حاجة تانية يا ريت لو حد يعرف يقول, عشان انا دفعت من كندا بشيك بنكي فمعرفش ازاي الدفع من مصر

4-قبل ما تدفع الشيك في ورق بياخد وقت كتير, اكتر حاجة بتاخد وقت هي شهادة التقديرات بتاعة الكلية, دي لازم تقدم عليها انت و الزوجة من الكلية اللي انتم اتخرجتم منها, و لو معاكم ماستر او دكتوراة و كان في تمهيدي فتجيبوا الدرجات دي كمان, الشهادة دي بتطلع بالنجليزي و لو طلعت بالعربي يبقي تترجم عند اي مكتب ترجمة معتمد. مش لازم الخارجية بالنسبة لكيبك و مش لازم التوثيق بارده بالنسبة لكيبك.

5-في حاجةتانية ممكن تكون مطلوبة بس مش ضروري و هي شهادة الثانوية العامة و دي يا بتطلع من الادارة التعليمية مترجمة, يا تترجم الشهادة بتاعتك عند اي مكتب ترجمة باردو, انا عن نفسي مقدمتش الشهادة دي

6-الاوراق المطلوبة و دي كلها لازم تترجم باردو عند اي مكتب و مش لازم توثيق:

كل شهادات الميلاد

كل الشهادات الدراسية

قسيمة الزواج

شهادات الخبرة من العمل و لو امكن الوصف التفصيلي للعمل و المرتب و لازم تاريخ الالتحاق و تريخ ترك العمل

شهادات اللغة و لو متقن اللغة ممكن تكتب ورقة تثبت كدة, يعني لو كنت درست برة او اخذت رصات برة اكتب ورقة و تقول فيها مثلا انا كنت في فرنسا و اخذت القرصات دي باللغة الفرنسية او ادربت هناك و دة يثبت اني بتحدث الفرنسية

اي شهادات تقدير او قرصات في العمل بتكون نقطة لصالحك

صورة الباسبورات و لو معندكش باسبور انا معرفش تعمل ايه ممكن حد تاني يقولنا

حساب بنكي, يعني شهادة من البنك فيها تقريبا 5000 دولار او اقل حسب عدد افراد الاسرة, حتلاقي المبلغ علي السيت اللي فوق

لو يا جماعة انا ناسي حاجة ياريت الاخوة يفكروني

7-تنزل الابليكيشن يا باشا و تطبعه و تقعد تتفرج عليه شوية كدة و تقرأ كل خانة في براحة و بهدوء

8-اهم نقط عايز اقولها انك كل خانة مش حتكتب فيها حاجة لازم تملاها ب N/A

9-مستوي اللغة اوعي تحط نفسك اكتر من 2 مستوي اعلي من مستواك الفعلي

10-لازم الابليكيشن يتمضي منك و من الزوجة, لو متجوز حيكون في 2 ابليكيشن

11-لازم تتصور انت و كل افراد الاسة و تبعت 4 صور لكل واحد, انا كان مطلوب لما قدمت 4 صور بس لما اضفت بنتي رجعولي اتنين

12-كيبك غير الفيدرال, هم مش بيبصوا علي الملف الا لما ييجي دوره و اي اضافة في الفترة دي اللي هي تقريبا سنتين من التقديم لحد الانترفيو ممكن تضيف اي حاجة علي الملف و مش بيتعطل, يعني لو الفرنساوي بتاعك مستوي تعبان قدم الملف و ابديته كل ما تخلص مستوي في الفرنساوي, او لو الخبرة سنة واحدة بعد سنتين قدم شهادة خبرة تانية بال 3 سنين, و دي ميزة كبيرة في كيبك و هم بيحسبوا النقط لما يفتحوا الملف فتكون علي اخر وضع ليك

13-اوعي اوعي اوعي تكذب في اي حاجة, و اوعي تحط معلومة مستحيل تثبتها, يعني مثلا كنت اخذت سنة خبرة في شركة و الشركة قفلت و مش قادرتجيب حاجة تثبت انك كنت معاهم بلاش تقدم المعلومة دي عشان ممكن يقولولك جيب شهادة الخبرة و مش حتعرف تجيبها

المرة اللي جاية ان شاء الله نجيب الابليكيشن و نملاه واحدة واحدة مع بعض

انا علي فكرة بعمل كدة بعد ما استفزني مكتب هجرة علي المنتدي الناس اشتكوا منه و بياخد 40 الف جنية, فقلت اعمل زية و اساعد الناس تقدم و اقبض بارده, بس انا اسعاري اغلي منه, انا بالله عليكم عايز اي واحد استفاد او حس اني ساعدته يصلي ركعتين قضاء حاجة عشان هجرتي تخلص و انجح في الامتحان اللي جاي و مش عايز اكتر من كده,

اخوكم مستشار الهجرة جادوللي اللي محتاس في كيبك

[kaza]

ماهي متطلبات و شروط الهجرة الى كيبك و ما الفرق بينها و بين الهجرة العادية ؟؟

[gadolly]

بالنسبة لتحسن اللغة انا جايب موقع راديو و تلفزيون راديو كندا

يمكن التلفزيون محتاج سرعة عالية بس الراديو حيشتغل مع اي سرعة, فممكن اللي بيستعمل الكمبيوتر كتير يجيب سماعة و يسمع الراديو و هو شغال حتي لو كان في الشغل

انا من تجربتي هنا في كيبك اتعلمت حاجة مهمة, انك مش لازم تفهم اللغة علي قد ما تتأقلم معاها, يعني المهم انك متحسش انها لغة غريبة عنك و متتخضش منها و بعدين انا كنت حاضر سيمينار مرة و اخر الابحاث اثبتت ان الكلام بيحمل 7% فقط من المعلومات و الباقي من النظر و التوقع و الاحساس, يعني المهم انك تلقط علي قد ما تقدر من الكلام و ممكن تتوقع الباقي

الراديو

http://www.radio-canada.ca/radio/indexPC.html

التلفزيون

http://www.radio-canada.ca/rdi

مش لاقي ولا دعوة حلوة لحد دلوقتي,يمكن الناس محوشة الدعوات عشان رمضان :lol:

[eritrea]

شكرا يا اخ gadolly على الخدمات و انا مقتنع تماما ان تحسين اللغة ياتى بالمجهود الذاتى من قراءة و إستماع و خصوصا الإستماع و حفظ الكلامات و انا إنشاء الله حعمل كدة لانى خلصت مستويين فى المركز الثقافى هنا فى مصر ووقفت لظروف سفرى

[drhaithem]

لو سمحت انا طالب طب هتخرج انا شاء الله فى خلال شهور وعاوز اسافر الى كيببك اخبار المعادله الكنديه ايه؟؟ والرصيد اللى فى البنك اللى عوزينه قد ايه بالضبط ؟؟؟ واخبار الاطباء ايه هناك من حيث السكن والرواتب؟

وجزك الله خيرا

تم تعديل 2 أغسطس 2008 بواسطة drhaithem

[kaza]

هرجع اعيد السؤال ايه هي شروط الهجرة الى كيبك و مالفرق بينها وبين الفدرالي ومحدش يقولي ارجع للصفحات اللي قبل لان مالقتش فيها الشروط كله كلام عن كيبك و اللي قدم وخلص واللي عارف وبيتناقش في حاجة تانية

و اللي محتاج دعوة يارب يوفقك و يرزقك كل اللي انت نفسك فيه ويرزقك الذرية الصالحة ان شاء الله و يغفرلك <<اجمعين>> عشان محدش يزعل ( امين )اللهم ارحمني بالقرآن و اجعله لي إماما و نورا و هدى و رحمة

اللهم ذكرني منه ما نسيت و علمني منه ما جهلت و ارزقني تلاوته آناء الليل و أطراف النهار و اجعله لي حجة يارب العالمين

اللهم اصلح لي ديني الذي هو عصمة أمري و أصلح لي دنياي التي فيها معاشي و أصلح لي آخرتي التي فيها معادي و اجعل الحياة زيادة لي في كل خير و اجعل الموت راحة لي من كل شر

اللهم اجعل خير عمري آخره و خير عملي خواتمه و خير أيامي يوم ألقاك فيه

اللهم إني أسألك عيشة هنية و ميتة سوية و مردا غير مخزي و لا فاضح

اللهم إني أسألك خير المسألة و خير الدعاء و خير النجاح و خير العلم و خير العمل و خير الثواب و خير الحياة و خير الممات و ثبتني و ثقل موازيني و حقق إيماني و ارفع درجتي و تقبل صلاتي و اغفر خطيئاتي و أسألك العلا من الجنة

اللهم إني أسألك موجبات رحمتك و عزائم مغفرتك و السلامة من كل إثم و الغنيمة من كل بر و الفوز بالجنة و النجاة من النار

اللهم أحسن عاقبتنا في الأمور كلها و أجرنا من خزي الدنيا و عذاب الآخرة

اللهم اقسم لنا من خشيتك ما تحول به بيننا و بين معصيتك و من طاعتك ما تبلغنا بها جنتك و من اليقين ما تهون به علينا مصائب الدنيا و متعنا بأسماعنا و أبصارنا و قوتنا ما أحييتنا و اجعله الوارث منا و اجعل ثأرنا على من ظلمنا و انصرنا على من عادانا و لا تجعل مصيبتنا في ديننا و لا تجعل الدنيا أكبر همنا و لا مبلغ علمنا و لا تسلط علينا من لا يرحمنا

اللهم لا تدع لنا ذنبا إلا غفرته و لا هما إلا فرجته و لا دينا إلا قضيته و لا حاجة من حوائج الدنيا و الآخرة إلا قضيتها يا أرحم الراحمين

ربنا آتنا في الدنيا حسنة و في الآخرة حسنة و قنا عذاب النار و صلى الله على نبينا محمد و على آله و أصحابه الأخيار و سلم تسليما كثيرا

تم تعديل 4 أغسطس 2008 بواسطة kaza

[gadolly]

زي ما قلت قبل كدة انا حاسس انا مقصرين مع الناس الجديدة

انا كتبت قبل كدة عن طريقة التقديم, و دلوقتي عشان خاطر kaza متزعلش نتكلم عن الشروط المطلوبة

اولا الوظائف المطلوبة و هي كانت اخر تحديث لها 10/2006

http://www.immigration-quebec.gouv.qc.ca/p...st-training.pdf

ثانيا اللغة

الفرنساوي بيكون عليه الحمل الاكبر, الفرنساوي 16 نقطة و الانجليزي 8 نقط, مش محتاجين امتحانات تحديد مستوي بس لو امتحنت بتبقي اثبات كويس او تاخد اي كورسات

ثالثا الاولاد:من الاخر العيل بنقطتين بحد اقصي 4

رابعا الزواج:لو في عيال تبقي متجوز و دة بيديك نقط اكثر

خامسا السن:اكثر درجات السن لحد 35 و بعد كدة النقط بتقل

سادسا المعيشة في كيبك: لو عشت فيها فترة بتاخد نقط زيادة

سابعا التاقلم:دول 9 نقط في ايد الموظف علي حسب الانترفيو

ثامنا الخبرة : من 6 اشهر خبرة ينفع تقدم و اكثر اسكور لو وصلت 4 سنين خبرة

يعني لو اجمالي لو معاك شهادة جامعية و تقريبا كل التخصصات مطلوبة و لو بتعرف فرنساوي و ده مش شرط لو كنت جامد في بقية النقط تقدر تقدم

[gadolly]

الفرق بين الفيدرال و كيبيك

اولا الكل لازم يقدم فيدرال, يعني انت بعد ما تقدم كيبك و تتقبل ان شاء الله لازم بعد كدة تقدم فايل للفيدرال.

بس لما تقدم فيدرال متستناش كتير عشان كيبك لها معاملة خاصة, و كمان مفيش اي تقييم, يعني انت بتقدم عشان الكشف الطبي و الجنائي بس.

الفرق بين شروط القبول

الفيدرال لازم تمتحن انجليزي و فرنساوي او احد اللغتين بس كيبيك ممكن تثبت اللغة باي طريقة

انت في الفيدرال بتختار اللغة الاساسية و الثانية و بيحاسبك علي الاساسي ب 16 نقطة و اللغة الثانية ب 8 بس في كيبك اللغة الاساسية هي الفرنساوي غصب عنك

الاولاد في كيبك بيدوك درجات الفيدرال لا

كيبك في درجات في يد الممتحن, 9 درجات اسمهم تاقلم ممكن يدهملك في الانترفيو و يعديك

الضمان المادي تقريبا 5000 للاسرة في كيبك بس الفيدرال 20000

طبعا في مصاريف زيادة في الملف بتاع كيبك بس مش كتير, يعني الاسرة تقريبا 800 دولار, بس علي فكرة لو هاجرت فيدرال و عايز تعيش في كيبك في اي وقت حتدفعهم باردو

من الكلام تقريبا الاثنين متشابهين ما عدا في موضوع اللغة و الضمان المادي, و كمان تقريبا كيبك بتقبل تخصصات اكتر من الفيدرال

اظن كدة يا kaza مفيش زعل احنا غطينا معظم النقط و لو في اي سؤال احنا في الخدمة

[kaza]

انا والله مش زعلان انا بس بحب اغلس و بجد شكرا على المجهود اللي عملته بس عندي سؤال حضرتك قلت مش ضروري امتحان لغة اومال همه يعرفوا ازاي؟ اوعى تقولي هتكلم معاهم فرنساوي؟؟ انا ممكن امتحن ال Tef و اجيب الشهادة بس متكلمش مع حد لاني هتأتأ

[Lunalola]

صباح الخير :

انا حطلب منك خدمة سيدى جودللى

لو واحد عاوز يهاجر كيبك بعد الموافقة خلاص - ازى يبدا حياته هو واسرته و اللغة الفرنساوى عنده ضعيفة تفتكر يعمل ايه ويبدا الزى ويعيش هناك الزى بس هنا تبدا الافادة ازى الناس تبدا حتى ان تصل الى الاستقرار فى كيبك مع ذكر برامج الحكومة الفعلية للمساعدة ( سوء مادية - تعليمية - رياضية - اجتماعية)

وشكرا جزيلا للمساعدة ارجو الايضاح مع ذكر مقارنة مع مختلف المدن فى كيبك

[gadolly]

kaza

اللغة بتكتبها في الابليكيشن و هم بعتبروك صادق الي ان يثبت العكس

بس كيبك المهم فيها الفهم و التحدث, يعني مش بيحاسبوك علي القراءة و الكتابة و بعدين مش مشكلة تتهته انا بقالي سنتين في كيبيك و لحد دلوقتي بتهته و مش بفهم الكلام, خد بالك الفرنساوي لهجاته كتيرة اوي عشان كدة مش بيدقوا اوي. ملحوظة كمان الناس بيجوا فرنسا بيعدوا وقت كتير لحد ما يفهموا اللهجة هنا

لونا لولا

متقلقيش المهاجرين الحكومة بتساعدهم لحد ما يقفوا علي رجليهم, يعني بيدوكي مثلا منح فرنساوي هي طبعا مش كتيرة بس بتكفي اكل و شرب و سكن, بيدوك منح للماستر او الدكتوراه, و بعدين التعليم للاولاد و العلاج تقريبا مجانا, سوق المستعمل هنا حلو جدا و ده ممكن ينفع في البداية, ممكن العفش و الاجهزة تتجاب رخيصة اوي او حتي ببلاش و كمان اللعب, الهدوم كمان بس انا ما احبذ الهدوم عن نفسي عشان بتقرف

علي فكرة ممكن تشتغل اي حاجة لحد ما تلاقي وظيفة محترمة اللي غالبا مش حتلاقيها الا بعد ما تدرس و تاخد شهادة من عندهم

[galaxy]

اولا شكرا جزيلا لكل من ساهم في الموضوع الرائع سواء بتقديم العون زي الاستاذ جادولي او بتقديم الاستفسارات للتوضيح من بقيه الاعضاء.

لي كذا سؤال ويا ريت معلش تتحملوا بطء الفهم ....واعاده الاسئله بصيغ اخري...

انا صيدلانيه وخريجه 2004 يعني عندي حوالي اربعه سنين من الخبره او تلاته ونصف وقضيتها ما بين التكليف بجانب الصيدليات الخاصه .........الفكره اني كل فتره بعمل اجازة من التكليف واسافر مع الوالد والوالده للامارات وبالتالي فتره الخبره غير مباشره او مستمرة..........لما سألت عن نظام شهاده الخبره في مصر من الجامعه لان تكلفي بها..........وضحوا لي ان الفتره الخاصه بالخبره بتكون كامله من اول استلام التكليف بما في ذلك فترات الاجازات لاني علي قوة التكليف.....ومنه اقدر اجيب اكبر فتره خبره....

وانا في الامارات استغليت وجودي في عمل المعادله الاماراتيه هناك والحمد لله حصلت عليها واشتغلت فترة بس مش كبيره....كمان عندي خبره العمل بالامارات وهي فتره مش كبيره للاسف زي ما قلت........يبقي الافضل في شهاده الخبره بتاعه الحكومه المصريه ولا اي صيدليه خاصه عملت بها في محافظتي ولا بتاعه الامارات........مع العلم ان بتاعه الامارات هتبقي صعبه لان الفتره بسيطه وهناك مش بيدوا شهادات الا بعد تسجيل الترخيص علي قوة صيدليه معينه ودا للاسف لسه ما عملتوش لظروف السفر بس ممكن اعمله بس برضه الفتره هتكون بسيطه.........ولااجمع بين كل دول .لكن التواريخ هيكون فيها تضارب لظروف السفر المستمر مع الاهل.....يبقي اي واحده افضل؟؟؟........

كمان اي هي الشهادات اللي لازم احصل علي اوراق اثبات ليها غير الثانويه العامه و البكالريوس وبيان الدرجات؟؟؟.........وبيكون ليها تويق من الجامعه عند الحصول عليها ولا يكفي الحصول عليها وترجمتها...ويا تري المعادله بتاعه الامارات ممكن تضيف جديد او لو فيه اي دبلومه في مجالي الصيدلاني مثلا ....؟؟..........لاني في مصر الان في اجازة مع الاهل وعايزة استكمل الورق علي قد ما اقدر قبل السفر.......شكرا لمساعدتكم..تحياتي

[gadolly]

اولا شكرا جزيلا لكل من ساهم في الموضوع الرائع سواء بتقديم العون زي الاستاذ جادولي او بتقديم الاستفسارات للتوضيح من بقيه الاعضاء.

لي كذا سؤال ويا ريت معلش تتحملوا بطء الفهم ....واعاده الاسئله بصيغ اخري...

انا صيدلانيه وخريجه 2004 يعني عندي حوالي اربعه سنين من الخبره او تلاته ونصف وقضيتها ما بين التكليف بجانب الصيدليات الخاصه .........الفكره اني كل فتره بعمل اجازة من التكليف واسافر مع الوالد والوالده للامارات وبالتالي فتره الخبره غير مباشره او مستمرة..........لما سألت عن نظام شهاده الخبره في مصر من الجامعه لان تكلفي بها..........وضحوا لي ان الفتره الخاصه بالخبره بتكون كامله من اول استلام التكليف بما في ذلك فترات الاجازات لاني علي قوة التكليف.....ومنه اقدر اجيب اكبر فتره خبره....

وانا في الامارات استغليت وجودي في عمل المعادله الاماراتيه هناك والحمد لله حصلت عليها واشتغلت فترة بس مش كبيره....كمان عندي خبره العمل بالامارات وهي فتره مش كبيره للاسف زي ما قلت........يبقي الافضل في شهاده الخبره بتاعه الحكومه المصريه ولا اي صيدليه خاصه عملت بها في محافظتي ولا بتاعه الامارات........مع العلم ان بتاعه الامارات هتبقي صعبه لان الفتره بسيطه وهناك مش بيدوا شهادات الا بعد تسجيل الترخيص علي قوة صيدليه معينه ودا للاسف لسه ما عملتوش لظروف السفر بس ممكن اعمله بس برضه الفتره هتكون بسيطه.........ولااجمع بين كل دول .لكن التواريخ هيكون فيها تضارب لظروف السفر المستمر مع الاهل.....يبقي اي واحده افضل؟؟؟........

كمان اي هي الشهادات اللي لازم احصل علي اوراق اثبات ليها غير الثانويه العامه و البكالريوس وبيان الدرجات؟؟؟.........وبيكون ليها تويق من الجامعه عند الحصول عليها ولا يكفي الحصول عليها وترجمتها...ويا تري المعادله بتاعه الامارات ممكن تضيف جديد او لو فيه اي دبلومه في مجالي الصيدلاني مثلا ....؟؟..........لاني في مصر الان في اجازة مع الاهل وعايزة استكمل الورق علي قد ما اقدر قبل السفر.......شكرا لمساعدتكم..تحياتي

الافضل انك تجمعي بين كل سنين الخبرة و متخليش فراغات حتي لو كنت رايح جي علي الامارات, هم بيجمعوا كل دول عندهم و كمان بيطلبوا منك اقامتك في كل الوقت فمينفش تقوللي كنت شغالة متواصل في مصر و بعدين يكتشفوا انك روحتي الامارات, تبقي بتكذبي و دة بيعمل مشاكل

الدبلومة طبعا مفيدة و لو كان تخصصك كيمياء ده بيديكي اولوية جامدة اوي لكيبك.

اي معادلة او شهادة بتقوي موقفك ان شاء الله, مش خسرانة حاجة لو اضفتيها

انا بتكلم عن كيبك مش الفيدرال, ترجمي الشهادات عند اي مكتب ترجمة و مش مهم التوثيق

انا اعتقد انك لو حتقيمي في الامارات قدمي من مصر عشان الملفات المصرية في سوريا اسرع من الاماراتية, بس اسالي فيها استشاري هجرة ممكن الوضع اتعكس. بس بدال ملكيش اقامة في الامارات يبقي لازم تقدمي من مصر, انا باردو بتكلم عن كيبك مش الفيدرال

لو حتقدمي كيبك و تخصصك كيمياء يبقي قدمي بسرعة اوي عشا لك 12 نقطة زيادة قبل ما الوظائف المفضلة الجديدة تنزل و الكيمياء ممكن تتغير تبقي حاجة تانية