كل شئ عن كيبك

[gadolly]

phn:

bv:- gadolly

اعلم جيدا ان الله لا يضيع اجر من احسن عملا

وانت الحقيقة كافحت وسعيت واجتهدت واخدت بالاسباب متوكلا على الله فباذنه تعالى لن يخيب ظنك ابدا وان شاء الله الايام الجاية تكون افضل كثيرا من اللى فات

وتحياتى لك ولزوجتك الفاضلة على الصبر على الايام العجاف وجزاكم الله كل الخير وبارك لكم فى بناتكم

وارجوا ان تبشرنا قريبا بميعاد المقابلة

:P

فينك من زمان يا دعاء, بقالك كتير مش باينة, ان شاء الله لو جتلي الانترفيو و عديت منها حعمل توبك اسمه الفيدرال بعد كيبك عشان نلم بعضنا كلنا في مكان واحد و نستني الفيزا

اه علي فكرة في اماكن في موريال السكن ارخص كتير من كيبك سيتي, يا ريت تكون بدوري علي تسجيل في الجامعات من دلوقتي زي ما قلت لك

[gadolly]

أنا كل ماكلم السفارة حاطين انسر ماشين تسجل رسالة . و لما سالت الريسيبشن على رقم الاكستنشن على طول قالولى ممنوع احنا بنحولك.

أنا عاوزة استفسر عن حاجة . هما انا كنت بعتلهك من فترة ايميل لتغيير العنوان و بعدين كلمونى فى شهر 6 اللى فات يسالوا و يتاكدوا و قالتلى علشان الانترفيو و قالتلى تحبى يكون فين قلتلها مصر قالتى محددناش لسه معاد لمصر عندك اختيار سوريا او دبى . قلتلها خلاص خليها دبى السؤال هما فى مواعيد معينة للانترفيو ؟ يعنى من الواضح الناس جايالها الانترفيو على شهر 11 و بعدين مقدمين بعدى هل كان فىمواعيد انترفيو قبل كده خال السنة ؟ انا مقدمة فى 2005 رقم ملفى 16XXXXيعنى فى الاول و بعدين انا مهندسة و عندى خبرة و تخصصى مطلوب جدا فمش عارفة ايه الموضوع ده ؟ و محدش رد عليه على موضوع الايلتس هل الواحد هياخد عليه درجات و لا لا ؟ و غير كده عايزة اقدم لجوزى معايا و مش عارفة اقدمله دلوقتى و لا ده هيعطل الملف ؟ المحامى بيقولى مش هيعرف يخش كندا دى خالص لو انت مقدمتلوش من دلوقتى معول الكلام ده ؟اصل احنا لسه مكتوب كتابنا و مش معقول هيدم معايا الا لما نبقى نتجوز رسمى ياستاذ جادولى ممكن تفيدنى فى الموضوع ده .

انا اسف جدا علي التاخير, بس المشكلة ان الصفحة في التوبيك اتقلبت و مشفتش رسالتك

هي المشكلة انك ضيعتي عليكي انترفيو مصر, عشان مواعيد دبي غيرنا و تهيألي ممكن تلاقيها مرة واحدة في السنة

مصر لها ميعادين بس 9 الي 11 و 3 الي 4, سوريا طول السنة.

الانجليزي لو مستوي عالي بتاخدي عليه 6 نقط بالكامل, الماستر له 2 نقطة زيادة علي البكالوريوس, ممكن تراجعي النقط اللي انا كتبتها قبل كدة لو رجعتي شوية في الرسائل

طبعا و ضروري تقدمي لجوزك و النهاردة باسرع ما يمكن, دي ممكن تعمل مشكلة, متخافيش موضوعك ان شاء الله ماشي عادي, بس الزوج لو حبيتي تدخلي كندا بعد ما انت تهاجري اجراءاته غلسة شوية, و هو كمان لازم يمضي علي الابليكيشن, طبعا هو ممضاش.

المطلوب: ترجمة عقد الزواج و شهادة ميلاد الزوج و اول 4 صفحات في الباسبور, و دفع شيك 150 دولار لوزارة المالية اليبكية و كمان يملي ابليكيشن زي بتاعك بالضبط و يلحق به شهادات الخبرة و التخرج زيك بالضبط , يعني كانه بيقدم هو كمان و تمضي علي الابليكيشن بتاعه و تبعتي كل دول و يا ريت بالبريد السريع علي دمشق.

ملحوظة: تقديم الزوج حيرفع سقف نقط النجاح ب 8 نقط , بس الزوج لو سنه 35 او اقل بتخدي 3 نقط و لو بكالوريوس نقطتين و ماستر 3 و لو خبرة اي مدة نقطة كمان و لو بيعرف فرنسي لحد 6 نقط.يعني بتعوض نفسها.

طيب ايه اللي يحصل لو مقدمتيش للزوج

اولا: الانترفيو حيسألك ليه مقدمتيش و هو موافق و لا لأ و اعتقد ان ده ممكن يكون في ان عندهم و يقلقوا انك متعرفيش تتاقلمي

ثانيا: لو بعد كدة هو عايز يروح كندل لازم يقدم من الاول و يستني زيك و انترفيو و القصة دي كلها و يا عالم القوانين بعد كدة احوالها ايه

ثالثا: لو رحتي كندل لوحدك حتستني كل دة لحد ما يخلص, و لو حتستني في مصر لك مدة محددة بس بعد الفيزا عشان تطلعي كندا, بس اعتقد و انا معرفش الموضوع دة انك ممكن تعملي لاندنج و ترجعي, ممكن اخواتنا يفيدونا

رابعا: لو عايزة تيجيبي اسبونسر زي المحامي ما قال لك حتبقي صعبة, يعني ضمان مادي و ممنوع يقدم علي المعونات ل 3 سنين كمان انت ضمناه حتي لاقدر الله و حصل حاجة انت مسؤلة تماما عنه و ده بارده بيكتفكوا في كندا

بالتوفيق

[drpharma]

هو الحقيقة يا د ايمن انا محتاج دعوة جامدة منك بس بقلب و من جميع الاخوة في المنتدي و ربنا حيسهلها ان شاء الله

انا وضعي غريب شوية عشان انا قدمت لوحدي من غير محامي و كانش عندي خبرة في موضوع الهجرة

و انا حكيلك قتي مع التقديم و عشان الاخوة في المنتدي بارده اللي عارفني ممكن يحبوا يسمعوا قصة تقديم عمدة المصريين في كيبك المحتاس :P

انا يا اعزائي و حبايبي كنت مهندس كهرباء في مصر و كنت بكافح انا و الاسرة الصغيرة بتاعتي و بدأت حياتي بالديون و اتجوزت و رزقت الحمدلله باول بناتي, و مع شغلي كنت بكافح لحد ما اخدت الماستر في الهندسة, بعد الماستر كنت طبعا بدور علي منحة دكتوراة في اي من دول العالم المتقدم و لا حد كان معبرني, ولاد الحلال قالولي روح امتحن تويفل, امتحنت تويفل و بارده مش لاقي منحة, ولاد الحلال قالولي الشغل في القاهرة احسن من الاسكندرية, اخدت منحة الكترونيات من الاكاديمية و درست كويس في مجال مطلوب و قعدت ادور علي شغل محدش عايزني (ملحوظة انا ملتحي) مع اني مهندس شاطر بشهادة مهندسين كبار و اساتذة مشهورة. بس يا اولادي انا كنت زهقان جدا و فجأة لقيت واحد صاحبي راح كندا من غير حس و لا خبر, انا تفاجأت عشان ده كان حلمي بس كل شوية الظروف تاجله, المهم كلمته قاللي انه راح كيبك و لازم تاخد فرنساوي. انا كان نفسي اعمل حاجة ملهاش علاقة بالدراسة و لا الشغل يعني اعمل حاجة لنفسي من غير ما اكون مجبر عليها, رحت سجلت في المرز الفرنسي و استقطعت من المرتب و كنت من الشغل علي المكتبة علي الكورس و يوم ورا يوم اعرف فرنساوي الموضوع عجبني و مقدمتش هجرة. مرة الالهام نزل علي و انا علي النت و انا كنت بحب اعمل سيرش بالفرنساوي عشان احسن اللغة, قلت ادخل علي الجامعات الفرنسية اشوف حفهم ولا لأ. لقيت نفسي فهمت فعملت اسطمبة ايميل و بعتها لكل دكتور عيني تقع عليه و كنت ساعتها في المستوي التاسع بالفرنسي. كل واحد يرد يا معندهوش مكان يا مفيش فلوس. و مرة واحد رد عليا و قالي ممكن يكون في مكان.

المهم كنت تعبان اوي في الشغل و مش مرتاح اطلاقا, و يوم جه الدكتور اللي في الجامعة قاللي ابعت شهاداتك, عادي كل الدكاترة بتقول كدة. انا بعتها. كنت في سفرية في سيناء و الصبح قلت انزل حمام السباحة بتاع الفندق, نزلت الحمام و نزلت البحر و لما جيت الحجرة لقيت 11 ميسد كول. كلمت كانت زوجتي و تقوللي الدكتور وافق عليك و حيديك منحة بس المشكلة في المصاريف. المهم طبعا كنت حتجن من الفرحة و قلت لازم الواحد يتوكل علي الله و ربنل يسهل.

وافقت و بعت ورقي كله و قلت اقدم ملف الهجرة. كلمت موظفة هجرة في كيبك قالت لي الاحسن تقدم الملف في كيبك. فحضرت كل حاجة و لما سافرت بعت الملف علي طول. بس لما كلمت الموظفة قالت لي ده غلط , الطلبة ممنوع تقدم. منك لله يا بعيدة ما انتي اللي قولتي لي قدم. المهم انا قدمت 12 2006, في 3 2007 مكتب موريال حول ملفي علي دمشق , و لا حس و لا خبر, 10 2007 اضفت بنتي التانية علي الملف و الشهر ده كلمتهم قالولي هم وصلوا لحد 9 2006,

المشاكل طبعا الملف في حبة اخطاء. يعني انا مليت الملف في ربع ساعة من الاستعجال فنسيت احط مستوي الزوجة في الفرنساوي, هو علي العموم صفر, بس ده ممكن يرجعوا الابليكيشن و يضيع وقت, مبعتش شهادة الثانوية. و بما انا قدمت من موريال في الاول كنت باعت كل حاجة متصورة و مش الاصل و عرفت بعد كدة ان الاصل مهم في سوريا.

الحمد لله انا الاسرة جت كيبك من شنة تقريبا و من ساعتها عايشين معايا, بس طبعا الموضوع من غير هجرة صعب.

دي كانت نبذة مختصرة عن موضوع هجرتي بس طبعا الصعوبات كانت اكتر من كدة و بجد الواحد هنا شاف ايام صعبة اوي اوي و كذا مرة كنت حرجع مصر, و بارده الواحد شاف ايام حلوة اوي و حس ان الدنيا بتضحك له. بس يا رب يا رب مف الهجرة يخلص عشان يكون اول يوم راحة لي في كندا و احس ان مجهودي ده كله مرحش هباء بعد ما سبت شغلي و زوجتي سابت شغلها و بعدت عن اسرتي. و طبعا احلي سنين العمر بتتسحب منك هنا في الدراسة اللي شاغلة الوقت كله و لا عارف تعمل قرش زي بتوع الخليج و لا عارف تروح البيت و تحس انك موركش مذاكرة زي الناس الطبيعية, و لا حتي حاسس بامان ممكن تتخانق مع مشرفك و تلاقي نفسك راجع مصر عشان معكش اقامة.

انا دوشتكم معايا بس انا قلت يمكن القصصة يستفاد منها الجيل القادم :D و يعلافوا ان الدنيا كفاح و مش سهلة, و بالذات تستفاد منها البنات اللي عايزين عريس جاهز, و بينسوا ان يمكن مع ان السنين الاولي في البداية بتبقي صعبة بس هي بجد اللي بيكون لها ذكري حلوة و بتقرب الازواج من بعضهم, لما نتشارك في الكفاح عمر ما العشرة بتهون. انا و زوجتي ماستر احنا الاتنين و هي مدرس مساعد و شفنا ايام صعبة بس لها ذكري حلوة. و ان شاء الله ربنا يكللها بالاقامة مع دعواتكم, و ساعتها ممكن تبقي نهاية مشجعة لاي اتنين عايزين يكافحوا انهم ميخافوش. بس لو لا قدر الله حصل الحاجة, فاقول للبنات, يا بت خدي العريس الجاهز اللي في الخليج :sad: md2:

الاخ العزيز الدكتور المهندس احمد جاد

بااخى العزيز انا دعيت لك فى الصلاة وربنا يبارك لك فى زوجتك وبنتك واولادك اجمعين.

اعلم ان الله تعالى مطلع علام الغيوب يعلم كل شىء ومن توكل على الله فهو حسبة وتأكد ان معاناتك هذه يااخى قد تكون اهون من اناس ليس بقليل فوالله انا كنت فى يوم هاخرج من الكليه نهائى بسبب ظروف مادية

لكن توكلت على الله واعتمدت على الله حتى اعاننى على ماكنت فيه وهانحن الان مازلنا عندنا الامل لكى نحلم واحمد الله على ان الحلم يمكن تحقيقة

وان تقابلنا فى يوم من الايام ام لم نتقابل نهائبا فتذكر كلمة اخوك فى الله ان الله بصير بالعباد وستضحك يوما على هذه الايام بعد ان يفيض الله عليك من فضله وستقول ان الله افاض على باكثر مما كنت احلم لان الله معك

ستجلس يوما وانت تشرب الشاى مع اسرتك وتعلم ان ماكان صعب هو الان سهل وان تعب السنين لم يضيع هباءا فالحلم اصبح حقيقة بالاجتهاد وبتوفيق الله عز وجل

اخوك فى الله ايمن

ربنا يعينك يا بشمهندس والله قلبي معاك وانشاء الله تخلص موضوع الهجره وتشتغل كده والدنيا تضحكلك بقا

على خير والله انك اخ عزيز ربنا يبارك فيك وفبنتك و""تفائلو بالخير تجدوه"" واكيد ربنا سبحانه وتعالى مش هيضيع تعبك

[Dr Ayman Kamel]

الأخوه د ايمن و gadolly وكل الناس الحلوين

هو ينفع الواحد يقدم كيبك وفيدرال فى نفس الوقت

هل نقاط كيبك محسوبه زى نقاط الفيدرال

وشكراااااااااااااااا

الاخ العزيز ميدو فارم

اكيد لاينفع والله اعلم لانك كده هيبقى لك ملفين فى كندا والله اعلم

[drbeso]

الله يخليك على يا د gadolly

انا مش عارف اقولك انت انسان رائع انك مش حابب تسيب المنتدى و دايما بتمدنا بمعلومات غايه في الافاده والروعه

انا باختصار شديد متخرج حديثا من صيدله القاهره بقالي بس شهور

وكنت عاوز اسالك ايه المطلوب عشان كيبك وليه كيبك احسن من اي حته تانيه في كندا ؟؟؟

وياترى اروح السفاره واقولهم انا عايز افتح ملف الهجره من غير مكون عملت الايلتس او بدون خبره سنتين او 3 سنوات؟؟

يعني من غير حاجه بس ورقي

؟؟

الله يخليك فيدني في الموضوع ده

الف شكر يا دكتور gadolly

[صعيدي من مونتريال]

ahlan ahlan bel sa3aida

sorry for english again, I think now all the group know that when i write in english that means i am at college, and when i am write in arabic that means i am at home. aslaha ba2t 3shra tawila

bos ya pasha

2nta kan a7san tab3an ttgawz abl ma tigi, bas alhamdoLLAH 3ala kol shi2

3ashan moratak tigi canada lazm paraignage aw sponsor, ya3ni betro7 elsefara wi te2adm 3alaiha, wi beta7'od ta2riban 7 to 10 months to take the visa

tab3an momkn moratak apply for immigration like you but i think it will take long time

tab3an el sponsor li shorot ktira, ya3ni you are the resposnsible for her for at least 3 years, she will not be able to apply for any govermnetal aids for these periods, even la kadr ALLAH 7asal 7aga, u have the responsiblity for her also, and you are not allowed to marry another one and get her to canada in this period if la kadr ALLAH0 bardo 7asal 7aga

beltawfik incha ALLAH

الف شكر يادكتور gadolly

وربنا يكتر من امثالك :sad:

ياريت تفهمني يعني ايه paraignage علشان انا ثقافتي قناوية md2:

وشكرا جزيلا على المعلومات دي

وربنا يوفقك في موضوع الهجرة والدراسة يارب ويحنن عليك ضباط الهجرة

بس صدقني التعب والكفاح دلوقتي هتلقى ثمرته قدام شوية باذن الله

وعلى راي المثل

اقامة كندية ولا شهادة جامعية :P

[gadolly]

يا عم بيسو ارجع مارشيدير ورا شوية و حتلاقي كل حاجة انت عايز تعرفها انا كتبتها قبل كدة, بس اقرأ من اول التوبك لحد الاخر. و لا انت عايز التهامي يعمل فيك زي ما عمل مع الاخ دكتور السنان اللي سأل زيك كدة من غير ما يدور :sad:

[gadolly]

يا عم بيسو ارجع مارشيدير ورا شوية و حتلاقي كل حاجة انت عايز تعرفها انا كتبتها قبل كدة, بس اقرأ من اول التوبك لحد الاخر. و لا انت عايز التهامي يعمل فيك زي ما عمل مع الاخ دكتور السنان اللي سأل زيك كدة من غير ما يدور :sad:

[pink floyd]

السيد جادولى :

صباح الخير انا عاوز اسال عن جامعة Concordia- لعمل PHDهل هى جيدة وارجو ان تمدنى بكل المعلومات عنها وعن مستواها بنسبة لكندا ككل

وشكرا

[gadolly]

السيد جادولى :

صباح الخير انا عاوز اسال عن جامعة Concordia- لعمل PHDهل هى جيدة وارجو ان تمدنى بكل المعلومات عنها وعن مستواها بنسبة لكندا ككل

وشكرا

بالنسبة للهندسة فهي جامعة قوية جدا, بس للمجلات التانية حقيقي معنديش فكرة

[magedo]

سلام عليكم

هو يا جماعه انا مهندس ميكانيكا وليا فريبتى عايشه فى كيبك ومعاها الجنسيه الكنديه بقالها حوالى 20 سنه هناك

ينفع الواحد يعمل ناصح ويطلع تاشيرة زياره ويروح يشوف حاله هناك

ولا هايجيبوه من قفاه و يرحلوه اول ما الزياره تخلص

[gadolly]

الرجاء الدخول علي توبك كل شئ عن كيبك حتي لا تتشعب التوبكز لموضوع واحد. هو السؤال حتعمل ايه لما تروح هناك. شغل بشهادتك استحالة و انت مش مقيم شرعي, الاحسن تقدم هجرة لكيبك و انا اعتقد انت لو متابع التوبك بتاع قائمة الانتظار حتعرف ان الوقت دلوقتي عشان تروح كيبك بقي سنتين بس و تكون في كندا حسب الجوابات اللي وصلت. انت مهندس ميكانيكا يعني لك 5 نقط بقشيش عشان تخصصك مطلوب

بالنسبة لو جابوك من قفاك, هم حيدوك مهلة عشان تسيب البلد بكرامتك, بس طبعا لو ده حصل حتبقي نقطة سودة في تاريخك و ممكن متعرفش تهاجر في المستقبل, طيب علي ايه كل دة. و لو كسرت الفيزا الجواز هنا قوانينه صعبة اوي و مش زي امريكا

ارجو من ادارة المنتدي تحويل هذة الرسائل الي توبك كل شئ عن كيبك و غلق هذا التوبك.

[magedo]

انا اسف حضرتك فهمتنى غلط

انا معلش موضحتش وجهة نظرى

انا قصدى ان لو ليا قرايب هناك فى كيبك ده هايساعدنى انى اهاجر لكندا بس انا مش ناوى اعيش فيها بفكر فى مكان تانى يكون اللغه النجليزيه فيه الاساس

لانى ابيض فى الفرنساوى

انا اصلا شفت توبيك كل شىء عن كيبك وده ممتاز بس انا مكنتش قصدى الهجره لكيبك

و شكرا على اهتمامك بالرد على استفسارى

و ان شاء الله هافكر فى الهجره رسمى احسن

بس انا اصلا رايح دبى شغل

و اعتقد انى من هناك هاسعى للهجره رسمى

تم تعديل 15 أغسطس 2008 بواسطة magedo

[Ebn Sina]

طبعا يا جماعة انتوا عارفين انى مقدم مع الافاق اللى اسمه وهيب يوسف

انا اتصلت فى البداية بالمكتب بتاع مصر قالى لسه بدرى على الانترفيو بتاعك.......بعت بعده ايميل للمكتب الرئيسى فى كندا قالولى مبروك جالك جواب الانترفيو !!!

المهم المكتب بتاع الافاق ده بعتلى ايميل النهاردة بيقول فيه انى لازم ادفع الالف دولار اللى باقى عشان يبعتلى جواب المقابلة !!!

ومن باب التخويف بيقولى انا لو بعتش الفلوس قبل 1 سبتمبر مش هيبعت الجواب ومش هياكد الميعاد بتاع المقابلة ....فيما معناه ان الانترفيو يتلغى !!

وانا عايز اسال الناس اللى اتعاملوا مع مكاتب هجرة وخصوصا وهيب...........هل لو انا بعت فاكس لسفارة كيبيك فى سوريا اقوله ابعنولى جواب المقابلة واتعاملوا معايا مباشرة فيما بعد؟...........هل هيستجيبوا لى ولا لأ؟

هل فعلا هناك وقت محدد لتاكيد الموافقة على ميعاد المقابلة....وبيبقى قد ايه من تاريخ ارسال جواب الانترفيو؟

ارجو ان اى حد من الاعضاء عنده معلومة يفيدنى بيها

[تامر احمد]

الأخوه د ايمن و gadolly وكل الناس الحلوين

هو ينفع الواحد يقدم كيبك وفيدرال فى نفس الوقت

هل نقاط كيبك محسوبه زى نقاط الفيدرال

وشكراااااااااااااااا

الاخ العزيز ميدو فارم

اكيد لاينفع والله اعلم لانك كده هيبقى لك ملفين فى كندا والله اعلم

السلام عليكــم ورحمـة الله وبركاتــه ،،

انا اول مره اشترك فى منتدى واكتب فيه...انا كيميائى من مصر و حبيت اقول انى مبسوط انى اشتركت فى منتدى مهتم بموضوع الهجرة الى كييبك ونا متابع جيد للحوارت التى تدورفيه.....لو سمحتم انا مقدم على كييبك من شهر12 سنة 2007 و لسة ما استلمتش رقم الفايل لحد دلوقتى .. طبعا ان قلقان جامد ...بعتلهم رسايل بالايمايل ومردوش عليا الا بعدها ب3شهور وكان ردهم ملوش معنى..كنت بستفسر عن سبب التاخيروليه مبعتوش رقم الملف لحد دلوقتى..بعتولى وقالوا ابعت استفسارك بالايمايل العادى,, قولولى اعمل ايه فى المشكله دى؟ مع العلم انى متاكد من ان الملف بتاعى فى السفارة.. ومردلوقت 8 شهور ومردوش عليا.. بالنسبه لسؤال الاخ ميدو .. نعم ينفع الواحد يقدم كيبك وفيدرالى.. فى نفس الوقت..اقراFAQ الخاصه بالموقع الرسمى للهجة الى كيبك او المواقع الخاصه هتلاقى شرخ بالتفصيل الممل لمثل هذه الاسئله..وعايز اقول انك لازم تحسب درجاتك قبل ماتقدم ..الاعزب المفروض يجيب 59 من 114 والمجوز المفروض يجيب 68 من 134 (طبعا اقصدكيبك)

[ansalim]

الأخوة الأعزاء

لكى تعم الفائدة وخاصة للراغبين الجدد فى التقدم الى كيبك يرجى من أولى الخبرة

تقديم النصيحة بكل ما يلزم من أوراق ومستندات وأبليكشنز للتقديم الأولى وذلك على النحو التالى :

1- استمارة ( اسمها كذا..........) تعبء وتوقع من ..............

2- استمارة ......................

3- جواز السفر من صـــــ ............. الى صــــــــــــــ .......... ( صور )

4- شهادة الميلاد ( مترجمة ) ( صورة / أصل )

5- التخرج كرتون - التخرج E ( صورة / أصل )

6- التقديرات ( صورة / أصل )

وهكذا ...............

حتى يعلم الجميع الطريقة المثلى لإعداد ملفاتهم وحتى يعم النفع

وللمتفضلين بتقديم الخدمة مقدما خالص الشكر والتمنيات بالتوفيق

وجعله الله خالصا لوجهه الكريم وفى ميزان حسناتكم

[gadolly]

الأخوة الأعزاء

لكى تعم الفائدة وخاصة للراغبين الجدد فى التقدم الى كيبك يرجى من أولى الخبرة

تقديم النصيحة بكل ما يلزم من أوراق ومستندات وأبليكشنز للتقديم الأولى وذلك على النحو التالى :

1- استمارة ( اسمها كذا..........) تعبء وتوقع من ..............

2- استمارة ......................

3- جواز السفر من صـــــ ............. الى صــــــــــــــ .......... ( صور )

4- شهادة الميلاد ( مترجمة ) ( صورة / أصل )

5- التخرج كرتون - التخرج E ( صورة / أصل )

6- التقديرات ( صورة / أصل )

وهكذا ...............

حتى يعلم الجميع الطريقة المثلى لإعداد ملفاتهم وحتى يعم النفع

وللمتفضلين بتقديم الخدمة مقدما خالص الشكر والتمنيات بالتوفيق

وجعله الله خالصا لوجهه الكريم وفى ميزان حسناتكم

لو رجعت شوية ورا حتلاقيني كتبت كل دة

[لمياء سيف]

الأخوة الأعزاء

لكى تعم الفائدة وخاصة للراغبين الجدد فى التقدم الى كيبك يرجى من أولى الخبرة

تقديم النصيحة بكل ما يلزم من أوراق ومستندات وأبليكشنز للتقديم الأولى وذلك على النحو التالى :

1- استمارة ( اسمها كذا..........) تعبء وتوقع من ..............

2- استمارة ......................

3- جواز السفر من صـــــ ............. الى صــــــــــــــ .......... ( صور )

4- شهادة الميلاد ( مترجمة ) ( صورة / أصل )

5- التخرج كرتون - التخرج E ( صورة / أصل )

6- التقديرات ( صورة / أصل )

وهكذا ...............

حتى يعلم الجميع الطريقة المثلى لإعداد ملفاتهم وحتى يعم النفع

وللمتفضلين بتقديم الخدمة مقدما خالص الشكر والتمنيات بالتوفيق

وجعله الله خالصا لوجهه الكريم وفى ميزان حسناتكم

لو رجعت شوية ورا حتلاقيني كتبت كل دة

الاخوة الاعزاء

شكرا على تنويركم لبصيرتنا

سؤال لو سمحتم ممكن تجاوبولى عليه

انا من مصر واريد ان اقدم انا وزوجى هجرة لكندا لكن اريد تجكيع معلومات عنها

انا قرات كل التوبيك والخاصة بالدكتور جادولى والدكتور التهامى والادكتور ايمن وغيرهم من الافاضل ورغم ان الدكتور ايمن عك شوية فى موضوع الانترفيو على مراته الا انه يتميز بروح الفكاهة المعهودة على اولاد النيل لغرض تقلبل حدة التوتر من المقابلة وطبعا لاننسى الدكتور قناااااااااااااااااااااااااااوى الا صحيح هو فين

السؤال جزاكم الله هل هناك اعانة للاطفال بمجلرد الوصول الى كندا افادكم الله ومامقدارها

[gadolly]

الأخوة الأعزاء

لكى تعم الفائدة وخاصة للراغبين الجدد فى التقدم الى كيبك يرجى من أولى الخبرة

تقديم النصيحة بكل ما يلزم من أوراق ومستندات وأبليكشنز للتقديم الأولى وذلك على النحو التالى :

1- استمارة ( اسمها كذا..........) تعبء وتوقع من ..............

2- استمارة ......................

3- جواز السفر من صـــــ ............. الى صــــــــــــــ .......... ( صور )

4- شهادة الميلاد ( مترجمة ) ( صورة / أصل )

5- التخرج كرتون - التخرج E ( صورة / أصل )

6- التقديرات ( صورة / أصل )

وهكذا ...............

حتى يعلم الجميع الطريقة المثلى لإعداد ملفاتهم وحتى يعم النفع

وللمتفضلين بتقديم الخدمة مقدما خالص الشكر والتمنيات بالتوفيق

وجعله الله خالصا لوجهه الكريم وفى ميزان حسناتكم

لو رجعت شوية ورا حتلاقيني كتبت كل دة

الاخوة الاعزاء

شكرا على تنويركم لبصيرتنا

سؤال لو سمحتم ممكن تجاوبولى عليه

انا من مصر واريد ان اقدم انا وزوجى هجرة لكندا لكن اريد تجكيع معلومات عنها

انا قرات كل التوبيك والخاصة بالدكتور جادولى والدكتور التهامى والادكتور ايمن وغيرهم من الافاضل ورغم ان الدكتور ايمن عك شوية فى موضوع الانترفيو على مراته الا انه يتميز بروح الفكاهة المعهودة على اولاد النيل لغرض تقلبل حدة التوتر من المقابلة وطبعا لاننسى الدكتور قناااااااااااااااااااااااااااوى الا صحيح هو فين

السؤال جزاكم الله هل هناك اعانة للاطفال بمجلرد الوصول الى كندا افادكم الله ومامقدارها

يا دي المعونة اللي الكل بيفكر فيها, ده لو الحكومة الكندية قفشت المنتدي ده و عرفت ان المصريين بيهاجروا عشان المعونة محدش مصري حيدخل كندا تاني wst::

ايوة يا حاجة اطمني علي الاولاد مش بيضيعوا هنا, هي مش معونة بس لو الدخل قل عن حد معين الدولة بتكملكم من فلوس الضرائب الكندية. يعني الاولاد مسمهاش معونة امها ارجاع ضرائب او اعادة توزيعها, و دي بتكون 270 دولار لكل طفل حتي سن ال 18. و لو العيال اقل من 6 سنين بتاخدي 100 دولار للحضانة , بس علي فكرة الحضانة هنا ب 600 دولار في الشهر و لو لقيتي مكان, بس التعليم مجانا. الحاجات دي معرفش بتطلع امتي بس غالبا في كيبك بعد 3 شهور من الوصول.

[ansalim]

[color="#FF0000"]الأخ العزيز د/ جادولى

انا راجعت ومقدرتش اوصل لمكان ما انت كاتب الخطوات والمستندات المطلوبة

رجاء

حتى لو عمل كت لـــ لنك الصفحة اللى فيها الكلام دة

أو عمل كت للتكست نفسها

وجزاك الله عنا كل الخير