يا صديقتى العزيزة.......يسعدنى ان اتزوج زوجك

[~Heba~]

الـــســـلام عـلـــيـــكم

فى مناقشاتى الخفيفة مع صديقاتى غالبا ما ادخل فى دور رزالة و غتاته عشان يعنى اجس نبض غلاوتى عندهم

على سبيل المثال

واحدة صحبتى مقربة لى جداااا

متقدملها عريس و ببارك لها طبعا مقدما على اعتبار انها حتوافق

و طبعا بكل ذوقو ادب بتقولى " وعقبالك انتى كمان يا قمر"

دخلنا بقى فى دور الرزالة

بقولها ايه حتجوزينى خطيبك

لكن مش كل مرة تأتى الرياح بما تشتهى السفن

صحبتى المرة دى شكلها مش طايقة العريس

بتقولى لا دا كفاية عليه انتى

طب هى مش عايزاه و الا انا غلاوتى عندها ليست بالقدر المُرضى لى :sad:

ما هى لو كانت بتحبنى حتقولى و ماله ميغلاش عليكى....على سبيل المجاملة طبعا

الحديث عن الموضوع ده فكرنى بقصص واقعيه بس نقدر نصنفها تحت بند "غرائب و عجائب"

واحدة صاحبتنا بتحكى و تقول

فيه متزوجه وماعندها عيال....وكانت معها صديقه يقولون اكثر من اخوات مع بعض على طووول ولكن الظاهر الله يصلحها ماعرفت تختار البنت المناسبــه.....يحكون ان صداقتهم من سنوات طووويلــه

يطلعون مع بعض كثير ويتكلمون مع بعض كثير وطبعاً الصديقــه الوفيــه ماكانت متزوجه

الزوج بدأ يتضايق من صديقة زوجته اللي صارت زوجته تجلس معها اكثر منـــه......ووصل لقرار انه يخير زوجته اما انا ولاا صديقتــك؟؟؟ طبعاً هوه حاول اكثر من مره انها تخفف العلاقه شوي ولكن الزوجه كانت ترفض رفض قاطع

وش تتوقعون اختارت الزوجـــه

قالت صديقتي....اختار صديقتي مااقدر استغني عنها هذي مثل اختي واكثر..

وتطلقت منـــه..

ولكن الزوج كان اذكى من انها تبيعـــه كذا...راح وخطب صديقتها

وصار المصيبــــــــــــــه....:(*):

الصديقــه وافقت بدوووون اي تردد

طبعاً انا حضرت الزواج وكانت زوجته الاولى حلفت ان ترقص لها وحضرت وتشتغل يابنات وتبخر الموجودين والله انها كانت غااايه في الروعه من حيث الشكل ولكن عيونها فيها الانكسار

في الزفـــه.......والعروس في نص الممـــــر شافت صديقتهــا وبكت على طووول والزوجه الاولى ترقص ولا كأن شي صــار.....

اي صديقـــه هذي اللي ابيع زوجي واشتريها وتروح تخوووووني

يعني خسرت بيتها وصديقتهاا

و الله يا جماعه الموضوع ده بيفكرنى بمثل و الله صدق اللى قاله

اذا اردت ان تفسد العلاقة بين امرأتين ادخل بينهما رجل

و طبعا العكس صحيح

و مثل زيه

اذا رأيت امرأتين تتعاركان...ابحث عن الرجل

انا دلوقتى بستعد و البس الدروع استعدادا لهجوم المحاوراتيات عليا بعدما خلاص عرفوا حقيقتى و بيقولوا فى سرهم ابعدوا عن هبه....دى عايزة تاخدكوا على خوانة

بس و الله انا لما بسولف مع صديقاتى كله بهزار و لا يمكن اعمل كده.....

مش هبه اللى تعرفونها تعمل كده wst::

حتى بالامارة صاحبتى فى الكورس زعلت لانى رفضت انى اسلم على زوجها...و انا معذورة و الله :blink: لانى ما اسلم باليد على رجال

[badroora]

العزيزة هبة ........كان نفسي اقولك احييك على الطرح المميز لكن والله ماقدرت اكتبها سامحينى يا غالية .......

الصداقة شيء والتعدد شيء وظروف التى تضطر الزوجة تبحث عن زوجه لها شيء اخر .

حصل موقف معى وانا فى سنه اولى كلية دكتور اسنان كان متدين لاقصي حد ومحترم جدا وملتحى كمان فى يوم طلب منى

انه يتقدم لخطبتى استغربت ازاى وحضرتك متزوج قالى وايه المشكلة قولتله يسلام طيب لو مراتك عرفت هتعمل ايه .

المهم خدت الموضوع كأنه دعابه وعديته خلاص وذا بالمساء جالى كول كنت وقتها فى المدينة الجامعية بيقول انى لى زيارة

انزل طبعا مكنش حد بيزرنى فى المدينة الجامعية خير قليل وبالنهار محدش بالليل المهم نزلت فوجئت بالطبيب وزوجته

انا وشي لون الوان وضربات قلبي بقت سريعه سلمت عليهم واذا بزوجته بتقولى انت ليه رافضه العريس

قولتلها اى عريس وقعدت تشكر لى فيه وطباعه واخلاقه وانا مذهولة قولتلها هو يقربلك ايه قالتلى زوجى وابو بنتى

قولتلها طيب يعنى انتى ماشاء الله وكمان عندك اولاد يبقي فى حاجة غلط .

قالتلى ايه الغلط ان زوجى هيتزوج واحد يعفها ويكرمها ؟

ودا شرع الله وهو كلمنى عنك وقالى انك رفضتى وجيت اتكلم معاكي .

بصراحة استغربت جدا ان واحدة توافق ان جوزها يتجوز عليها .

المهم سبتهم ورجعت تانى السكن مذهولة قولت اكيد دول مجانين مش طبيعين .

سألت ناس مقربين لهم قالولى انهم متدينين جدا ومنتشر فى عيلتهم كدا الزوجة تبحث عن اى ارملة او مطلقة وتخلى جوزها

يتجوزها عشان يسترها ويعفها .......هو طبعا دا شيء جميل وتضحية مش اى امرأة تقدم عليها لان اجرها عند الله كبير

وجود هذه النماذج فى الحياة جميلة اسعد جدا عندما ارى امرأة تعلو فوق مستوى المرأة العادية وتساعد زوجها فى

البحث عن الزواج من اخريات حتى ولو هيكونوا ضراير لها .....امرأة تخدم الاسلام صح

ولكن رغم اعجابي بهذه النماذج الى اننى غير مؤهلة لاكون زوجة تساعد زوجها على مساعدة الاخريات بالزواج

او اخدم صديقتى بجعلها تشاركنى فى زوجى هذا من الصعب .

ممكن نساعد بالمال لو ارملة ولا مطلقة لكن بالزواج صعب .

كله الا كدا .............

[~Heba~]

روق يا باشا الموضوع خفيف

و انا اتفق معاكى ان اللى تزوج زوجها مش طبيعية خالص

فمابالك باللى تزوجه لصديقتها

تروح فين غيرة المرأة على زوجها

[النيل حبيبي]

ياكابتن هبه صبرك علينا شويه

الواحد متابع محاوره تخشي في التانيه

اتبعي سياسه الخطوه خطوه

بعدين لسه مرحبتيش بابن العم سيف النوبه

المهم مواقف الزواج من صديقه الزوجه نادراً مابتحصل

الا إذا كانت الزوجه لامؤاخذه غـ-----

[فروتى]

شكرا ليك اخت هبه على الموضوع

بصراحه اما قرأت الموضوع

فكرنى بموقف حصل معايا من كذا شهر من صاحبتى برده

وانا كنت عالطول بقول احسن صديقاتى وبحبها جدا

بس عند موضوع الرجل انا لاقيت مافيش حاجه اسمها اصحاب

يا ده يا ده يا الزوج يا الصديقه

ودا الى حصل معايا

كنا احنا زمايل ايام الدراسه وكان معانا زميلنا الى هو خطيبها حاليا

كان هو عايز يخطبنى وكلمنى بدل المره مره واتنين وثلاته وانا بصراحه ماوافقتش وكان متعلق بيا وهيا كانت عارفه كده

فهو اما يأس راح طالب اديها هيا فاانا اتفاجئت بصراحه اما وافقت بس فرحتله جدا وقلت مش مشكله

لانى مش كنت موافقه عليه اصلا بس حسيت ان ده هيعمل بينا حاجر لانى مش هقدر ادخل بيتها

بعد الزواج وابقى بحريتى لانها كانت تعرف كل الكلام والطلبات الى كانت بتدور بينى وبين خطيبها بحكم صداقتنا

فسكت وعزمت فى نفسى ان احنا نكمل صداقتنا انا وهو بيكون ماليا علاقه وثيقه فى بيتها بمعنى تليفونات وخروجات بره وهكذا

وكنت فرحنالها جدا علشان هيا كويسه والشخص الى هيا اخدته كويسه

فى النهايه بعد خطوبتها وبعد ماحضرت خطوبتها قطعت كل صلتها بيا ومابقتش ترد على تليفوناتى ولا اى شىء ولا كاانها تعرفنى

ولا كان بينا اى حاجه سبحان الله والحمد لله على كل شىء

مع انها عارفانى كويس وعارفه ان ماليش فى النظام ده بس الحمد لله

وفى النهايه انا اكتشفت ان يا الراجل ياالصديقه وعليكى ان تختارى

لان مافيش واحده تقبل ان زوجها يص لواحده غيرها صعبه اوووووووووووووووووووووووى

[ابو محمود]

يارب كل واحدة من بناتنا الحلوين يرزقها بعريس يكون أبن حلال ويحبها

يابنات الموضوع ان الصداقة شيء والزواج شيء أخر يعنى المفروض ان البنت او الزوجة تفصل بين حياتها

الزوجية وحياتها قبل الزواج ومن هنا نعلم جميعآ حرمة ان يحكى الرجل او المرأة عن أصحابهما كلآ للأخر

فعندى قصة سمعتها وعشت بعض تفاصيلها ان حكى رجل لزوجتة عن الخصال الصالحة فى من يصاحب دون ان ترااة زوجتة فما كان من الزوجة الا ان بحثت عن تليفون ذلك الصاحب وبنت معة علاقة وتقابلا بدون علم الصاحب انها زوجة صديقة وكانت مصيبة على الأثنين عندما تقابلا صدفة ..

موضوع مهم ونصائح مهمة

[أبو محمد]

هبة .... إنتى مشكلة :sad:

يا رجال المحاورات ... إبتعدوا من هنا .... كميــــــــــــــــــــــــــــن ... ألغـــــــــــــــــــــــــام :blush2:

[فــيــروز]

يحضرنى فى هذا المقام الرفيع المثل المأثور : اللىّ خدته القرعه تاخده أم الشعور

ومعروف طبعا مين القرعه و مين أم الشعور

[~Heba~]

المهم مواقف الزواج من صديقه الزوجه نادراً مابتحصل

الا إذا كانت الزوجه لامؤاخذه غـ-----

اقدر رأيك يا "النيل حبيبى" لكن

مش شرط غباء قد يكون اسلوب حياة او عادات زى ما فى السعودية مثلا متهيألى عندهم عادى الزوجة تزوج زوجها ويا سلام بقى لو كانت صاحبتها

فعندى قصة سمعتها وعشت بعض تفاصيلها ان حكى رجل لزوجتة عن الخصال الصالحة فى من يصاحب دون ان ترااة زوجتة فما كان من الزوجة الا ان بحثت عن تليفون ذلك الصاحب وبنت معة علاقة وتقابلا بدون علم الصاحب انها زوجة صديقة وكانت مصيبة على الأثنين عندما تقابلا صدفة ..

استاذ محمود اهلا بيك نورت الموضوع

و كلامك صح يا استاذ

كل واحدة تحرص على جوزها يا ستات...........فيه ناس متربصين :wub:

و طبعا العكس صحيح

هبة .... إنتى مشكلة

يا رجال المحاورات ... إبتعدوا من هنا .... كميــــــــــــــــــــــــــــن ... ألغـــــــــــــــــــــــــام

يا استاذ ابو محمد الجو هادى اهوه.....مفيش الغام ولا حاجة دا انا طيبة خالص :wub:

يحضرنى فى هذا المقام الرفيع المثل المأثور : اللىّ خدته القرعه تاخده أم الشعور

ومعروف طبعا مين القرعه و مين أم الشعور

:D تصدقى بالله مفهمتش المثل

[Nonna]

مش عارفة انا اللي تجيلها القدرة انها تجوز جوزها

لاي من كانت

_فمابلك بصديقتها_

ازاي يجيلها قلب

يعني هل ده معندهاش مشاعر

يعني إمرأة بلا غيرة تبقى مش إمرأة معلش يعني

و ماحدش يقول لي دين

مش عارفة سمعت شيخ بيقول برده

المفروض اي أخت مسلمة ما تزعلش لما جوزها يتجوز و يعف أخت مسلمة اخرى

و ما تطلبش حتى انه يطلقها لا هي و لا اختها

ماشي يا فندم على عيني و راسي أختي في الاسلام تمام

انما تبقى اختى و ضرتي

ازاااااااااااي

كيف تعقل اصلا

و بعدين حتى أكثر النساء تدينا

أم المؤمنين عائشة رضي الله عنها

كان غيورة جدا جدا على زوجها النبي صلى الله عليه و سلم

غارت من السيدة خديجة رضي الله عنها و هي متوفية

غارت من حفصة بنت عمر رضي الله عنها و كسرت لها طبق كانت جايبة في اكل لصحابة رسول الله

و قال النبي صلى الله عليه و سلم لهم

غارت أمكم

غارت من زوجة جديدة و في ليلة زفافها هي و كم زوجة من زوجات النبي عملوا قال بيزوقوها

عشان هتزف للنبي صلى الله عليه و سلم

و قالولها او لما تشوفه تقول

اعوذ بالله من الشيطان الرجيم

و فعلا و ما تمتش الزيجة و ردت لاهلها

و قال في زوجاته النبي صلى الله عليه و سلم صحيبات يوسف

_ربي يسامحنى اذا طبعا أخطأت في حاجة من المواقف السابقة _

انا على يقين مليون المية

ان مافيش زوجة حتى لو اللي بيربطها بزوجها يخلو من الحب تماما

مجرد عشرة او ولاد او حتى زي ما بيقولوا بعض السيدات ضل راجل و لا ضل حيطة

انها تقدر تحمل لحظة زواج زوجها من غيرها

والهي الرحيم ده

تتقهر قهرة

انا ماتجوزتش و ما جربتش ويارب يارب ما اتعرضتش انا و لا غيري لموقف زي ده

بس مجرد الفكرة خلت قلبي يعتصر و اتغاظ غييييييييييييييظ

نيجي بقى للاخ الزوج

اصلا انا لو مكانه و لقيت زوجتي بتقولي اتجوز

بجد هروح اتجوز و اقهر قلبها

ده واحدة اصلا مش باقية عليه

بتوزعه

ستات ايه ده يا خواتي اللي عندها قلب تقول لجوزها اتجوز يالا روح

يا هباية كمان عاوزاها تقوله رووح اتجوز و صاحبتي

لا يمكن يصير

لا يمكن أبدا ابدا

[somayasaleh]

يا موضوعاتك يا هوبة :roseop:

ايه الجمال ده؟؟؟

انا اشارك 99.9 في المائة من المتزوجات امثالي ان الرجاله ملهاش امان عينها زايغة وكمان المثل بيقول (يا مأمنه للرجال يا مأمنة للميه في الغربال)

كل واحدة تحرص علي رجلها اصل المثل بيقول ( ظل راجل ولا ظل حيطة)...................(مع الاعتذار للسادة الرجال)

بس والله ده المثل اللي بيقول كده

وطبعا الزوج اهم في حياة المراة من الصديقة بكتتتتتتتتتتتتتتتتتتتتتتتتتتتتتير قوي قوي

والزوجة اللي تركت زوجها علشان صحبتها تستاهل اللي جري لها :wub:

وبس كفاية كدة :D

[Nonna]

مش عارفة برده ايه اللي فكرني بواحدة صاحبتي لما اتخطبت

خطيبها بيقولها

ان شاء الله انا ناوي اتزوج من يتيمة كمان!!

هي قالتله يتيمة

اشمعنى يعني

قالها اه

عشان استر عليها

اصل عدد الرجالة و الظروف المادية و و و

مش هيكفي فانا بدل ما اسيبها تعنس

هاستر عليها!!!

طيب يعني انت عاوز تستر على اخي لك في الاسلام يتيمة

عاوز تتجوز تاني

يعني مقتدر ماديا

حلو قوي

خلاص يا سيدي جهزها

او هاتلها عريس

انما تتجوز تاني

لييييييييييييييييييييييييييييييييه

حاجة تغيظ

مبسوطة كدة يا هباية انا اتغظت و امتحاني بكرة

[~Heba~]

يا موضوعاتك يا هوبة :wub: :wub:

ايه الجمال ده؟؟؟

انا اشارك 99.9 في المائة من المتزوجات امثالي ان الرجاله ملهاش امان عينها زايغة وكمان المثل بيقول (يا مأمنه للرجال يا مأمنة للميه في الغربال)

كل واحدة تحرص علي رجلها اصل المثل بيقول ( ظل راجل ولا ظل حيطة)...................(مع الاعتذار للسادة الرجال)

بس والله ده المثل اللي بيقول كده

وطبعا الزوج اهم في حياة المراة من الصديقة بكتتتتتتتتتتتتتتتتتتتتتتتتتتتتتير قوي قوي

والزوجة اللي تركت زوجها علشان صحبتها تستاهل اللي جري لها :wub:

وبس كفاية كدة :wub:

ايه داااااااااااااا

سميييييييييييييييييييييييييية

مش عايزة اعرفك

مش عايزاكى تبقى صديقتى

:D

لا ازاى

انا يشرفنى انى ابى صديقة المرأة الحديدية....و الله و احكمتى القفص حوالين الراجل الغلبان يا ام السماسم md2:

[~Heba~]

حاجة تغيظ

مبسوطة كدة يا هباية انا اتغظت و امتحاني بكرة :D

و لا يهمك يا نونا.....امسحيها فيا انا المرة دى :wub:

امشى بقى روحى ذاكرى

ربنا يوفقك يارب و نشوفك كده دكتورة اد الدنيا :wub:

تم تعديل 28 مايو 2008 بواسطة ~Heba~

[بندق أفندى]

ذكرتنى القصة بمديرى من حوالى 24 سنة وكان شخصية محترمة للغاية ومتزوج من زوجة فى منتهى الروعة والجمال ولديه ثلاثة أطفال كأنهم أقمار وكانت تلح عليه زوجته بشدة ليتزوج صديقتها التى ترعى أمها وأخوتها الأيتام حتى يساعدونهم بشكل طبيعى .. وبدون حرج .. الزوج هو من رفض بشدة وحتى غادر العمل كانت زوجته تلح عليه .. الا مفيش زوجة من دولم ولا من دوكلهم؟؟

[~Heba~]

ذكرتنى القصة بمديرى من حوالى 24 سنة وكان شخصية محترمة للغاية ومتزوج من زوجة فى منتهى الروعة والجمال ولديه ثلاثة أطفال كأنهم أقمار وكانت تلح عليه زوجته بشدة ليتزوج صديقتها التى ترعى أمها وأخوتها الأيتام حتى يساعدونهم بشكل طبيعى .. وبدون حرج .. الزوج هو من رفض بشدة وحتى غادر العمل كانت زوجته تلح عليه .. الا مفيش زوجة من دولم ولا من دوكلهم؟؟

و الله مديرك ده رجل و الرجال قليل

دلوقتى الواحد فيهم ما يصدق الا و عاوز يجوز تانى ياباااااااااى عليهم الرجالة دول......شلللللللل

بقلك ايه يا عمو بندق معندكشى عريس من نوعية مديرك ده مخلص بجدددددد :rolleyes:

[om marawan]

باقولك ايه ياهبة بجد لازم تبخرى نفسك ياحبيبتى :rolleyes:

والله ماشاء الله عليكى موضوعاتك متنوعة وجميلة واول ما بالاقى اسمك بادخل على طول

انا رأيى انتى طبعا باشمهندسة قد الدنيا بس لو كتبتى فى مجلة او قدمتى برنامج زى برامج الحوار ( التوووك شو ) هتبقى مذيعة هايلة بدل الجهل اللى بنشوفه

يارب يبارك فيكى ويزيدك فى كل خير

أااااااااامين

[قائد المدفعيه الهولنديه]

الاخت هبه الموضوع مش بالصعوبه دى...... لسه فى رجاله كتير محترمين........ و كالعاده اهنئك على موضوعاتك الجميله

[~Heba~]

باقولك ايه ياهبة بجد لازم تبخرى نفسك ياحبيبتى

والله ماشاء الله عليكى موضوعاتك متنوعة وجميلة واول ما بالاقى اسمك بادخل على طول

انا رأيى انتى طبعا باشمهندسة قد الدنيا بس لو كتبتى فى مجلة او قدمتى برنامج زى برامج الحوار ( التوووك شو ) هتبقى مذيعة هايلة بدل الجهل اللى بنشوفه

يارب يبارك فيكى ويزيدك فى كل خير

أااااااااامين

تسلمين يا ام مروان

هذا من بعض مما عندكم

و ايه حكاية التوك شو دى...دى برامج الرغى الحريمى :D

و يا ست الكل انابكتب اللى يجول فى خاطرى من امور المجتمع....انما محصلش اكتب فى مجلة مرة واحدة دى مجاملة ظريفة منك

الاخت هبه الموضوع مش بالصعوبه دى...... لسه فى رجاله كتير محترمين........ و كالعاده اهنئك على موضوعاتك الجميله

الف شكر يا قااااااائد على مرورك

الموضوع بيلقى الضوء على علاقة النساء ببعضهن اذا كان بينهن رجل....طبعا مفيش علاقة الا علاقة شد الشعر :) و الا انت رأيك ايه