عقد عمل مهندس ب 2600 ريال بالمدينة المنورة

[SAMEHBANNA]

بسم الله الرحمن الرحيم

أولا: بحب أشرك كل الموجودين بالمنتدى لانهم بيساعدوا بعض خصوصا ان احنا فى غربة

ثانيا:ندخل فى المهم

أنا بشتغل مهندس مدنى دفعة 2007 - أعزب -

معروض عليا عقد للسفر للسعودية ( المدينة المنورة)للعمل بمجال الطرق

براتب أساسى 2600 ريال + 200 ريال بدلات ( العقد لمدة سنتين )

+ سيارة + سكن + تأمين صحى

ايه رأيكم فى العقد ده هل هو كافى لأن أعيش عيشة كريمة و أوفر منه ؟؟؟ :wub: :wub:

علماً بأن كثرة الحديث عن ارتفاع الأسعار فى المملكة عملالى وش فى دماغى :sad: و خايف أروح اللى اخده باليمين أصرفه بالشمال :lol:

ومشكورين مقدماً

تم تعديل 18 مايو 2008 بواسطة SAMEHBANNA

[capitshino]

بص هو المرتب صغير شوية على مهندس - عالعموم اكتب بقية شروط العقد ومن اهمها المهنة المكتوبة فى الفيزا - بدل السكن الان ولو تزوجت - الاجازة كل اد ايه ومدتها ومدفوعة ولا لا والتذاكر على مين

ولك تحياتى

[أسد]

الحقيقة الراتب قليل ...

أنا أقل راتب سمعت عنه لمهندس هو 3000 ريال ... وده كان منذ عدة سنوات ..

الرواتب دلوقت أعلى من كده ..

صحيح أنك خريج جديد .. وليس لديك خبرة .. ولكن الراتب بالفعل قليل ..

إذا مش حتدفع حاجة في التأشيرة .. وليس لديك وظيفة ستخسرها في مصر .. يمكنك التجربة ..

ولكن اعمل حسابك أن تكون فترة مؤقته .. وبعدها تبحث عن وظيفة أفضل .. براتب حقيقي ..

مع تمنياتي لك بالتوفيق

[se_ Elsyed]

مش عارف إيه اللي حصل للناس

والله يا أخي الكريم ده مرتب واحد سكرتير مبتديء دلوقت بالسعودية

حاول تضغط عليهم وتخليه أقل شيء من 3000 إلى 3500 .

خصوصاً إن مجال الطرق ده يعني لا هاتشتغل في مكتب مكيف ولا مكان مغلق .. والجو هنا اجارك الله ... تخليك تكره حياتك في الصيف اللي بيمتد لأكثر من 6 أشهر

[capitshino]

طبعا المرتب حاجة مهمة

بس انا اعرف ناس كتير هنا بياخدو مرتبات كويسة بس متعذبين لان مهنتهم عامل - فمش بيعرفو يعملو استقدام الا لما يدفع 10.000-15.000 من تحت الطربيزة وممكن يتنصب عليه ومش هيعرف ياخد حقه لانه اصلا بيعمل حاجة غير شرعية هنا

وفى ناس بتاخد مرتب كبير ومضيعاه على السكن لانهم اكتشوف انهم هيسكنو 2 او 3 فى الغرفة ومش عارفين ياخدو حريتهم فبياخدو سكن خاص

وفى ناس بتركب مواصلات باكتر من بدل الانتقال لان الغالبية هنا شغاليين دوامين يعنى بيروح ويرجع-- ويروح ويرجع

فالاحسن اكتب شروط العقد كلها وبعدين نقولك ايه الوضع

[capitshino]

مش عارف إيه اللي حصل للناس

والله يا أخي الكريم ده مرتب واحد سكرتير مبتديء دلوقت بالسعودية

حاول تضغط عليهم وتخليه أقل شيء من 3000 إلى 3500 .

خصوصاً إن مجال الطرق ده يعني لا هاتشتغل في مكتب مكيف ولا مكان مغلق .. والجو هنا اجارك الله ... تخليك تكره حياتك في الصيف اللي بيمتد لأكثر من 6 أشهر

انا هاشك يا سى السيد انك مش فى السعودية كده

موضوع الناس حصلها ايه فدى حاجة ماتخفيش عليك وعلى الاخوة الاعضاء

اما المرتبات هنا فنزلت لدرجة انى قابلت محاسبيين فى الرياض بياخدو 1500 ريال + سكن فقط ط ط ط ط

وفى دكاترة وصيادلة بياخدو 3500 ريال

ولو تحب ابعت لك تليفوناتهم تكلمهم وتسئلهم

على فكرة فى ناس هنا معانا فى الشغل بياخدو 1000 ريال وتعليمهم متوسط ودول بقى ممكن تشرفنا هنا واوريك منهم كتييييييييييييييييييير

الناس بتهرب يا اخ سى السيد .. كل همهم انهم يمشو من ام الدنيا

الواحد زمان كان بيقول يسافر به اربع خمس سنيين ويرجع انما دلوقتى الناس بتقول عاوزين نسافر ومانرجعش

[se_ Elsyed]

يا أخ كابتشينو ... أنا اتكلم عن الجنسية المصرية فقط

شوف كده السكرتارية الهنود او الفلبينيين بيتعينوا بكام دلوقت ؟

لكن للأسف في مصر الدنيا هيصه ولا ضابط ولا رابط

أعرف هنا مؤسسة تأجير سيارات كُبرى بتنزل كل فترة مصر تحمل تريلا مليانه محاسبين - بكالوريوس تجارة - على كام ؟

والله ما هاتصدق

800 ريال

ولسه جايبين دفعة قريب .. طبعاً اصحاب المرتبات المتدنية زي دي بييجوا يُصعقوا بالغلاء الفاحش اللي بقى موجود .. وبيضطر يكمل عقده ويشتغل لله وللوطن

تخيل كان في واد بتجلاديشي بيظبط لي الدش الأسبوع الماضي وبأقوله إحنا بندور على عُمال بملقاط دلوقت في السوق .. ما تعرفش حد يالا بنغالي ولا هندي ولا اي قرد أزرق يشتغل عامل ؟

فقال لي : المرتب كام ؟

قلت له : 800 ريال وتذكرة سنوية وسكن وعلاج وحركات

الواد سمع المبلغ وكان هايمد إيده عليه

حسبنا الله ونعم الوكيل

[osaimi]

ياجماعة حرام عليكوا دا البنجال اللي بيغسلوا العربيات فى الشوارع بيحصلوا يمكن 1000 ريال فى الشهر ، دا غير المرتب اللي بياخدوه من الشركات اللي شغالين فيها الصبح ، مرتب العامل الهندي دلوقتي بقى 600 ريال مابقاش فيه 400 زي الأول وتلا قيهم جايين مش عارفين اي حاجه فى اي حاجه ، احنا ليه بنرخص نفسنا بس ، ياجماعه عمركوا شفتوا فلسطيني ولا لبناني ولا حتي تونسي او مغربي بيشتغلوا بالرواتب دية ، حرام والله يا باشمهندس تيجي بالمرتب ده ، علي الأقل زي الإخوان مانصحوك أقل أقل أقل شئ هو 3000 ريال ، الأسعار هنا زادت كتير عن الأول وكمان شغلانة الطرق دي هتخليك بعد شهر ولا اتنين زي أخواننا الأفارقه تمام ، ربنا يوفقك لما فيه الخير ، وحسبنا الله ونعم الوكيل فى حكومتنا اللي فيها ناس معندشهاش اي ضمير

[capitshino]

يا اخ سى السيد واحد هندى باكلمه فابحكى له حكاية غريبة شوية

قالى انت فاكرنى مصر[وسط][/وسط]

(زى ما كنا زمان بنقول انت فاكرنى هندى) هو ده وضعنا دلوقتى

[aimen]

العود من اول ركزه

تم تعديل 18 مايو 2008 بواسطة aimen

[muslim4ever]

انا لا اعرف الى هذة الدرجة لا تجد عملاً فى مصر بنفس المبلغ !!!

قلت انك سوف تاتى للعمل فى مجال الطرق اى انك مهندس مدنى .. انا لا اتصور ان المهندسين فى مصر لا يحصلون على هذا المبلغ واكثر

عزيزى اعرف مهندسين مدنى وعمارة وكهرباء وكمبيوتر يعملون فى مصر وبمرتبات محترمة جداً

اعرف ان المرتبات متدنية فى مصر ولكن ليس كل القطاعات فهناك قطاعات تعطى مرتبات مجزية ومحترمة

لا انصحك بالمجىء .. اشتغل فى مصر وخد خبرة وتعالى كبير احسن من الوضع دة

[مهندس مصراوي]

ياعم احنا اشتغلنا بمؤسسة كبيرة بمكة المكرمة عن طريق مكتب سفرياتهم بشارع جسر السويس بالقاهرة واتبدهلنا اخر بهدلة واخرها موضوع الممانعة

[SAMEHBANNA]

بص هو المرتب صغير شوية على مهندس - عالعموم اكتب بقية شروط العقد ومن اهمها المهنة المكتوبة فى الفيزا - بدل السكن الان ولو تزوجت - الاجازة كل اد ايه ومدتها ومدفوعة ولا لا والتذاكر على مين

ولك تحياتى

المهنة المكتوبة فى الفيزا : مهندس مدنى

بدل السكن الان : مفيش لأنه هيوفر لى السكن

ولو تزوجت : 3 أشهر عن كل سنة

الاجازة كل اد ايه ومدتها ومدفوعة ولا لا والتذاكر على مين : كل سنة شهر مدفوعة و التذاكر عليه

مع العلم بأنه زود الراتب الى 2800 ريال أساسى + 200 ريال بدل ( أكل و شرب تقريباً )

تم تعديل 18 مايو 2008 بواسطة SAMEHBANNA

[SAMEHBANNA]

ياعم احنا اشتغلنا بمؤسسة كبيرة بمكة المكرمة عن طريق مكتب سفرياتهم بشارع جسر السويس بالقاهرة واتبدهلنا اخر بهدلة واخرها موضوع الممانعة

ممكن تقولى ايه اللى حصل بالضبط لأنك كده قلقتنى f((: bnd5:: chf::

[مهندس مصراوي]

ياعم samehabana

انا مهندس مصري اتيت للعمل بمؤسسة مقاولات بمكة المكرمة عن طريق مكتب سفريات خاص بهم في ش جسر السويس بالقاهرة ( منطقة الالف مسكن ) واول القصيد

تم توقيع كل مجموعة المهندسين على ايصال سلفة وهمي بالقاهرة ولم نأخذ منه صورة وقالوا لنا ده اجراء روتيني عشان جدية السفر

ثم بعد وصولنا وجدنا الخصم وهو ماقيمته 2000 ريال تم نزوله على كشوف المرتبات مع العلم اننا دفعنا رسوم لمكتب القاهرة تعادل 3500 جنية

ثم اشتغلنا شغل قاسي جدا لدرجة ان مفيش تقريبا حد قدر يصلي التراويح في رمضان سوى مرة او اثنين وعن طريق التزويغ

وطبعا تم تأخير الرواتب وفصل ناس وغير ذلك من البهدلة

ولما الناس حبت تمشي وتستقيل هددوها بعمل ممانعة 3 سنوات

يعني المهم قبل ما تسافر اللى شركة اسأل عليها قوي واكتب شروط قوية في عقدك او ارضى بقليلك في بلدك وماتسافرش

[SAMEHBANNA]

ياعم samehabana

انا مهندس مصري اتيت للعمل بمؤسسة مقاولات بمكة المكرمة عن طريق مكتب سفريات خاص بهم في ش جسر السويس بالقاهرة ( منطقة الالف مسكن ) واول القصيد

تم توقيع كل مجموعة المهندسين على ايصال سلفة وهمي بالقاهرة :egyflag: ولم نأخذ منه صورة وقالوا لنا ده اجراء روتيني عشان جدية السفر

ثم بعد وصولنا وجدنا الخصم وهو ماقيمته 2000 ريال jdw:: i*: تم نزوله على كشوف المرتبات مع العلم اننا دفعنا رسوم لمكتب القاهرة تعادل 3500 جنية :sad: :sad: :sad: :sad:

ثم اشتغلنا شغل قاسي جدا لدرجة ان مفيش تقريبا حد قدر يصلي التراويح في رمضان سوى مرة او اثنين وعن طريق التزويغ

وطبعا تم تأخير الرواتب وفصل ناس وغير ذلك من البهدلة

ولما الناس حبت تمشي وتستقيل هددوها بعمل ممانعة 3 سنوات

يعني المهم قبل ما تسافر اللى شركة اسأل عليها قوي واكتب شروط قوية في عقدك او ارضى بقليلك في بلدك وماتسافرش

ألف شكر للأخ / مهندس مصرى على التوضيح ............ و ربنا يستر :wub: :wub:

[SAMEHBANNA]

كان عندى سؤال كمان :

هل احتفاظ الكفيل بجواز السفر اجراء قانونى متبع ؟؟ jdw:: أم أنه لوى دراع و السلام ؟؟؟ :egyflag:

[أسد]

كان عندى سؤال كمان :

هل احتفاظ الكفيل بجواز السفر اجراء قانونى متبع ؟؟ jdw:: أم أنه لوى دراع و السلام ؟؟؟ :egyflag:

هكذا النظام في السعودية

وفي كل دول الخليج على ما أعتقد

[مصري بالرياض]

يااخى انصحك ماتقبلش بالراتب ده والكلام ده انا بقولهولك عن خيره انا اشتغلت فى مكتب هندسي 5 سنوات المكاتب الهندسيه وشركات المقاولات بتاخد المشاريع من وزارة النقل برواتب مهوله يعنى مثلا يقدم ان راتب المهندس 20 الف ريال ياخد هو مثلا 17 الف ويديك 3 الاف بس ده طبعا فى المكاتب والشركات اللى ماعندهمش ضمير لكن انا لى اصدقاء اعرفهم شغالين فى مكاتب كبيره هنا فى الرياض زى مثلا سعود كونسلت بياخدوا رواتب اكتر من 10 الاف ريال ده بخلاف بدل السكن وخلافه اى نعم في خبره 10 سنين واكتر بس ده ما يمنعش انه حتى لو خبرتك سنه واحده ان الراتب يكون 2.800 ريال العيشه هنا فى السعوديه اصبحت غاليه جدا واكيد كل اللى هنا يعرفوا الكلام ده كويس .

واسف على الاطاله

[MZohairy]

كان عندى سؤال كمان :

هل احتفاظ الكفيل بجواز السفر اجراء قانونى متبع ؟؟ jdw:: أم أنه لوى دراع و السلام ؟؟؟ :egyflag:

هكذا النظام في السعودية

وفي كل دول الخليج على ما أعتقد

لا يا أسد

عندنا في سلطنة عمان مفيش أجنبي جوازه مش معاه بحكم القانون

و حغيظك كمان انت وسي السيد

مفيش حاجه عندنا اسمها خروج و عوده i*: