عقد عمل 3000 ريال

[احمد بهجت]

انا بشتغل فى شركة محاسب براتب 2000 جنيه وجالى عقد فى الرياض بفيزة محاسب براتب 3000 ريال فى شركة مقاولات والشركة توفر سكن اعزب ومواصلات وبدل سكن فى الاستقدام 8000 ريال مع العلم انى متزوج وعندى بنت فى الصف الثانى الابتدائى ومش مرتاح فى شركتى المصرية وانا منتظر الان التاشيرة على البسبور

عشان اسافر ودعيت ربنا بتسهيل اللى فيه خير وعندما قرات الحوارات الموجودة على المنتدى اصابنى القلق

فارجو المشورة الصادقة وشكرا

[HDarwish]

اصبر لما تلاقي فرصة أحسن

دي نصيحتي ولو إني مش عايش في السعودية

لكن الغربة غربة لها ثمن وثمنها ده غالي قوي .. واحد قاللي الكلمة دي قبل ما اسافر الكويت واستهزئت بها لكن فعلا كان عنده حق الغربة لها ثمن كبير ولو إنت ما حققتش الثمن ده يبقى إنت كده خسران

إنت بتقول راتبك في مصر ألفين جنيه وعايش مع مراتك وبنتك وبتشوفهم كل يوم

إحس بئا ثمن بُعدك عن بيتك وعائلتك وشوف يساوي كام

فكر كويس علشان ما ترجعشي تندم يوم لا ينفع ندم

تحياتي وتمنياتي ليك بالتوفيق

أخوك / حسن درويش

[se_ Elsyed]

انا بشتغل فى شركة محاسب براتب 2000 جنيه وجالى عقد فى الرياض بفيزة محاسب براتب 3000 ريال فى شركة مقاولات والشركة توفر سكن اعزب ومواصلات وبدل سكن فى الاستقدام 8000 ريال مع العلم انى متزوج وعندى بنت فى الصف الثانى الابتدائى ومش مرتاح فى شركتى المصرية وانا منتظر الان التاشيرة على البسبور

عشان اسافر ودعيت ربنا بتسهيل اللى فيه خير وعندما قرات الحوارات الموجودة على المنتدى اصابنى القلق

فارجو المشورة الصادقة وشكرا

أحسبها كويس قبل ما تيجي

شقة متوسطة بـ 14000

عفش وحركات مش أقل من 10 آلاف

مصروفات بنتك في مدرسة متوسطة أيضاً 5000 في السنة

مصروفات بيتك الشهرية لن تقل عن 1500 ريال

ما اعرفش إيه ظروف التأمين الطبي والتذاكر السنوية عليك ولا على الشركة .

[أسد]

الحقيقة الظروف في مصر معقدة وصعبة ..

هذا حقيقي ..

ولكن الحال في السعودية ليس كما يتصوره البعض .. فهو أيضاً صعب .. ومكلف ..

طبعاً كل واحد عنده ظروفه .. ويقدر يحسبها إذا كان يقدر يعيش بالراتب ده أو لا ..

أنا شخصياً أعرف ناس عايشة براتب زي ده .. وبتقدر تبرمج حياتها .. ولكنه في النهاية حيعيش على الكفاف .. علشان يقدر يدخر مبلغ بسيط في نهاية كل عام لا يتساوى مع عناء الغربة ..

حتقوللي صحيح .. لكن في مصر الأحوال سيئة والظروف صعبة ..

حاقولك معك حق ..

وفي النهاية .. رأيي المجرد .. إذا كنت تتوقع أنك ستستطيع الحياة ببساطة شديدة .. وابنتك ستدخلها مدارس حكومية .. ولو ان ده مشمضمون .. وحتسكن في سكن في حي شعبي ... الخ ..

ممكن يكون العرض مناسب إلى حد ما ..

مع العلم ان بدل السكن قليل جداً .. مش حتقدر تاخد بيه أي سكن في الرياض .. على حد علمي ..

أتمنى لك التوفيق من كل قلبي ..

[احمد بهجت]

شكرا جزيلا اخوانى والموضوع تحت التفكير

[somayasaleh]

انا بشتغل فى شركة محاسب براتب 2000 جنيه وجالى عقد فى الرياض بفيزة محاسب براتب 3000 ريال فى شركة مقاولات والشركة توفر سكن اعزب ومواصلات وبدل سكن فى الاستقدام 8000 ريال مع العلم انى متزوج وعندى بنت فى الصف الثانى الابتدائى ومش مرتاح فى شركتى المصرية وانا منتظر الان التاشيرة على البسبور

عشان اسافر ودعيت ربنا بتسهيل اللى فيه خير وعندما قرات الحوارات الموجودة على المنتدى اصابنى القلق

فارجو المشورة الصادقة وشكرا

الموضوع متوفف عليك

انا عشت في الرياض فترة كبيرة جدا

الرياض من اغلي المدن في العالم

بمعني ان هذا المرتب لن ينفعك اطلاقا انت واسرتك الصغيرة

ممكن ينفع شاب عازب يسكن مع مجموعة شباب ويستطيع تحمل المشقة

ولكن بالنسبة لعائلة لا اظن ان المرتب مجزي

وكما قلت سابقا ان الرياض الاسعار فيها غالية جدا جدا

حاول تبحث عن فرصة افضل

بالتوفيق ان شاء الله :aslam: