ماهو أنا لازم أعرفكم

[Nonna]

تم تعديل 19 مايو 2008 بواسطة Nonna

[Nonna]

العواف عليكم

بقى يا جماعة صلوا بينا ع النبي :sad:

_اللهم صلي و سلم و بارك عليه_

انا بقالي فترة لا بأس بها

_ياختي عليّ و انا بتكلم عربي فصيح :rolleyes: _

فترة ايه

اه

لا بأس بها

بتابع المنتدى و الاعضاء و ان قدرت أحط بوست على مووضعاتهم يبقى خير و بركة

ماقدرتش بقرأ و أسكت

واهه استشف_عربية فصحي تاني ياخوااااااتي :blush2: _

استشف اه

استشف من موضوعاتكم وردودكم اي حاجة بسيطة عن شخصياتكم عشان اعرف اتعامل

لما جه موضوع بدارة :wub:

المدرسة

قلت فرصة بدأت اقرا اقرا لحد مابقوا 14 صفحة

حاولت اطلع برده بانطباع عن كل عضو عشان اعرف اعمل حوار كدة

و اندمج في المدرسة

انما برده فشلت لانى ما عنديش خلفية قوية عن شخصية كل عضو ابني عليها حوار

هنا بقى كان لازم اتصرف

_امال يعني افضل زي الاطرش في الزفة _

قلت ما بدهاش

يبقى اول موضوع يبقى اول موضوع

ياريت بقى الهي ما يوقعكم في ضيقة

كل واحد يقول انطباعه عن اي عضو و ياريت بقى مع حبة تحابيش

مثال

اشهر موضوعاته _عشان ارجع اقراها تاني_

لازماته في الكلام و ايفيهاته

_ايفيهاته ده لغة عربية فصحي؟!!_

كدة يعني

اهي فرصة

_اوقع الناس في بعض_

يوووه

قصدي الناس تعرف الناس التانية واخدين عنهم انطباع ايشلونه

أكون شاكرة جدا لو ساعدتوني

سيبتكوا بعافية

[badroora]

مابلااااااااااش :rolleyes: شوفى يا نونا يا غالية احسن شيء انك تتعبي نفسك وتركزي مع كل حد بيرد عليكي فى موضوع

ومن خلال التحاور والتعامل سواء اختلفتم او اتفقتم فى وجهات النظر هتقدرى تكونى فكرة عن الشخص من خلال رؤيتك

انتى .......لان انا لما باشوف نونا غير لما غيري بيشوفها وزى مانتى ممكن تكون شيفانى ملاك :sad: غيرك ممكن يكون

شايفنى اللهم حفظنا :blush2: شيطان .....فمن راى المتواضع كونى انطباعك بنفسك وتعاملى وتفاعلى وبالوقت هتقدرى

تحددى رد فعل كل واحد بتكلميه ........بالخبرة

ويلا قدامى ع المدرسة يا هانم بلاش حجج

قال تعرفينا قال ..........دلع بنات اخر زمن :wub:

تم تعديل 19 مايو 2008 بواسطة Badria Mekkawy

[~Heba~]

علشانك يا نونا :rolleyes:

شخصيتى كتاب مفتوح

[Handasah]

انا بقى ياستى هكون اول واحد من الشباب انا مدرس السياسة والنقد الاذع والى مش لاذع فى مدرسة الاستاذة بدرية مدرسة الاخلاق الحميدة ياعنى بالصلاتو على النبى احنا بتوع الى دهنا الهو دوكو والكلام اللى بيلحس النفوخ طبعا دة لو انتى متابعة الاخبار وشايفة الناس فى السياسة بتاكل دماغ اللى قدامهم ازاى واللعب من تحت الترابيزة وخلافة .

المهم اما تنضمى معانا للمدرسة هنوريكى العب على اصولة . :sad:

نورتينا وشرفتى منتدانا الجميل :rolleyes: :blush2: ......... تحياتى اخوكى ابو عمر

[galaxy]

ازيك يا نونا.................. :lol:

والله يا نونا عندك حق......بس انتي ممكن تكتشفي الحاجات دي لوحدك فعلا زي ما قالت بدور...... :)

اكتبي علي طبيعتك ....واللي في نفسك.......وزي ما انا لمست بجد شخصيه مرحه وجميله هنكسبها اخت ان شاء الله.......خليكي نفسك وعبري عنها....... نونا بس........ وهتقدري تكتشفي اللي قدامك بنفسك فعلا.............ولما يجذبك حوار معين او موضوع ما ..........ادخلي البروفايل بتاع صاحب الموضوع .............ممكن من مواضيعه وردوده تعرفي اتجاهاته الفكريه...........انطلقي انتي بس وهتلاقي كله تمام.........تحياتي لكي ............ومني ورد عشان متزعليش يا نونا :lol: :lol: :sad:

[مصري جدا]

الأخت نونا :)

أهلا بك ......أنت عضوة قديمه ولكن فين كنت مختفيه.....أنا اليوم قرأت لك حوالي 3 مداخلات في مواضيع مختلفه وحسيت بأنك شخصيه تتمتع بروح حلوة وبسيطه ومرحه ...ومن الناس اللي تخلي الواحد يرد عليهم ويبقي عاوز يعرفهم...أتمني وجودك دائما في المحاورات لبعث روح المرح فيها وكمان لتقليل اللون الغامق بتاع الناس اللي زي ....أوعي تنسي كراسة الماث لما تروحي المدرسه ....أصلي أنا مدرس الماث الحديث .....{الحساب الفلسفي}...... حاجه جديده حدرسها لكم ...بس لما أفهمها

...

شكرا

تم تعديل 19 مايو 2008 بواسطة مصري جدا