ممكن مساعدتى فى المطبخ المبنى بالطوب

[ام جودى]

السلا عليكم ورحمة الله وبركاته

وحشتونى كتير

اتمنى مساعدتى باقصى سرعة لانى قربت اركب سيراميك المطبخ

شوفت المطبخ المبنى بالطوب ومكسى بالسيراميك وعليه الرخامه كاسياه

هاحاول انزل لكم الصور المقصودة وان ما عرفتش هاحط لكم اللينك واتفرجوا عليهم

واريد خبير او حد عمله قبل كدة يعرفنى

اولا الخطوات اللى لازم اعملها احدد ازاى الفواصل الطوبية والا اشترى الضلف الخشب الجاهزة الاول والا ايه؟؟؟؟؟؟

ثانيا التوضيب شطب على اكيد فاهميننى وعاوزة اعرف هل الموضوع مكلف بالنسبة لاسعار اليومين دول فى مصر

(يعنى التقفيل خشب اوممكن اجيب ضلف جاهزة يكون خشبها نوعه ايه ويكون سعره معقول-- )

ثالثا والاهم اسعار الرخام على المطبخ ويكون نوعه ايه وممكن تقريبا يكلفنى اد ايه ؟؟؟؟

نسيت اقول لكم

المساحة اللى ناويه ابنيها هما حيطتين يعنى تقريب حيطة تلاتة متر وحيطة 2 متر ونص

اللى يساعدنى والله هادعيله كتييييير وشكرا ليكم

http://arabnokia.net/showthread.php?p=1042...#post1042591226

[Folana]

السلام عليكم ورحمة الله....

الفكرة جديدة وجميلة بصراحة....كما انها موفرة أيضا...

لكن حضرتك مش حتقدرى تحددى الابعاد شفوى ...المفروض تعرضى التصميم على مختص وهو يحدد الابعاد بناءا على المساحة المتاحة ...ايضا الاجهزة واضح انها بيلت ان ...وده محتاج تصميم خاص بالمساحة عندك ...يعنى حتوزعى الاجهزة ازاى....توصيلات الصرف للحوض وتحديد مكانه ..وتوصيلات الغسالات...كل ده محتاج مختص .....

مش عارفة انا قلت حاجة مفيدة ولا لأ...لكن بصراحة مش حاتنازل عن صالح الدعاء اللى وعدتينا به....... :rolleyes:

[ام جودى]

اهلا حبيبتى folana شرفتينى بمرورك وطبعا احلى دعاء ربنا يجعله من صالحك

الحقيقة حبيبتى المطبخ خلاص اتقسم حائط كامل عليه الاجهزة والصرف بتاعهم اتعمل خلاص والحائط التانى قلت اتركة لترابيزة صغنونة وكام كرسى والحائطين الباقيين قلت بدل ما افصل مطبخ يكلفنى كتييير عجبتنى فكرة المبنى شفتها عند واحدة صاحبتى

بنت تحت كله واشترت بس ضلف مطبخ جاهزة وكام درج جاهزين برضة

ومطبخها القديم قلبته بقى فوق كله

الفكرة حلوة جدا بس اعتقد اللى هايكلف الرخامة لو الواحد عاوزها جرانيت مثلا

فهمتى فكرتى ايه يعنى مش لازم بيلت ان ولا حاجة

عموما شكرا حبيبتى

[Folana]

السلام عليكم ورحمة الله....

تمام...اتضحت الرؤية...وفكرة فعلا جميلة.....بالنسبة للرخام ممكن مايكلفكش كتير...لانه حسب المساحة ايضا...واظن الجرانيت ممكن يتراوح سعره مابين 400 الى 600 جنيه المتر...مش متأكدة طبعا من السعر لكن ده سعر تقريبى..وحسب نوع الجرانيت ايضا....واعتقد انه الافضل للمطابخ...

او ممكن تستخدمى الرخام المطبوخ حيكون سعره اوفر...

كمان دعوة بقى للبنات علشان الامتحانات تعدى على خير....:blush2: :closedeyes: