كيف تقوم بالإقتباس من غير ما تعمل إلتباس ؟

[se_ Elsyed]

لاحظت ظاهرة غريبة جداً في المنتدى في الأيام الأخيرة

وهي بمنتهى البساطة إن زميل من الزملاء يكتب موضوع هايل بس من صفحة أو صفحتين ... فييجي زميل فاضل اخر عشان يعلق على الموضوع أو يشجعه بكلمتين او يقول له : إيه الحلاوه دي ؟ ... يقوم مقتبس الموضوع كلللللللللللللللله وكاتب تحتية الكلمتين دول .!!!!!! مع إن الموضوع بالكامل يوجد في المداخلة اللي قبلها ... وبالتالي يتبعه زميل او زميلين أخرين ويفعلون نفس الشيء.... فبينتُج عندنا في النهاية شيء ممكن نسميه شمبرلاح متفلحط متكرر ... ونبتدي نغوص وننقي التعليقات من وسط هذا الخضم من الموج المتكرر .

فمن فضلكم يا جماعة ساعدونا في المسألة التنظيمية ... ولو عايز تعلق على نقطة معينة .. يبقى إقتبسها هي فقط ..

ولو عايز تعلق على الموضوع كله يا سيدي .. ما تعلق من غير ما تقتبس العريضة كلها .. ما هي موجوده عندك أساساً وما جريتش !!!!

فنرجو الإلتزم بالناحية التنظيمية والجمالية على الأقل .

وشكراً لتعاونكم معنا .