جائزة السيخ الذهبي

[se_ Elsyed]

الشعب المصري ده مش ممكن

خفة دم

وتلعيقات بديهية سريعة وغير مدروسة وتلقائية تموت من الضحك

حتى في عز الأزمات والكوارث - حتى انت كمان بتقول عز ؟ -

وما فيش شعب بيسخر من نفسه وحاله زيينا

ما هو إحنا لو ما عملناش كده يبقى هانطق ونموت

ده حقيقي مش تهريج

جريدة المصري اليوم فتحت مجال لوضع تعليقات للقراء على الأخبار ... فالنهاردة جمعوا التعليقات حوالين الأسعار الهلامية الحلزونية والتي يتحكم فيها شخص نكرة إسمه احمد عز ... اللي هو عبارة عن أراجوز وواجهه للكبار اللي لقوا في الموضوع ده سبوبه تخليهم مالتي مليارديرات في أسرع وقت وإن شالله تولع البلد باللي فيها والديل إن ما فيش حد بيتكلم عن المصيبة دي وكغنها بتحصل عند الجيران أو كإن بتوع الأسمنت بس هما اللي حرامية ..

إقرأوا معي بعض التعليقات الساخرة وإنسوا همومكم

حديد عيار ٢٤

أعتقد أن الحكومة النظيفة خالص منتظرة علي تطبيق قانون الضريبة العقارية حتي وصول سعر الحديد إلي ١٠٠٠٠ جنيه للطن، لأن سعر الوحدة السكنية البسيطة عندها سيفوق المقدار المحدد للضريبة، وبذلك نخضع جميعا، وعندها علي الدولة أن تبحث عن سجون تكفي أعدادنا المستقبلية. وبما أن الحديد أصبح سلعة تزيد قيمتها يوميا، أقترح علي «المصري اليوم» أن تضيف جدولا لأسعار الحديد بجوار جدول أسعار الذهب والعملات لكي "نتعكنن" كل يوم بسعر جديد للحديد، وأقترح تقسيم الجدول حسب العيار: حديد عز ٢٤ قيراطا، أما حديد بشاي ٢١ قيراطا، أما حديد العتال والبقية عيار ١٨ قيراطا.

أبو محمود قاسم

سيخ لكل مواطن

الحل أن الحكومة تطلع جدعة وتدعم حديد التسليح وتضعه علي بطاقات التموين، ويكون عبارة عن سيخ حديد لكل مواطن، والله حلو لما يكون شعار جديد زي شعار فكر جديد وزي حكومة إلكترونية، وطبعا بطاقات التموين فيها أفراد الأسرة صغير وكبير، يعني الأطفال لما يكبروا هيكون عندهم مخزون كويس من الحديد علشان يبنوا بيه وكمان يتجوزوا، ونكون كده حلينا مشكلة الأجيال الحالية والقادمة، بس بشرط أن يتم إلغاء بطاقات التموين للوزراء.

تامر مصطفي

يجيبوا كام

أنا مرتبي الشهري ٣١١ جنيه.. ياتري ممكن يجيبوا كام سيخ حديد؟

مواطن مصري

الحياة في الخيمة

ما تيجي نعمل خيمة؟ نشتري حتة ارض بسعر طن حديد أو أقل ونعمل خيمة ونعيش زي زمان، يعني الفراعنة كانوا بيستخدموا الحديد في البناء؟ الفراعنة بنوا الأهرام بدون أسمنت، بس يا خوفي بعد انتشار مشروع الخيام نلاقي واحد عمل مصنع خيام ويرفع أسعارها، وساعتها نشتري الحديد لأنه هيكون رخص شوية.

عندما يعز الحديد

تعليق حسام المصرى تـاريخ 2008-05-20T08:07:29

إلى المفقود لأجل غير مسمى سيخ حديد، يعز علينا فراقك كما يعز الرجال، يعز علينا عدم مد أيدينا إليك فأنت تعلم الاحوال، يعز علينا فقد دماءنا وغازنا لاجل إنتاجك فأنت عز الرجال، وتحيا تحيا وإحنا مش مهم.

مهر العروسه

تعليق محمد رضا تـاريخ 2008-05-20T08:06:17.063

اللى عاوز يتجوز ده مين انت بتحلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انصحك هاتلك طن حديد عز مهر للعروسه انت بتضحك ده الطن بعشر الاف جنيه وكمان سيخ كل موسم

عز الحديد

تعليق نور الصباح تـاريخ 2008-05-20T08:00:47.173

عز.....عز.....عز....كلنا بندعي على عز بالرغم اننا متاكدين انه مش اكثر من واجهه للاكبر منه حائط صد بس حيطه مايله

الحديد

تعليق مواطن مصرى تـاريخ 2008-05-20T07:53:31.010

انتم زعلنين على الحديدطيب الزيت والارز والفول المدمس وغيره----ده بعشوه على النيل خلى اخونا البعدى باعوا ناسهم واهليهم

أوقية الحديد فى (السوق العزى) أقصد( السوق المصرى)

تعليق Bos Bos تـاريخ 2008-05-20T06:04:37.827

أعتقد أننا حالياً نواجه فترة من الإستعمار الداخلى مثل الذى واجهه الشعب المصرى فى عهد الئيس الراحل جمال عبدالناصر . فالواجب على الحكومة فى الوضع الحالى هو تأميم شكه حديد عز الدخيله(شركة مساهمة مصرية)مثل قناة السويس من قبل . أو مفيش فائدة ـــــــ> سعد زغلول.

رد علي فكره الخيمه

تعليق محمد تـاريخ 2008-05-20T05:35:20.703

حتي لو عملنا خيام حيمسكو مصانع انتاج القماش لحد تبعهم ويحتكر القماش واليارده تبقي ب1000جنيه

الارض كرويه

تعليق هن تـاريخ 2008-05-20T04:11:28.187

انا بعتقد بما ان الارض كرويه ممكن نكون في اي مكان تاني غير مصر وانا اتوقع اننا نكون في مالطه وده التفسير المنطقي اللي هايريح الكل حتي الحكومه لاننا بنتكلم والحكومه عامله مش فاهمه وفي نفس الوقت بمااننا في مالطه يبقي لازم نقلع ملط اللهم املطنا واكسيهم اللهم شردنا وااويهم اللهم عطشنا واسقيهم اللهم ش

الحل فى عشش زى الفراخ

تعليق غريب محمد على تـاريخ 2008-05-20T01:11:02.297

من بعد ما جت انفلونزا الطيور معدناش بربى فراخ انا باقترح نقعد احنا فى العشش ونملها بدواروربنا يستر ومندبحش

[somayasaleh]

الاخ الفاضل سي السيد

طيب ايه راي حضرتك في دريم لاند :closedeyes:

اللي اشتراها مستر بهجت بملاليم ليقيم عليها مشاريع :D

ودلوقت بيبعها علني جهارا نهارا بالمليارات؟؟؟؟ :blush2:

وسلم لي علي تسقيع الاراضي :blink: :D :D

:D :D :P

معلهش اصل الجو هنا في اكتوبر برد جدا جدا

من الرض المجمدة عندنا