بدر مدينة واعدة يغفل عنها الكثيرون

[ابتسامة رضا]

السلام علينا وعلي عباد الله الصالحين

الحقيقة الموضوع مهم جدا ومفيد لكل اللي عايز يبني بيت أو يشتر شقة

ومدينة بدر جميل ومنظمة وجهاز المدين عامل شغل كويس من حدائق و شوارع وخلافة

أنا وزوجي عندنا قطعة أرض في الاسكان المتوسط وباذن الله جاري استخراج التراخيص

ونصيحتي الي الاخ اللي عايز يشتري شقة في مدينة بد أو أي مدينة جديدة انه يطلع علي مستندات الملكية ويتأكد ان الشقة مملوكة للبائع وليست مستأجرة أو حق انتفاع و ان كل شئ يتم عن طريق الجهاز وميفرحش انه هيوفر الفين وللا تلاتة لاني سمعت عن ناس وقعو ضحية لحاجات من دي الحقيقة الصح بيحمينا والفهلوة والالتفاف حول القانون هو اللي بيوقعنا في مشاكل والنصاب بيستغل طمع ضحيته

ربنا يسترها مع الجميع

[احمد عز]

انذار

الاراضى فى مدينة بدر ارتفع سعرها اكثر من الضعف فى الشهرين الماضيين............ارجو ان ينتبه كل شخص يريد ان يستثمر فى الاراضى (انه لا يوجد مجال لتضييع الوقت فى اتخاذ القرار بالشراء)

هذا الكلام اردت به افادة الناس لانى والحمد لله اشتريت ارض من شهرين ونص ودلوقتى سعرها بقى اكتر من الضعف ...الحمد لله انا سعيد جدا انى اخذت قرار الشراء بسرعة.

ارجو انى اكون افادتكم..........

[هشام عباس]

استاذ احمد عز يا ريت لو تقلي على الأسعار بالنسبه للأراضي كام دلوقتي؟؟؟؟؟ يعني مثلا لو قطعة ارض فيلات في المتميز حوالي 600م او اكتر؟؟؟؟ ممكن تكون بكام؟

[الباشمهندس ياسر]

السلام عليكم

مفيش موقع نقدر نعرف منه تفاصيل الاراضى والتقسيمات فى بدر

[هشام عباس]

هو ده الموقع الي عندي وعرفش غيره يارب يساعدك

undefined

[هشام عباس]

انا اسف واضح اني معرفتش انقل الرابط ......... لكن انا عندي ارض في بدر وممكن اقولك اي تفاصيل تحب تسأل عنها لأني عارف المكان كويس جدا جدا ورحت هناك اكتر من مره ولو حابب تسأل عن حاجه بالتحديد انا تحت امرك ...

hesham_666666@hotmail.com

[الباشمهندس ياسر]

السلام عليكم

الاخ هشام مشكور على اهتمامك و بارك الله فيك

انا بس عايز اسال عن قطعة ارض عمارات او فلل فى حدود 400 متر مربع

السعر هيكون اد ايه فى الحالتين وعدد الادوار هيبقى اد ايه فى الحالتين

و طريقة السداد هتمشى ازاى

و بارك الله فيك

[مهندس تحكم]

شكر للاخ احمد عز ايلي فتح الموضوع....

انا فعلا بصيت علي الجروب والمواقع حتي علي الجوجل ايرث...والمدينة فعلا تقسيمها ممتاز جدااا....

بس الوقتي انا مش عارف الناس بتشتري ازاي....يعني المفروض الشراء يتم من خلال اعلان ...والناس تتقدم ويتعمل قرعه ...ويكون ليها شروط...

وبعد كدة الفائزين بالقرعه يكملوا اجراءات التخصيص والتراخيص اللازمة للبناء ...لان المهلة 3 سنين بس...

المشكلة بقي ...الناس ايلي بتبيع وبتاخد اوفر فوق سعر الجهاز.....بيبيعوا ازاي...لان في شرط في العقد انة لا يجوز البيع الا بعد استكمال الانشاءات ...ودة علشان تجارة الاراضي والسمسرة وتسقيع الاراضي...ودي الشروط من موقع هيئة المجتمعات العمرانية الجديدة....

ثالثاً : الشروط :-

- يتم تقديم طلب الحجز بصفة شخصية أو بتفويض بفرع بنك التعمير و الإسكان بأي مدينة من المدن

الجديدة .

- يرفق بالطلب صورة من تحقيق الشخصية .

- لم يسبق للمتقدم الحصول على قطعة أرض سكنية بالمدن الجديدة .

- لا يحق للأسرة الواحدة التقدم لحجز أكثر من قطعة واحدة .

- لم يسمح بالتصرف في الأرض بأى نوع من التصرفات إلا بعد الانتهاء من الإنشاءات .

- يلتزم المخصص له الأرض بالمواصفات الواردة بكراسة الشروط و المتاحة مجانا بفرع بنك التعمير و الإسكان بكل مدينة و محدد بها أسعار الاراضى .

ايلي عايز اعرفة من الناس ايلي اشتروا.....هل عملية بيع الاراضي المخصصة لناس تانية ...ونقل التخصيص ..دية قانونية ....ومافيش فيها مشاكل....ولا عملية الشراء بتتم ازاي...

[هشام عباس]

الباش مهندس ياسر بالنسبه لأراضي الفيلات فأقل مساحه هناك هي 585م وممكن تشتريها بحوالي 140 الف والمساحه في حدود 150م ممكن تشتريها بحوالي 150 الف وهذه اسعار شهر 2 الي فات لأني لم انزل اجازه هذا الصيف وكانت اخر زياره لي هناك شهر 2 الي فات ........... والبناء في اراضي الفيلات المسموح به هو بدروم وارضي ودور واحد وبأمكانك ان تدفع 25% من ثمن الأرض الأصلي في الجهاز وتزيد دور اضافي .............. اما ارض العمارات فأسعارها اقل من الفيلات يعني ممكن تلاقي قطعة ارض 600م ب 100 الف جنيه وذلك لأن اراضي الفيلات موقعها متميز جدا ولقربها الشديد من طريق مصر السويس الصحراوي اي قربها من مدينة مدينتي (طلعت مصطفى) واعتقد ان اقل مساحه لأراضي العمارات هي 500م والبيع هناك ليس بالمتر اي ان السعر لا يتحدد بناءً على عدد الأمتار وانما على تميز موقع القطعه

والبناء في اراضي العمارات المسموح به هو بدروم وارضي واربع ادوار على 50% من مساحة الأرض اما الفيلات فالبناء على 40% من مساحة الأرض والباقي حديقه خاصه بالفيلا او العماره تحيطها سور

الأخ مهندس تحكم الي بيشتري الأن من ناس تم تخصيص الأرض لهم بيشتري بتوكيل وهذا يتيح له التعامل مع الجهاز لأصدار التراخيص والبناء وكل شئ ولكن تبقى الأرض في الجهاز بأسم مالكها الأصلي ويسمح للمشتري الثاني نقل ملكية الأرض بأسمه في الجهاز بصوره رسميه بعد الأنتهاء من بناء دور واحد صالح للسكن وتشطيبه من الخارج ............... وانا تحت امركم في اي سؤال اخر

ولكم تحياتي

[هشام عباس]

انا اسف في المداخله الي فاتت كتبت 150م في الفيلات وكنت اقصد 650م

[الباشمهندس ياسر]

الفاضل هشام عباس

سؤال اخر اذا تكرمت

هل توجد تسهيلات فى السداد ام ان الدفع فورى بنسبة 100 %

و لو ممكن توضيحات مفصلة

و جزاك الله خيرا

[هشام عباس]

المبلغ الذييدفع في الأول ولنأخذ مثلا ارض فيلات 650م هتدفع في الأول ال150 الف كاش ويتبقى عليك اقساط بعد الأستلام بثلاث سنوات حوالي 20 الف ج سنويا ولمدة 7 سنوات وفي خلال الثلاث سنوات بعد الأستلام يجب ان تكون قد استخرجت تصاريح البناء وعلى الأقل قمت ببناء دور واحد صالح للسكن وقمت بتشطيبه خارجيا وبذلك تستطيع نقل ملكية الأرض بأسمك في الجهاز

واي سؤال تحب تسأل عنه اسألني على طول وبدون تردد انا تحت امرك

[الباشمهندس ياسر]

بارك الله فيك يا اخ هشام

و مشكور على مجهودك

و نردهولك فى الافراح

[احمد عز]

انا اسف انى اتاخرت فى الرد وذلك لكثرة الانشغالات....

استاذ هشام عباس الاسعار اللى حضرتك ذكرتها ديه كان زماااااااااااااااااااااااااااااااااااااااان واضح فعلا انك مغترب ومش عايش فى مصر

مش هتصدق لو قولتلك الاسعار اتضاعفت ازاى

واحد صاحبى راح الجهاز وسأل على سعر المتر قالوله 800 او 900 فيما فوق يعنى خلاص اللى اشترى اشترى

يعنى فرق السعر بينها وبين الشروق 100 فى المتر

طبعا اتخضيت من الارتفاع الهائل فى السعر ................. انا اول مرة كتبت الموضوع ده من عدة شهور كان المتر ب 300 جنيه..........ده نفس السيناريو اللى حصل للشروق فى الارتفاع المفاجئ للاسعار.

على فكرة انا لما رحت الجهاز لاقيت ماكيت لميناء القاهرة البرى الذى انشئ جزء كبير منه ماكيت جميل به عدة فنادق عالة المستوى....القضية الاهم ان الموظف هناك قالى انهمابيدرسوا نقل ارض المعارض اللى فى مدينة نصر بجوار المينا وهيعملولها مواصلات مخصوصة زى ما بيعملو لارض المعارض دلوقتى.

تم تعديل 30 أغسطس 2008 بواسطة احمد عز

[mahmoh]

طب ياجماعة بالنسبة لواحد محلتوش غير مرتبة هل ممكن ياخد شقة تمليك او ايجار من الهيئة ؟؟

واذا كان ممكن فتنصحونى باى حى من الاحياء اقدر اخد فيها الشقة ؟؟

وتنصحونى اخدها تمليك او ايجار؟؟

ياريت ياجماعة الرد بسرعة لان الموضوع دة شاغل تفكيرى بقالة اكتر من 4 شهور

[احمد عز]

حضرتك ممكن لو ما كنتش استفدت من اى دعم للدولة ممكن تاخد شقق شباب من الجهاز كانو لسه عاملين اعلان عنها من فترة وكانت فى جميع المدن الجديدة..............يارب تلاقى شقة وما يكونوش قفلوا باب التقديم

عموما حتى لو قفلوا باب التقديم هما كل فترة بيعملوا اعلانات عن الشقق ديه فى كل المدن

ولو عايز تليفون وميل جهاز مدينة بدر بالاخص ابقى قولى وانا اجيبهولك.

او

لو تقدر تدفع اقساط عالية ممكن تشوف تمليك وطبعا مقدم معقول.......لو ما تقدرش الايجارات هناك كويسة

[mahmoh]

حضرتك ممكن لو ما كنتش استفدت من اى دعم للدولة ممكن تاخد شقق شباب من الجهاز كانو لسه عاملين اعلان عنها من فترة وكانت فى جميع المدن الجديدة..............يارب تلاقى شقة وما يكونوش قفلوا باب التقديم

عموما حتى لو قفلوا باب التقديم هما كل فترة بيعملوا اعلانات عن الشقق ديه فى كل المدن

ولو عايز تليفون وميل جهاز مدينة بدر بالاخص ابقى قولى وانا اجيبهولك.

او

لو تقدر تدفع اقساط عالية ممكن تشوف تمليك وطبعا مقدم معقول.......لو ما تقدرش الايجارات هناك كويسة

يا استاذ احمد اولا شكرا على اهتمامك

تانى حاجة بالنسبة للتمليك هايطلبوا منى قد اية مقدم ؟ قد اية ساعت توقيع العقود؟ قد اية ساعت الاستلام؟ قد اية قسط شهرى؟

طب وبالنسبة للايجار هل هادفع فيها فلوس كتير فى الاول ولالأ ؟ والايجار الشهرى هناك بيبقى قد اية تقريبا ؟

واى الاحياء افضل للسكن بالمدينة؟

ومعلش انا بتقل عليك استاذ احمد لو ممكن تديلى تليفون وميل المدينة ؟ وشكرا

[aboramy]

السلام عليكم

استاذ احمد عز

انا عندى تساؤلين ..الاول اننى اريد ان اعرف اسعار الفلل هناك وهل يمكن ان اجد فيلا مبنى منها بدروم ودور ارضى فقط والسعر اخباره ايه

اما الامر الاخر بالنسبة ان مدينة بدر مدينة عمالية ووجود المصانع بها اليس هذا من مساوئ المنطقة لأنه كما تعلم وجود المصانع يؤدى الى التلوث والامراض كما فى حلوان وانا احد اصدقائى هناك يقول لى انه باع شقته هناك لهذا السبب . مارأيك