الفنانه الإستعراضيه دينا..تحيي حفل مدرسي

[nash]

إلي أي هاويه وصلت المرحله التعليميه في مصر؟؟

حينما تقوم مدرسه ثانويه تابعه لوزراة التربيه والتعليم بالإستعانه بالراقصه دينا لإحياء حفل نهايه العام الدراسي..

فأي قيم وتربيه حسنه نوجهها للجيل الجديد؟؟

كيف قام أو قامت مدير المدرسه بالموافقه علي هذا الأمر...وكيف لم ينتبه علي العمليه التربويه والأمانه التي بين يديه أو يديها..ثم ما هي القيم التي ستعود علي الطلبه والطالبات ؟؟

لم اصدق هذا الخبر في البدايه...ولكن للاسف تم ذكرة في الجرائد المصريه وحتي الأن لم ترد وزارة التربيه والتعليم الموقرة علي هذا الأمر..

أدان السيد فتحي سرور هذا الأمر باسمه وبأسم المجلس..وقال لا يجوز أن تلجأ دور التربيه للراقصات لإحياء الحفلات المدرسيه...

كما أدان الدكتور مفيد شهاب هذا الأمر وقال إن الحكومة لا توافق على هذا التصرف ومسؤوليتها محاسبة كل من تسبب أو شارك في تنفيذ هذه الحفله..

وأضاف أن وزير التربية والتعليم موجود لحضور منتدى دافوس في شرم الشيخ وسوف يحضر إلى المجلس لإعلان الإجراءات التي اتخذت لمعاقبة من شارك في هذا الأمر.

من ناقش هذا الأمر هو النائب مصطفي بكري....الذي تسائل وأكد علي إنزعاج المصريين لما وصلت غليه العمليه التعليميه.....

هل نحن منزعجون حقا؟؟ أظن أن المأساة اكبر من ذلك وكلمه منزعجون لا تفي بالوصف الدقيق للحاله...وأحسب ان العمليه التعليميه في مصر فقدت الكثير من المصداقيه...

ويكفي وجود الصفوف الاخيرة من المرحله الثانويه سواء للصف الثاني أو الثالث ثانوي خاويه علي عروشها...نتيجه تلقي الطلبه والطالبات الدراسه في البيت عن طريق الدروس الخصوصيه لضمان الحصول علي مقعد في الجامعه ....

والله مهزله بكل المقاييس....

[عصام أبوالفتح]

معلش يا مدام ناش ماهى يمكن مدرسة بنات وعايزين البنات تاخد درس خصوصى فى الرقص الشرقى .. اهو هدف تعليمى برضو !!!!!

سؤال بالمناسبة : إيه علاقة وزير التعليم بمنتدى دافوس بشرم الشيخ ؟ ... مش فاهم !! ... مش كانت المدرسة اقرب ؟

الضرب فى الميت حرام يا مدام ناش :aslam:

[se_ Elsyed]

فنانة إستعراضية ؟!!!!

إسمها غزية ... أو بالفرنساوي رقاصة أو بالألماني عالمه من العوالم بتوع شارع محمد علي ومُسجلة أداب ...

بس العيب مش عليه ... العيب على التربويين اللي المفروض إنهم محترمين ووصل تفكيرهم إلى هذا الحد ... ورايحين مأجرين قاعة إحتفالات في أحد الفنادق الكبرى على النيل عشان يروشنوا الطلبة ...

وأعتقد إن مجلس الشعب مش المفروض إنه يستنكر فقط ما حدث ... ولكن عليه أن يلفت نظر إدارة المدرسة بشدة ويحذرهم بسحب تراخيص المدرسة في حالة تكرار ذلك ..

[محمد ابوعوف]

انا عضو جديد طازة انهاردة بحى جميع اعضاء المنتدى واشكرهم على المعلومات اللى قراتها هنا/ومعلهشى انا اسف ادا كنت هبتدى تعليقى على رقاصة اولا هدة المدارس الخاصة تواللغات معظمها انشات جيل اخلاقة مش ملا بد بسبب اسلوب التدليل الزائد عن الحد وان الزبون اقصد الطالب دايما على حق/وان شفت الراقصة دينا انهاردة فى روتانا سينما وبتتكلم وكان مفيش حاجة وان دة طبيعى جدا لان قامت باحياء حفلات بتخريج 150 دفعة على مدار 20 عاما الصراحة فى مصر الان لا فى تربية ولا تعليم وشكرا

[aimen]

دا خبر جميل والله وياترى الحضور بالملابس ولا بدونها

ممكن سؤال

انتوا متوقعين ايه ؟ انا شايف انه امر عادى جدا فى مصر - ومتوقع وحيحصل الأسؤأ كمان لأننا ذاكرتنا قصيرة وسريعه النسيان

ياعالم اذا كانت ما انكسفت بعد اللى بالى بالك حتنكسف من رقصة صغيرة

الحل كل واحد يخلى باله من عياله

[نبض الابداع]

الراقصة دينا يحيي حفل نهاية العام المدرسي

يبقى انت اكيد اكيد في مصر

:aslam:

تم تعديل 21 مايو 2008 بواسطة نبض الابداع

[Handasah]

ياجماعة انتو فهمتو الموضوع غلط هى بتساهم فى رفع الهم والحزن والتعب من على الطلبة ومدى المعاناه الشديدة اللى لقوها طوال السنة فى مدرستهم وكمان تنمية الحس الفنى لديهم .......ههههههههه ( حتى التعليم مسبهوش فى حالة ) والله دى مسخرة والعيب عند المسئولين عن المدرسة واللى سمحو انهم يعملو الحفلة دى .

تم تعديل 21 مايو 2008 بواسطة ابو عمر

[badroora]

انما الامم الاخلاق ما بقيت فان هم ذهبت اخلاقهم ذهبوا ""

وزارة التربية والتعليم اكيد من قام باختيار هذا الاسم كان يعى اهمية التربية فى نفوس ابنائنا التى قد تكون اهم من العلم نفسه

فعلم بدون تربية لا قيمة له اذا لن يؤثر فى نفسية الفرد وتهذيبه ,ولكن من الواضح ان بعض المدارس قد ملت من هذا الشعار الاخلاقي

زيادة عن الحد المطلوب وفوضت نفسها لنشر الآفات الاخلاقية بين ابناء المستقبل بدل من ان تحفذهم على الانجاز والكد والاخذ بيد

انفسهم وتشييد الحضارة انحسرت وتمحورت واغفلت القيم الانسانية والروحية ودور المدرسة التربوى الذي يعتبر ثانى مصدر للفرد

لتهذيبه وتأديبه وزرع القيم بداخله بعد المدرسة الاولى (البيت)

استدعاء فنانة استعراضية او مهما ان كان المسمي التى تسمي به يدل على فساد وانحراف القائمين على بناء حضارات الامم

وجريمة لا تغتفر لمن قاما بهذا الفعل ........اين القدوة الحسنة التى سوف يقتدونها ابنائنا من المدرسة .؟!!!

مدرسة لتلقي العلم وزرع القيم والمباديء تقوم بعمل غير مسئول كهذا ......

.

بالمناسبة الرقص فى حد ذاته مش مشكلة فى علاج نفسي بالرقص Dancing Therapy.

ومش ضد تعليم الرقص بس مش للاحتراف طبعا ...اذن مش دينا هى الجريمة ولا الرقص هو الجريمة الجريمة هنا فى التناقض

نزرع قيم واخلاق ونجلب فنانة استعراضية لاحياء حفلة للطلبة .والجريمة الاكبر هى تساهُل القائمين على التعليم

المسئولين عن تعليم ابنائنا وبناء جيل جديد ........جيل المستقبل

حسافه ع التعليم وع المدارس والمدرسين والكل كليلة (مش كل المدرسين طبعا مع احترامى لكوكومن )

تم تعديل 21 مايو 2008 بواسطة Badria Mekkawy

[abaomar]

السلام عليكم

الاخوه الكرام جزاكم الله خيرا

الاخت بدريه قلتى (ومش ضد تعليم الرقص بس مش للاحتراف طبعا ؟؟؟؟ ...اذن مش دينا هى الجريمة ولا الرقص هو الجريمة الجريمة هنا فى التناقض .المدرسة ليست المكان المناسب لجلب فنانة استعراضية لاحياء حفلة للطلبة .والجريمة الاكبر هى تساهُل القائمين على التعليم )

طيب الحفله ما اتعملتش فى مدرسه و انما كما ذكر احد الزملاء فى فندق يبقى ما فيش مشكله .

و بعدين صار الرقص ذو قيمه طالما كان فى إطار الهوايه ليس للاحتراف و ليس جريمه طيب ماذا تقولين اذا سمعت ان إحدى الزميلات كانت لديها مرور على المرضى و طلب منها احد المرضى علاج يتمثل فى عشره بلدى بعد الاكل و فى إطار DANCING THERAPY

قامت بقص قطعه شاش عريضه و إتحزمت و قامت بعمل جلسه علاجيه على ايقاع DOPPLER :aslam:

اما الراقصه المذكوره فنسال الله ان يستر نساء المسلمين و يسترها و يحسن ختامنا جميعا.

ما حدث هو امتداد طبيعى جدا لسياسه الحرب على الدين التى انتهجتها مصر منذ عهد الزعيم المُلهَم و الى المبارك

و انتظروا الاسواء و لا حول و لا قوه الا بالله .

[MZohairy]

انت تعرف دينا منييييييييييييين يابو عمر؟؟؟؟؟؟ :aslam:

[badroora]

الاخ ابا عمر .........سلام عليكم

حضرتك جهاز الDoppler music (wave ) not matching with Belly dancing . :aslam:

Dancing Therapy حضرتك لا يتم فى اى مكان ولا مع كل المرضي

يتم فى المصحات النفسية والمرضي هما اللى بيرقصوا ( يعنى اكتفاء ذاتى ) عشان يخرجوا الطاقة اللى جواهم مش بيأجروا حد يرقص ليهم

الرقص كهواية مش عيب ولا حرام .

وهل يا ترى الرقص كرقص عيب او حرام ...... ولا اللى بيبعتبروه كمهنه ويحترفوه او كرسالة . ؟!!!

سورى انى عدلت المداخلة الاولى بتاعتى بعد حضرتك ما قريتها بالطبع غير مقصودة ......لما قريت الكلام لقيتنى كتبتها غلط .....سورى :waf:

تم تعديل 21 مايو 2008 بواسطة Badria Mekkawy

[Handasah]

انت تعرف دينا منييييييييييييين يابو عمر؟؟؟؟؟؟ :waf:

اقسم بالله العظيم اقول الحق :aslam:

انا عمرى ماشفتها غير فى التليفزيون وساعتها بقلب على طول ولا عايز اعرفها ياعم الله يخليك متودناش فى خبر كان هى ناقصة دينا كمان .

وزى مقالت اختنا بدرية انما الامم الاخلاق ما بقيت فان هم ذهبت اخلاقهم ذهبوا ""

[nash]

سؤال بالمناسبة : إيه علاقة وزير التعليم بمنتدى دافوس بشرم الشيخ ؟ ... مش فاهم !! ... مش كانت المدرسة اقرب ؟

يا باش مهندس عصام...هذا مؤتمر عالمي وفي قاعات خمس نجوم ومكيفه حضرتك...وفي شرم الشيخ....الدوله اللي بتمني أزورها قبل ماتنتهي صلاحيه البسبور....حضرتك القاهرة اليومين دول جوها يخنق...والتغيير أمر ضروري للقاده والعظماء....

والله فعلا الضرب في الميت حرام...

بس العيب مش عليه ... العيب على التربويين اللي المفروض إنهم محترمين ووصل تفكيرهم إلى هذا الحد ... ورايحين مأجرين قاعة إحتفالات في أحد الفنادق الكبرى على النيل عشان يروشنوا الطلبة ...

الموضوع كله بسبب كلمه تربويين...يعني خريجين تربيه المفروض أو علي الأقل ورة أو أتنين في العمليه التربويه...يعني حتي عند معاجه امر ما يجب مراعاة الناحيه التربويه...طيب كيف مر هذا الأمر علي كل التربويين في المدرسه من اول السيد او السيده المديرة حتي فراش المدرسه...أليس فيهم رجل رشيد؟؟

انا عضو جديد طازة انهاردة

أهلا وسهلا ومرحبا بك اخي الكريم محمد...

شفت الراقصة دينا انهاردة فى روتانا سينما وبتتكلم وكان مفيش حاجة وان دة طبيعى جدا لان قامت باحياء حفلات بتخريج 150 دفعة على مدار 20 عاما الصراحة فى مصر الان لا فى تربية ولا تعليم وشكرا

لا أجد تعليق مناسب علي هذا الكلام..وأين كان أهل الحل والربط في مصر حينما قامت المذكورة بهذه الحفلات؟؟

ياجماعة انتو فهمتو الموضوع غلط هى بتساهم فى رفع الهم والحزن والتعب من على الطلبة ومدى المعاناه الشديدة اللى لقوها طوال السنة فى مدرستهم وكمان تنمية الحس الفنى لديهم .......ههههههههه ( حتى التعليم مسبهوش فى حالة )

وأي معاناة...طبعا ربنا يكون في عونهم الحقيقه...الترفيخ بهذه الطريقه عن الطلبه واجب تربوي...ومهم...

انما الامم الاخلاق ما بقيت فان هم ذهبت اخلاقهم ذهبوا ""

هذه الحكمه أأومن بها وبشده....ولا زلت اثق بأننا في حاله من اللاوعي..واخشي ان نفق علي صدمه مروعه....ويارب يحف مصر واهلنا جميعا

اما الراقصه المذكوره فنسال الله ان يستر نساء المسلمين و يسترها و يحسن ختامنا جميعا.

اللهم آآآمين...

[ELSHAMY]

انت تعرف دينا منييييييييييييين يابو عمر؟؟؟؟؟؟

اقسم بالله العظيم اقول الحق :aslam:

انا عمرى ماشفتها غير فى التليفزيون وساعتها بقلب على طول ولا عايز اعرفها ياعم الله يخليك متودناش فى خبر كان هى ناقصة دينا كمان .

وزى مقالت اختنا بدرية انما الامم الاخلاق ما بقيت فان هم ذهبت اخلاقهم ذهبوا ""

ذهبوا راحوا فيييييييييييييين يا بو عمر ؟؟؟؟؟ اعترف... :waf:

[المنصوراوى]

ايه اسم المدرسة دى قوللى بسرعة علشان الحق الحفلة :waf:

دينا فى مدرسة يا مرحبا يا مرحبا

نتكلم جد شويه

بصى يا ست الكل المشكلة مش فى دينا دخلت مدرسة المشكلة اكبر من كده لانه دينا وغير دينا دخلوا كل البيوت واقتحموا جميع الاصوار طبعا بدون استاذان و كل الاطفال دلوقتى مش عارفين دينا بس دولا عارفين قصة حياة دينا اكتر مننا ليه بقى لانه مفيش زابط و لا رابط

محنا دلوقتى بقينا دولة متحضرة و كل شى ممكن و مباح :aslam:

[~Heba~]

الله يهديها

لا و بتقول ان ملابسها كانت محتشمة و الطللبة كانوا محترمين معاها........انا عن نفسى شفت الصور كنت حتنقط :aslam:

على فكرة

يقال ان المدرسة اسمها "مدرسة كوليدج دى لاسال "

لكن مش هى دى المشكلة.....الحفلة كانت بعيدة عن اسوار المدرسة قد تكون من بنات افكار الطلبة و هم اللى عملوها بنفسهم و المدرسة لم تشرف عليها (و لم تصرف عليها)

بصى يا ست الكل المشكلة مش فى دينا دخلت مدرسة

يا منصوراوى الحفلة كانت فى فندق......مش فى المدرسة

[ابو محمود]

مساء الخير عليكم جميعآ طب موضوع دينا دة سهل دة بيحصل فى مدارس الثانوى مهازل

حاجةصغيرة كدة بشلن ...

عندمرور اى شخص حامل جهازموبايل حديث بالبلوتث ويكونمنسوء حظة مفتوح يجد رسائل كما البحر

كلها مبتذلة وخاصآ بالقرب من مدارس البنات وسلمولى على دينا وفيفى عبدة

الموضوع فية نقص ضمير على حبة قلة أدب من كل من يقود الدفة ربنا يخلصنا منها على خير

واللى مش مصدق يفتح البلوتث بجوار مدارس البنات اللى دائمآ يتم فتح كفيهات بجوارها او المعاهدالخاصة والجامعات .. تعليم عالى قال ومتوسط على وزن وسط وكلة ماشى

تخريب سلوك أبنائنا من أولويات رجال السلام والخنوع

[Nonna]

جامعة عين شمس

بعد ما مسكها السيد الفاضل المحترم اللي مضبط الجامعة

اي والله مضبطها تضبيط تضبيط يعني

الأخ أحمد ذكي بدر الدين

راجل و لا كل الرجال صراحة صراحة

حفلات على ودنه الله ينور في قلب الجامعة :aslam:

مرة محمد فؤاد و ايهاب توفيق و مصطفى قمر و محمد منير

حاجة كدة فرافيشي

واللي بيحصل على حس الحفلات ده اللي بالمناسبة كانت قبل الامتحانات بشهر واحد

_يولع التعليم في داهية التعليم المهم المزااج و النفسوية و احنا شبابا محبط بصراحة و كنا محتاجين كدة فعلا_

اللى كان بيحصل ايه بقى على حس هذه الحفلات :

وانا مالي

انا هسيبكم تتفرجوا و تحكموا :waf:

و ربنا يستر علينا الايام اللي جاية

http://www.haaee.blogspot.com/

و سلام مربع للتعليم و رجااااال التعليم في مصر

تراات ترات تا

ترارار تا

[طه بدر]

اسمحوا لى احنا خرجنا بره الموضوع

الموضوع مش انا الطلاب اتفرجوا على رقاصة واتفرجوا عليها فى المدرسة او فى فندق wst::

فهولاء الطلاب اكيد مش مسجونين فى حبس انفرادى ولم يشاهدوا السى دى الشهير او القنوان الاباحية على الاقمار الصناعية

دى مشاهدة دينا اقل بكثير من البلاوى التى يعرفها عز المعرفة هولاء الطلاب او غيرهم

المشكلة ياجماعة هى فى اولياء الامور الذين يجرون على هذه النوعية من المدارس الاجنبية التى تهتم بتعليم الطلاب الافكار والعادات الغربية اكثر من اهتمامها بتعليمهم اى شىء اخر

ولى الامر يفرح ان ابنه فى مدرسة اجنبية تمسخ روحه وتخلعه من دينه ومجتمعه وتقاليده وهو يدفع لها الالاف من الجنيهات مقابل ذلك حتى يجلس بين معارفه ويقول ان الاولاد فى المدرسة الفلانية

لقد اصبح احتفال البروم والفالنتين والهالوين _وحاجات ثانية ما اعرفهاش- ضمن المقررات الدراسية بهذه المدارس

الخلاصة هذه مدرسة خاصــــــــــــــــــــــــــــــــــــــــــــــــة قبل مانهاجم الوزارة والوزير اسالوا ولى الامر رايه ايه؟؟؟؟؟؟؟؟؟؟؟؟؟؟؟؟؟

يمكن فرحان وبيقول مال الفلاحين المتخلفين من امثالنا باحتفالات ابناهم بحفلة البروم؟؟؟؟؟؟؟؟؟؟؟؟؟

وعلى كل حال الدكطورة دينا احسن من غيرها على الاقل هى معاها دكطوراة

يعنى بترفع من الحالة الثقافية للولاد.

وبرضة الشباب بيشجع الصناعة الوطنية بدل ما كان جاب روسيات او غيرهم يعنى المفروض نحيي روحهم الوطنية والتزامهم الاخلاقى

حقيقى تربية وتعليم راقى wst::

تحياتى

تم تعديل 21 مايو 2008 بواسطة طه بدر

[galaxy]

عزيزتي ناش..احياء دينا لحفل مدرسي..هو التطور الطبيعي للحاجه الساقعه wst:: ...اقصد العمليه التعليميه في مصر wst:: .

قرات اكثر من مرة في بعض الصحف الفنيه المصريه الموجوده مع بعض زميلات العمل...لاني الحمد لله بطلت اشتري جرايد. wst:: ...عن كتير من مدارس اللغات اللي بتعمل حفلات يحيها كبار المطربين من امثال تامر حسني وحماقي gt: ....وبعد وصله الطرب يتم اختيار صاحبه اجمل فستان .......وصاحبه احلي ضحكه.........وافضل كوبل........... gt:

كنا زمان بنختار الطالبه المثاليه.......ونكرم الاوئل علي الفصل.....وكنا بنعمل اوبريتات في حب مصر بمناسبه سته اكتوبر........ :sad:

تم تعديل 21 مايو 2008 بواسطة galaxy