الفنانه الإستعراضيه دينا..تحيي حفل مدرسي

[badroora]

بمناسبة الكلام عن دينا يحضرنى موقف ليها من حوالى 8 سنوات عندما مرض زوجها ابو ابنها واضطر بصدد ذلك

دخول العناية المركزة الى ان توفاه الرحمن فيها ........

.فكنت فى ذلك الوقت لسه طالبة بادرس بالنهار وباشتغل بالليل المهم فكانت الفنانة

دينا تيجي تزور زوحها ابتداء من الساعة 3 صباحا واحيانا 4 ص فى ذلك الوقت كان زوجها فاقد الوعى فكانت تجلس بجواره

بضع دقائق ثم تتوضأ وترتدي سيدال الصلاة وتصلي وتقرأ قرءان الى ان يأتى النهار ثم تذهب الى منزلها فى الصباح الباكر .

وانا بتعامل معاها عمر ماصورتها كراقصة اتت الى مخيلتى اطلاقا .....فدينا الانسانة جميلة داخليا عكس ما تعكسها صورتها

اثناء الرقص او طريقة لبسها او ماقيل عليها .........اللى عاوزة اقوله ان مافيش انسان كامل وحش هى فيها الجزء الظاهر

لنا سيء ولكن اكيد فى جوانب تانية كويسة ودي لا يعلمها الا الله وانا اعى اننا لنا الظاهر ولكن كم من الممثيلات والراقصات

تابوا واصبحوا نموذج كويس الكل يتمنى ان يكون مثله .....ادعوا الله ان يصلح حالها وحالنا جميعا .......

تم تعديل 21 مايو 2008 بواسطة Badria Mekkawy

[أسد]

دينا لم تكن هي بطلة الحفل ..

يعني مش هي النجم الأساسي في الحفل

نجمة الحفل الأساسية كانت ..

نيكول سابا wst::

ودينا حضرت بناء على الكلام اللي ماشي اليومين دول في كل حتة .. مجاملة لمتعهد الحفلات اللي اسمه تامر ..

على أساس انها حترقص رقصة واحدة على الدي جي .. وما خدتش أي فلوس ..

وطبعاً إذا لم تكن دينا .. وكانت نيكول ساب .. هنا الوضع مختلف ..

المهم ....

تم توقيع عقوبات وجزاءات إدارية على مدير المدرسة ..

والمشرفين على مثل تلك الأنشطة ..

وتم حظر القيام بأي حفلة إلا بالحصول على موافقة مسبقة من الوزارة ..

وبالتالي حيقدروا يوقفوا الكلام ده ...

الجميل .. ان فيه واحد من أولياء امور الطلبة .. قال في التليفزيون بالأمس (العاشرة مساء) إنه كان حاضر الحفلة .. والرقاصة كانت بترقص بكل احترام .. gt: wst:: wst:: :sad:

[se_ Elsyed]

[على أساس انها حترقص رقصة واحدة على الدي جي .. وما خدتش أي فلوس

لأ كده ظلمناها

يعني لو كانت رقصت على موسيقى لايف وأخدت فلوس .. كنت هازعل جداً

[kokomen]

الموضوع هو هدم القيم والأخلاق في مجتمعنا المصري والعربي بشكل عام

الدولة هي التي تعطي التراخيص لهذا الفن الهابط الذي يثير المشاعر والغريزة

عند الإنسان وخصوصا الشباب ... الدولة تأخذ من الراقصات ضرائب وتسمح

بإنشاء مدارس أو معاهد لتعليم الرقص الشرقي .... فهل بذلك ندعوا للفضيلة أم ندعوا للرذيلة

الراقصة دينا قالت على الهواء في البرنامج إنها دعيت الى الحفل رسميا للعمل يعني للرقص

مقابل مبلغ متفق عليه وكذبت بذلك مدير المدرسة الغير محترم الذي كذب وقال إنها أتت الي الحفل صدفة wst::

وهل أبنائنا ناقصين .. فنزيدهم فسادا على فساد بعد إنتشار المخدرات بين الشباب وحدوث خلل في منظومة الأخلاق

والعجب أن الوزارة تسمى بالتربية ... والتعليم .. يعني التربية أولا wst:: ثم يأتي هؤلاء الكبار الغير مسؤلين بضرب

القيم التربوية في مقتل ... لأن كل ما يهمهم هو جباية المال بأي طريقة حتى ولو بإفساد الأولاد والبنات عصب هذه الأمة

والمشكلة الأساسية هي ... أن يسند الأمر لغير أهله ... فهذه المدارس ليست مملوكة لفئة التربويين ولكن أصبحت تجارية بحته

ووداعا للقيم والأخلاق الحميدة مع تشجيع هذه المدارس للقيم الهابطة

بالتعاون مع القنوات الفضائية للأغاني وكليبات العري التي تفوقنا فيها على الغرب

حسبنا الله ونعم الوكيل في كل من يساهم في إفساد أبناء هذا المجتمع

[ابو ماجد]

بعد السلام والتحية

لما نوصل إلى مرحلة عدم القدرة على تغيير المنكر نعمل إيه

بطل بساطه كل واحد أو وحده تطلع أبنها أو بنتها من المدرسة وتشوفلها مدرسة ثانيه يعني لو كانت مدرسه خاصه أكيد بتفرق معها الحكاية بس لو مدرسه حكوميه ممكن يعتبر إضراب عن الدراسه وقضية أمن دوله

المهم دينا حضرت ورقصت وبسطت الحظور يعني غلا وبطاله وزحمة مواصلات وفقر ولا عاوزين الناس تنبسط؟؟؟

[om marawan]

.....ادعوا الله ان يصلح حالها وحالنا جميعا .......

اللهم أااااامين أنا معاكى يابدرية العزيزة اننا لا نحكم على شخص وا ان لهداية بيد الله سبحانه وتعالى ربنا يهدينا جميعا سواء السبيل

واذا كنا ندين رقص دينا فى الحفل فالعجب العجاب الذى رأيناه هو فى :

*دفاع الاخ مدير النشاط الثقافى فى المدرسة عن الحفلة ومناداته باحترام اراء الطلبة( اللى ربوهم على حرية الراى والاحساس بالمسئولية من سن 3 سنوات )

واحب أقوله بس اذا كانت تربية المدرسة العريقة تؤدى فى النهاية لاختيار الطلبة لدينا ونيكول سابا وغيرهم للاحتفال بالتخرج

فاعتقد ان فيه اخفاق مريع حدث فى العملية التربوية ككل فى المدرسة خاصة اذا كان قائدها طالع يكذب فى 90 دقيقة قدام الناس كلها

*العجب العجاب هو فى دفاع اولياء الامور واللى قيل انهم حضروا ال 150 حفلة اللى عملتهم دينا فى مدارس اخرى وتاكدوا انهم طبعا سعداء جدا بالمؤسسة الرائعة الراقية اللى اتخرج منها الاولاد

....... اذا كان الاهالى فرحانين يبقا المشكلة مش فى دينا لانه لو دينا ماتت او تابت هنلاقى مليون دينا

واذا كانت نونا بتقول ان التخرج تحول فى بعض المدارس من الاحتفال بالطلبة المثاليين الى " اختيار احلى كوبل " يبقا الموضوع قريب جدا هيبقا زى حفلات الاجانب اللى بيروحوا فيها الطلبة كلهم كوبل ويرقصوا ويشربوا و و و و لحد الصبح !!!!!!!!!

[رمضان]

ما ترقص وايه المشكلة هيه مش رقاصة ودي شغلتها

رقاصة وبترقص

[Sherief AbdelWahab]

سيدي الفاضل رمضان.. أنا معاك.. بس إيه هو الشيء اللي ممكن الراقصة تعمله في مدرسة؟ حتدي دروس ديناميكا؟

إما إن المدرسة إيدها فرطة قوي وأقوى من الوزارة.. وإما إن الوزارة اللي بتتشنج بمعايير الجودة مش عارفة تمارس أبسط مهام الإدارة اللي بتمارسها وزارة على قطاعات تابعة لها وبتشتغل بترخيص وتصريح منها..

الحادثة صغيرة في ظاهرها.. مخييفة في مدلولاتها..

خلص الكلام

[ابو محمود]

السيدبوش الصغير كان من كام يوم فى الشرم وبيدلى بتوجيهات من ضمنها اننا لابد ان نكون مثل تركيا

يعنى انتو عرفتوالباقى يا أما زى العراق او أفغانستان يا أما تركيا يعنى بصراحة كدة الوزارة اثبتت بما لايدعوللشكأختيار مصر للنهج التركى من حريات وديموقراطية والذى منة انا بقول ان السادة المسؤولين حبو يعملوها مفجأة لبوش علشان ييجى يلاقيها جاهزة بدينا وأخواتها

[Alshiekh]

لاتؤاخذونى ياجماعة

هى دينا رقصت فى مدرسة الجيزة الثانوية؟ والا رقصت فى مدرسة الاورمان الاعدادية؟

قدر علمى ان دينا رقصت لطلبة واولياء أمور " De La Salle College "

يعنى اولياء الامور مبسوطين والطلبة مبسوطين ويمكن كمان مسطولين ، وناظر المدرسة والمدرسين مبسوطين ، وسواء قبضت او رقصت مجانا ، أنتوا زعلانين ليه؟

فى حد منكم اولاده او بناته فى المدرسة دى؟ لو آه ، ومش عاجبه ، انقل اولادك وبناتك لمدرسة تتفق مع عاداتك وتقاليدك.

أما ان نضيع وقتنا فى موضوع ( فى رأيى انه لايخصنا ) فهذا مالا افهمه.

والذى لا أفهمه اكثر ، أن السادة أعضاء المجلس الموقر الغضبانين علشان دينا رقصت ، اسألهم انتوا فين والشعب بيرقص فى الشوارع من الجنون اللى اصابه من ارتفاع الاسعار ، وقلة المال ، اين السادة اعضاء المجلس من العيش اللى بيتوزع بالبطاقة واللى الناس بتدبح بعض علشانه.

يعنى مشاكل مصر انتهت ولم يبقى سوى المدارس الخاصة التى يدفع طلبتها اجرة دينا علشان ترقص ، يشغلوا بيها الشعب ومجلس الشعب؟ ام انها حركات منظمة لالهاء الشعب عن ابسط حقوقه فى الحياة ... ان يجد رغيف الخبز ...

[vipwithyou]

فكرتونى بفيلم الباشا التلميذ

لما البيه مدير المدرسة قال للظابط ( اجنا كلنا عيله مع بعتينا )

اذا انتشرت الفاحشة فالنهاية قريبة

لا حول ولا قوة الا بالله

وربنا يهدى الجميع

ولكل جانبه الانسانى لكن الواجب على الكل عدم الاضرار بالآخرين

[mohmaher]

المضحك المحزن لي أنا شخصيا على الأقل .... ان هذه المدرسة هى مدرستي الثانوية التي تخرجت منها ...

Freres de La Salle

والحفلة ديه كانت بتتعمل من زمان من أيام ما كنت أنا هناك ..

ولكن كنا بنعملها في المدرسة نفسها ... و كنا بنسميها "Kermesse"

بس ماكنش فيه أى ابتذال .. اللهم كان مسموح بدعوة كل المدارس الفرنسية بما فيها مدارس البنات الفرنسية

ما علينا .. ربنا يستر على البلد و اللي حصل فيها .

[shawshank]

لقد اصبح احتفال البروم والفالنتين والهالوين _وحاجات ثانية ما اعرفهاش- ضمن المقررات الدراسية بهذه المدارس

بالظبط كده ، هو تقليد لحفلات الـ Prom في الثقافة الأمريكية .