عرض عمل فى تخصصى و دخلت السعودية بفيزا نحال

[باسم مصباح]

السلام عليكم ورحمة الله وبركاته

الاخوه الكرام

انا مصمم جرافيك وجيبت السعوديه من 4 شهور بس ا لفيزا مربى نحل

وللاسف صدمت ان ده مخالف للقانون وكمان صدمت اننا جيت دكانه مش شركه

دلوقتى ربنا اكرمنى وجالى عرض من قناه فضائيه كبيره هنا برضه اننا اكون مصمم فيها

عايز طريقه اخرج بيها من تحت كفيلى ده حسبى الله ونعم الوكيل

طريقه هو ميدقرش يوقفنى

انزل اجازه واغير جوازى حاجه معينه يحق ليه ساعتها انى اطلب نهائى واقدر ارجع

المهم ان فى فيزا تانيه وانا لازم اجى عليها ياجماعه ده مستقبلى فارق الراتب 3 اضعاف غير الخبره والشغل والمكانه

بالله عليكم ساعدونى ادونى اى حل

كفيلى كان شغال فى مكتب العمل ومن النوع اللى ممكن يعمل اي حاجه

انا مش هعرف حد اننا راجع السعوديه تانى عشان ميشتكيش

بس دلونى على طريقه حرام بجد مستقبلى يضيع عشان نظام الاستعباد ده

[باسم مصباح]

30 مشاهده ومحدش رد عليه يارب يسرها يارب

[vipwithyou]

اولا اصبر على الرد الناس مش قاعدة فاضية للنت

ثانيا ً

الموضوع بسيط ان شاء الله

بس عايزين توضيح الاول نقاط معينه

هل انت كلمت كفيلك فى حاجة

هل من الاول انت مسافر عليه على انها فيزا حرة يعنى بتشتغل فين من اول ما جيت

هل طلبت منه فعلا الاجازة

ماذا تم بينكم تحديدا ً

الفيزا الجديدة هل على تلك القناة ام ما هو وضعها

اعطنا تفاصيل ادق لنستطيع مساعدتك

شكرا

[vipwithyou]

ايه دة خمس دقائق فاتوا وحضرتك ما اعطيتناش التفاصيل علشان نرد عليك ؟؟؟

[باسم مصباح]

شكرا يااستاذى على اهتمامك وردك

وانا اسف ان كنت انا مستعجل يمكن لان الواحد اعصابه تعبانه وقلقان ومش عايز يضيع فرصة عمره

ثانيا التفاصيل الفيزا بتاعتى مربى نحل وكفيلى هو صاحب العمل

ولم اتكلم معه حتى الان بس المعروف عن كفيلى ان الكلام والمناقشه غير مجديه معاه

فانا عايز قبل ما اتكلم اوصل لطريق عشان اكمل فيه يكون واضح وصريح

الفيزا الجديده على شركة تابعه لرجل الاعمال صاحب القناه

هتكون اما مهندس او محاسب

يعنى انا فكرت اخد اجازه واغير جوازى وارجع تانى بس خفت من نظام البصمه مش عارف

مش فاهم حاجه

وهل يعنى لو أخدت نهائى لازم موضوه خطاب عدم الممانعه ده حتى لو جاى على مهنه تانيه ولا ايه

تم تعديل 22 مايو 2008 بواسطة باسم مصباح

[قديم]

استاذ مصباح .اهلا بيك معانا عضو في المحاورات .

انت هتسيب النحل والعسل . وتيجي لوجع الدماغ والاشعاعات ..

ما علينا ..

من خلال عرض مشكلتك . لم اجد اي مشكله ليك مع الكفيل او العمل .. الا انك وجدت فرصــه عمل افضــل .!! اليس كذلك ؟؟

هل هناك مشاكل مع الكفيل .؟

كون تاشيرتك مربي نحل ونت مش نحال

وعقد العمل الي بيكم راح فيـن ..؟؟؟

حاول تفاتح الكفيل وتعرض عليـه امكانيـه نقل الكفاله .اعتقد في هذه الحاله سيطلب منك مبلغ مقابل النقل .....

[باسم مصباح]

بارك الله فيك على اهتمامك الشديد انا بتكلم لو الكفيل رفض انا ما بينى وبينه عقد

وناا مربى نحل ده مجرد الفيزا كده لكن انا مصمم

لو رفض الكفيل يسيبنى امشى اعمل ايه وازاى هرجع

عايز طريقه بيها امشى

[vipwithyou]

انت بتقول لو رفض هيسيبك تمشى

يعنى ايه يسيبك تمشى

انت فاكر الموضوع سهل كدة

وبعدين انت لسة جاى من 4 شهور هتعرف تاخد اجازة اساسا ً

اكيد مستحيل

وهل تطبق عليك موضوع البصمة وانت داخل ولا لا