انا رجعت من الاجازة

[مونتى]

انا رجعت من اجازتى السنويه من مصر

اولا اخباركم ايه من غيرى

ثانيا نحب ان نتحدث قليلا فى حب مصر وماذا وجدت فى مصر هذة الاجازة ومدى التغير فى المجتمع المصرى

الاخلاق

الاداب

الشارع ما له وما عليه

كل كدة فى حب مصر

عـ :cry1: ــاشق بلدى

[ahmedarab]

اولا الف حمد لله على سلامة حضرتك

ثانيا نحب جدا ان نتحدث عن كل اللى قولت علية دة ..ياريت تقول كل اللى عندك ....بس امانة عليك متخرطش على قلوبنا بصل اكتر من اللى عليه فعلا .....

فى انتظار تقريرك الكامل عن اجازتك فى مصر ..

تقبل تحياتى

[badroora]

حمدالله على سلامة حضرتك ان شاء الله تكون استمتعت باجازتك .......... :cry1:

يلا بقي بشر ايه اخبار المحروسة يا رب تكون كلها اخبار طيبة هتيجي منين معرفش بس احتمال .

يلا استرجع ذاكرتك وابدأ احكى ..........حمدالله ع السلامة مرة اخرى

[مونتى]

الاخ احمد & الاخت بدريه

شاكر ليكم والله يسلم الجميع احب ان اتكلم عن مصر من وجهه نظرى وماذا شاهدت هناك

انا اسكندرانى وما لفت نظرى مدى التكسير بالشوارع والارصفه وعند سؤالى عن هذا العجن فى التنفيذ قالوا لى السبب

عادل رصيف ..... عفوا عادل لبيب المحافظ وكنت اسال نفسى هل هذة معشوقتى التى حلمت للعودة لها والاستمتاع بالشتاء فيها وبدايات الصيف حححححححسسسرة كبيره

[مونتى]

طبعا اسكندريه عشق حياتى ولااخفى خبر ان جلوسى على البحر اكثر من جلوسى بالمنزل

انا اخذت الاجازه بعد عام من الجهد والعرق هنا بالسعوديه وكان نفسى اشوف مصر

نزلت شاهدت الشوارع ملىء بالسيارات اخر موديل والناس 90% منها معها احدث الموبايلات

والغريب ان الكل يشتكى من العيشه والغلاء ازمه العيش والاسعار اول مرة فى حياتى ارى زيادة للاسعار يوميه

عجيبه يامصر يا ام البدع

عــــ :cry1: ـــاشق بلدى

[النيل حبيبي]

عزيزى/مونتي

حمدالله علي السلامه

سبقتنا بالاجازة قبل زحمه اسكندريه

(طبعاً بتحبوش 8،7عشان الزحمه)

رحت اسكندريه السنه اللي فاتت بس حاجه حلوه خالص)

مصر كلها تناقضات كالعاده

ياريت تدينا كام حصه قبل مننزل

انا بالرياض انت فييييين

[مونتى]

عزيزى النيل حبيبى

شكرا على المداخله

انا موجود ببريدة

اسكندريه روعه ومن اجمل الى اجمل واتمنى ان ينجز المحافظ وعوده بانهاء الاعمال قبل فصل الصيف ولا اظن هذا طبعا

الاسعار نار واللى كان بخمسه اصبح بعشرين وخمسه وعشرين بس كله عايش وبيحمد الله على كل شىء

عــــــــــــ :blink: ـــــــاشق بلدى