ولما أعوز أكلم شعب مصر.. أكلم مين؟

[Sherief AbdelWahab]

الموضوع دة عايز شوية أعصاب قبل ما نيجي نناقشه..

اليومين دول.. عفواً ..السنتين دول ظهرت ظاهرة جديدة ولغة جديدة في تصريحات أشخاص حزبوطنيين ومعارضين ومستقلين..

كلمة "شعب" كذا..

شعب دمياط..

شعب بورسعيد..

شعب الدقهلية..

ووصلت النعرة أكثر لشعوب المناطق داخل المحافظات وقريباً إلى الأحياء والأزقة والكفور والنجوع.. رغم إن فيه حاجة بتجمع كل دول اسمها شعب مصر!

ماشي.. سلمنا بإن كل دول شعوب..

هل من حق أي حزب، أو نقابة ، أو جماعة ، أو شلة ، أو رئيس نادي ، أو صحفي إنه ، أو غيره، يعلن من نفسه ممثل لشعب وأبناء المنطقة بأكملها رغم إنهم لا اختاروه ، ولا انتخبوه ، ولا وقعوا على توكيلات يمثلهم بيها؟

بل إنه هل من حق أي حزب، أو نقابة ، أو جماعة ، أو شلة ، أو صحفي ، أو سياسي إنه يعين من نفسه الممثل الرسمي لشعب مصر كله رغم إنه لم ينتخب ولو في انتخابات كرتونية ، ولم يختَره أحد ، ولم يوقع له مخلووووووووووووووووق على أي توكيل أو أي مستند رسمي يعتد به بتمثيله في شيء؟

هل بدأت الشلل باسم الحراك السياسي، بما فيها شلل الحزبوطني ، عملية اختطاف الوطن واحتكاره؟ هل لو أي حد برة أو جوة عايز يكلم "شعب مصر" ، أو الشعوب "الشقيقة" داخل مصر ، يروح يكلم دول؟

هـ ز لـ ـت

خلص الكلام