عاوز تسأل مين .....؟.....أيه...؟

[مصري جدا]

عاوز تسأل مين .....؟.......أيه.....؟

موضوع جديد من زمان عاوز أفتحه....بس كنت خايف.......ليه..... علشان مش عاوز يحصل صدامات بين الأخوه الأعضاء.......

أيه الموضوع

من خلال متابعاتي لمواضيع المحاورات .... لقيت نفسي عاوز أسأل اسئله لبعض الأعضاء....بس كنت مش بسأل لعدم الخروج عن الموضوع الأصلي في حالة رد العضو علي ...لأن السؤال مش في نفس الموضوع

علشان كده فتحت الموضوع ده وحأبدء ...وأتمني أن يتم النقاش فيه بدون تجريح أو تطاول بالكلمه أو الأيحاء

لأن الهدف من الموضوع هو الحفاظ علي روح الأخوة اللي أتمني أن تكون موجوده في حياتنا....لآني دخلت المحاورات وأنا لا أعرف فيها أحد فقط شدني أسمها ...فحبيت أنضم لمجتمع مصري وأكون عضو فيه أهتم بهمومه وأفرح لأفراحه......

السؤال الأول موجه للأخ س س

لاحظت في الفتره الأخيره وخصوصا بعد المشلكه اللي حصلت لك في الشغل بسبب زميلك اللي كنت معاه كويس جدا وفي الأخر لم يتورع من أعطاءك {مهموز}حسب تعبيرك....لاحظت أنك بعدت شويه ومش أنت س س اللي كنت بقرأ له ويشدني أسلوبه الساخر الرقيق.....حسيت مش عاوز أقول كأنك قرفان ...أو زهقان ....كمان حسيت أن الأسلوب الساخر الرقيق ....بدأت أحس فيه بشئ من التهكم أو السخريه أو التعالي.في بعض الردود...طبعا ده كله أحساس قد يكون وهم ,,,,ولكن هذا ما وصلني كمان حسيت وكأنك مش عاوز تعرف حد يعني مداخلاتك في مواضيع محدده أو لآشخاص محدده ...قد يكون سبب ده أنشغالك في حياتك الشخصيه وأكيد صعب ترد أو تكلم كل الأعضاء ...بس ..أكيد تقدر توصل أحساس تاني غبر اللي وصل لي.علشان كده كنت عاوز أسألك ...هو فيه أيه ... وأيه اللي غيرك...أو غير أحساسي من كلماتك...أتمني أن يكون أحساسي خطأ .....وأن س س لم يتغير ونستمتع بمداخلاته.....أنا بأتكلم بصفه عامه وليس بخصوص أي موضوع معين ....

السؤال الثاني ..للأخ أيهاب سالم

أنا عرفت من مداخلاتك أنك مهاجر لكندا أو هاجرت فعلا ,.....المهم لاحظت في غالبية ردودك لأي مشكله حد بيعرضها أن حضرتك تقلل من الموضوع و تنصحه بالهجره بأسلوب وكأنه هو المسئول عن كل اللي بيحصل له لأنه عايش في مصر ولأنه لم يفكر في الهجره....كمان لو الموضوع يتعلق بحب الوطن ممكن أحس من ردودك بسخريه من اللي بيقول الكلام ده وكأن البلد دي مش بلدنا أو الأنتماء نوع من الهبل ولازم نتخلص منه ....مش بتحاول تساعده بفكره أو تشاركه برأي و في معظم المداخلات الأخيره تتحول عن الموضوع الأصلي ويبدأ موضوع فرعي ..... هجوم ودفاع ....السؤال ....ليه......؟ ليه ما نقدرش شعور وظروف بعض...وليه نقدم سوء النيه علي حسن النيه....

دي بداية الموضوع ...اللي أتمني أن يسير في جو حواري تسوده روح الأخوة والمحافظه علي شعور بعضنا البعض....واللي في أخره نطلع بعدد أكبر من الأصدقاء وليس العكس ......

ها..... عاوز تسأل مين .....؟.......أيه.....؟

سبب التعديل تغيير كلمه كنت أعتقد أنها المكتوبه في مداخلة الأخ س س ولكني تذكرت الكلمه الصحيحه ....أسف جدا

تم تعديل 22 مايو 2008 بواسطة مصري جدا

[~Heba~]

يا سلام عليك يا دكتور مصرى جدا اما حتة موضوع :angry:

شوف انا نفسى اسأل بلدياتى اونكل "النيل حبيبى" و اقوله انتى لييييييييييه بتنادينى بكابتن هبه

دا انا بنوته رقيقة و الله و الله ty:)

تم تعديل 22 مايو 2008 بواسطة ~Heba~

[badroora]

العزيز مصري جدا .........موضوع جميل جدا وجريء واتمنى ان يستمر فى سياقة الطبيعيى احيك عليه ........ clp::

حاليا هاسال ..........3

الاول

العزيز مصري جدا ......من فترة فى بداية افتتاح المدرسة كنت قولت انك كنت مضايق جدا ومحبط ومش ليك نفس تكتب

ممكن نعرف السبب لو سبب عادي اما لو شخصي يبقي مش مشكلة المهم انك تكون تعديت هذه الفترة بسلام !!!

الثانى ......

العزيز .........الشامي

نهون عليك تسبنا لما تفتح منتدى خاص بالاسكندرانية وانا اللى عمالة اقول بن النيل والنيل رواه ......طب اسكندرية بقي

مش فيها نيل .....بحر ومايته ملحة كمان ......... :angry: كنش العشم .

الثالث

العزيز موديست ليه مش بقيت موجود زى الاول وتشارك كتير .....يا رب يكون المانع خير يا جنرال ....... clp::

كفاية كدا النهاردة كجس نبض ....ولو الموضوع مشي نبقي نعمق الاسئلة ty:)

تحياتى مرة اخرى على الطرح المميز .......... clp::

[مصري جدا]

الأخت بدريه ...أهلا بك في الموضوع

بالنسبه لموضوع الأكتئاب وعدم وجود نفس للكتابه كان بسبب أحداث أبريل ومايو والوضع الحالي اللي بلدنا فيه ومش عارف حيوصلنا لفين ...أحنا أغتربنا علشان نلاقي لقمة العيش ...لكن ولادنا حيعملوا أيه ...ده.كان السبب اللي لسه للأسف موجود ..ولكن حالة الأكتئاب هبطت شويه ..والبركه فيكم وفي مواضعيكم اللي فعلا بتنفس علي الواحد شويه ....

بس خلاص

[أشرف حسين]

اخي الحبيب....مصري جــــــدااا

بصراحه موضوع هـايل و خفيف عـ القلب

زي الجـاز و الكبريت و كده يعني md2:

عموما يا سيدي انا لسه مستجد و مليش في حوارات المحاورات

فـ خلينا خفيف خفيف

نسمة المحاورات ....بدريـه

سبق و قلتي من كام يوم انك هتختفي شويه عشان تركزي

فـ الحاجات اللى بتنهار قدامك و كده يعني

ومع ذلك لا اختفتي و لا ركزتي... ايه ده بقى "ادمان" ty:)

اه.. هو ادمان صح...اعترفي و ما تتكسفيش :angry:

ريح الجنوب....الغاليه هــبه

ايه حكايتك مع التوائم اللي انتي محتاره تشيليهم clp::

ده انا عندي بنت واحده و ضهري انقطم هو انتي نويه على توئم فـ المستقبل و لا ايه clp::

شاعرنا الجميل....ابو جيداء

بحكم اني راجل "متشاعر" و عندي شوية محاولات شعريه

اقدر اقول ان كتابة القصيده بـ النسبه لى زى ما تقول كده

حاله من الماسوشية الفكريه اللذيده clp:: لحين الوصول لنتيجه ترضي غروري

فـ بالله عليك قول لي انت ازي بتكتب تلات اربع نصوص كل اسبوع

بتلاقي الكلام فين يا مفتري md2:

و بس كده...انزل يا عم بـ استراحه موسيقيه

md2: md2:

تم تعديل 23 مايو 2008 بواسطة أشرف حسين

[badroora]

نسمة المحاورات ....بدريـه

سبق و قلتي من كام يوم انك هتختفي شويه عشان تركزي

فـ الحاجات اللى بتنهار قدامك و كده يعني

ومع ذلك لا اختفتي و لا ركزتي... ايه ده بقى "ادمان"

اه.. هو ادمان صح...اعترفي و ما تتكسفيش

العزيز ...أسناذ اشرف حسين .............صباح الخير ...... :lol:

والله الموضوع مقدرش اقول عليه ادمان قد ما باحترم كلمتى ووعدى اذاوعدت .......وبما انى وعدت يبقي وجب على ان

اوفي بوعدي ........اليك اخر رد لى فى نفس الموضوع اللى كتبته حين طلبت اجازة ......وسبب الغائي الاجازة ايضا

بسم الله الرحمن الرحيم

الاخوة والاخوات بعد الحب اللى شفتوا منكم دا سواء فى المنتدى او ع الرسائل او الاميل مقدرش اخون ثقتكم في

لغيت الاجازة وهاحاول ارتب وقتى .......بس ابقوا اعذرونى لو قلت مشاركاتى عن الاول .......

العزيزة أمانى اشكرك جدا ع الكلام اللى كتبتيه فى حقي وخلاص يا ستى يعز على انك تفقدي شيء

عزيز عليكي انا جيتك بشحمى ولحمى وعضمى وروحى كمان واتمنى ان اكون دائما عند حسن ظنك والجميع ......

تحياتى للجميع

اختكم للابد

بدرية

على فكرة انا انسانة عنيدة جدا يعنى لو عزمت على قرار اخذته وحبيت الرجوع فيه بينى وبين نفسي مبقدرش

وباعاند مع نفسي واستمر على القرار اللى اخذته مهما ان كان ........ولكنى على قدر قوتى وعندي مع نفسي

الى اننى اضعف من الضعف نفسه امام حب الاخرين واحترامهم لى وسؤالهم لى بالبقاء ............ :wub:

سؤال بقي لحضرتك ........

ليه سألتنى هذه السؤال مع انك لن تشارك فى الموضوع ...؟!!!. ......اوعى تكون من اللى كانوا

عاوزنى ارحل وصِعب عليهم بقائي .... :blink: .....ازعل اوى على فكرة ها .......يلا جاوب بقي :P

اتمنى ان اكون اجبت على تساؤلك ...........مع السلاااااااااااااااامااااااااا........ :wub: :lol:

الذاهبة الآتية

بدرية مكاوي

تم تعديل 23 مايو 2008 بواسطة Badria Mekkawy

[~Heba~]

ريح الجنوب....الغاليه هــبه

ايه حكايتك مع التوائم اللي انتي محتاره تشيليهم

ده انا عندي بنت واحده و ضهري انقطم هو انتي نويه على توئم فـ المستقبل و لا ايه

ريح حتة واحدة.......مش نسمة يعنى

و حكايتى مع التوائم مش محتاجة اسباب...انا بحب الاطفال عموما......و المثل بيقول اللى ما يضر كتر منه

[أشرف حسين]

اوعى تكون من اللى كانوا

عاوزنى ارحل وصِعب عليهم بقائي ....

هما مين اللي كانو دول .. دول لا عاشو و لا كانو

يكفي انك من معاني الاحترام و المحبه هنا يا ست الكل

الامر و ما فيه اني انا اصلا حاسس ببوادر ادمان

فـ السؤال تقريبا من باب Welcome to the club

ريح حتة واحدة.......مش نسمة يعنى

اسف لو التعبير خاني يا بشمهندسه

بس الحقيقه ان ريح الجنوب اسم قصيده كتبتها زمان

و غاليه على قلبي جداا....النيه صافيه ولله

و المثل بيقول اللى ما يضر كتر منه

و برضه المثل (مثل بوشين) بيقول أسأل مجرب

اي و الله اسأاال مجرب

[~Heba~]

اسف لو التعبير خاني يا بشمهندسه

بس الحقيقه ان ريح الجنوب اسم قصيده كتبتها زمان

و غاليه على قلبي جداا....النيه صافيه ولله

ولا يهمك يا استاذ اشرف انا اتعودت على كده

يمكن قريب اطلب من الادارة انها تغير اسمى الى ~شيخ الغفر~

[أشرف حسين]

.

ولا يهمك يا استاذ اشرف انا اتعودت على كده

يمكن قريب اطلب من الادارة انها تغير اسمى الى ~شيخ الغفر~

الله الله..ليه بس كده

قال شيخ الغفر قال..ده انتي بنتنا يعني حتة سكر

بنات اسوان يعني الجمال و خفة الدم و الاخلاق :sad:

و لا انتي بقى عاوزه تزعلي اخوكي الكبير و تحسسيه

بـ الذنب و تأنيب الضمير...هو ده سلو بلدنا برضه wst::

الحبيب..مصري جداا

اسف لو الموضوع خرج عن سياقه شويه

لاكن انت عارف بقى حكم القوى :wub:

.

[حسام يوسف]

السلام عليكم

الاخ الزميل مصرى جدا

تحياتى لموضوعك

حقيقى

رائع

بس اعذرنى

مش هقدر أشارك

مش لأنى معديش اسئلة

أو عتب

بالعكس

لكن لأنى مش مقتنع ان فية فايدة

للاسف

سعدزغلول

كان عندة حق

[حشيش]

موضوع جميل من أخونا مصرى جداً أشكره على طرحه

سؤالى للأخت العزيزة بدرية مكاوى (نجفة المغرورة) :sad:

بلا شك أنتى دينمو وتوربين من توربينات المحاورات ... عايز أعرف إزاى بتلاقى وقت تكتبى هنا وفى الفيس بوك بالإضافة إلى أعباء شغلك مع العلم بأنى شخصياً أستمتع بموضوعاتك الخفيفة والجادة والمتنوعة والتى أرجو أن تزداد أكثر وأكثر ؟

تم تعديل 23 مايو 2008 بواسطة حشيش

[badroora]

موضوع جميل من أخونا مصرى جداً أشكره على طرحه :sofa:

سؤالى للأخت العزيزة بدرية مكاوى (نجفة المغرورة) :blink:

بلا شك أنتى دينمو وتوربين من توربينات المحاورات ... عايز أعرف إزاى بتلاقى وقت تكتبى هنا وفى الفيس بوك بالإضافة إلى أعباء شغلك مع العلم بأنى شخصياً أستمتع بموضوعاتك الخفيفة والجادة والمتنوعة والتى أرجو أن تزداد أكثر وأكثر ؟ :wub:

العزيز حشيش ........بعد اللى كتابته دا معتقدتش انى حتى هاحصل توك توك مش توربينى :blush2:

واللهى المحاورات

الفيس بوك

الواحة

احيانا المحطة

دا غير شغلى

وحاجات تانية كتير لا داعى لذكرها

مقدرش اقول غير

ربنا بيقوينى .............وعصير البرسيم بيغذينى ......... :lol:

لذا انصح كل شاب وكل فتاء عاوز يبقي دينموا عليه وعلى عصير البرسيم فى الصباح والمساء ان شاء الله هيصبح محطة

طاقة مش بس دينمو.......... :sofa:

عقلي الباطل بيقولى شكل الموضوع دا معمول لى انا .........وبقي وكل اللى نفسه فى حاجة هيسألنى :blush2:

وبما انك جاتلى برجليك بقي خد السؤال دا

انت ليه سكت عن موضوع مجموعة الاول من يونيو العيال كلوا وشي من بعد الخطب الحماسية الوطنية اللى صدعتهم بها :blink:

تم تعديل 24 مايو 2008 بواسطة Badria Mekkawy

[النيل حبيبي]

الى البنوته المصرية/هبه الله

كابتن يعنى الشباب والرياضه

الرياضه يعني صحه ورشاقه

[مصري جدا]

الأخ الحبيب أشرف حسن

اسف لو الموضوع خرج عن سياقه شويه

لاكن انت عارف بقى حكم القوى

متقولش الكلام ده ده أنت صاحب بيت والموضوع موضوعك ووجودك نور الموضوع

[مصري جدا]

الأخ حشيش

موضوع جميل من أخونا مصرى جداً أشكره على طرحه

أنا بأشكرك علي ردك ويلا عاوزين نشوف اسئلتك....وكمان أجاباتك ....لآن الأخت بدريه كانت قاعده لك في الدره وجابت ال متخبي

عقلي الباطل بيقولى شكل الموضوع دا معمول لى انا .........وبقي وكل اللى نفسه فى حاجة هيسألنى :happy:

[se_ Elsyed]

السؤال الأول موجه للأخ س س

لاحظت في الفتره الأخيره وخصوصا بعد المشلكه اللي حصلت لك في الشغل بسبب زميلك اللي كنت معاه كويس جدا وفي الأخر لم يتورع من أعطاءك {مهموز}حسب تعبيرك....لاحظت أنك بعدت شويه ومش أنت س س اللي كنت بقرأ له ويشدني أسلوبه الساخر الرقيق.....حسيت مش عاوز أقول كأنك قرفان ...أو زهقان ....كمان حسيت أن الأسلوب الساخر الرقيق ....بدأت أحس فيه بشئ من التهكم أو السخريه أو التعالي.في بعض الردود...طبعا ده كله أحساس قد يكون وهم ,,,,ولكن هذا ما وصلني كمان حسيت وكأنك مش عاوز تعرف حد يعني مداخلاتك في مواضيع محدده أو لآشخاص محدده ...قد يكون سبب ده أنشغالك في حياتك الشخصيه وأكيد صعب ترد أو تكلم كل الأعضاء ...بس ..أكيد تقدر توصل أحساس تاني غبر اللي وصل لي.علشان كده كنت عاوز أسألك ...هو فيه أيه ... وأيه اللي غيرك...أو غير أحساسي من كلماتك...أتمني أن يكون أحساسي خطأ .....وأن س س لم يتغير ونستمتع بمداخلاته.....أنا بأتكلم بصفه عامه وليس بخصوص أي موضوع معين ....

شكراً أخي الكريم على السؤال

بس أنا فعلاً قرفان وزهقان ... لكن لا لشيء يخُصني ولكن صدقني ده عشان حال البلد كلها ... لا أكثر ولا أقل ..

حسيت أن الأسلوب الساخر الرقيق ....بدأت أحس فيه بشئ من التهكم أو السخريه أو التعالي.في بعض الردود...طبعا ده كله أحساس قد يكون وهم

لأ والله لا تعالي ولا روحي ..... و حاشا الله أن أكون ممن يسخر من أحد ... أصلها مش مستاهلة يا عم مصري ..

ولكن هذا ما وصلني كمان حسيت وكأنك مش عاوز تعرف حد يعني مداخلاتك في مواضيع محدده أو لآشخاص محدده

قلة فضى مش اكتر

والحمد لله يقول لك كل زميل فاضل ومحترم هنا يراسلني .. إني شبة متفرغ للرد على الرسائل الخاصة التي تأتيني من زملاء يستفسرون عما يخص العمل بالسعودية ... بالإضافة إلى امور الأشراف والتنظيم .. وبعدين ده أنا مداخلاتي اكتر من الهم عالقلب ...

فالواحد مش أخطبوط يا عم مصري .... عشان يبقى لي 100 إيد وشوف موضوعك ده بقى له كام يوم .. لكن لسه شايفه دلوقت ..

[قديم]

الموضوع جميل جدا .. واعتقد فكره الباب اكثر من رائعــه

احاول ان ابحث عن شخص اعاتبــه .. عتاب الاصحاب

[امانى]

موضوعك رائع يا مصرى وفكرته رائعة بالفعل موضوعك سيتيح لى أن اسال ولكن سؤالى ليس موجه لعضو بعينه او مشرف

او مشرف من المشرفين بالذات ولكن سؤالى موجه للكل

اول دخولى للمحاورات كان شهر مارس من العام الماضى وكنت اول مرة اشترك فى اى منتدى ولا انكر اننى انبهرت بهذا

العالم الافتراضى كثيرا بعد ذلك احسست انه جزء من كيانى وحياتى وكنت بجد فى كل الاعضاء الاخ والأخت والأم والأب

يعنى كنت بحس انى فرد من أسرة كبيرة يجمعها الحب والاحترام المتبادل .

وبعد مرو عام وكم شهر اصبحت افتقد هذا الاحساس . رأيت الاسرة الكبيرة التى كانت تضمنا جميعا تفككت الى اسر صغيرة

وكل اسرة لها افرادها وحياتها بعيدة عن الاسر التانية . اجدنى اقرا كلمات فى سطور وسطور وبين هذه السطور كلمات

اخرى صحيح انها ليست صريحة ولكنها مفهومة لأى قارئ لم تكن هذه السطور موجودة من قبل . اصبحت سعة الصدر بين الأعضاء

تكاد تكون معدومة او الثقة فيما يقول أو الاعتراف بالخطأ كل هذا تغير وأصبحت احس احيانا بالغربه بعد ان كنت احس بانى

وسط اهلى وناسى . يمكن اكون مخطئة بس هو ده احساسى والله ياريت حد يقولى انا مخطئة ولا على صواب

امانى

ز

ز

[مصري جدا]

الأخ سي السيد

شكرا علي ردك ...والحمد لله ، مفيش حاجه وحشه ...هي شويه أكتئاب زي اللي عندي ....علشان خاطر عيون مصر ....ربنا يفك أكتئابنا كلنا ويزيح ....الهم عنا.... قول أمين

حلوه تعالي ...وروحي دي..... جديده.....وهو ده أسلوبك اللي أتعودنا عليه...وربنا يعينك علي مواضيعك وأشغالك وبعدين ياريت مداخلاتك تزيد كمان وكمان ..وتشيل الهم من ع القلب

الأخ قديم ....أهلا بك في الموضوع

وفي أنتظار أسئلتك