عاوز تسأل مين .....؟.....أيه...؟

[badroora]

سؤالى للزمن .........

«ليه يا زمان ما سبتناش أبريا، وواخدنا ليه لطريق ما منوش رجوع، أقسى همومنا يفجر

السخرية، وأصفى ضحكة تتوه في بحر الدموع».

[أسد]

سؤالي لأختي بدرية مكاوي ...

خذي كلامي بحسن نية .. أرجوكي ..

بتجيبي الكلام ده كله منين ...؟؟؟ وبتجيبي وقت لكل ده منين ؟؟

أشعر بأن عندك القدرة على الكتابة والمداخلة في أي موضوع .. ولديك قدرة عظيمة على فتح موضوعات جديدة ..

الحقيقة ..

طاقة تحسدي عليها ...

وأهنئك عليها ...

[badroora]

الاخ العزيز ........استاذ اسد .. ضحكتنى اوى وانت بتترجانى انى اخذ كلامك بحسن نيه :lol: والله انا طيبة خالص وبوء ع الفاضي

اسأل براحتك مش هاهبش فيك ولا حاجة ....

والله الموضوع دا بيعتمد على كذا حاجة

اول حاجة ......انى باشتغل 13 يوم فقط فى الشهر .......قبل ما حد يشهق فى وشي :blink: ....اليوم 12 ساعة

وعندى 17 يوم اجازة .........فعامل الوقت بيساعد بجزء كبير .

ثانيا ........الميول .....انا ميولى محدودة .....ما بين سينيما كل ويك آند لو حد من اصحابي اجازة معى

او سباحة ........او قراءة بسيطة .......التليفزيون مش باحبه ولا باتفرج عليه .

صديقتى ......المقيمة معى فى الشقة ......معظم شفتاتنا عكس بعضها .. فبكون معظم الوقت لوحدى فى البيت .

اصحابي التانين بعيد عنى ومش طول الوقت بيبقوا فاضيين بسبب الشفتات.

فلو بصينا .......هتلاقي مافيش قدامى غير المنتدى ........باطلع فيه كل طاقتى

وطبعا لا باطبخ ولا باعمل اى حاجة فى الدنيا ......غير شغل ......مذكرة قليل......نت .....نوم .

هوايتى زمان كانت التمثيل وكنت باحبها جدا ........واتعرض على امارسها كاحتراف بس طبعا انا رفضت ...فمن خلال مواضيعى

الكوميدية زي مدرسة الاخلاق الحميدة .......ومغامرة نسائية والحاجات دى .......باعوض دا فيها وباحس كانى بامثل بالظبط بس بالكتابة .

الخواطر ......انا على قد ما يبان انى رغاية فى المنتدى واجتماعية الا انى فى واقعى وحيدة اكثر من اى حد فتلاقينى مش

بتكلم كتير فالكلام بيتعتق جوايا بيطلع فى صورة خواطر .

وباقي الحاجات بقي .....ممكن يكون سببها الحياة نفسها انا بحكم شغلى بتعامل مع ثقافات مختلفة وبيئات مختلفة

وتقريبا كل الناس بتورد على فدا برضه بيقوى فى حاجات بدون شعور .

والفضل الاول والاخير يرجع لله سبحانه وتعالى .......وعصير البرسيم :wub:

شكرا على اهتمامك بسؤالى استاذ اسد ........واى وقت عاوز تسألنى يا الف اهلا وسهلا ومرحبتين :)