عايز ارجع مصر واعمل مشروع شخصى بعيدا عن الهندسه

[مونتى]

اخوانى واخواتى بالمنتدى الاعزاء بعد نزولى اجازة ومكثت اربعه اشهر وعدت ثانيا الى السعوديه حيث اعمل كمهندس مدنى احس برغبه شديدة بالعودة الى مصر والى متى الغربه وهل سعر الغربه كافى ام الاستقرار بمصر يكفى والؤال ما هو المشروع الذى استقر به بمصر ولكن بعيد عن المعمار والهندسه لاننى بصراحه اكرة المهنه ديه افيدونى .......... للعلم راس المال موجود

واحب اعمل فى مجال التجارة الحرة والتسويق

عـــــــــــــ ــــاشق بلدى

[~Heba~]

اصيل و الله يا بشمهندس

توقيعك الجميل ده اللى بتحطه فى آخر مشاركاتك هو اللى بيدل على كده

و كمان رغبتك فى العودة

بس اصبر يا هندسة الاحوال دلوقتى مش مستقرة

اصبر حتى لغاية ما سعر الحديد ينزل

و اذا كنت مصر شوف موضوع الدعاية الطبية بتاع دكتور حسام اهو تجارة و تسويق زى ما انت عايز

و ربنا يوفقك و يوفق الجميع :happy:

[مونتى]

الاخت / هبه

شاكر لك هذة المقدمه الجميله التى لااستحقها فعلا ومشكلتى الوحيدة انى بموت بمصر الارض والشوارع والبيوت والاشخاص المصريين!!!!!!!!!!!!بس

وبالنسبه للعودة لمصر فامامى تقريبا سنه حيث اننى راجع من اجازة وانا استعرض الاراء والمشاريع لكى استقر على مشروع

عـــــــ :rolleyes: ــــــاشق بلدى

[قديم]

اهلا وسهلا باش مهندس مونتــي

اسمحي اخي الكريم ان اتحدث بلغـه العموم من خلال مخاطبتــي لك ..

الرغبـه في ان اكون ثريا اعتقد هذه رغبــه تداعب كل انسان ..

كل انسان نفســه الاول .. يسكن صح ويتنقل صح ويعلم اولاده .... منا من يتوقف علي هذه المرحــله . ولكن ما ان يضع قدمـه على اولي عتبات السلم ويبدأ ويحس انه عرف طريق المال تغيرت افكاره . فتسبق الافكار الامكانيـات

عموما قبل ان تبدأ اي مشروع تجاري . يجب عليك ان تدرك :؟

ما هي امكانياتك الماليـه لذلك المشروع .؟؟

ايضا امكانيــاتك الفنيــه .. من حيث القدره علي اداره المشروع بنفســك 1

الخبره الفنيــه للمشروع .. وسر الصنعــه ..2

العقبات المتوقع ان تواجههها وقدرتك علي مواجتها .. 3

يجب ان افرق بين ما اتمني ان اكــون ( مثال مكتب هندسي_ عياده طبيــه ) حسب المؤهل , وبين رغبتــي الداخلـيه .

وبين امكانياتي الفرديــه ..

مثال . قد تجد نفســه في وسط اجتماعي معين . يملك موادر . وامكانيات لم تستغل . مثل . الزراعــه او الخرده ... البعض لا تروق له ان يكون تاجر خرده مثلا او تاجر البصل او في البطاطا مثلا .

نلاقي رغبتــه في ان يكون لديه مكتب سياحــي .مكتب استيراد وتصديــر . مكتب .. الخ

بين هذا وذك الافضل ان تبحث عن ما يناسبك من الامكانيات وما ترغب فيه .. وماتجيد او لديك المام بســره او تتوفر لديك جزء من امكانياتــه ,

عموما كنت اتحدث مع احد الزملاء عن التجاره . وراودتنا الافكار الكثيـره . فقال لي ..

قبل ان تبدأ مشروع يجب عليك ان تبدأ من الصفــر .. . وليس من اعلي السلم

قلت له انا لا اتقف معك يجب علي ان ابدأ من حيث توقف الاخرين .قاطعني وقال

البدايه من اول الصفر يعني ان تبدأ انت بالعمل من اول السلم .. لم استوعب الفكره !!

فقال لي اذا رغبت ان تفتح سوبر ماركت مثلا ..

عليك ان تدرس كل شي وتشبعه دراسـه ..وبعد ان تكون الفكره قابله للتنفيذ . وقبل تنفيذ عليك انت تعمل بالسوبر مدهمعينــه باي صفــه كانت .. محاسب ,,,عامل . مراجع .. بائع .. حتي تعرف سـر المهنـه وتدرك قدرته علي ادارتــها وعملها الشاق . وايضا .. طرق العماله في التلاعب والحايل ..

مجــرد فكــره عامــه اتمني اكون قدمت لك شيئا

تقبل تقديري واحترامي

[عادل أبوزيد]

تفكير سليم جدا بل هو التفكير الواجب على كل مصرى مغترب و خاصة فى دول الخليج ... و إن لم تفعل ستجد نفسك فجأة و قد مر عليك فى إغترابك ربع قرن ، و صدقنى التفكير و تكرار التفكير think and think until it hearts و فجأة ستصل فكرة ناجحة.

ما سبق كان إستهلالا لابد منه

أصدقك القول أن إمكانيات النجاح فى مصر كثيرة جدا و لكن يتطلب الأمر أن تبحث و تسعى و أستغرب كثيرا ممن يتصور أن الفرص فى مصر غير موجودة.

قد تكون - أحيانا - المشكلة نفسية فعقلية الموظف قد تكون عائقا أمام البعض فى الإنطلاق فى مجال العمل الحر.

أضع لك هنا موقع الصندوق الإجتماعى و أرى أنه قد يكون بداية جيدة لإستكشاف فرص الإستثمار فى مصر.

رابط موقع الصندوق الإجتماعى للتنمية

أدعو الجميع للمشاركة بالأفكار فظنى أنك لمست قضية معظم المغتربين المصريين.

[ايهاب سالم]

احس برغبه شديدة بالعودة الى مصر

لو أسبابك عائليه ... أويدك

لكن لو السبب "مصر محتاجلنا يا رجاله"

أقولك فكر بشده

مصر محتاجه فلوسك اللي بتعملها في السعوديه و بتحولها لمصر

كده أنت بتخدم مصر أكتر

تم تعديل 27 مايو 2008 بواسطة ايهاب سالم

[ahmadmosa]

الاستاذ مونتى

حالي مثل حالك تماما - واتفق مع من قال ان العمر سيمر بسرعة ف الغربة دون ان نشعر

هل من وجه تعاون ممكن بيننا ؟!!

[المصـــــــرى]

أين أضع أموالى ومدخراتى وأين أستثمر.

ده سؤال عدى على خاطرى بسرعة شديدة, لإنى دايما فى بالى إن ممكن بكره الصبح أطلع على مقربتى بدل ما أروح الشغل" the end". وعلشان كده بأستثمر فى الآخرة وليس فى الدنيا. وبالتالى مليش مدخرات دنيوية، لاكن أرجوا أن يكون لى مدخرات أبدية. فرجل الأعمال الحقيقى نظرته طويلة المدى.

رحمنا الله جميعا.

تم تعديل 6 يوليو 2008 بواسطة المصـــــــرى

[dawn walker]

احس برغبه شديدة بالعودة الى مصر

والله العظيم انا احس برغبة شديدة فى الطفشان من مصر

[المصـــــــرى]

احس برغبه شديدة بالعودة الى مصر

أوكى، بيتك ومطرحك، حضرتك عايز ترجع ومش عارف إزاى؟ الباسبور ضاع وللا إيه المشكلة بالظبط؟

تم تعديل 6 يوليو 2008 بواسطة المصـــــــرى

[ايهاب سالم]

احس برغبه شديدة بالعودة الى مصر

والله العظيم انا احس برغبة شديدة فى الطفشان من مصر

:unsure:

[TorontoBack]

احس برغبه شديدة بالعودة الى مصر

أوكى، بيتك ومطرحك، حضرتك عايز ترجع ومش عارف إزاى؟ الباسبور ضاع وللا إيه المشكلة بالظبط؟

نعملوا و ثيقة يا باشا و ييجى مترحل و يروح امن الدولة و الحديد في ايده زى المجرمين و يرجع القسم التابع لمحل اقامته و يعيش حياته في الحجز و ياسلام لو مش من سكان القاهرة يبقي قسم الخليفة حيسترزق وقطار الترحيلات حينور .

[melskily]

احس برغبه شديدة بالعودة الى مصر

والله العظيم انا احس برغبة شديدة فى الطفشان

[الباشمهندس ياسر]

انا قاعد دلوقتي انا و احد اخوالي و بنتناقش ف القعده ف مصر

حد يجي يقوله انا وصلت بيا اني عاوز اقوله ارحمني

[hOuSsAm]

حد يجي يقوله انا وصلت بيا اني عاوز اقوله ارحمني

مش خالك بس احنا عايزين الناس كلها ترحمنا :lol:

لك الله يا بشمهندس

[Cinnamon lover]

مساء الخير

انا موافقاك جدا في الموضوع بتاع انك تعمل مشروع بس مش عشان مصر وحشتك لا عشان الحياه اصلا مش مضمونه ووكلامي ده صادر من تجربتي الشخصيه بس لازم تكون فعلا عندك خبره وعندك افكار لان فعلا انا والدي عمل مشروع فعلا وللاسف فشل لان هوا مكنتش عنده اي خلفيه عن اي حاجة فلازم تدرس الموضوع ما تدخله وطلع الاهل منه بتاتا وده نصيحه حد مجرب

وبالتوفيق ليك ان شاء الله

[صبح]

احس برغبه شديدة بالعودة الى مصر

والله العظيم انا احس برغبة شديدة فى الطفشان من مصر

وأنا رغبتي في الطفشان منها أكبر منك والله

ربنا يجازي اللي كان السبب

[Diab]

انا بحب اشوف مصر فيديو

في حد يكره الهندسة الله يسامحك

تم تعديل 12 يناير 2010 بواسطة Diab