ما هو العمر المناسب؟

[فــيــروز]

لم أكتب فى رأس الموضوع "عمر مناسب لإيه" لأنّى عاوزه أسأل على حاجتين

ما هو العمر المناسب لإرسال الطفل للحضانه !! ليس لأن والدته تعمل و من ثمّ مضطرّه لهذا بالعكس الأم لا تعمل لكن الطفل بحاجه للاختلاط مع أطفال آخرين و تعلّم التعامل معهم كى تنمو به قيم مثل المشاركه و التعاون و عدم الأنانيه و خلافه .. كمان عشان مايبقاش الذهاب للمدرسه أو ال KG1 هو أوّل تعامل حقيقى له مع الناس بعيدا عن حماية الأسره ..

ما هو العمر المناسب كذلك للبدء فى تحفيظ الأطفال القرآن؟ على اعتبار أنّهم قد لا يكونوا مجيدين للكلام بشكل صحيح ومن ثمّ لا يستطيعوا الحفظ بشكل مريح

و شكرا لكم مقدّما ..

[om marawan]

هو انا معلش مش متخصصة لكن هأرد على اساس ان عندى طفلين فى المرحلة العمرية دى تقريبا

مبدئيا عاوزة أاكد ان الام لو ودت ابنها الحضانة من اول كى جى لاااازم تلتزم ومايغيبش ابدا غير للضرورة جدا لأن فيه امهات بتعتبره صغير وتوديه يوم وتسيب عشرة

وده بيأخر جدا تعود الطفل على الجو العام فى الحضانة غير ان النظام عنده بيرتبك فمعلش نتعب شوية فى الاول وبعدين نتعود

وده ينطبق على اى سن مش بس كى جى اللى هى من 4 سنوات الى 4 ونصف تقريبا

فيه مدارس بتبدا من 3 سنوات ونصف وده سن معقول جدا للفهم والاندماج و حب اللعب مع أقرانه

لكن رأيى كمان ان كل ام تعرف ابنها كويس ولو لقت عنده استعداد يروح من سن سنيتن أو حتى اصغر يبقا افضل

وبكده يكون الطفل اخد وقته فى التعود على الحضانة بدون التزامات يعنى يادوب على قد اللعب مع اصحابه وبالالعاب المختلفة وبس

وانا عندى بنتى الصغيرة من النوع ده ولو انها لسه مش فى الحضانة لكن عندها استعداد اكتر من اخوها لما كان فى نفس السن وده غالبا لانها الطفلة التانية واخدت على اللعب باستمرار مع اخوها

الاهم ان الام تختار الحضانة بعناية جدا جدا حتى ولو كانت تكاليفها اكتر

يعنى الحضانة تكون تهتم بالنشاط وتطوير المهارات وازاى الطفل يشغل عقله وينمى مهاراته الحركية بشكل سليم غير كده يبقا يفضل فى البيت وفى كل الاحوال لازم الام توفر النوع ده من الالعاب فى البيت

النوع اللى بيفتح المجال للطفل للابداع والتفكير والتطور بلاش الالعاب اللى بتشتغل بس بالبطارية وتفضل تلف فى مكانها وتعمل صوت مزعج وخلاص

وطبعا لازم الام تركز جرعة الحنان جدا والاحتواء لما الطفل يرجع من الحضانة وده فى اى عمر لأن الطفل خصوصا لو كبير شوية بيحس بنوع من الغضب احيانا من اضطراره لترك امه فترة طويلة اللى هى مدة الحضانة يعنى وده انا حسيته فى ابنى

اما بخصوص سؤال حفظ القران فانا كمان سألت فيه وكان الرد انه اول ماتحسى ان الطفل يقدر يحفظ اى حاجة ويرددها حفظيه اية او ايتين من قصار السور

يعنى لو بيحفظ من اغنية او حتى اعلان مثلا يبقا يبتدى يحفظ من القران بالتدريج

ده غير انه حفظ القرأن يقوم اللسان جدا وبيساعد الطفل على النطق بشكل افضل واسرع

اسفة على الاطالة وشكرى ليكى على الموضوع الجميل

[ام مازن]

شكرا ياام مروان على المعلومات المفيدة دي .. بس كنت عايزة اسال من خبرتك عن تحفيظ القران ... لاني سمعت ان في اطفال ختموا جزء تبارك و هما عندهم 5 سنين ... و في ناس لسة بتقول ياهادي ويدوبك بيحفظوا 3-4 سور صغيرة في هذا السن ...

انا عارفة ان في اختلاف من طفل لاخر ... بس انا عايزة اعرف احنا متاخرين في الحفظ و لازم نزود المجهود شوية والا كدة معقول

تم تعديل 24 مايو 2008 بواسطة ام مازن

[ليالي الغربة]

والله انا لا استطيع الافادة في هذا الموضوع انا فقط حبيت أحيي السائلة لانها تهتم بتحفيظ القرآن الكريم لطفلها ولا تريد ان تضيع اي وقت لذلك فبارك الله فيك وبكل ام تفعل ذلك وان شاء الله يكونوا جيلا صالحا .

[فــيــروز]

عزيزتى أم مروان

أشكرك بشدّه لاهتمامك بمشاركتنا خبراتك فى الموضوع و أعتذر على تقديم شكرى لك و للمشاركات بالموضوع على المرور و المشاركه

لا يهم كثيرا أن يكون الرد من متخصصين فالتجارب الشخصيه خبره ثمينه جدّا يا حبّذا لو تعلّمنا فضيلة التشارك فيها

الحقيقه أنا باسأل من أجل ابن أختى و عمره سنتين و شهر واحد بس إحنا حابّين مانضيّعش وقته ولو فيه فرصه يبدأ يندمج فى الحضانه من وقت مبكّر يكون أفضل من أجل التعوّد

و نحن حاليا بالفعل فى مرحلة البحث عن حضانه محترمه و موثوق فيها لأن لا أخفى عليكم أن موضوع التحرّش بالأطفال عامل لنا قلق و رعب لا يتصوّره أحد خاصة و هو لا يستطيع بعد التعبير عن نفسه أو ما يريده بوضوح

بخصوص تحفيظ القرآن كنت من يومين فى أحد المحال و أذهلنى أن أحد الأطفال يردّد مقاطع من فيلم "عمر و سلمى" زى اللبلب و صعب علىّ أن يكون هذا هو ما يملأ هذه العقول الصغيره الجميله المتفتّحه لأى شئ يلقى إليها سواء كان جيّد أو ردئ .. أحيانا باعتبر الرغبه فى تحفيظ القرآن للأبناء تعبير أنانى عن شئ لم نفلح فى أدائه و نرجو أن نلحقه مع أبنائنا بس بارجع أقول الفائده لن تكون لنا وحدنا -إن أراد الله لنا الثواب- لكن له أيضا إن شاء الله

تحيّاتى و شكرى العميق للجميع

[om marawan]

لاني سمعت ان في اطفال ختموا جزء تبارك و هما عندهم 5 سنين ... و في ناس لسة بتقول ياهادي ويدوبك بيحفظوا 3-4 سور صغيرة في هذا السن ...

انا عارفة ان في اختلاف من طفل لاخر ... بس انا عايزة اعرف احنا متاخرين في الحفظ و لازم نزود المجهود شوية والا كدة معقول

اولا انا باعتذر جدا عن التاخير فى الرد الاطفال كانوا عيانين عندى :rolleyes:

هو طبعا زى ما حضرتك قلتى فيه فروقات كبيرة بين الاطفال وبعضها يعنى الاطفال اللى ختموا جزء تبارك ربنا يباركلهم بس الوسط معقول

يعنى لو حضرتك تقدرى تخلى المعدل بحيث الطفل اللى تم 5 سنوات يحفظ بدل الاربع سور يكون من 10 الى 12 سورة منهم فاتحة الكتاب هيكون معدل معقول جدا بحيث يكون حفظ جيد جدا وبالتدريج طبعا ومع المراجعة يعنى مثلا يتعود قبل ماينام يقرا الفاتحة او المعوذتين هتلاقيها ثبتت تماما

يعنى افضل الاعمال ادومها وان قل

فلو الطفل تعود انه يحفظ جزء بسيط بدون ارهاق ويداوم عليه هتلاقى حضرتك انه كل سنة بيزود من 15 الى 20 سورة مثلا وربنا يبارك فيهم يارب

العزيزة فيروز أنا اللى باشكرك على مداخلتك الجميلة

زى ماحضرتك قلتى اختيار الحضانة مهم جدا وربنا هو الحافظ باذن الله وهاقولك على حاجة انا عملتها

وانتى بتختارى الحضانة افضل حاجة حاولى تروحى الحضانة فى وقت خروج الاطفال ... شكل الاطفال ومدى الاهتمام باسلوب خروجهم بيبين جدا مستوى الانضباط فى الحضانة

يعنى انا دخلت حضانة مثلا لقيت الاطفال جزء منهم روح وجزء بيلعب لوحده فى الطرقات و الصغيرين فى غرفة مع المشرفة

طبعا فكرة ان الاطفال متسابين يلعبوا وسط الفصول الفاضية واللى بتتنضف من العمال ومافيش اى رقابة عدم انضباط سىء جدا صعب ملاحظته غير وقت الخروج

وحاجة تانية ضرورى جدا تقابلى مديرة الحضانة او الوكيلة وتقدرى بخبرتك مدى انضباطها و جديتها وخبرتها كمسئولة لأنها العنصر الاساسى

وطبعا الاهم من كل ده بجد انك تدعى ربنا وتستخيرى وانتى بتدورى وتاكدى ان ربنا ان شاء الله هيبعت لاختك الحضانة المناسبة

بالنسبة للتحفيظ فاللى قلتيه هو بالظبط اللى قصدته ان لو الطفل يقدر يحفظ اى حاجة من فيلم او اغنية او حتى اعلان يبقا يقدر يحفظ قران

وانا كنت سألت محفظ قالى ان التحفيظ بيكون افضل شىء اية اية وبعدين ايتين مع بعض وهكذا وطبعا اسألى تانى وجازاكم الله كل خير

تم تعديل 5 يونيو 2008 بواسطة om marawan

[ام مازن]

سلامة اولادك يا ام مروان .. ربنا يقومهم بالسلامة و يحفظهم من كل سوء ....

الف شكر على نصايح حفظ القران ..

بس المشكلة ان ابني حافظ بس مخارج الالفاظ سيئة جدا .. و كمان هوا مش فاهم معنى اللي حافظة ..

بس الواحد بيقول احسن من الاعلانات

[om marawan]

الله يسلمك ويعافى مازن يااااااارب ويزقكم دايما الصحة والعافية

والله معاكى حق احسن فعلا من اى حاجة يحفظوها تانية

وعلى ما اذكر احنا كمان واحنا صغيرين لو تفتكرى كنا مش فاهمين معانى الايات ومع السن بدأنا نفهم

وكمان حضرتك حفظ القران هيحسن مخارج الحروف جدا لأن اللغة العربية اكتر لغة تقوم اللسان ( بالشدة على الواو يعنى )

وكمان حضرتك لما يكبر شوية أكدى على خروج اللسان فى الظاء والثاء والذال

وجزاهم الله كل خير اهلنا ومدرسيننا ...

والله جزاكى الله كل خير لأنك شجعتينى اتابع معدل الحفظ برضه مع مروان لأنى كنت مقصرة وربنا يتقبل ان شاء الله منا ومنكم ومن مازن حفظه الجميل حتى بالحروف المكسرة wst::

خالص تحياتى لحضرتك :rolleyes:

[أسد]

سأحكي لك عن تجربتي ..

مع العلم بأن لدي ولد واحد (ربنا يخليه ويحفظه) ..

وأنا مهووس بتعليمه وبالإهتمام به ورعايته ..

أدخلته الحضانة في سن سنتين ونصف ..

لم يكن عمراً مناسباً ..

ولني لاحظت أنه بدأ ينسجم بشدة ويستفيد ويضاف إليه بدءأ من عمر ثلاث سنوات ..

هو الآن أنهى الصف الأول ..

منسجم جداً في مدرسته .. يتحدث العربية والإنجليزية بنفس المستوى .. لأنه بدأ صغيراً جداً في تعلم اللغة ..

والآن بدأ في تعلم الفرنسية ..

بدأت أحفظه القرآن من عمر خمس سنوات ونصف .. أي منذ عام ..

هو الآن يحفظ جزء عم فقط ...

بدأت ألحقه بدورة UCMAS من عمر خمس سنوات.. أنهى المستوى الثالث بنجاح وعمرة ستة سنوات ونصف .. لم ألحقه بالمستوى الرابع .. لأن من هم في المستوى الرابع أكبر منه عمراً بكثير .. ولن يكون هنالك تكافؤ في المنافسة .. فأجلته سنة ..

بخصوص الحضانة ..

إبحثى عن حضانة كل من يعمل فيها من السيدات ..

هم الأنسب للتعامل مع الأطفال ورعايتهم ..

وأكثر أماناً ...

[om marawan]

الافاضل الاستاذ أسد

بارك الله لك فى ابن حضرتك ولى العهد ويحفظه ربى من كل عين وسوء

حضرتك ذكرت ان سنتين ونصف كان سن غير مناسب

انا الحقيقة ابنى دخل فى سن عادى 4 سنين لكن اخته عندها سنتين وبافكر انها تروح من بدرى حضانة

معلش ممكن حضرتك تقولى ليه ممكن يكون سن مش مناسب

وتقبل تحياتى

[ام مازن]

ربنا يخلي ابنك و يبارك فية يارب

بدأت ألحقه بدورة UCMAS من عمر خمس سنوات.. أنهى المستوى الثالث بنجاح وعمرة ستة سنوات ونصف .. لم ألحقه بالمستوى الرابع .. لأن من هم في المستوى الرابع أكبر منه عمراً بكثير .. ولن يكون هنالك تكافؤ في المنافسة .. فأجلته سنة ..

ممكن حضرتك توضح اية الدورة دي ؟ و هل ليها موقع على النت؟

شاكرة جدا

[ام مازن]

الافاضل الاستاذ أسد

بارك الله لك فى ابن حضرتك ولى العهد ويحفظه ربى من كل عين وسوء

حضرتك ذكرت ان سنتين ونصف كان سن غير مناسب

انا الحقيقة ابنى دخل فى سن عادى 4 سنين لكن اخته عندها سنتين وبافكر انها تروح من بدرى حضانة

معلش ممكن حضرتك تقولى ليه ممكن يكون سن مش مناسب

وتقبل تحياتى

ام مروان الغالية انا ابني دخل الحضانة من سن سنتين و اسبوع تقريبا , بس دة كان بسبب ظروف شغلي , طبقا الحضانة خلتة اجتماعي جدا ساعات زيادة عن اللزوم .. و برضة اتعلم حاجات كتيرة من المدرسات و الاطفال اللي اكبر منة .. بس برضة كان بيتعلم من زمايلة الشقاوة الزيادة ....

دي تجربتي , بس لو الزمن رجع تاني , برضة هادخلة من سن صغير .. بس ممكن 2-3 ايام في الاسبوع بالكتير

تحياتي

[أسد]

ربنا يخلي ابنك و يبارك فية يارب

بدأت ألحقه بدورة UCMAS من عمر خمس سنوات.. أنهى المستوى الثالث بنجاح وعمرة ستة سنوات ونصف .. لم ألحقه بالمستوى الرابع .. لأن من هم في المستوى الرابع أكبر منه عمراً بكثير .. ولن يكون هنالك تكافؤ في المنافسة .. فأجلته سنة ..

ممكن حضرتك توضح اية الدورة دي ؟ و هل ليها موقع على النت؟

شاكرة جدا

هذه الدورة تعلم الطفل عمليات حسابية

وتعلمه كيف يقوم بعملية حسابية من جمع وطرح .. وضرب .. الخ حتى ولو بشكل معقد ذهنياً وبدون استخدام أي أوراق أو آلات حاسبة .. ولكنها طريقة ذهنية بحتة ..

يبدأ الطفل بالتعلم باستخدام الأباكس .. أو العداد اليدوي

موقع للاستزادة

http://www.ucmas.com/

أعتقد أن لهم أماكن في كل الدول

أنا في السعودية .. لهم أكثر من مكان هنا ..

في مصر لهم أماكن عدة لتعليم الأولاد ..

هنا يمكنك التعرف عن شبكة التعليم في العالم كله

http://www.ucmas.com/global.htm

[أسد]

الافاضل الاستاذ أسد

بارك الله لك فى ابن حضرتك ولى العهد ويحفظه ربى من كل عين وسوء

حضرتك ذكرت ان سنتين ونصف كان سن غير مناسب

انا الحقيقة ابنى دخل فى سن عادى 4 سنين لكن اخته عندها سنتين وبافكر انها تروح من بدرى حضانة

معلش ممكن حضرتك تقولى ليه ممكن يكون سن مش مناسب

وتقبل تحياتى

سنتين ونصف كان غير مناسب لأنه كان أصغر من اللازم وقدرته على التعلم ضعيفة ..

قدرته على التأقلم أكثر صعوبة ..

الطفل في تلك العمر يحتاج أمه أكثر من أي شئ آخر ..

أمر آخر مهم ..

كان كثير الإصابة بالعدوى .. فالطفل في هذا العمر مناعته لا تساعده على المقاومة الجيدة للأمراض ..

إذا دخل حضانة في تلك السن الصغيرة فهو يحتاج لرعاية خاصة جداً .. وليس رعاية عادية ...

هذا ما اقتنعت به بعد تلك التجربة ...

[se_ Elsyed]

هناك فرق بين إني أدخل طفلي الحضانة في سن صغر ليتعلم ... ولنقل مثلاً قبل سن الـ 4 سنوات وهو سن الـ كي جي ون .... وده في إعتقادي خطأ وظُلم للطفل

أو أدخله الحضانه لمجرد اللعب والإندماج مع الأطفال وليعتاد على جو المدرسة ....

والخيار الثاني يفعله الكثيرون وهو المُحبذ لمثل هذا السن ...

حتى تحفيظ القرآن لابد ألا يكون فيه ظلم للطفل او تحميل زائد على قدراته العقلية... ده إذا اخذنا في الإعتبار إن الولد في مرحلة الدراسة الأولى بيبذل مجهود كبير لكي يتعلم القراءة والكتابة ومسكة القلم حتى ... يعني لابد أن يكون هناك توازن ... والواحد لا يتباهى إن طفله ختم القرآن وهو عنده 7 سنوات مثلاً ... لإن معنى ذلك غن الولد بيحفظ ما لا يقل عن 5 ساعات يومياً .. ده غير المراجعة الدائمة الواجبة لكي لا ينسى ما حفظه ...

[أسد]

هناك فرق بين إني أدخل طفلي الحضانة في سن صغر ليتعلم ... ولنقل مثلاً قبل سن الـ 4 سنوات وهو سن الـ كي جي ون .... وده في إعتقادي خطأ وظُلم للطفل

أو أدخله الحضانه لمجرد اللعب والإندماج مع الأطفال وليعتاد على جو المدرسة ....

والخيار الثاني يفعله الكثيرون وهو المُحبذ لمثل هذا السن ...

حتى تحفيظ القرآن لابد ألا يكون فيه ظلم للطفل او تحميل زائد على قدراته العقلية... ده إذا اخذنا في الإعتبار إن الولد في مرحلة الدراسة الأولى بيبذل مجهود كبير لكي يتعلم القراءة والكتابة ومسكة القلم حتى ... يعني لابد أن يكون هناك توازن ... والواحد لا يتباهى إن طفله ختم القرآن وهو عنده 7 سنوات مثلاً ... لإن معنى ذلك غن الولد بيحفظ ما لا يقل عن 5 ساعات يومياً .. ده غير المراجعة الدائمة الواجبة لكي لا ينسى ما حفظه ...

إشارة إلى موضوع حفظ القرآن ..

طبعاً هناك فرق بي أني أريد أن أحفظ إبني القرآن .. كمسلم .. يجب أن نقرأ ونحفظ من القرآن .. على مدار حياتنا ...

وبين أني .. أريد أن يكون إبني حافظاً للقرآن فقط . .. وأريده أن يكون مقرئ .. أو ليدخل مسابقة .. أو أنني أريده يحفظ القرآن فقط ..

وعندما نسمع عن أن طفل صغير حفظ القرآن كاملاً وأتمه وهو في عمر صغير .. فتلك ملكة منحها الله لهذا الطفل . ووفق أهله إلى إكتشاف تلك الملكة .. ويجب أن يكون في بيئة ثقافية واجتماعية معينة ليتمكن من إتمام ذلك .. لتكون الفرصة مهيئة له تماماً ..

أما في الظروف العادية ..

فلا أعتقد أن هذا ممكنناً (على الأغلب) .. لأن الأطفال العاديون لهم طاقة محددة .. ومقدرة لغوية ... ولفظية ..

أحياناً نرى طفل في الخامسة أوالسادسة .. ولكنه غير متمكن من لفظ مخارج الألفاظ بالطريقة الصحيحة ..

ونرى طفل آخر في الرابعة من عمره .. زي البربند (كما يقولون) فصيح وبليغ .. ويتحدث بطلاقة ..

تلك ملكات فردية ..

وبكل تأكيد .. ليتمكن طفل من إتمام القرآن كاملاً .. فكما قال أخي سي السيد .. فإنه يحتاج عدد ساعات كبير .. أضف إلى ذلك وقت المدرسة .. ووقت الأكل والشرب والنوم ... الخ ..

فلن يجد الطفل وقت آخر لتعمل أي شئ إضافي ..

فبالتأكيد .. سيطغى شيء على شئ .. ولا أعتقد أن هذا هوالمطلوب على الأغلب ..

مما لا شك فيه أن حفظ القرآن وتعلمه أمر هام وواجب علينا كمسلمين ..

ومن يرغب في أن يحفظ إبنه القرآن كاملاً .. وهو في سن صغيرة .. فيجب أن يكون الطفل ممكن له ذلك .. وعلى الأهل تهيئة المناخ اللازم لذلك كاملاً ..

وهذا ينطبق طبعاً على تعلم الرياضة ... والرياضيات .. والعلوم .. الخ

[~Heba~]

الاستاذ الفاضل اسد

تحياتى لك على الرد الرائع

ادعو كل ام و اب ان يكتشفوا ما يمكنلابنائهم فعله

بالنسبة لى انا واجهت صعوبةفى حفظ القرآن و انا صغيرة......لان حروفى كانت ضاربة :closedeyes:

[om marawan]

الاستاذ الفاضل أسد......

خالص شكرى لرد حضرتك الواضح جدا على سؤالى

انا كنت عاوزاها تروح الحضانة للعب فقط وللتعود على جو الحضانة لكن حضرتك نوهت على موضوع العدوى و الناحية النفسية لكل طفل

وانا مع راى حضرتك فى ان حفظ القران يكون باعتدال وحسب مقدرة كل طفل على النطق والحفظ ومع متابعة معتدلة مننا

الاستاذ الفاضل سى السيد......

فعلا الطفل لازم ياخد حقه فى اللعب المدارس حاليا بقت بتدى كم غريب وواجبات واجبات !!!!

والله انا لو عليا يكون كمان التعليم فى الحضانة زى المدارس الامريكية عن طريق اللعب education with fun عشان الاطفال ماتتعقدش

الاسلوب ده فعلا رائع ومفيد لزيادة قدرة الطفل على الابداع

اختى العزيزة ام مازن

تسلميلى يارب على اهتمامك وردك الجميل ..... المشكلة كمان انى عندى البنوتة اشقى حتى من مروان smk:

بس ما باليد حيلة لو استلمت الشغل هاضطر اوديها من الدراسة الجديدة بس فعلا لو حسيت انها مش متاقلمة يبقا بناقص الشغل بقا سنتين كمان :closedeyes:

على فكرة انا اختى عشان ظروف شغلها ابنها فى الحضانة من 10 شهور وحاليا هو 3 سنوات ومستمتع بالحضانة جدا

[ام مازن]

بس ما باليد حيلة لو استلمت الشغل هاضطر اوديها من الدراسة الجديدة بس فعلا لو حسيت انها مش متاقلمة يبقا بناقص الشغل بقا سنتين كمان :closedeyes:

على فكرة انا اختى عشان ظروف شغلها ابنها فى الحضانة من 10 شهور وحاليا هو 3 سنوات ومستمتع بالحضانة جدا

الغالية ام مروان .. انا عاوزة انبهك ان مافيش طفل هايتاقلم من اول يوم .. مش قبل 2-3 اسابيع لغاية مايتاقلم . و هايكون في عياط كتير بالذات الصبح و انتي رايحة الشغل ... بصراحة احساس مؤلم جدا ..

بس نصيحتي ماتحكميش على انة متاقلم او مش متاقلم قبل شهر تقريبا ...

برده .. حاولي تكلميه عن الحضانة و خلية يروح معاكي مرتين او تلاتة يتفرج عليها من برة او يروح معاكي ساعة التقديم ....

الاخ اسد شكرا على المعلومات القيمة عن ال usmas program ..بس دا مرة واحدة في الاسبوع ؟

الاخ سي السيد .. بصراحة انا اتعقدت من كل واحد يحاول يقنعني ان ابنه فلتة عصرة و اوانة ... علشان كدة الواحد بيحاول يسال عن ايه المتوسط

بحيث انه مايضغطش على ابنه او يكون متاخر

شكرا

[أسد]

الاخ اسد شكرا على المعلومات القيمة عن ال usmas program ..بس دا مرة واحدة في الاسبوع ؟

أيوه يافندم ..

بيكون حصة واحدة في الأسبوع ..

ولكن الولد بياخد واجب كبير يشتغل عليه في البيت كام ساعة كده على مدار الأسبوع ..

المارسة والتكرار والتدريب مهم جداً لهذا البرنامج ..

لن يتمكن الطفل من الإنجاز الجيد بدون دعم ومساعدة من الأم في المنزل .. فهو يحتاج لمساعدة .. حتى يتمكن من التركيز الجيد ..لأن ترك الطفل بمفرده يحل التمرينات .. لا يفيد .. لأن الطفل ينشغل بكل شئ حوله .. ويحتاج إلى أحد بجواره .. ليوجهه ويطلب منه التركيز في التمرينات