ما هو العمر المناسب؟

[TotaFunny]

بسم الله الرحمن الرحيم

الاخت فيروز اشكرك جدا على سؤلك لانه مهم جدا و كل الردود الى وصلت كلها مفيده جدا و عن تجارب حقيقيه

انا ام احمد

عندى طفلين احمد 7سنيين و بسنت 6سنيين

احمد منقول للصف الثانى الابتدائى و حافظ 3 اجزاء من القرأن الكريم و بيحفظ فى الرابع و الحمد لله متفوق فى دراسته

و بسنت منقوله للصف الاول الابتدائى و حافظة جزئين من القرأن الكريم ومطلعه عينى فى الدراسه

بدايه حفظ القرأن بالنسبه لأحمد من سن 4 سنيين فى الاول كان تعب جدا جدا لأن الشيخ كان بيجى فى البيت هو و بنت عمته بس

لحد ما حفظ جزئيين و بعد كدة راح دار لتحفيظ القرأن و بقى وسط اولاد كتير و معاه اخته

بالنسبة للسن المناسب لدخول الاطفال الحضانة اولادى دخلو من سنتين ونص وكان فى تجاوب كبير منهم

وتفاعلو معاها وحبوها ويمكن دا السن المناسب لانهم بيبقى وقتها عندهم طاقة ع

على فكرة حفظ القران بيحسن مخارج الالفاظ عند الاطفال مع التكرار مثلا < صدق الله العظيم > معظم الاطفال بتقولها < صقك الله العظيم >

لكن مع تكرارها بتنطق صحيحه

حتى فى الحورات مع الاولاد فى كلام عادى فيه كلام بينطقوه باللغه العربيه صحيح دلوقتى مفيش ماما لا امى حبيبتى ابى العزيز اخى اختى

و حفظ ادعيه ذى دعاء قبل الطعام و بعده و احاديث عن الرسول صلى الله عليه و سلم

و بيسئلوا عن معانى الايات فى السور اللى بيحفظوه بحاول اجوب و لو مش عارفه بسأل الشيخ بتاعهم

لاحظت ان بسنت اسرع من احمد فى الحفظ و اجتماعيه اكتر منه فى الحضانه < الحضانه تابعه للمدرسه الموجودين بها الان >

على فكرة هل ده صح ان الاطفال تدخل حضانه غير تابعه للمدرسه

يمكن بالنسبه لمكان اقامتنا لانه ريفى شويه فده كويس

و سؤال كمان ازاى اعرف هوايات ابنى و بالذات الولد لأن البنت عارفه هوايتها كويس

ارجو انى مكنش اطلت عليكم و يكون كلامى فيه افاده للأخت فيروز :blink:

و ياريت الاقى رد على سؤالى عن هوايات الاولاد

تم تعديل 4 يوليو 2008 بواسطة TotaFunny