(¯`v´¯)-ممكن تختاروا لى فستان زفافى-(¯`v´¯)

[om marawan]

ياااااه معلش انا غبت شوية مشاغل الاطفال عندى وعقبال عندكم ياااااااارب

الفساتين الاخيرة حلوة اوى ياهبة اول واحد بس انا مش باميل للفستان المقسوم نصين ( اسمه كورسيه اعتقد ) باحس انه خط بالعرض بيبين التخن ويقصر شوية

لكن تانى واحد والتالت حلوييييييييين جداااااااا وزى ما ام مازن قالت القصة والخامات باين جدا انها قيمة وهايلة

الحقيقة تانى واحد شغل الدرابيه بتاع الديل جميل جدا وصعب تنفيذه يعنى لوعجبك لازم تشتريه جاهز ماتخليش حد يفصله لأنه مش هيظبطه :Exclam:

الفستان بقا اللى نقتيه من المجموعة الحلوة بتاعة ام مازن راااااااااائع جدااااا وعجبنى اوى توكلى على الله

عاوزة اقولك على حاجة بما اننا طفشنا الرجالة .... حاسبى م الجيبونة السلك بتبوظ شكل الفستان خاااااالص خليها التل للى هو خمس او عشر ادوار حتى وبتكون بكرانيش ساعات وطبعا تتغسل بالنشا وبتبقا حلوة جدا لكن السلك بتاعة زمان دى مابتعجبنيش

رتبى موضوع الجيبونة من بدرى وبلاش تتفاجئى بالجيبونة وبكيه العروسة وانتى خارجة من الكوافير فى اخر لحظة

بالنسبة للمكياج اتاكدى ان الكوافيرة بتستخدم خامات مستوردة محترمة او اختارى من بدرى درجة كريم الاساس واشتريها على ذوقك من ماركات غالية واحتفظى بيها بعد الفرح لمكياج البيت والمناسبات يعنى

لأن الماكياج لو من خامة مش حلوة بيعمل طبقات وبيبقا مش حلو وكريم الاساس لو درجته مش مناسبة بيبقا شبه الدقيق :)

بس ياستى لو دول ان شاء الله مظبوطين يبقا الماكياج عموما هيكون مناسب لأن غالب الكوافيرات بقوا بيميلوا للمكياج المعقول بدون الوان كتير

يعنى حتى لو الماكياج تقيل حاجة بسيطة وبدون الوان ( يعنى يادوب لون واحد مع تدريجاته ببساطة ) بيبقا حلو جدا والتقل البسيط مش بيبان فى اضاءة الفرح

حاولى دايما تشوفى نفسك فى اضاءة مبهرة لأن هى دى اضاءة الفرح ولو مكياجك خفيف زيادة عن اللزوم هيكون شكلك باهت شوية وفى الصور والفيديو مش حلو

ياريت تحاولى تدورى على اسلوب الماكياج اللى بيعجبك فى العرايس اللى بتشوفيهم وعن طريقه تختارى الكوافيرة

وماتقلقيش هتكونى احلى عروسة لأن القلق كمان بيأثر على شكل العروسة

نصيحة اخيرة \\

خللى الابتسامة على وشك طووووووووول الفرح لأنها احلى مكياج للعروسة وماتتكسفيش ابدا ولا تلفتى وشك وانتى بتبتسمى خليها ابتسامة بسيطة على وشك وعلى عينيك طول الوقت

بصى لأى عروسة مبتسمة او عروسة مسهمة وساكتة وانتى تعرفى قصدى

دى كانت نصيحة صديقاتى الغاليين لدرجة انى روحت بقى واجعنى وياااااااارب يتتملكم بخييييييير يارب :D

[ام مازن]

عاوزة اقولك على حاجة بما اننا طفشنا الرجالة .... حاسبى م الجيبونة السلك بتبوظ شكل الفستان خاااااالص خليها التل للى هو خمس او عشر ادوار حتى وبتكون بكرانيش ساعات وطبعا تتغسل بالنشا وبتبقا حلوة جدا لكن السلك بتاعة زمان دى مابتعجبنيش

رتبى موضوع الجيبونة من بدرى وبلاش تتفاجئى بالجيبونة وبكيه العروسة وانتى خارجة من الكوافير فى اخر لحظة

:

يسلم ذوقك يا ام مروان...فعلا منظر السلك تحت الفستان بيكون مش قوي ... علي فكرة الفستان التاني و التالت يتوع هبة باين انهم من غير جيبونة كبيرة ولا حاجة .. مس عارفة باحس انة من غير جيبونة بيخسس الجسم اكتر , علي العموم دا في الاخر مسالة ذوق ..

علي فكرة في موقع جميل جدا علي النت http://www.theknot.com

احلى حاجة فية انة بيدي قوائم لكل احتياجات و مستلزمات العروسة (checklist), ميزانية الخ... دة بيخفف الشد العصبي ان الواحد هاينسى حاجة او يعمل الحاجة على اخر لحظة ...

عقبال كل البنات يارب :rolleyes: (دي زغرودة)

[badroora]

يلا يا هبة الغالية ام مروان وام مازن حلولك المشاكل ...من مكياج لفستان لجيبونه

مبقاش فاضل غير اخر حاجة من الكماليات ...يعنى عدينا الصعب باقي السهل

العريس .........يا ترى مين يدلها على احسن مكان عبدالرحيم عمرو ولا العبودي

اللى عجبنى ان ام مروان بتنصح من القلب وخلتنى حسيت ان هبة هتتجوز بكرة

يا ام مروان شوفلنا خطة ل خماشر سنه قدام ....... :rolleyes: ويا عالم wst::

[~Heba~]

الله يسامحكم

انا عاملة الموضوع عادى جدا للفرفشة و "التفلية" فى الفساتين

انما جواز مفيش لسة....كسفتونى :rolleyes:

لو مجاش العريس دلوقتى ايه العمل wst::

[م.سامح المصرى]

يا سلام عليكم بجد اية دا كله

فساتين جميلة اوى من هبه لأم مروان لبدرية لام مازن لكل الى حطو فساتين

فعلا حاجة جميلة والاجمل انهم محجبين

بس هوا لية كل الفساتين الى انتوا حاطينها بيضا مفيش الوان تانية

ولا انتوا ما حبتوش بقي تتعبوا نفسيكم وتدورو

---------------------------------

بدرية يا سلام على عصيدة التتنتنتين دى

جميلة فعلا

ومؤثرة

طب تعرفى انا كنت هاعيط وانا بقراها

لا بس ربنا يوفقك وتلاقى بنك مصر الى انتى كتبة عنه دا

[مسالم]

كما قالت احدى الفاضلات عند اختيار فستان الزفاف بأنه لابد وان يتوافق مع زي العريس ...

استفتاء:

مارأيك في هذه النكته .. md2:

[~Heba~]

md2: md2:

حضرتك العريس اللى انت جايبه مش لابس حاجة....دا شوية فرو

وبعدين العرسان معروفين مش بيلبسوا فى يوم الزفاف اللا اسود.....و احنا عارفين ليه md2:

[om marawan]

اللى عجبنى ان ام مروان بتنصح من القلب وخلتنى حسيت ان هبة هتتجوز بكرة

يا ام مروان شوفلنا خطة ل خماشر سنه قدام ....... :rolleyes: ويا عالم :wub:

والله يابدرية ضحكتينى

بس بجد دى خطة طويلة الاجل وقصيرة فى وقت واحد

يعنى دى يادوب قشور أو اساس تحطيه فى الاجندة وتكملى عليه كل ماتفتكرى حاجة

فكرتينى لما ماما كانت تهتم تشترى كل حاجة حتى مقشرة البطاطس وتشيلها مع الجهاز مع انى كنت فى اولى كلية

والظريف انى اتخطبت بعد ماخلصت كلية بسبع سنين يعنى المقشرة فضلت ييجى 12 سنة ... شفتى بقا الخطط دى تنفع من ناحيتين ازاى

وبعدين انتى لو عاوزة فستان مطرز على ايدك يااااااااادوب تبتدى بكرة

الله يسامحكم

انا عاملة الموضوع عادى جدا للفرفشة و "التفلية" فى الفساتين

انما جواز مفيش لسة....كسفتونى

لو مجاش العريس دلوقتى ايه العمل :lol:

ياهبة ياعسولة

العريس اللى أهله راضيين عنه وبيدعوله ده جاى جاى هيروح فين من نصيبه :wub: ده قدر

انا عارفة انه مافيش فرح بكرة ولا حاجة يعنى انا بس قلت اقولك الكلام قبل ما انسى

أصل العيال أكلوا دماغى وبالحق اللى اقدر عليه من ذكرياتى قبل التالت مايشرف :wub:

[جويرية]

فكرتيني بفستان فرحي يا هوبة

كل ما أعدي جنب المحل اللي اجرت منه الفستان ادخل أتفرج عليه

و البنات اللي في المحل بيصلولي بشفقة عشان عارفين أن أنا اطلقت و أنا معنديش دم خالص أقلهوم طيب و فين كمان العقد اللي كنت لابساه و فين الطرحة :unsure:

[النيل حبيبي]

الاخوه سامح ومسالم والنيل

ليه دخلتوا علي الموضوع

ام مازن مش عاوزه رجاله -- طفشتنا

هو احنا معندناش من الاحمر ولا ايه

[م.سامح المصرى]

الاخوه سامح ومسالم والنيل

ليه دخلتوا علي الموضوع

ام مازن مش عاوزه رجاله -- طفشتنا

هو احنا معندناش من الاحمر ولا ايه

لا انا عندى من الاحمر دا

كت ونص كم كمان

بس انا عارف وداخل عادى يعنى

بلاش نعاين البوضاعة اشوف هارزع اية على الجيرلاية الى

هاتتحط جنبى على الكرسى الى جنبى يعنى

اسيبك بقي يا ريس علشان ازور موضوع الاخت جويرية بتاع الطلاق

مهوا الواحد لازم يدرس الموضوع كويس hpc:!: