برنامج Compushaving 2.2 Pro للحلاقة باستخدام الكمبيوتر

[Modest]

.

أخي الكريم :blink:

هل مللت من طريقة حلاقة ذقنك و شعرك التقليدية؟

أو ليس لديك الوقت لترك الكمبيوتر لتقوم لتحلق ذقنك بعيداً عنه؟

هل فكرت في حلاقة ذقنك أو شعرك و أنت جالس أمام الشاشة؟

إليك برنامج جديد و رائع يتيح لك أدق الطرق في حلاقة الذقن و التي يمكن استخدامها في حلاقة الشَعر أيضاً.

CompuShaving 2.2 Pro

برنامج للحلاقة باستخدام الكمبيوتر

التجهيزات (و يمكنك عملها مرة واحدة فقط عند استخدام البرنامج لأول مرّة)

1- ماكينة حلاقة عادية

2- كاميرا موصلة بالكمبيوتر (أي نوع سواء ويب كام أو كاميرا فيديو)

3- سلك USB

أما عن البرنامج فيمكنك إتباع الصورة التالية لمعرفة كيفية استخدامه بعد تركيبه على الكمبيوتر:-

يقوم البرنامج برسم خطوط الحلاقة تلقائياً حسب تضاريس الوجه و يتميز بحفظ أكثر من طريقة لحلاقتك و ذلك ليمكنك العودة إلى أي من الطرق التي تم حفظها و الاسترشاد بها عند الحلاقة القادمة .. كما يحتوي على طرق جاهزة مسبقاً للحلاقة .. و يتميز أيضاً بإتاحة الفرصة التراجع في أي وقت عند حدوث خطأ ما و ذلك بالضغط على Undo.

لتحميل البرنامج فضلاً إضغط هنــــــــــــــــــــا

و نعيماً مقدماً

:rolleyes:

.

تم تعديل 24 مايو 2008 بواسطة Modest

[~Heba~]

يا معشر الرجال بحذركم......محدش يدى دقنه للكمبيوتر :rolleyes:

انتوا الخسرانين

وقد اعذر من انذر

موديست...ربنا يهدك يا شيخ انا صدقت

تم تعديل 24 مايو 2008 بواسطة ~Heba~

[vipwithyou]

و يتميز أيضاً بإتاحة الفرصة التراجع في أي وقت عند حدوث خطأ ما و ذلك بالضغط على Undo.

ريس .. ريس .. يعنى لو عورت وشى اعمل undo ?

[vipwithyou]

موديست انت بتهزر

ماشى ماشى

الوصلة بتحولنا لنفس الصفحة تانى يا ريس

وانا اللى قلت هألاقى طرق حلاقة توفر الحلاق

[حشيش]

كلمتين على جنب ياجنرال مودست: البرنامج من وصفك له رائع بس إنته عارف إن أخونا سى السيد حلاق وانته كده بتحاربه فى أكل عيشه ... موضوع زى ده جايز يحلق شعوره قصدى يجرح شعوره :rolleyes: ... إيه رأيك لو تخلى البرنامج ده غير مرئى له يعنى تضيفه على قائمة التجاهل بتاعته

[النجم الثاقب]

ههههههههههههههههههههههههههه

بجد موضوع لذيذ جدااااااااا ، و الله انا لما لقيت جديه فى الكلام كنت هصدق .. بس رجعت لعقلى الحمدلله

تسلم يا موديست :rolleyes:

[Modest]

يا معشر الرجال بحذركم......محدش يدى دقنه للكمبيوتر :lol:

انتوا الخسرانين

وقد اعذر من انذر wst::

موديست...ربنا يهدك يا شيخ انا صدقت

بقى كده يا هبة mft:

و انا اللي فرحت إنك أول واحدة ردت عليا و كنت هادعي لك دعوتين حلوين ربنا يوفقك لعريس يستاهل تحلقي له دقنه :D

[Modest]

ريس .. ريس .. يعنى لو عورت وشى اعمل undo ?

بالنسبة للتعوير عندك ميزة مهمة في البرنامج يا تامر و هي علاج الجروح .. هاتلاقي زرار مكتوب عليه Wounded؟ و تحته مكتوب Click here

إضغط على Click here و هاتشوف بنفسك الي هايحصل .. كل خير إن شاء الله :lol:

[Modest]

كلمتين على جنب ياجنرال مودست: البرنامج من وصفك له رائع بس إنته عارف إن أخونا سى السيد حلاق وانته كده بتحاربه فى أكل عيشه mfb: ... موضوع زى ده جايز يحلق شعوره قصدى يجرح شعوره mft: ... إيه رأيك لو تخلى البرنامج ده غير مرئى له يعنى تضيفه على قائمة التجاهل بتاعته bv:-

شيشو الغالي :D

انت حبيبي و مش باخبي عليك حاجة من واحنا صغيرين في كي جي 1 مع بعض لما كنت بتاخد مني الساندويتشات .. فاكر طبعاً :lol:

اخوك سي السيد باظ منه الهارد ديسك من يومين .. ما سكتّش انا طبعاً لإنه حبيبي من أيام الجيزة wst:: .. ارسلت له برنامج يجيب أجَل الهارد ديسك بعد ما كان لسه فيه الرمق... و دلوقتي ماشي في ميدان رمسيس يقول عايز طور لوب .. ادوني طور لوب يا أهل الطب wst::

قوووم أنا استغليت الفرصة لأطرح هذا البرنامج القيّم لغاية ما يفوق من اللي هو فيه و ياخد بالُه إني سحبت منه عدّة الحلاقة .. يعني عملية نضيفة مية مية smk:

[Modest]

ههههههههههههههههههههههههههه

بجد موضوع لذيذ جدااااااااا ، و الله انا لما لقيت جديه فى الكلام كنت هصدق .. بس رجعت لعقلى الحمدلله

تسلم يا موديست :lol:

كلام جد طبعاً يا نجم .. إزاي أهزر في موضوع مهم زي ده wst:: .. إضغط بس تاني على الوصلة يمكن كان فيه خطأ أثناء الضغط في أول مرة mft:

[Modest]

للرفع للفائدة :lol:

[tahereyad]

الموضوع جميل جدا و البرنامج أكثر من رائع يا استاذ موديست,,,, بس أنا كان عندي مشكلتين بالنسبه لنفس الموضوع:

الأولي هل ممكن البرنامج يساعدني اني اساوي و اظبّط القفا,,, لأنه عاملي مشكله الحقيقه؟؟

و التانيه,, هل في امكانيه فالبرنامج ده اتخلص بيه من شعر المناخير,, بدون استخدام المكنه,,, لأنها غاليه أوي,,,

و نعيما,,,, اقصد شكرا مقدما..

[م.سامح المصرى]

إيشى خيال يا ناس :lol:

طب يا ريس موديست ما ننفعش نعملة أبديت ويحلق الشعر بالمرة

وانا شايف ان احنا برضو الى بنحلق مهوا الاخ الى اعد بيحلق اهوت

هوا مش بيحلقلنا لوحدة او حتى يجيب حد يحلقلنا لازم نتعب نفسينا

[ابو محمود]

مساء الخيرات

يا باشا انت نسيت الموسيئا التصويرية اثناء الفيلم....قصدى الحلاقة ودةخلانى اشك فى الموضوع ؟؟

وبعدين الحلاقة مش ذقن بس ههههههههههههههههههههههههههههههههههههههه

طب الصلع يعملو آية

[Tafshan]

ما كانش العمش يا مودست ... حتى انت بتحلق لنا :D

زي العسل ... مزاء الغييييير

[Modest]

أشكركم أشكركم على تشجيع هذا البرنامج الهام :wub:

و الآن إلى الرد على الاستفسارات :)

الموضوع جميل جدا و البرنامج أكثر من رائع يا استاذ موديست,,,, بس أنا كان عندي مشكلتين بالنسبه لنفس الموضوع:

الأولي هل ممكن البرنامج يساعدني اني اساوي و اظبّط القفا,,, لأنه عاملي مشكله الحقيقه؟؟

و التانيه,, هل في امكانيه فالبرنامج ده اتخلص بيه من شعر المناخير,, بدون استخدام المكنه,,, لأنها غاليه أوي,,,

موضوع ضبط القفا مهم لكن مُكَلِّف شويتين لإنك هاتضطر تستخدم كاميرتين واحدة فوق الكمبيوتر و التانية على الدولاب اللي وراك و شطارتك إنت بقى في توجيه الكاميرا اللي ورا على القفا مباشرةً :wub:

لكن بيني و بينك ضبط القفا يستاهل الكاميرا اللي فوق الدولاب بس خلي بالك الكاميرا تقع .. ممكن تعمل مشكلة

أما بالنسبة لإزالة شعر المناخير ، جاري تحديث البرنامج ليعمل على الديسك توب كما في الصورة لأنه إلى الآن جميع برامج إزالة شعر الأنف تعمل فقط على اللابتوب.

أي خدمة :wub:

إيشى خيال يا ناس

طب يا ريس موديست ما ننفعش نعملة أبديت ويحلق الشعر بالمرة

سموحه حبيبي :sad:

يمكن استخدام البرنامج في حلاقة الشعر و لكني أنصح بانتظار برنامج Compubarber 3.1 Pro الخاص بحلاقة الشعر فقط.

أي خدمة :wub:

[Modest]

يا باشا انت نسيت الموسيئا التصويرية اثناء الفيلم....قصدى الحلاقة ودةخلانى اشك فى الموضوع ؟؟

تشك في الموضوع إزاي بس :)

بدلاً من الموسيقى التصويرية ، يأتي مع البرنامج سي دي عليه راجل بيتكلم في كل حاجة بدون انقطاع لمدة نصف ساعة ليعطيك الاحساس بأنك قاعد عند الحلاق

كل شيء معمول حسابه زي ما انت شايف :wub:

ما كانش العمش يا مودست ... حتى انت بتحلق لنا :wub:

زي العسل ... مزاء الغييييير :sad:

طفطف حبيبي .. واحشني و الله

إنت بالذات يا طفطف هاتنفعنا في تجرية البرنامج لإن دماغك توزن دهب و أكيد هاتطلع بعد الحلاقة بأفكار زي "حزب الصامتين في أيدي الحلاقين" ، "ماتحلقش بـ"البلدي" و إحلق بالتكنولوجي" و كده يعني .. ياللا إديها يا طفطف :wub:

مزززززاء الفل ياسطى

[badroora]

ازاى بقي يا جنرال اخوانا الرجال هيروشوا الكًالووونيا بعد الحلاقة ............... :happy:

سؤال كمان هل هناك مسج بعد الانتهاء من الحلاقة .........تقول نعيما للزبون ؟

ولو واحد عنده مطباط فى وجهه ما هى امكانية البرنامج من عمل فورمات للوجه والتضاريس ....؟

وشكرا

نجفة الضب

[Modest]

ازاى بقي يا جنرال اخوانا الرجال هيروشوا الكًالووونيا بعد الحلاقة ............... :winner:

سؤال كمان هل هناك مسج بعد الانتهاء من الحلاقة .........تقول نعيما للزبون ؟

ولو واحد عنده مطباط فى وجهه ما هى امكانية البرنامج من عمل فورمات للوجه والتضاريس ....؟

وشكرا

نجفة الضب

كووووول حاجه معمول حسابها يا بدرية .. إحنا بنقدم خدمة سبع نجوم :happy:

بعد نهايه العمليه المعقدة هتلاقي ماسج على الشاشة بتقولك "برجاء التكرم بوضع الهيدفون أبو مايك علي ودنك" .. الزبون يدوس أوكي

و ده بقى له فايدتين:-

1- الهيدفونز تسمّع الزبون "نعيماً يا باشا" .. ستريو خلي بالك.

2- المايك يرش كولونيا على دقن الباشا.

و شوية كده و هانضيف أوبشن يغسل شعر الزبون و يعمل له سشوار :wub:

بالنسبة للمطبات و الذي منه ،برضه معمول حسابها زي ما أشرت في أول مداخلة:-

يقوم البرنامج برسم خطوط الحلاقة تلقائياً حسب تضاريس الوجه و يتميز بحفظ أكثر من طريقة لحلاقتك و ذلك ليمكنك العودة إلى أي من الطرق التي تم حفظها و الاسترشاد بها عند الحلاقة القادمة .. كما يحتوي على طرق جاهزة مسبقاً للحلاقة .. و يتميز أيضاً بإتاحة الفرصة التراجع في أي وقت عند حدوث خطأ ما و ذلك بالضغط على Undo.

و شوفي لنا زباين يا بدرية بدل مانتي عمالة تنتقدي البرنامج :Laie:

[tahereyad]

موضوع ضبط القفا مهم لكن مُكَلِّف شويتين لإنك هاتضطر تستخدم كاميرتين واحدة فوق الكمبيوتر و التانية على الدولاب اللي وراك و شطارتك إنت بقى في توجيه الكاميرا اللي ورا على القفا مباشرةً

لكن بيني و بينك ضبط القفا يستاهل الكاميرا اللي فوق الدولاب بس خلي بالك الكاميرا تقع .. ممكن تعمل مشكلة

أما بالنسبة لإزالة شعر المناخير ، جاري تحديث البرنامج ليعمل على الديسك توب كما في الصورة لأنه إلى الآن جميع برامج إزالة شعر الأنف تعمل فقط على اللابتوب.

أنا من رأيي عشان نعمل أوبتمايزاشان للتوووولز,, اننا نستخدم كاميرا واحده بس باعتبار ان الدولاب اللي ورا الباب بتاعه مرايا :winner: ,,, و في الحاله مش محتاجين نعمل لا ضبط ولا احضار للكاميرا اللي ورا لأن المرايا اللي كبيره و جايبه الدولاب من أوله لآخره,, و متهيألي برضه مش هايكون في مشكله لما الكاميرا تقع :Laie: ,, لأن المرايا هاتكون جايبه الهوريزون الخلفي كامل و سعادتك تظبّط الحته اللي انت عايزها :happy: .

بس طالب منك خدمه ربنا مايوقعك في ضيقه,, ابعتلي الباتش فايل و الدي ال ال بتاع إزالة شعر المناخير,, عشان عندي لابتوب بس مش شغال :wub: