ما هى تكاليف المعيشة فى مصر؟

[maksoof]

إخوانى و أخواتى

أسئلة عن المعيشة فى مصر:

ما هى تكاليف المعيشة لشخصين في الشهر؟ يعنى الأكل و السكن والمواصلات (في اسكندرية). و هل من الساهل العثور على شقه للإيجار؟ و هل يستحب شراء عربية واللا التكسيات متوفرة؟

و شكرا مقدما

[بنت شعنونة]

استاذ مكسوف..

انا ها اقولك على مصر عموما

طبعا التاكسيات بالهبل في كل حتة

انما العربية اوفر دا ما فيش كلام فيه

واريح واامن طبعا

معيشة فردين في الشهر اكل وشرب كالأتي واحسبها حضرتك..

حضرتك ها تشتري مثلا..

علبة لبن ب 2.60

بيض-2 ج

جبنة ومخللات مثلا ب 10ج

ربع لانشون 5 ج

علبة بولبيف6,50

رز2-

سكر 1,90

زيت 5,50

صلصة2ج

خضار 1ك طماطم 1,50

1ك خيار 1,50

فاصلوليا بسلة كوسة...تقريبا مابين 1,50 الى 3 جنيه بالتسلسل

فواكه من 1,50 وطالع الى 8 ج تفاح سوري

سمنة ب 12 ج

دا الأكل..

يعني تقريبا كدا 1000 ج يادوووووبك تكفي شخصين اكل وشرب شهريا

لآنك محتاج 20ج صااااااافي يوميا طالبات عادية بدون لحمة او فراخ

معاهم توصل ل 30 او 40 جنيه..

اضرب في 30 يوم بقى

[وسام]

والله يا أخ مكسوف مش عارف اقولك ايه عن تكاليف المعيشة حاليا لانى بعيد عن مصر ....و سبتها من اكتر من سنة و نص ...لكن

انا عشت فى اسكندرية 5 سنين لوحدى ايام الدراسة

و كنت بحتاج حوالى 700 او 950 جنيه مصروف شهرى دة طبعا من غير ايجار لان انى ساكن فى بيت العيلة و مين غير عربية ( بعد دمارها :shock: )

اعتقد ان انه من غير ما يكون معاك عربية و بتتحرك كتير زى حالاتى فا التاكسى حتاخد منك حوالى 350 او اكتر و هيا متوفرة بكثرة

عشان كدة لو حيكون معاك عربية يبقى احسن

بالنسبة لايجارات بتتفاوت حسب المنطقة اللى انت عايز تأجر فيها لكن اكثر مكان تلاقى فيه شقق معروضة للايجار هيا منطقة ميامى اولا عشان مصيف و ثانبا هيا منطقة تجمع لطلبة الاكاديمية الوافدين و الايجارات للمفروش حسب حالة الشقة كانت من 650 الى 900 شهرى فى ميامى و ترتفع طبعا فى بداية الصيف

( مفروش يعنى 3 سراير على الاقل مع طاولات كراسى مع تلفيزيون و تليفون تلاجة سخان)

ممكن يزيد الايجار 150 او 200 بوجود كاماليات زى دش , انتركم... الخ

فى حاجات احسن من كدة واغلى فى منطقة لوران و رشدى و كفر عبده عشان تعتبر مناطق راقية

الكلام دة كان من سنة ونص و دلوقتى الله اعلم الحال بقى ايه

[goold]

يانهار أبيض اذن الواحد لو عائلة من ست افراد يحتاج كدة خمس ست الاف فى الشهر ولا ايه الحكايه ...

ياترى كل عائلات مصر الان بتصرف مايعادل الاف فى الشهر ...

طب بيجيبوا الفلوس من فين ...

وعشان ارجع اعيش فى مصرنا لازم بقه اعمل حسابى ...

احسن كل يوم ااكلهم فول وخلاص ...

[وسام]

احسن كل يوم ااكلهم فول وخلاص ...

الفول غلى على فكرة :D :D

[goold]

احسن كل يوم ااكلهم فول وخلاص ...

الفول غلى على فكرة :D :D

:D فى حاجة نعيش بها ارخص من الفول ...

اهى اسباب عدم عودتنا ... لازم نحسبها الف مرة ... قبل ما نسيب شغلنا واكل عيشنا وننزل مصر ... ولا شغلة ولا مشغلة ومصاريف نفاجئ بها ...

ربنا يستر بقه على المصريين الغلابه ال هناك ...

[وسام]

لو انتى نازلة مصر عشان الاستقرار مع العائلة و كدة دهه حيتكلف كتير طبعا لكن لو عشان الدراسة فالامور بتتسهل قوى لانك ببساطة حتشتركى مع زميلة ليكى او اكتر فى كل الحاجات دى

[goold]

لو انتى نازلة مصر عشان الاستقرار مع العائلة و كدة دهه حيتكلف كتير طبعا  لكن لو عشان الدراسة فالامور بتتسهل قوى لانك ببساطة حتشتركى مع زميلة ليكى او اكتر فى كل الحاجات دى

هو طبعاً الواحد عايز يعرف لو اسرة كاملة اى بالمتوسط خمس ست افراد هيعيشوا بمصر يعنى الف جنية لا تكفى هذه الاسرة مثلاً بجد ... يعنى المفروض يكون اكثر يعنى هل يحتاجو ا اكثر من ذلك ؟؟ حاجة مدهشه فعلاً ...

[maksoof]

الف شكر على المعلومات.

بس عشان أديكم فكرة أنا متخلف قد إيه: لما سافرت من مصر كان كيلو اللحمة في الجمعية ب 20 قرش و عند الجزار ب 45 قرش. البيض الصغير كان الستة بشلن و الكبير كان الواحدة بقرش صاغ. و الواحد كان لازم يترجى سواق التاكسى عشان يرضى يوصلنى.

و سبحان الله! البيضة دلوقت ب 2 جنيه؟ ليه هى الفرخة ماهيتها كام؟

و على فكرة مرتبى كان 29 جنيه بعد الخصومات.

الحكاية هى إننا بنفكر نروح نعيش فى مصر لمدة سنة و نشوف بعدها لو ممكن نستقر هناك واللا لأ. و من كلامكم الظاهر إننا ممكن نعيش هناك خصوصا لو سعر الدولار إستمر زى ما هو دلوقت.

و نسيت أقول لكم إن الفرخة المشوية كنت باشتريها في المعمورة بجنيه. :D

و كمان سؤال: إيه أسعار العربيات فى مصر؟ و هل ممكن بيعها بسهولة بعد سنة بثمن معقول؟

[ragab2]

كتب مكسوف

بس عشان أديكم فكرة أنا متخلف قد إيه: لما سافرت من مصر كان كيلو اللحمة في الجمعية ب 20 قرش و عند الجزار ب 45 قرش. البيض الصغير كان الستة بشلن و الكبير كان الواحدة بقرش صاغ. و الواحد كان لازم يترجى سواق التاكسى عشان يرضى يوصلنى.

مكسوف

أقول لك أنك تقصد زمن الجنيه الجبس

فى عهد الخديوى عبد السميع

[maksoof]

كتب مكسوف

أقول لك أنك تقصد زمن الجنيه الجبس

فى عهد الخديوى عبد السميع

لا والله ده كان فى عهد الخديوى أنور

[بنت شعنونة]

على فكرة

ال 10 بيضات ب 2 جنيه

عشان تصحيح الخطأ المطبعي بس :D :D :D

[وسام]

لو حتقيس على الفراخ ماشى :D :D

طبق البيض تقريبا دلوقتى ب8 جنيه و الفرخة المشوية ب15

طالما ناوى تعيش فترة سنة مثلا يبقى احسن حاجة تشترى عربية مستعملة استعمال نظيف ( طبيبة مثلا :D ) عشان بعد كدة لو عايز تبيعها ممكن تلاقى نفسك محظوظ و تبيعها بنفس تمنها......لو جديدة طبعا حتخسر فيها....عشان بيسموها متنمرة

[goold]

طالما ناوى تعيش فترة سنة مثلا يبقى احسن حاجة تشترى عربية مستعملة استعمال نظيف ( طبيبة مثلا :lol: )  عشان بعد كدة لو عايز تبيعها ممكن تلاقى نفسك محظوظ  و تبيعها بنفس تمنها......لو جديدة طبعا حتخسر فيها....عشان بيسموها متنمرة

ممتاز لو سيارة مستعملة تكون فى حدود كام ..

ولو ايجار شقه فى العباسية بالقاهرة او بفيصل .. الايجار الجديد كما اسمع .. ياترى فى حدود كام ..

[وسام]

ممتاز لو سيارة مستعملة تكون فى حدود كام .. 

ولو ايجار شقه فى العباسية بالقاهرة او بفيصل .. الايجار الجديد كما اسمع .. ياترى فى حدود كام .. 

دة يتوقف على لارجن حضرتك :lol:

معلوماتى منحصرة فى اسكندرية للاسف :?

[goold]

دة يتوقف على لارجن حضرتك :lol:

:lol: مهو انا مش هقول لارجنى اد ايه

احنا على الهو ا .. :lol:

يعنى ممكن كم يجيبوا عربيه تتركب ..

[mouaten]

Dear Maksoof:

If you want to know the current prices of apartments and cars in Egypt you can find a lot of offers in those site, and there you can know the average prices in the Egyptian market

For real state offers: www.e-dar.com

For cars and real state: www.e3lanat.com

P.S. sorry for writing in English but I wanted to help

[وسام]

دة يتوقف على لارجن حضرتك

مهو انا مش هقول لارجنى اد ايه 

احنا على الهو ا ..

يعنى ممكن كم يجيبوا عربيه تتركب .. 

الاسعار و العربيات اشكال و الوان انتى معاكى كام اقولك ممكن تجيبى ايه ....فيه من 5000 جنيه لغاية 150000 جنيه مستعمل يعنى موديلات من زوبة الى بى ام دبليو

لازم تقولى معاكى كام :devil:

[goold]

لازم تقولى معاكى كام :twisted:

:lol: حرام عليك انا لو عندى ال 150 الف ارجع مصر افضلى ..

يعنى مستعملة ادفع 150 الف لا ..

انا ممكن ادفع 30 الف مثلاً ..

لو مش هلاقى يبق أبقى هنا ماانا ركبه الشفر ومرتاحه ..

:lol: بس عارف انا نفسى ارجع لو هركب مثلا فايت او هوندا اصل مصر ده جنه .. بكل حلوها ومرها ..

[se_ Elsyed]

لا ننسى يا اخواننا ان مصر فيها حاجة غريبة جداً مش موجودة فى اى بلد آخر بالعالم وكلنا بالتأكيد عرفنها وحسينها وهي

" البركة "

فسبحان الله أبو مرتب 150 جنية عايش وأبو 3000 جنية برضوا عايش ، وعلى فكرة برضوا الناس البسطاء أو الطبقة المتوسطة ( اللى أنا أفتخر أني منها ) بياكلوا لحمة وفراخ وفاكهة وأخر حلاوه.

فانا على سبيل المثال البيت اللى أنا ساكن فيه ملكنا فوالدتي ربنا يديها الصحة مربية ديوك رومي وفراخ وحمام وبط ... الخ فوق السطح فبنعيش حياتنا وهاتك يادبح فى الحاجات دي ( من مزارعنا رأساً إليك ) :lol:

- يعني الميزة فى مصر أن الواحد ممكن يكيف ويأقلم نفسه على الدخل الشهري بتاعه والبركة فى ست البيت المصرية الأستاذة التى تفوق فى حكمتها وتدبيرها أجدع وزير مالية فى الدنيا .

- ورداً على سؤال أختنا دهب ( جولد ) بخصوص شقق الأيجار الجديد فممكن تلاقي شقة بـ 400 الى 600 جنية فى أجدعها حته فى مصر ، فيه واحد صاحبي متزوج مستأجر شقة امام بانوراما مدينة نصر بـ 450 جنية.

- أما أسعار السيارات فلو نزلتى سوق السيارات المستعملة اللى فى مدينة نصر هاتلاقى اللى أنت عايزه حسب ميزانيتك بس أهم حاجة تاخدى ميكانيكي معرفه معاكي.

- وبالنسبة لتكاليف الأكل والشرب برضوا يا أخ مكسوف هاتقدروا أن شاء الله تتحكموا فيها لو عشت بعقلية مواطن مقيم فى مصر مش بعقلية سائح أجنبي جاي يقضى أجازة وماشي تاني ( زي ماحنا بنعمل كده فى أجازتنا وبنصرف مصاريف بلا حساب ) وممكن تستعين بالتسعيرة الجبرية اللى بعثتهالنا شعنونة وأنا عن نفسي هاعمل برنت أوت منها واى بياع هايزود عن الأسعار دي هاشوف شغلي معاه او أبعتلوا شعنونة :twisted:

- وللتذكير برضوا ماننساش أن أحنا لازم ندفع تمن غربتنا وهذا يتمثل فى المعاناه التى سنجدها فى فترة أستقرارنا الاولى فى مصر إلى أن نتمكن من التأقلم مع الأجواء المحيطة بنا.

" وأخيراً أحب أسمع أغنية ماتقولش أيه أديتنا مصر ... وقول هاتدي أيه لمصر :cool: "