آسامى اولادنا الحلوين

[وسام]

عشان فى عضوة عزيزة علينا حتبقى خالة عن قريب ان شاء الله

خطر فى بالى افتح موضوع عن الاسماء لان وقت الميلاد بتيجى لحظة الواحد بيكون محتار بين اسمين او اكتر

وكمان عشان فى اسامى جميلة و اصيلة كتير ساعات الواحد بيكون مش واخد باله منها الا بعد فوات الاوان طبعا :D

مثلا انا الاسامى اللى على بالى

للبنت (ترتيل) للقرآن الكريم

للولد ( أيهم) يعنى أسد زى هيثم برضه

لكن احب الاسماء لنفسى عبد الرحمن

[Khiber]

أحب أن يكون أول إسم فى العيله لو رجل يكون محمد علشان لما يكبر ويكون أكبر إخواته ينادوه بـ سى محمد راح ـ سى محمد جه :D :D

أحب أوى إسم عائشه وأذكار معرفش ليه بصراحه وبحس بأن فاطمه بيكون إسم بحس براحه غريبه لما أسمعه

:D :D :D

[hope]

عاجبنى اسم (جنا) للبنات ومذكور فى سورة الرحمن

(جنا الجنتين دان)

[ragab2]

أخشى

أن نبدأ فى تسمية أولادنا باأسماء جون ومايكل ولارى وبيرنر وفاليسا واليازابث حتى نتمشى مع العولمة والهيمنة الأمريكية

[omtmam]

انا عندى ولد اسمه رانى باحب اسمه قوى الاسم ده له معنى فى الغة العربية وهو طموح يارب يكون اسم على مسمى .

[moody00x]

أحمد وياسمين

[crossfield]

أحمد وياسمين

:D :D :D :) :lol: :cry:

فكرتنى بالجمل اللى بتتكتب على الميكروباص " حسنية أخت كوثر" :cry:

[وسام]

فكرتنى بالجمل اللى بتتكتب على الميكروباص " حسنية أخت كوثر"

:shock: :shock: :shock: لا بهانة اخت فتحية

شوية جدية يا كروس هاتى الاسامى المميزة اللى على بالك

أن نبدأ فى تسمية أولادنا باأسماء جون ومايكل ولارى وبيرنر وفاليسا واليازابث حتى نتمشى مع العولمة والهيمنة الأمريكية

حصل .........فى مرحلة السبعينات جات على مصر هوجة ( نانسى و ديانا)

[Cleo]

أحب للبنات أسماء :

* رفقة (أم سيدنا يوسف)

* رقية (ابنة الرسول عليه الصلاة و السلام

و أحب للأولاد :

* عبد الرحمن

* المعتصم بالله

[بنت شعنونة]

للبنات..

قوت القلوب..

جمانة

هايدي

هادية

بتول :wink:

لجينة

شيم (بكسر الشين )

ليلاس

يارا

لارا

اثير

للولاد..

فراس

فارس

مازن

زياد

سامر

ماهر

[crossfield]

:shock:  :shock:  :shock: لا بهانة اخت فتحية 

شوية جدية يا كروس  هاتى الاسامى المميزة اللى على بالك

أنت بتشخط فيه يا وسام :lol: :lol: :D

طيب و الله .... و الا بلاش :twisted: :twisted: :twisted:

الأسماء اللى بتعجبنى فعلاً:

نور ؛عبد الرحمن ؛ زياد؛ أدهم(ولو انه جامد سويه بس فيه قوة كده) ؛يوسف ؛ ساجد

و البنات : سارة؛ سلمى ؛ انجى ؛ دول اللى فاكراهم دلوقتى.

و ضيف لهم حسنية و كوثر اللى قلتلك عليهم فى الأول :lol:

[د/ألفا]

يا جماعة أنا إن شاء رب العزة جاى لى مولود فى السكة ومحتار فى تسميته , وإن كنت لا أعلم بعد هل هو ولد أم بنت .

فأرجو منكم المشاكرة الجادة عسى الله أن يلهمنى باسم اسلامى جميل وعزيز

ما رأيكم فى

عمر

اسماعيل

ومن البنات

روان - وإن كنت لا أعلم ما معناه , يقال هو نهر فى الجنة " -

مريم

جنة

عائشة - من يوافقنى عليه

[elbana]

أنا ربنا رزقني بـ زينب 3 سنوات ونصف

و علي شهرين

في دماغي أسمي : رقية ، أومريم ، أوعائشة ، أوفاطمة أو خديجة بالنسبة للبنات .

و محمد أو ياسين ، أو حمزة بالنسبة للأولاد ، لو كان لنا نصيب في الخلف تاني بمشيئة الله تعالى .

[elbana]

أنا لي رأي هنا فيما يتعلق بالأسماء ، وهو إن الأسماء ، يجب أن تعكس هوية وثقافة وحضارة حامليها ، وفي نفس الوقت شايف إننا يجب أن نحاول قدر الإمكان مقاومة استعمال الأسماء التي تنتمي للعالم الغربي قدر الإمكان ، نفسي نبدأ بجيل جديد متمتع بقدر عالي من الوعي والحضارة ، وتكون الأسماء هي البداية ، وبعدين وبالطبع تيجي الحاجات الأهم زي حفظ القرآن والتعليم والتربية السوية القويمة . لكن الأسماء هنا رغم اعتقاد البعض بأنها شيء سطحي وشكلي ، إلا إني شايف إنها _ خصوصاً في الزمن ده _ أصبحت مهمة جداً والتمسك بأسمائنا العربية المسلمة الأصيلة أصبح ضرورة ، كنوع من الحرب الثقافية والحضارية المضادة ، أو الوقاية ، أو سموها ما شئتم . وبعدين هو احنا ح نلاقي أجمل من أسماء الأنبياء والصحابة والتابعين ، خصوصاً بعد ما شاع في السنوات السابقة اعتقاد بأن أسماء زي خديجة وعائشة أسماء عيب وبلدي .

إنتوا إيه رأيكم ؟

وطبعاً مش عايز حد يفهم إني زعلان من الأسماء الأخرى .

[هشام عبد الوهاب]

يا جماعة أنا إن شاء رب العزة جاى لى مولود فى السكة ومحتار فى تسميته , وإن كنت لا أعلم بعد هل هو ولد أم بنت . 

فأرجو منكم المشاكرة الجادة عسى الله أن يلهمنى باسم اسلامى جميل وعزيز 

ما رأيكم فى 

عمر 

اسماعيل 

ومن البنات 

روان - وإن كنت لا أعلم ما معناه , يقال هو نهر فى الجنة " - 

مريم 

جنة 

عائشة - من يوافقنى عليه

د الفا اجمل اسماء الولاد

عمر عبدالله حمزه عبد الرحمن

البنات

سلمى حبيبه جنه

[crossfield]

ردينة ؛ روانا للبنات

طاهر ؛ عاصم للأولاد

[د/ألفا]

أستاذ هشام

جزاك الله خيرا

سأفكر جديا فى " جنة الله "

[shoshka]

من أحب اسماء الأولاد : يوسف و ياسين و ادم

بالنسبة للبنات : مريم و بسملة و لجين (فضة )

[ragab2]

مالها

ستوتة وست الدار وست أبوها

... وحشة

[crossfield]

مالها

ستوتة وست الدار وست أبوها  

... وحشة

شفت بقى يا سى وسام ؟ أهو الأستاذ رجب قالك أسمين أنقح من الأسمين اللى قلتلك عليهم :lol: تقدر تتكلم بقى ؟ خللى بالك الأخ رجب فى المودراشن تيم . :lol: