استفسار بخصوص تاشيرة السعوديه

[Dr.mmfriend]

السلام عليكم ورحمة الله وبركاته

الاخوة الافاضل

عندى استفسار بسيط

دلوقتى انا طبيب مصري وتعاقدت مع وزارة الصحه بالسعوديه في النصبه اللى اسمها دورة طب الاسرة دى

وبالفعل مضيت العقد وطلعت التاشيرة خلاص لكن لسه مسافرتش

المشكله ان الناس اللى سافرت اترمت فى اماكن معفنه وصحرا

دلوقتى انا قدامى عروض تانيه افضل في السعر وفي المكان

لكن كل اوراقي وجواز السفر موجودين في مكتب العمل السعودي

مع العلم ان التاشيرة طلعت بتاريخ 20-4 لكن لم اسافر علشان امتحانات الماجستير عطلتنى شويه

دلوقتى فيه مشكله عليا لو شفت عقد اخر؟؟

هل يتم الغاء تاشيرة وزارة الصحه بدون مشاكل؟

فيه ناس قالولى طالما لم تدخل السعوديه مفيش اى مشاكل

وناس قالولى مكتب العمل ممكن يلغيك تماما ويحطك على بلاك ليست

اراء كتير واتمنى من حضراتكم الافاده

وشكرا جزيلا

[قديم]

كاجراء رسمي نظامي لا يترتب عليــه اي اجراء ...

بعدين بالنسبه لعقود الحكوميــه واضحه جدا ويحدد فيها مكان العمل والمنطقــه .. .

والخيره فيما يختاره اللـه لك

[Dr.mmfriend]

المشكله سيدي الفاضل ان العقد غير محدد المكان بالمرة

يعني دورة طب الاسرة دي في اولها بنمضي موافقه اننا نعمل فى مكان تابع لوزاره الصحه يتم تحديده لاحقا حسب الاحتياجات

ويوزعونا مثلا انت روح محافظه الرياض انت محافظه جزان

وهناك بقي يتم توزيعنا تانى على الوحدات المتاحه

اللى هيا غالبا مرميه في الصحرا ومحدش بيرضي يروحها لو كان عارف من الاول

صحابى اللى راحوا قبلي حذرونى من البعته دى

لذلك انا بدور على اى عقد تانى يكون متحدد فيه مكان

بس بسال هل فيه امكانيه اتعقد مع حد تانى بعد ما طلعت ليا التاشيرة ولا فيه مشاكل؟؟

شكرا جزيلا للاهتمام والرد

[قديم]

بس بسال هل فيه امكانيه اتعقد مع حد تانى بعد ما طلعت ليا التاشيرة ولا فيه مشاكل؟؟

بالنسبه للسؤال . لا يوحد اي مانع من الغاء التاشيره ولا يترتب عليه اي مشاكل او تبعات قانونيـه اخرى . فالعبره في هذه الحاله هو مباشره العمـل ..فلو حضرتك قررت عدم السفر . ممكن تلغي التاشيره . زهز الاجراء الامثل من انك تترك التاشيره علي الباسبورت لحد ما تنتهي مدتها .( المده المقرره لسفرك )

انا لو منك قبلت بالعقد الحكومي . ونزلت السعوديـه وبحثت عن فرصــه افضــل . في المكان المناسب .خلال مده العقد . وبعدها يانهي عقدي بطريقـه نظاميه . وهو عدم التجديد . وتنزل عادي .

الكفيل الحكومي اكثر امانا من الشركـه الشركه او المؤسسـه الفرديـه ,وبتعرف اللي ليك واللي عليك بسهوله

[Dr.mmfriend]

شكرا الف الف شكر

بس حضرتك متاكد فعلا انه مفيهاش مشاكل؟؟

خلاص كده انا ان شاء الله هبدأ ادور على عقد تانى يكون افضل

انا مش ناقص اروح ارمى نفسك هناك ويبهدلونى في مناطقهم النائيه او الصحارى

مع ان والحمد لله مؤهلاتى كويسه وتسمحلى بعقد كويس في مكان كويس

نبدا على بركة الله رحله البحث والتمحيص

والسلام عليكم