الزمالك بطل الكاس

[ابو محمود]

مش عارف لية عندما نناقش مواضيع الأحتراف الكروى وأختيار اللاعبين لأنديتهم احس فى نفسى بأننا نعيش فى سنة 1952 أيام الكابون والجمعيات التعاونية ونسينا اننا فى عصر الأقتصاد الحر يعنى كل واحد حر فى مكان شغلة ومفيش حاجة اسمها اتحاد أشتراكى أو قطاع عام ؟؟؟

انا كدة بتأكد كل يوم الناس دى بتطلع التانى ليية علشان احنا بقينا فى ال2008

ياخبر من شدة التمسك بالتقاليد الأشتراكية فى كرة القدم فقد صاحب المركز الثانى مركزة وأهداة الى رفيقة فى الكفاح المكور ..... مكور مصطلح منشق من كورة واى انشقاق يأخذ بة فى الدورى المصرى الحديث على انة تقدمى وأممى يعنى جاى من الأم ربنا يسترها علينا لحسن الصفقات الجديدة عاملا شغل

[Modest]

كنت داخل اشارك و اشكر كل من تفضل بإرسال التهاني و أخص بالذكر السيد راعي الرياضة و الرياضيين (الحمد لله ما بعَتش برقية تهنئة بعد الماتش smk: ) و السادة رؤساء مجلسي الشعب و الشورى و السيد عم سماعين البقال اللي على ناصية الشارع اللي جنبنا :wub:

لكن كالعادة لقيت السطو الأهلاوي مش بس على اللعيبة لكن كمان على المواضيع :D

وبعدين يا زعيم لما مجدي عبد الغني يقدر يغير اللائحة .. ما غيرهاش ليه للزمالك اللي طرمخوا له العقوبة بتاعت السنة اللي فاتت لما أنسحب من قدام الأهلي في مباراة السوبر خوفاص ورعباً واتوقعت عليه عقوبة الإيقاف سنتين ولجنة المسابقات قالت : اخ ...... إحنا نسينا نبلغ إتحاد الكورة ... فمشيها سنة ... وبالتالي الزمالك من حقه يشترك السنة دي في كأس السوبر عشان يدخل تحت مقصلة الاهلي ..

إستدراك للنعي المنشور أعلاه :blink:

لا يحق فرض عقوبة على نادي الزمالك لإنه لم يكن بطلاً لا للدوري و لا للكأس و إنما اشتراكه يتم بسؤاله عما إذا كان يريد الاشتراك أم لا ... لذلك لم يكن إنسحاباً كما يريد القلة المندسة من الأهلاوية أن يصوروه :blush2: ... الانسحاب في أبهى صُوَرُه هو ما تم في البطولة العربية من كام سنة و طبعاً فاكرين ليه wst::

[se_ Elsyed]

آسف يا آبية سكوب ..

لكن هما اللي بيستفزززوني وبنكشوني

وانا كنت داخل اهني وأبارك بكأس السلطنية .. لقيت اخونا زملكاوي في الكويت بيقول إننا هانقابل فريق الإسماعيلي في السوبر اللي كان إسمه الأهلي سابقاً .. فرديت عليه ...

ودخل موديست هو كمان بعد الضنا والغياب يدلي بلدوه ...

أرد يا آبيه ؟

[justtrying]

بصراحة اكتر شيء زعلني وفعلا احزني هو وجود قلة قليلة .. وأؤكد أنها قلة قليلة من جمهور نادي الأهلي تعمدوا سب اللاعيب شيكابالا طوال وأثناء المبارة ولا حول ولا قوة إلا بالله .. وهناك الكثير والكثير من التقارير التي تقول بهذا .. يريدون أن يخرجوا هذا اللاعب الفذ عن شعور

وأنا اثني على اللاعب أنه تحكم في أعصابه وشعوره ولم يجعل مثل هؤلاء الحثالة أن يخرجوه عن تركيزه في الملعب

[النيل حبيبي]

جماهير الزمالك نفس جماهير الاهلي

ياأخواننا الهدف كان تهنئه الزمالك خاصه بعد الظروف التى مر بها

لو الموضوع فيه عصبيه فاحنا ولاد بلد واحدة

ياريت نقفل موضوع التعصب

[se_ Elsyed]

لو الموضوع فيه عصبيه فاحنا ولاد بلد واحدة

لأ

لأ

إحنا من بلدين مختلفين

هما من ميت عُقبه

وإحنا من الجزيرة .. عالنيل على طول

:blush2:

[justtrying]

فين ايام الشرميطي .. ليت الشرميطي يعود يوما حتى بلعيبة الاسماعيلي مقدروش عليه .. راحو يجيبو أحمد حسن بعد ما عجز وشاب :wub: وبردو من لاعيبة الاسماعيلية ...

انا عاوز اقول كمان ان الشرميطي ده عقدة النادي الاهلي حاليا لأنه وبكل بساطة منع النادي الاحتكاري من الوصول للرقم القياسي الذي حققه نادي الزمالك قبله بسنوات كثيرة .. :blush2:

تونس الخضرا :blink:

المفروض جماهير الاسماعيلية تعمل انتفاضة وتطالب بعدم بيع أي لاعب لهذا النادي الاحتكاري ويجب على اتحاد الكورة وقف هذه المهازل .. والله دي مهازل وإضعاف لكافة الفرق الأخرى

تم تعديل 29 مايو 2008 بواسطة justtrying

[النيل حبيبي]

قلنا نقفل التعصب

الشرميطي لاعب مميز وحيروح هيرتا برلين الالماني

لكن هدف شادي في نفسه والتحكيم كمان عمل مشكله

احمد حسن(ليس من الاسماعيليه)

اعضاء الزمالك مش حينتخبوا عباس عشان فشل صفقته

جماهير الاسماعيلي و القماش قالوا ان ان هناك صدمه انتقال عبد ربه للاهلي

[حسام يوسف]

السلام عليكم

حينمايكون انتقال اللاعب لصالح الاهلى

يرد الاهلاوية

بأن هذا احتراف

وسيبكم م العواطف

وسنة 52ومعرفش اية

وحين يكون الانتقال ضد مصلحتهم

كماحدث مع عصام الحضرى

تسمع كلام عن الخيانة

وقلة الاصل

وابصر اية

يتكلموا عن الاحتراف

وهماعايزين على راسهم ريشة

الاهلى فوق المبادئ

ومن المبادئ طبعا انك تشتم لاعب منافس كل ماتش

زى شيكابالا

لمجرد انه منافس

ولو راح الاهلى

هيتعملوا اغانى زى ابوتريكة وأكتر

من هنا

أحذر من تضييع الوقت مع اى اسماعيلاوى احمر(اهلاوىيعنى)

لأنهم بيفصلوا المبادئ بالمزاج

مش بالحق n2&(

[se_ Elsyed]

وحين يكون الانتقال ضد مصلحتهم

كماحدث مع عصام الحضرى

اتمنى ان يحترف عمرو زكي وشيكابالا تماماً كما احترف عصام الحضري ... لنرى رد فعل الزملكاوية

ولو ان شيكابالا عملها واحترف بنفس الطريقة بباوك اليوناني ... ولكن الظاهر ان الاحتراف له شكل اخر في الزمالك فلابد ان يكون من الشباك

[د محمد على]

الاهلي هو المستفيد الوحيد من فوضي الاحتراف

و لولا ذلك ما كان كسب بطوله

الاهلى هو الفريق الوحيد في مصر الذى يكرهه كل مشجعوا الانديه الاخري

فين حين لا يكرة الزمالك مشجعوا الاتحاد او المحلة او المصري مثلا او اي فريق اخر

الاهلى فريق مكروه لانه يستفيد من الاعلام الذي يدمر الاخرين من اجل الاهلي

و يجامل الاهلى على حساب الاخرين

ليتهم يفهمون ذلك

لكن من يشجع الاهلي فهو يبحث عن مجد ليغطى به فشله في عمله او حياته و لذا تجده يبحث عن شئ يفخر به اما من يشجع الزمالك او الاسماعيلي او المصري فهو انسان له شخصية و يستطيع اختيار الشئ الذى يحبه و يدافع عنه

وللحديث بقية

[ابو محمود]

الاهلي هو المستفيد الوحيد من فوضي الاحتراف

و لولا ذلك ما كان كسب بطوله

الاهلى هو الفريق الوحيد في مصر الذى يكرهه كل مشجعوا الانديه الاخري

فين حين لا يكرة الزمالك مشجعوا الاتحاد او المحلة او المصري مثلا او اي فريق اخر

الاهلى فريق مكروه لانه يستفيد من الاعلام الذي يدمر الاخرين من اجل الاهلي

و يجامل الاهلى على حساب الاخرين

ليتهم يفهمون ذلك

لكن من يشجع الاهلي فهو يبحث عن مجد ليغطى به فشله في عمله او حياته و لذا تجده يبحث عن شئ يفخر به اما من يشجع الزمالك او الاسماعيلي او المصري فهو انسان له شخصية و يستطيع اختيار الشئ الذى يحبه و يدافع عنه

وللحديث بقية

فعلآ يادكتور الأهلى دة نادى كل مصر بتكرهة وابلغ دليل عند اجتفالة بأى بطولة بنشاهد الجماهير بتنزل الى الشوارع وهى بتشتم فى الأهلى وبتعمل مظاهرات فى استقبال الأهلى يتم أذاعتها فى جميع وكالات الأنباء وكأن مصر اومنتخب مصر هومن كسب البطولة وعندك حق لأن المصريين كلهم بيكرهو الأهلى وبيحبو باقى الأندية وياريت نشوف باقى الأندية زى الأهلى بيكرهو صحيح الأهلى نادى البطولات أحمدك يارب على ان جعلتنى انتمى الى نادى يحب ويعشق أسعاد جماهيرة ربنا يكون فى عون الأندية الأخرى

[EL SHABRAWY]

طب من يومين فى الجمهورية:

اسرائيل تحارب الاهلى مايكونش الاهلى اعلن استقلاله عن مصر

من حق اى نادى ربنا اداه قرشين ان يشترى اللى يحتاجه لكن يشترى علشان حد تانى مايخدوش دا مش احتراف ده اسمه افترا

[se_ Elsyed]

لكن من يشجع الاهلي فهو يبحث عن مجد ليغطى به فشله في عمله او حياته و لذا تجده يبحث عن شئ يفخر به اما من يشجع الزمالك او الاسماعيلي او المصري فهو انسان له شخصية و يستطيع اختيار الشئ الذى يحبه و يدافع عنه

وللحديث بقية

صح ... كل اللي بيشجع الاهلي بيبقى فاشل في عمله وحياته ... وكمان اغلبهم عندهم ضعف جنسي وتبول لا ارادي ...

تحياتي لهذا الرأي الجديد الفريد الشديد يا دكتور

اخوك س س مشجع اهلاوي

[Scorpion]

حبيبي يا سي السيد ... يا عينيا خويا .. لكن و لايهمك .. بالنسبة للتبول اللارادي اكتشفولو هنا وصفة طبية تقضي عليه من اساسه ... حاجة كده تنشف الميه كلها في جسمك و انا شخصيآ وصفته لكام واحد حبيبي بعد ماتش ال 6 /1 ... و بالذات لما ام جونيور كانت بتصوتلي كل يوم علشان اطلع المرتبة تنشف في البلكونة ....

دي ايه التحاليل البولية ... قصدي الرياضية النفساوية الرائعة دي يا د. محمد علي .. حضرتك تخصص ايه ؟؟

يا جدعاااان .... يا جدعاااان كفاية بجد .... رياضة ايه دي يا عالم ....

[justtrying]

الدكتور محمد علي كلامك فيه كثير من المصداقية

وصلت جميع الجماهير المصرية التي تشجع بقية الأندية الأخرى إلى أنها تريد خسارة الأهلي من أي فريق سواء كان فريق مصري أو أجنبي في أي بطولة وهذا لم يحدث من قبل في مصر مثل تلك العصبيات بين الجماهير وبعضها البعض ولم يصل الشحن إلى هذا المستوى من قبل وذلك بسبب إدارة الأهلي المحترفة جدا جدا والتي تستولى على كل لاعب يظهر في أي نادي آخر لإضعافه ناهيك عن وجود اتحاد كورة غير منصف بالمرة وإعلام أسود جهلاوي ينشر مثل تلك الخزعبلات .. وطبعا الغرض سياسي بحت :rolleyes:

طبعا ان لن اتكلم عن تااريخ الأهلي الاسود في هذا الموضوع ولكن على سبيل المثال لا الحصر

رضا عبد العال

معتز إينو

كلهم كانوا في الزمالك وانتقلوا للاهلي الي خد فيهم استمارة سته .. ليه ؟؟ !!! نرجع ونقول الإدارة محترفة جدا جدا .. رغم أن اللعيبية دي فعلا كانت على اعلى مستوى لما كانت بتلعب في الزمالك ..

عموما للأسف وأكررها للأسف احب أكد بأن أغلب الجماهير الأخرى لكافة الفرق وخاصة الزمالك والإسماعيلي والمصري تتمنى هزيمة الأهلي ممثل مصر في جميع البطولات الأفريقية وذلك يرجع لأن إدارة النادي الأهلي ومن وراها الجماهير لا راحمين ولا سايبين رحمة ربنا تنزل .. أي لاعيب يظهر هوب مع السلامة في الاهلي .. ده اسمه اختطاف وليس احتراف ..

وبعدين حاجه اخيرة .. يعني انا بصراحة عمري ما شوفت احتراف اكتر من كدة .. يعني الراجل الي اسمه حسني عبد الربه طلع على التلفزيون والصحف وقال انا مش عاوز الاهلي .. ومش هلعب في مصر إلا للاسماعيلي ... ؟؟ !!!!!!!!!!!!!!

الخبر ده صحيح ولا مش صحيح ؟ !!!

لأنه لو صحيح يبئه الاحمر فقد احمرارة :blush2:

الحاجة الاخيرة المنتخب .. لما كان المنتخب فيه بتاع 6 أو سبع لاعيبة من الاهلي والزمالك حوالي 2 بس .. كانت ايام ما يعلم بيها إلا ربنا .. كل جماهير الاهلي احنا خدنا البطولة بلعيبة الاهلي .. وتعصب أعمى للاسف وده فعلا مش في صالح الكورة من اصله وللاسف جماهير الاهلي هيه السبب في الموضوع ده .. ويا ريت يكون فيه شوية هدوء وعقلانية في التشجيع وعدم التعصب

وسلام عليكم

تم تعديل 31 مايو 2008 بواسطة justtrying

[se_ Elsyed]

وبعدين حاجه اخيرة .. يعني انا بصراحة عمري ما شوفت احتراف اكتر من كدة .. يعني الراجل الي اسمه حسني عبد الربه طلع على التلفزيون والصحف وقال انا مش عاوز الاهلي .. ومش هلعب في مصر إلا للاسماعيلي ... ؟؟ !!!!!!!!!!!!!!

الله يخليك يا كابتن إنت كده بتلوي عنق الحقائق

يعني حضرتك شوفته وهو بيقول أنا عايز ماما ومش هالعب إلا للأسماعيلي ... وما شوفتهوش هو نفسه بيقول إن الزمالك فاوضني قبل شهرين من إنتهاء إعارتي ورفضت ثم فاوضني الأهلي بعد إنتهاء فترة إعارتي للإسماعيلي وبعد إدارة الإسماعيلي ما ماطلت في دفع حق ستراسبورج .. فوقعت للأهلي بملء إراداتي .... شوفته ولا ما شوفتوش ؟

وشوفته وهو موقع على عقد رسمي للأهلي بدون تأثير للمخدرات أو المُسكرات ؟

وبالتالي لما يرجع في كلامه لأي سبب من الأسباب .. مش المفروض الأهلي يحفظ حقه ... ولا هي سايبه ؟

نقطة أخرى

طبعا ان لن اتكلم عن تااريخ الأهلي الاسود في هذا الموضوع ولكن على سبيل المثال لا الحصر

رضا عبد العال

معتز إينو

فعلاً تاريخ إسود سواد ما حصلش

حتى أنا شوفت اللون بنفسي

والدليل على سواد التاريخ إن رضا عبد العالي لعب في الأهلي من سنة 94 إلى أن أعتزل سنة 2000 وأخدنا فيهم 5 دوري متتالي في رقم قياسي جديد في الكورة المصرية ...

والدليل فعلاً على سواد تاريخ معتز إينو .. إن الولد لم يرى أي بطولة مع الزمالك وأول مباراة لعبها مع الأهلي فاز فيها بكأس السوبر المحلي ثم الدوري المصري هذا العام كل ده في موسم واحد

يا سواد يا سواد

وبعدين هدي نفسك يا كابتن وبلاش الكلام الخارج ده

وإعلام أسود جهلاوي ينشر مثل تلك الخزعبلات .. وطبعا الغرض سياسي بحت

لإن ممكن حد متعصب يطلع يشتم الزمالك ومشجعيه برضوا زي مانت بتعمل وزي ما الاخ الزميل الجديد د. محمد علي ... ودي رياضة .. يعني ترويح عن النفس وليس سواد نفس مثلما لديكم كده !!!!!!

[se_ Elsyed]

الدكتور .. ويا ريت يكون فيه شوية هدوء وعقلانية في التشجيع وعدم التعصب

آه فعلاً نصيحه في محلها ومن شخص كل مداخلاته الرياضية تنُم عن عقلانية وحيادية غير مسبوقة .... !!!!!!!!!

قول لنفسك النصيحة الأول لإن كلامك هو المادة الخام بتاعت العصبية والتعصب وإقرأ مداخلاتك مرة أخرى وإنت تعرف ....

إحنا بندخل بنهزر ونناغش بعض في باب الرياضة ... لكن إنت داخل واخد الموضوع على صدرك ونازل غلط في المنافس وبتشجع من يغلطوا كمان وتؤيد رأيهم زي دال محمد علي بتاع إن جماهير الاهلي كلهم فشله في حياتهم وأيدته إنت بقولك " كلام فيه كثير من المصداقية .... وزدت عليها من عندك : وإعلام أسود جهلاوي

بصراحة ونعم الحيادية والعقلانية .... يا سلام أما الحيادية طلعت مختلفة تماماً عندكم

وما أسهل تبادل الألفاظ اللي زي دي ... لكن الكبير كبير بتصرفاته ..

[النيل حبيبي]

مفيش فايده

شوفوا انجازات حسام وابراهيم وايمن منصور

وأخيراً احمد مجدي واسامه حسن

[se_ Elsyed]

مفيش فايده

شوفوا انجازات حسام وابراهيم وايمن منصور

وأخيراً احمد مجدي واسامه حسن

يعني إيه ؟!!!!!!!!!!!!