أترك الكويت من أجل السعودية ولا لأ؟

[Abo Marwan]

شكلها كده لا هاروح السعودية ولا هافضل زي ما أنا في الكويت ... يا عم أنا أخدها من قاصرها وخلاص وأخد ديلي في اسناني وجري على مصر

شكرا ليكم جميعا

أخي وصديقي العزيز / 'HDarwish'

السلام عليكم ..

أسأل الله أن يفتح عليك وينور طريقك ويهديك الى أتخاذ القرار الصحيح ..

أخي موضوع الرجوع الى مصر أرى أن لاتفكر فيه في الوقت الحاضر لأن ظروف العمل سيئة ، والظروف المعايشية تعبانة ، والناس واصلة لمرحلة من اليأس والأحباط لدرجة مش معقولة ولا تصدق..

طيب ماهو هذا عرض السعودية أكثر من جيد حسب مابتقول وفي أخوة وأصدقاء أبدوا أستعداد التعاون معك .... توكل على الله ولاتضيع الفرصة طالما أنت تعبت من الكويت وعندك شعور بالغبن والأحباط بسبب الوظيفة الغير مناسبة مع مؤهلاتك ..

وأن شاء ربينا يرزقك الولد الصالح يقر عيونكم وتشوفوا على وجه الخير كله ..

أخي أكرر لك أن تصلي أستخارة وتفويض الأمر لصاحب الأمر سبحانه وتعالى ، هو مولانا ونعم النصير...

مع خالص التحية والتقدير لك وللأسرة الكريمة ..وأن شاء الله أسمع أخبارك الطيبة قريباً.. :rolleyes: :happy: :lol:

أبو مروان

[النجم الثاقب]

لكن المشكلة في توفير وظيفة ليا في مجالي

اخى HDarwish الله يعينك و يقويك و ييسرلك الحال و يهديك للقرار الصحيح

انا بس حبيت انصح حضرتك نصيحه من خلال اللى شوفته فى السعوديه ، المهندس الزراعى راتبه هنا ضعيف جداااااا ، انا عارف انك بتحاول تشوف وظيفه تانيه و شايف ان الفاضل النيل حبيبى مقصرش بس انا قلت اديك خبر عشان متحطش الموضوع ده فى الويتينج لست و إن شاء الله حضرتك هتيجى و هتسأل بنفسك ... اتمنى اكون غلطان ، و زى ما قالك الفاضل سى السيد الشغل بيبقى فى اماكن نائيه ، و الله انا قابلت مهندس زراعى راتبه 1200 ريال و مكنتش مصدق نفسى . ربنا يصلح الحال للجميع .

تقبل تقديرى

[nash]

أخي الكريم...

أنت بالطبع ادري بظروفك الاسريه والعمليه ...

لكن نصيحه من اخت لك....طالما الوضع ليس مجدي الان في الكويت..فأنا اري أن تقبل زوجه حضرتك بالعرض..رغم اني لازلت في حاله ذهول من تواضع الراتب المقدم لها....

إن شاء الله عند إجتماعكم هنا...ستطلع علي ظروف البلد وأحوالها وفرص العمل فيها....بشكل واقعي...وممكن تجعلوا التجربه هذه سنه..فإن ظبطت كان بها وإن لم تظبط فالعوده إلي مصر...

الوضع الأن في مصر علي ما اسمع في حاله لا تشجع علي الإستقرار فيها أبدا...لذلك عليك بالاستخارة..وإن شاء الله سييسر الله لك كل أمورك

دمت في رعايه الله وحفظه

[magedghonim]

عزيزي... لاتردد

صلي استخارة وروح السعودية

وراتبك هناك حتى لو بسيط مع راتب المدام هتقدرو تعيشو عيشة كريمة احسن من الكويت

وهتوفرو ...

انا عشت في الرياض فترة تلاتة سنين وشوية وبقالي في الكويت برضه يجي سنتين

فرق شاسع ما بين اسعار الخدمات والايجارات وكل حاجة

النقطة التانية ....

ببساطة احنا ممكن نحسبها :راتب اكبر ومضمون

يبقى انت في الكويت وبتاخد نقول 200 او 300 دينار

ولا المدام في السعودية ودة هيعادل 500 دينار كقوةشرائية في السعودية

اكيد الفرق واضح....

كمان المشكلة ان الكويت بلد ضيقة جدااا ومحدودة للغاية والفرص فيها تكاد تكون معدومة

صلي استخارة وتوكل على الله كفاية انك تطلع بحجة وكام عمرة انت والعائلة الكريمة

بس لاتنسونا من صالح دعائكم.

وتقبل تحياتي.

[HDarwish]

الإخوة والأخوات .. ماجد غنيم .. ناش .. النجم الثاقب .. أبو مروان

شكري وتقديري لكم جميعا

أحب أبشركم جميعا لكل اللي شاركوني الموضوع .. الحمد لله المشكلة واضح إنها هتتحل عن قريب بإذن الله

الموضوع إني عرفت من تحت لتحت كده إن شركتنا بتعمل فرع جديد في السعودية وبدأ ياخدوا مشاريع هناك طبعا على طول قمت مكلم مديري وحكيتله على الموضوع والراجل طلع غاية في تقدير الموقف ووعدني فعلا انه ينقلني الفرع الجديد ده وعلى ما أظن إنه يا في الرياض يا في الدمام بس قاللي أصبر شوية لإن الفرع هناك لسه في بدايته وال Staff اللي محتاجينه مش كبير قوي .. طبعا ده أحسن وساعتها يبقى أنا ما خسرتش حاجة وأقدر بعدها اشوف أنا عايز أعمل إيه كمان حتى لو رحت في أي مكان في السعودية إنشاء الله تكون فرصة المدام في تحصيل شغل كبيرة وحتى لو ما اشتغلتش إنشاء الله الراتب بالطريقة دي يكفي علشان المعلومة اللي إتأكدتلي كمان إن اللي هيروح هناك بيزيد 25% على راتبة في الكويت مقابل انتقال وبيفضل إقامته على الكويت زي ما هي يعني بيروح السعودية بفيزة تجارية لمدة ست شهور تقريبا ويدخل الكويت قبل الست شهور ما يخلصوا علشان ما تروحشي عليه الإقامة هنا وراتبه شغال بالعملة الكويتية برضه .. إدعوا معايا

الأخ ماجد غنيم .. إنت فعلا مثال واضح جدا للموضوع مع تبادل الأماكن .. بس إنت تركت السعودية وجيت الكويت .. ومن كلامك إنت مؤيد للسعودية أكثر من الكويت .. الكتير بياخد مقلب في الكويت علشان يعني أغلى عملة في العالم والكلام ده .. الكلمة المشهوره قوي هنا يقولك إيه إن فلوس الكويت مفيش فيها بركة .. أكيد إنت حاسس بكلامي ده كويس .. كمان يقولك الكويت دي عامله زي طربيزة القمار اللي بيكسب عليها بيقول أقوم ليه طيب ما أنا بكسب خليني بكسب و الخسران بيقول بكره أكسب والكل بيقوم خسران

كمان معاك حق الكويت ضيقة جدا ي اراجل ده أنا مش عارف أمدد رجلي

شكرا ليك .. وتمنياتي بالتوفيق

أختي الفاضلة / ناش

شكرا ليكي وعلى كلامك الجميل وفعلا اقتراحك كان أحد الحلول اللي اتوصلت لها بس بتعديل بسيط إني اخذ أجازة من هنا في الكويت وأروح هناك واشوف الوضع وكمان احاول بقدر الإمكان أخلي الأجازة لأطول مدة ممكنة

لكن بجد موضوع مصر لسه منغشش في نفوخي .. بس كل اللي مخليني متردد هوه الندم ودي أكثر حاجة بكرها في حياتي

شكرا ليكي .. وتمنياتي بالتوفيق

أخي النجم الثاقب

شكرا ليك .. أنا فعلا سمعت إن رواتب مهندسين الزراعة في السعودية مش كثير وبيروحوا مناطق نائية جدا .. بس أنا شايف لو شركة زراعية أشتغل فيها كمندوب مبيعات ويبقى برضه تابع للزراعة يبقى ممتاز .. وعلى فكرة أنا ببئا مستاء جدا لما بلاقي إن المهنة بتاعتنا ما لهاش تقدير كويس برغم إنها مهنة جميلة جدا وفيها خير كثير .. على فكرة أنا واخدها تحدي وبرغم بعدي عن مجالي إلى إني مش ساكت ومقدم على ماجستير ودراسات عليا عن بعد في مجال الهندسة الوراثية وبكره أأكد للناس كلها إني ما كنتش غلطان لما اخترت الكلية دي والمجال ده ..

شكرا ليك .. وتمنياتي بالتوفيق

أخي وصديق العزيز جدا جدا جدا / أبو مروان

يا ترى إيه الكلام اللي ممكن أكتبه يقدر يعبر عن مدى شكري ليك وإمتناني؟؟ .. بجد مش لاقي الكلمات اللي ممكن تعبر

كفاية عليا كلامك اللي بحس إنه عامل زي البسلم يداوي الجرح .. بجد أنا نفسي أقابلك واقعد معاك ..

أبو مروان أعذرني والله موضوع الرجوع لمصر ده ما بقولوش إلا لما أكون خلاص أحس إنها ضاقت قدامي وما عدشي فيه طرق تانية أمشي فيها .. دي ما كانتشي أحلامي من الغربة خالص .. قبل ما اسيب مصر كنت بفكر أعمل خطوة أولى لدولة خليجية أعمل فلوس عن طريقها أقدر أكمل دراستي في جامعة أجنبية سواء بالسفر للجامعة دي أو بالمراسلة اي كان وبعده أرجع مصر اشتغل بمكانة كويسة وبشهادة محترمة (ده طبعا كله قبل الجواز) .. بس للاسف حاسس إن الأحلام دي بقت عبارة عن دخان بيطير في الهوا

إعذروني يا جماعة الخير كلكم أنا حاسس إن وجعت دماغكم بكلامي ده .. أسف جدا .. والله أنا مش كئيب للدرجة اللي إنتم شوفتوها دي .. بس أعمل إيه المكان الوحيد اللي بأقدر أني أفضفض فيه وأتكلم براحتي هوه معاكم .. إتحملوني معليشي

تمنياتي للجميع بالتوفيق

[nash]

أخي الكريم درويش....ربي ييسرلك من امرة ويوفقك في كل خطواتك ...

حقيقي أحلي خبر سمعته علي الصبح....إن شاء الله تتحقق كل أمانيك وترزق من حيث لا تحتسب

تقبل تحياتي

[النجم الثاقب]

أخي النجم الثاقب

شكرا ليك .. أنا فعلا سمعت إن رواتب مهندسين الزراعة في السعودية مش كثير وبيروحوا مناطق نائية جدا .. بس أنا شايف لو شركة زراعية أشتغل فيها كمندوب مبيعات ويبقى برضه تابع للزراعة يبقى ممتاز .. وعلى فكرة أنا ببئا مستاء جدا لما بلاقي إن المهنة بتاعتنا ما لهاش تقدير كويس برغم إنها مهنة جميلة جدا وفيها خير كثير .. على فكرة أنا واخدها تحدي وبرغم بعدي عن مجالي إلى إني مش ساكت ومقدم على ماجستير ودراسات عليا عن بعد في مجال الهندسة الوراثية وبكره أأكد للناس كلها إني ما كنتش غلطان لما اخترت الكلية دي والمجال ده ..

شكرا ليك .. وتمنياتي بالتوفيق

اخى HDarwish

ومن يتق الله يجعل له مخرجا و يرزقه من حيث لا يحتسب .. الحمدلله ان فى بشاير خير هلت .. ربنا يكرمك و يوفقك فى شغلك و فى دراستك .. تمنياتى لك بالتوفيق

[Abo Marwan]

أخي وصديق العزيز جدا جدا جدا / أبو مروان

يا ترى إيه الكلام اللي ممكن أكتبه يقدر يعبر عن مدى شكري ليك وإمتناني؟؟ .. بجد مش لاقي الكلمات اللي ممكن تعبر

كفاية عليا كلامك اللي بحس إنه عامل زي البسلم يداوي الجرح .. بجد أنا نفسي أقابلك واقعد معاك ..

أبو مروان أعذرني والله موضوع الرجوع لمصر ده ما بقولوش إلا لما أكون خلاص أحس إنها ضاقت قدامي وما عدشي فيه طرق تانية أمشي فيها .. دي ما كانتشي أحلامي من الغربة خالص .. قبل ما اسيب مصر كنت بفكر أعمل خطوة أولى لدولة خليجية أعمل فلوس عن طريقها أقدر أكمل دراستي في جامعة أجنبية سواء بالسفر للجامعة دي أو بالمراسلة اي كان وبعده أرجع مصر اشتغل بمكانة كويسة وبشهادة محترمة (ده طبعا كله قبل الجواز) .. بس للاسف حاسس إن الأحلام دي بقت عبارة عن دخان بيطير في الهوا

إعذروني يا جماعة الخير كلكم أنا حاسس إن وجعت دماغكم بكلامي ده .. أسف جدا .. والله أنا مش كئيب للدرجة اللي إنتم شوفتوها دي .. بس أعمل إيه المكان الوحيد اللي بأقدر أني أفضفض فيه وأتكلم براحتي هوه معاكم .. إتحملوني معليشي

تمنياتي للجميع بالتوفيق

أخي وصديقي العزيز / HDarwish

السلام عليكم ..

الحمد لله على عظيم فضله .. الحمد لله على هذه البشرى الطيبة والله فرحت جداً من سمعت هذا الخبر . ...

اللهم يريح بالكم ياأخي وأعانك الله وسدد خطواتكم... وفقكم الله في رحلتكم وحياتكم الجديدة

أبشر ياأخي أن مع العسر يسر ، أن الله لايضيع عباده المؤمنين حتى لو أشتدت علينا المحن ..

أن شاء الله ياأخي تبشرنا بالولد الصالح وأستقرار الأحوال وتتلون الدنيا معاكم بأزهى ألوان السعادة والموفقية ..

أرجوك أخي صلي لله أستخارة بتفويض أمرك وأمر عائلتك لصاحب الأمر وهو على كل شئ قدير ....هو حسبنا هو مولانا ونعم النصير..

مع خالص التحية والتقدير لك وللأسرة الكريمة ..

أبو مروان

[zamalkawi fe el kuwait]

اخى العزيز

نصيحتى لك لا تترك الكويت

بس انا عندى ملاحظة ومش عارف اذا كانت صائبة ولا لأ حضرتك بتقول المرتب فى السعودية للطبيب 5000 ريال يعنى بتكلم فى حوالى 375 دينار كويتى

انا بعتقد ان مرتب الدكتور فى الكويت لا يقل عن 750 او 800 على اقل تقدير ..........

الحاجة التانية المعاملة هنا زى هناك .........

الحاجة التالتة مش مستاهلة بهدلة تانى هناك لان مش قبل 6 شهور علشان تتأقلم على مكان جديد وتستقر من الاول تانى

الحاجة الرابعة الراتب مش مجزى انك تسيب الكويت وتروح السعودية ............... انت ممكن تسيب الكويت لو الزوجة هتاخد المبلغ دة مثلا فى مصر .

دة نصحتى.

يا ريت حد بقى يرد على موضوعى

http://www.egyptiantalks.org/invb/index.ph...mp;#entry363640

تم تعديل 28 مايو 2008 بواسطة zamalkawi fe el kuwait

[HDarwish]

أخي الفاضل / زملكاوي في الكويت

أولاً وقبل حاجة مبروك للزمالك ألف مبروك

ثانيا شكرا جدا على النصائح والملاحظات وكان لي تعقيب بسيط

المرتبات بين السعودية والكويت ما فيش فيها فرق كبير وبالنسبة لطبيب هنا في الكويت بياخد 750 و 800 دينار ده بيكون طبيب استشاري او خبرة كبيرة شوية لكن بالنسبة لممارس عام ما بيزيدشي عن 300 او 350 دينار يبقى كده الفرق ماديا مش كبير .. لكن الفرق في مستوى المعيشة يعني لو انت ساكن في شقة غرفتين وصالة ب 250 دينار يعني أربعة آلاف ريال في الشهر يعني في السنة 48 ألف ريال .. إسأل كده أي حد في السعودية قوله لو دفعت 48 ألف ريال في سكن ممكن يكون مواصفات السكن إيه .. ناهيك عن مصاريف أخرى كثير

هقولك على حكاية صغيرة .. ليا هنا واحد صاحبي راتبه الأول كان 320 دينار والحمد لله وصل 500 دينار وكانت مشكلته نفس مشكلتي بالضبط وحياته الاسرية كانت كلها مشاكل بسبب عدم الاستقرار الاسري وكان بيدور وانا معاه بدورله على شغل لمراته اللي شغلتها مدرسة لغة عربية وبعد عناء كبير دام حوالي سنة ونصف ووسايط وخلافه اتوفقنا في شغل ليها في مدرسة خاصة على 250 دينار فرحنا جدا والفرحة مش سايعانا لإن إحنا كان أملنا كله إنها تشتغل باقل كمان من راتبها ده علشان يقدروا يعيشوا تخيل في خلال ستة شهور قرر إنه ينزلها مصر طبعا صعقت وسألته إزاي إنت أكيد مجنون .. كان رده حلفانات بالله إن راتبهم الاثنين مع بعض يا دوب بيمشي الشهر ولو فيه أي حاجة طارئة ما لهاش مكان عندهم يعني عربية اتخبطت أو عيل تعب (عنده ماشاء الله اثنين) يبقى مصيره في الحالة دي هوه الديون زي ما هوه مديون ليا الوقتي (بيني وبينكم أحسن يزعل)

بالنسبة لحكاية المعاملة هنا زي هناك .. لأ في النقطة دي أنا شايف فيها فرق شوية لإن إتعاملت مع كاويته كتير وسعوديين كتير برضه داخل الكويت والسعودية وخارجها ولو اتعاملت معاهم هتلاقي الفرق ملحوظ وواضح قوي

بالنسبة للبهدلة إيه رايك الواحد يتبهدل ست شهور وبعد كده يرتاح ولا يفضل متبهدل طول عمره وفي الآخر يا ريتني كنت .. وكنت و ..

موضوع الراتب أولا .. وأخيرا أنا مش معطيله الأهمية اللي انت متخيله أكثر من إنه يضمن حياة أسرية مستقرة .. يعني معليشي لو أنا في بلدي أو في بلد أخرى وراتبي مكفي والحياة ماشية بنا تمام حتى لو مش هحوش منه حاجة صدقني هخلي مراتي تقعد في البيت حتى لو كانت رئيسة وزراء

شكرا لمداخلتك وآسف إذا كنت طولت عليك

[HDarwish]

آه معليشي نسيت

بالنسبة لموضوع إجراءات الالتحاق بعائل هنا في الكويت

أنا سبق وذكرت ليك كل الخطوات اللي أنا قمت بها علشان أعمل الالتحاق بعائل لمراتي هنا في الكويت .. وده كل اللي أنا عارفه زي ما انا سبق وخضت فيها بالظبط

وأخاف إني أزود حاجة عن اللي أنا عملته تكون غلط .. كما لإن القوانين هنا زي ما قولتلك كل يوم في تغيير

تمنياتي لك بالتوفيق وإذا في اي حاجة اقدر أعملها قوللي وانشاء الله مش هتأخر عليك

[رمضان]

انا بستغرب انتم ازاي بتقولوا كده عن الحياة في الكويت

[HDarwish]

صديقي العزيز / رمضان

صدقني أنا لحد الوقتي ما قابلتش حد قاللي إنه مرتاح في الكويت من المدير للغفير

وكلامي كله من الحياة الواقعية

إظاهر إنت الدنيا معاك لونه بمبي ..

ربنا معاك ويوفقك

[zamalkawi fe el kuwait]

أخي الفاضل / زملكاوي في الكويت

أولاً وقبل حاجة مبروك للزمالك ألف مبروك

ثانيا شكرا جدا على النصائح والملاحظات وكان لي تعقيب بسيط

المرتبات بين السعودية والكويت ما فيش فيها فرق كبير وبالنسبة لطبيب هنا في الكويت بياخد 750 و 800 دينار ده بيكون طبيب استشاري او خبرة كبيرة شوية لكن بالنسبة لممارس عام ما بيزيدشي عن 300 او 350 دينار يبقى كده الفرق ماديا مش كبير .. لكن الفرق في مستوى المعيشة يعني لو انت ساكن في شقة غرفتين وصالة ب 250 دينار يعني أربعة آلاف ريال في الشهر يعني في السنة 48 ألف ريال .. إسأل كده أي حد في السعودية قوله لو دفعت 48 ألف ريال في سكن ممكن يكون مواصفات السكن إيه .. ناهيك عن مصاريف أخرى كثير

هقولك على حكاية صغيرة .. ليا هنا واحد صاحبي راتبه الأول كان 320 دينار والحمد لله وصل 500 دينار وكانت مشكلته نفس مشكلتي بالضبط وحياته الاسرية كانت كلها مشاكل بسبب عدم الاستقرار الاسري وكان بيدور وانا معاه بدورله على شغل لمراته اللي شغلتها مدرسة لغة عربية وبعد عناء كبير دام حوالي سنة ونصف ووسايط وخلافه اتوفقنا في شغل ليها في مدرسة خاصة على 250 دينار فرحنا جدا والفرحة مش سايعانا لإن إحنا كان أملنا كله إنها تشتغل باقل كمان من راتبها ده علشان يقدروا يعيشوا تخيل في خلال ستة شهور قرر إنه ينزلها مصر طبعا صعقت وسألته إزاي إنت أكيد مجنون .. كان رده حلفانات بالله إن راتبهم الاثنين مع بعض يا دوب بيمشي الشهر ولو فيه أي حاجة طارئة ما لهاش مكان عندهم يعني عربية اتخبطت أو عيل تعب (عنده ماشاء الله اثنين) يبقى مصيره في الحالة دي هوه الديون زي ما هوه مديون ليا الوقتي (بيني وبينكم أحسن يزعل)

بالنسبة لحكاية المعاملة هنا زي هناك .. لأ في النقطة دي أنا شايف فيها فرق شوية لإن إتعاملت مع كاويته كتير وسعوديين كتير برضه داخل الكويت والسعودية وخارجها ولو اتعاملت معاهم هتلاقي الفرق ملحوظ وواضح قوي

بالنسبة للبهدلة إيه رايك الواحد يتبهدل ست شهور وبعد كده يرتاح ولا يفضل متبهدل طول عمره وفي الآخر يا ريتني كنت .. وكنت و ..

موضوع الراتب أولا .. وأخيرا أنا مش معطيله الأهمية اللي انت متخيله أكثر من إنه يضمن حياة أسرية مستقرة .. يعني معليشي لو أنا في بلدي أو في بلد أخرى وراتبي مكفي والحياة ماشية بنا تمام حتى لو مش هحوش منه حاجة صدقني هخلي مراتي تقعد في البيت حتى لو كانت رئيسة وزراء

شكرا لمداخلتك وآسف إذا كنت طولت عليك

يا باشا عندى تعليق على كلامك

لو زميلك مرتبة 500 + 250 الزوجة كافى جدا للعيش فى الكويت

انا مازلت بشوف ناس بتعيش ب مرتب 300 دينار لكن زوج وزوجة وطفل

غرفتين وصالة ممكن 190 دينار فى مكان نضيف ايضا.

[zamalkawi fe el kuwait]

انا بستغرب انتم ازاي بتقولوا كده عن الحياة في الكويت

يا اخ رمضان الحياة بقت صعبة فى الكويت واصبحت لفئات معينة فقط انا كلامى للخ درويش انة يفضل هنا لانة مافيش فرق بين هنا وهناك طبقا لعرض اللى معاة ولكن ليس معنى ذلك ان الوضع ممتاز فى الكويت هنا ولكنة مقبول افضل من الحياة الاقتصادية فى مصر لكن لمستقبل فى ظل وجود اسرة واطفال لازم على الاقل مرتب الف دينار فيما فوق.

[HDarwish]

تحيا مصر

وشهد شاهد من أهلها

شفت يا سعادة الباشا

فعلا علشان تعيش انت واسرة هنا في الكويت لازم تكون عازب ولو عايز بئا تعيش انت وأسرة يبقى لا يقل عن ألف دينار وعلى فكرة لسه ما دخلناش في مصاريف مدارس وهلم جره ،،،،

بصراحة الكويت للعزاب فقط (ينفع مانشت) صح...

شكلك لسه ما اتجوزتش يا رمضان يا خويا

[Engineer in KW]

عزيزي HDarwish

تحية كبيرة لك من عندي. الموضوع اللي انت بتحكي عنه الحقيقة انا تعرضت له و القرار يختلف من شخص لاخر و بمعنى اخر انا ح افتح لك بعض النقاط بالاضافة لما سبق و ذكره الاستاذ سي السيد لان انا عشت هنا في الكويت 12 سنة و سافرت كمان الى قطر شوية

1. لابد ان تقارن مدى الحرية هنا في الكويت و نظيرها في السعودية حيث ان زوجتك مثلا لا تستطيع القيادة في السعودية
   
2. يمكن لزوجتك ان تحصل على عمل ممارس عام داخل الكويت براتب لا يقل عن 800 دينار و اذا كانت متخصصة يمكن ان يصل الراتب الى 1200 وانا عندي امثلة
   
3. موضوع الرواتب في السعودية و الله نصب و استغلال للناس الغلابة
   
4. اسعار المدارس في الكويت و السعودية واحد
   

اخي العزيز انت هنا ممكن تتحرك وتروح و تيجي و انت على اقامة واحد و بتشتغل عند حد تاني طبعا في السعودية و قطر الكلام ده مش موجود تبقي مصية سودا لو واحد عمل الكلام ده في احد هذه الدول

انا ياعزيزي انعرض علي عمل في السعودية ب 16000+ البدلات و لم اوافق علشان القوانين هناك بصراحة تخوف

اتوكل على الله و ابحث لزوجتك هنا عن عمل و ان شاء الله تحصل و لو عايز مساعدتي انا حاضر و اللي ممكن اقدر اعمله ح اعمله

البريد الاليكتروني الخاص بي هو sm_esan@yahoo.com و الله الموفق

[HDarwish]

أخي العزيز / مهندس في الكويت

تحية طيبة وجزيل الشكر لمشاركتك ونصائحك الرائعة ...

وفعلا (لا خاب من استشار) وانا لما لقيت نفسي في حيرة ومش عارف اتخذ قرار مصيري زي ده وحدي قولت اخواني يشاركوني والحمد لله بنسبة 90 % وصلت للقرار

شكرا ليك وتمنياتي ليك بالنجاح والتوفيق