ليه مش بيقولوا عاوزين نتساوى بيهم في دي كمان ؟؟؟

[seeem]

النساء فى بعض دول العالم انضممن بالفعل للخدمه العسكريه و يقمن بها .. wst::

اتجدعنوا انتم بقى و ورّونا أوّل رجل يحمل و يلد و يرضع wst:: .. أهو على الأقل يتحمّل شويه التعب الجسدى و النفسى المرتبط بهذه المواضيع عن النساء الضعيفات بتوع اليومين دول .. :rolleyes:

"طبعا هاطنّش بمزاجى موضوع نساء ضعيفات ده خصوصا حين نفكّر فى شباب هذه الأيّام و موقفهم من الخدمه العسكريه اللىّ بيقبلوا عليها بكل انشراحة صدر :)

أتفق تماماً مع حضرتك ... "بعيداً عن الفانتازيا" ... عن الواقع وما فيه ... :lol:

أما عن الراجل ... يحمل ويرضع فده شئ سهل ... لو نظرنا حولنا لوجدنا أغلب الرجال أصحاب الكروش والأوزان الثقيلة هم في حالة "حمل" ... وهذا بغض النظر عن التأثير الهرموني لفترة الحمل ... وما أعتقده أن وزن أقل "كرش" فيهم يتعدى وزن الجنين ... والولادة تتم قيصري ... والرضاعة كما ذكرت من قبل ... صناعي ... لذا فآلام الولادة تنتفي وغرض الرضاعة ينتهي ... :)

لو نظرنا في حال الفتيات ... "الضعيفات" ... الحالية لنجد أن الكثير يفضل الولادة القيصرية والرضاعة الصناعية حتى وإن تحدثوا بغير ذلك ... wst::

لكن ... بصراحة ... كلٌ مهيء لما خلق له ... ولا أتحدث هنا بالعموم في الألفاظ "سيدات ورجال" ولكن أعني فعلاً الإختصاص ... فلو نظرنا ملياً فيمن حولنا لوجدنا مثلاً أن ساعي المكتب لا يمكن إلا أن يكون ساعي المكتب ... وذلك الفراش لا يمكن أن يكون شخصاً آخر ... وفي هذا أخص السمات العامة التي يتوجب حصولها لدي الشخص لإكتساب هذا العمل ... من هذا المنطلق ... وبدون التطرق إلى حساسيات الرجل والمرأة ... لا يمكن أن نفرض قيداً على أي إنسان "رجل كان أو إمرأة" ليعمل عملاً مادام يملك السمات والصفات اللازمة لهذا العمل ...

وفي نفس المعرض ... الشباب اللذيذ الذي يهاب الخدمة العسكرية وهو لايعاني من أي سبب عضوي ... من الممكن عرض عليه فكرة الحمل والإرضاع كبديل ... :happy:

;)

[مصطفى عبد الوهاب]

مين هيشم ثاكر و هامل سحنس ده اللي خلينا كل الشباب اللي زي الورد زيهم و بلاش والدي مع ان هو يادوب لسة 56 سنه عندك واحد صاحبي قعد يعيط علشان راح الجيش وقالوا له غير لائق طبيا و كان حالف ميت يمين أنه لو دخل ماهو طالع و الكلام ده قريب جدا يعني 5 سنين كده و بعدين أنا شوفت ان في بعض المداخلات ناس جايبة سيرة الحمل و الولادة و الرد في كلمة بسيطة "خلقة ربنا" حد ليه شوق في حاجة و بعدين هو الواحدة لما بتحمل بتحمل لوحديها يعني ولا ايه و الله حاجة غريبة انما الجيش ده حاجه احنا اللي بنعملها و بنعمل قوانينها يعني ممكن نتدخل فيها في سبيل الأصوات الحنجورية التي تردد الشعارات العارية من الصحة التي تنادي بالمأساة انما مش هاتوصل لإن احنا نتدخل في شؤن الكون و نبدل خلق الله مش كده و لا ايه

و بعدين أنا ماليش دعوة اسرائيل و لا أي دوله بتجند الفتيات و لا بيدوروا لهم على عرسان حتى أنا بأتكلم علينا كمسلمين و عرب و مصريين

اتعدينا بعدوى التقليد الأعمى و ترديد الكلمات كالببغاء و بعدين أنا في اعتقادي الشخصي ان أي واحده أوروبية أو أمريكية تتمنى أن تتم معاملتها كما يتم معاملة النساء عندنا و لكن هنا سؤال آخر يطرح نفسه هل طالب الرجال المساواه بالنساء أم النساء هن من طلبن ؟؟؟؟

و الرد كلنا عارفينة اذن ايه لازمة ان حد يقولي ورينا راجل حامل و ولد و قاعد يرضع هو حد نكر عليكم و لا قال اشمعنا هما ؟؟ و لا انت اللي عمالين تقولوا احنا منطهدين ؟؟ يا أخواتي الفضليات نحن نقول لماذا لا تطالبن بالمساواة في تأدية الخدمة الالزامية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟. و السؤال واضح مجرد رأي

[فــيــروز]

بالهداوه شويه يا أخ "مصطفى" ..

الموضوع موضوع بسيط و خفيف ولا يحتاج لهذا القدر من الانفعال :rolleyes: ما تقول حاجه يا "سيم"

كثيرون ممّن أعرفهم يعتبرون الخدمه العسكريه سنوات ضائعه من العمر .. لا همّا بيستفيدوا منها ولا البلد بتستفيد منهم فى تأهليهم لخدمه عسكريه حقيقيه !! وكثيرون يسعون خلف الوسايط و التدخّلات كى يحصلوا على إعفاء من أداء الخدمه العسكريه نهائيا !! فإذا كان هذا حال الرجال فلماذا تتوقّع أن تسعى النساء لهذا الفرض !! أم لم تلاحظ أن ما تطالب به النساء هو ما تعتبره امتيازا يستحق السعى خلفه و الحقيقه ده موقف يتّسق تماما مع النفس البشريه التى تطلب لنفسها ما تعتبره ميزه و لا تفكّر فى السعى وراء ما تعتبره عيبا ..

لا أتّفق مع فكرة النساء تسعى للمساواه .. النساء تسعى وراء ما تراه حقوقا .. و زى ما الجيش هو عباره عن قوانين نحن نضعها باختيارنا فحرمان فئات من المجتمع من حقوقها هو ايضا اختيار و السعى وراء نيل هذه الحقوق هو ايضا اختيار .. فهل لك أن تشير إلى ما تعتبر سعى النساء وراءه ممّا ينتقص من شأنهن؟ يعنى ممكن تحدّد أو تعطى مثال على أشياء طالبت بها النساء المصريات و تراها أمورا لا يليق بالنساء السعى وراءها؟

تحيّاتى

[Khiber]

فى فرنسا

وزير الدفاع واحده راجل

:rolleyes: :happy:

[somayasaleh]

و لسه برده ماحدش من الأخوات اداني رد منطقي.

في انتظار الرد

كان معكم

جندي مجند مصطفى عبد الوهاب

من أمام منطقة تجنيد النسر

استاذ مصطفي حضرتك بتتكلم جد؟؟؟؟

يعني عايز اختك وامك وخالتك وزوجتك وابنتك تدخل تتبهدل في الخدمه العسكريه المصرية؟؟؟؟

ده احنا غلابة ومكسورين الجناح

ياسيدي الفاضل المساواة التي تطلبها النساء العاقلات ....هي مساواة في الحقوق والواجبات

وليست مساواة مطلقة في كل شئ...... والا كنا بذلك نخالف الطبيعة الفسيولوجية المختلفة للرجل والمراة

هناك مهن لا تستطيع المراة القيام بها بحكم تكوينها الجسماني الرقيق ومنها(الخدمة العسكرية)

وكذلك مواقف لا تستطيع ان تسيطر فيها علي مشاعرها بحكم رقة مشاعرها واحاسيسها المرهفة

لذلك نرجو تصحيح مفهمو المساواه المطلوبة

علي فكرة انا شخصيا ضد المساواة في كل شئ بدزن قيود بين الرجل والمراة......... ما هو لو كده يبقي مفيش جنسين مختلفين

يعني يبقوا ايه ؟ ................ست مسترجلة .........ورجل متستت......ز

؟؟

[Alshiekh]

مش عارف انتوا مصعبين الموضوع ليه

المرأة ممكن تعمل كل حاجة ، ولن تقل كفائة عن الرجل ،

واعتقد ان مصر لو خلصت رجالها ، فلن تتردد النساء عن الذهاب للتجنيد طواعية ،

لكن فى زمن يتم اعفاء الرجال فيه من التجنيد ، مش فاهم عايزين النساء تتجند ليه؟

شوفوا كده النساء ممكن تعمل ايه

[~Heba~]

و الله الجيش دا حاجة معتبرة

و انا ادعو البنات انها تحااااااارب عشان تدخلوا :blink:

حتى شوفوا :blush2:

ماسكات للبشرة لتنعيم و شد البشرة (و تبييضها للسمر) و اعادة نضارتها و منع التجاعيد wst::

حاجة نتيجتها مضمونة مية فى المية :wub:

تم تعديل 29 مايو 2008 بواسطة ~Heba~

[النيل حبيبي]

خلينا واقعيين

البنت عندنا تتربي من الحضانه علي ان الولد ليه كل حاجه

وهو يتحمل المسؤليه لوحده

في اوربا وامريكا من سن المراهقه تنفصل عن البيت

وتعتمد علي نفسها

[كوابرية]

الاخ الكريم مصطفى

السؤال دة دايما بيقولوا الرجال لما يسمعوا ان فى حركة نشاط قامت بيها المراة علشان تتساوى مع الراجل

انا مع ان الستات تاخد حقوقها وتتساوى مع الرجال بس مش معنى كدة انها تتساوى به فى التجنيد وتأدية الخدمة دى

مثلا تخيل ان حصلت حرب والبنات فى الحرب مين بقى اللى حيعالج المصابين والجرحى ويسعفهم يعنى تخيل نخيل انك ممرض وجت مصابات من جراء الحرب دة حتقول اية بينك وبين نفسك حتقول وماله مش هى اللى طالبت بالمساواة استحملى بقى ؟ ولا حتقول أزاى اشوف المواقف دى وكل اللى بعمله انى بعالجهم واسعفهم علشان يكملوا عملهم .... وكمان اتخيل انك موظف والمدام ظابط فى الجيش وقت حرب ....وبعدين يا اخى الرجال قوامين عن النساء

بس الستات لازم يتساوى مع الرجال فى الحاجات اللى مشتركين فى القيام بها واللى من قدراتهم يؤادوها فى الشغل مثلا تاخد المرتب بما يعادل مجهودها وحقها فى الترقيات والعلاوات وتشتغل بالمهن على حسب قدراتها ..........بس فى الاخر حناخد حقوقنا وحنتساوى يعنى حنتساوى

[مغتربة]

بغض النظر على ان الموضوع فى باحه الموضوعات الخفيفه الا انى اقسم بالله العظيم انى كنت اتمنى حقا تاديه الخدمه العسكريه و لو فتح باب اختيارى للبنات ان تنضم للخدمه العسكريه ساكون من اوائل المتقدمات و يكون لى الشرف ان اتدرب و اتمرن لادافع عن بلدى وقت ان تحتاجنى و حتى لو لم اتدرب و احتلاجتنى بلدى فى يوم من الايام لا قدر الله ساذهب و اتطوع للدفاع عن بلدى فهو شرف لى اتمنى من الله ان اناله