الموافقة على قرار رئيس الجمهورية..بمد قانون الطوارئ

[n o b l e]

قرر اليوم مجلس الشعب .. الموافقة على قرار رئيس الجمهورية..بمد قانون الطوارئ .. حتى مايو 2010 .. أو لحين الإنتهاء من قانون الإرهاب .. أيهما أقرب ..

ايه رأيكم يا شعب ؟؟

تم تعديل 26 مايو 2008 بواسطة n o b l e

[أسد]

عادي

هذا ما كان متوقع من الأصل

[Automatic]

أو لحين الإنتهاء من قانون الإرهاب .. .

طب فهمت خلاص

تم تعديل 27 مايو 2008 بواسطة Automatic

[HDarwish]

أو لحين الانتهاء من قانون الإرهاب !!!!!!!!!!!!!!!!!!

حسبي الله وهو نعم الوكيل

[somebody]

اشمعنى مايو 2010 بالذات؟؟؟؟؟؟؟؟؟؟؟؟؟؟؟؟

[se_ Elsyed]

لا حول ولا قوة إلا بالله

ساعات بأبقى عايز اكلم نفسي واخاف يقولوا مجنون

وساعات الومنا كلنا .. لإننا لو كنا فتحنا موضوع في أي باب وقولنا فيه " القبض على الراقصة الفلانية في وضع مخل بالاداب مع لاعب كرة شهير في المقطم " كنت ممكن تلاقي ييجي ربعميت ألف مشاهدة على 5000 مداخلة على 300 صفحة ..... هذا يدافع عن الحرية الشخصية وذاك يبهدل الرقاصة واللاعب ويلعن الكل كليله

لكن عندما يتعلق الأمر بمصير بلد بحالها .. فكل اللي هانلاقيه هو مداخلتين تلاتة مقتضبين والسلام عليكم ويبقى الحال كما هو عليه ..

حاشا لله ان أكون بألوم احد بعينه

ولكن إعتبروه نوع من انواع التهييس والتنفيث والتهجيص...

فطالما تعودنا على السلبية والأنا ماليه ...

يبقى من حق قطيع من الفاسدين أن يفعلوا بنا ما يحلوا لهم ..

يعني ألفين ولا تلاتة الاف واحد ... بيسوقوا 78 مليون !!!!!!!!!!!!!!!!!!!

أنا عارف إن قطاع كبير من الشعب المصري لا يعرف حتى يعني إيه قانون طواريء ؟ ولا يعني إيه يمددوه ويمطوه ويفصلوه ويكبروه ويسمنوه لحد ما يبقى عنده 29 سنة ...

وعندهم حق في وسط تلك المطحنة المُسماه الحياة في ظل الغلاء الفاحش ...

وكل دورنا لو كنا بنسمي نفسنا مُثقفين إننا نوعي الناس ونقولهم يا ناس يا هو فوقوا ..

يا ناس يا هو ثوروا على الظالم والديكتاتور اللي خرب البلد لمدة 27 عام

ثوروا على اللي سرق قوتكم وسممكم وزرع السرطان والفشل الكلوي والكبد الوبائي في أجسادكم

ثوثورا على المناظر اللي بتشوفوها في مستشفى سرطان الأطفال وهؤلاء الأبرياء اللي اتسرطنوا وإندفنوا بالحيا وهما مالهمش ذنب وكل ذنبهم إنهم إتولدوا في عصر فيه فاسد يعاونه مجرمين ..

وكل ده عشان إنسان معدوم الإنسانية ومعدوم الضمير يعمل تحت مظلة رئيسه وسيده .. بيستورد مبيدات وسماد مسرطن من الكيان الصهيوني .. ويحقق مكاسب بالمليارات وجميع مساعديه تم القبض عليهم .. أما هو فيرتع ويمرح ويتبوا اعلى المناصب في الدولة ..... وليذهب الشعب المصري إلى الجحيم ..

يا ناس ثوروا فالعُمر واحد والرب واحد ..

يا ناس بطلوا تنبله وسلبيه وبطولا ترددوا " خلونا نربي العيال " هاتربيهم إزاي والفساد من حوليك ؟ ... يا اخي الموت بكرامة أفضل مليون مره من العيشة في ذُل ..

يا أخي عيش وموت بكرامتك ولإن عيل معفن معاه إعدادية يوقفك في الشارع وتقوله يا باشا وتبقى عايز تبوس إيده عشان ما يشدكش عالقسم ..

يا شعب ثور وأعرف إن الطواريء معناها الذل والإذلال ... يعني العسس أو رجال الشرطة او الامن من حقه يعمل فيك أي حاجه بعيداً عن القانون ..

ومن حقه يحولك إلى القضاء العسكري مع إنك مدني ..

ومن حقه يصدر عليك حكم ويصادق عليه كبيرهم الذي علمهم الفساد ..

ومن حقه إنه لا يُعطيك حقك في الإستئناف أو حتى تقول آي

ومن حقه يعتقل بنت بمليون راجل مننا إسمها إسراء عبد الفتاح .. أعتقلوها بعد ما برئتها النيابه .. وأخفوها لعدة أيام في المعتقل .. بل وصرحت مصادر رسمية في العسس إنهم لم يعتقلوها ولا يعرفوا مصيرها .. وهما بينفخوها عندهم في معتقلات الظلم والتعذيب عشان تتوب .. وعشان ما تفكرش تاني وعشان ما تقولش لأ وعشان تبقى نعجه مستكينة في وسط القطيع تاكل وتشرب وتتناسل وتنام بالليل عشان تصبح تاني يوم تكرر ما فعلته بالامس ..

يا ناس ثوروا على من يصور لكم الإرهاب على إنهم بعبع واقف على الباب أو إن مصر مستهدفة .. وقانونهم ده أبو 27 سنة واللي مددوه سنيتن لم يمنع ناموسة من إنها تعمل عمليه إرهابية في مصر طوال تلك الفترة ..

يا ناس ثوروا وبصوا للدول الأخرى اللي عندها بلاوي زي العراق ولبنان والأدرن بل والكيان الصهيوني نفسه بل وشبه دولة فلسطين كلهم جميعاً لم يعرفوا شيء إسمه قانون طواريء ..

يا ناس ياللي تعرفوا ألف باء ... طواريء يعني شيء موؤقت ... يعني لما يقعد 29 سنة يبقى مبارك بيلزقنا كلنا على قفانا ... يعني لما يقول بعضمة لسانة إنه هايحكم فترتين بس وبعدين يلحس كلامه ويمدد تلاتة وأربعة وخمسة وإحنا ساكتين ... يبقى من حقه يطقع من اجسادنا ويبيع في السوق ..

يعني لما يُعلن في برنامج الإنتخابي الاخير إنه هايلغي قانون الوطاريء ويروح ممده سنيتن تانيين لحد يا الحمار يموت يا إحنا نموت .. يا إحنا والحمار نموتوا .... يبقى من حقه يشكلنا ويبهدلنا زي ما هو عايز ...

يا ناس ثوروا على من دخل بنا القرن الواحد والعشرين ولسه بيتكلم على بطاقات تموين وعلى الحد من طوابير العيش وعن و عن و عن

حسبنا الله ونعم الوكيل

حسبنا الله ونعم الوكيل

انا لا ألوم تلك الكتلة المُسماه الحزب الوطني والتي وافقت على مد القانون بالإجماع وسيقوا جميعاً كالخراف من قِبل أمانة الحزب بقيادة إبن الرئيس وتم توزيع كروت عليهم ليوقعوا حضور وأنصراف ويا ويل من لم يحضر جلسة الأمس ..

لا ألومهم على الإطلاق

فليس بعد الفساد ذنب

وليس بعد المصلحة ذنب

وأود ان أُسجل شهادة أمام الله ... للموقف الرجولي لهؤلاء الشرفاء في المجلس الموقر وهم كتلة الإخوان المسلمين .. والأعضاء المستقلين الذين رفضوا مد قانون العار ووقفوا في وجه الفساد

فعلى الأقل هم فعلوا ما يمليه عليهم ضميرهم ...

وكل اللوم يقع علينا جميعاً ..

نعم انا وإنت وكل من يقرا تلك السطور او من عرف بموضوع الطواريء ولم يغضب .. أو من لم يعرف لإنه لا يريد أن يعرف ..

ألومنا نحن الخانعين المستكينين .. المتمسكين بالتفاهات والمجادلات .. في حين أن البلد تُسرق من تحت أقدامنا وسنفيق غداً لنك نجد انفسنا بلا مآوى ولا أرض تقلنا أو سماء تظلنا ...

وكل سنة وإحنا ساكتين وطيبين ومهاودين وموافقين ....

[se_ Elsyed]

اشمعنى مايو 2010 بالذات؟؟؟؟؟؟؟؟؟؟؟؟؟؟؟؟

طب إسمع النكتة دي

بيقولك مره بوش فضل يسكر لحد ما بقى طينه وقام يخطب في أحد المؤتمرات الصحفية وقال من ضمن كلامه : خطتنا في المرحلة القادمة إننا نقتل خمسة مليون عربي وواحد طبيب أسنان .

فواحد صحفي عربي إتغاظ وقام غاضب قوي وسأله : إشمعنى يعني واحد طبيب أسنان ؟

[se_ Elsyed]

إضحك كركر مع جريدة المصري اليوم اللي نقلت بث حي لوقائع جلسة العار

وافق مجلس الشعب علي قرار رئيس الجمهورية رقم «١٦٠» لسنة ٢٠٠٨ بمد حالة الطوارئ لمدة سنتين، اعتبارا من ٣١ مايو الجاري حتي ٣١ مايو عام ٢٠١٠، أو لمدة تنتهي بصدور قانون مكافحة الإرهاب أيهما أقرب.

قال الدكتور أحمد نظيف، رئيس الوزراء، في بيانه الذي ألقاه أمام المجلس حول الأسباب التي دعت إلي مد حالة الطوارئ: «منذ عامين، طالبت باسم الحكومة بمد حالة الطوارئ لمدة عامين أو لحين صدور قانون مكافحة الإرهاب، وقلت وقتها إن مدة عامين ليست طويلة بالنظر إلي ما يتطلبه إعداد هذا القانون من تعديلات في الدستور وبعض القوانين».

وأضاف نظيف: «الحكومة ـ منذ البداية ـ أدركت صعوبة مهمة تحقيق وعد الرئيس حسني مبارك الذي شمله برنامجه الانتخابي بإعداد قانون لمكافحة الإرهاب يحقق التوازن بين حريات المواطنين واستقرار المجتمع وأمنه وسلامته، لإنهاء حالة الطوارئ التي طالت مدتها».

وقال رئيس الوزراء إنه كان يأمل أن تساعد تجارب الدول التي سبقت مصر إلي إصدار مثل هذا القانون في سرعة إعداده، وأضاف: «تبين للجنة المكلفة بالإعداد أن هذه الدول ما إن تستقر علي نصوص تبقي بها تحقيق توازن بين حقوق المواطن وأمن المجتمع، يكشف لها التطبيق العملي أنها قد مالت إلي جانب علي حساب الآخر، وأخفقت في تحقيق التوازن المطلوب، فتسارع إلي تعديل نصوص القانون لتدرك ما فاتها أو تستكمل النقص، وهو ما حدث في إنجلترا ـ علي سبيل المثال ـ منذ إقرار أول تشريع لها في مكافحة الإرهاب عام ٢٠٠٠، وكذلك في فرنسا والولايات المتحدة الأمريكية وغيرها من الدو،ل التي مازالت تدرس إدخال تعديلات جديدة علي قوانينها في هذا الشأن، وهو ترف لا تملكه مصر التي اعتادت استقرار التشريع، ولا ينبغي لها أن تراجع القانون إذا دخل حيز التنفيذ قبل اقتضاء مدة طويلة علي تطبيقه حتي لا يوصم بسوء الإعداد والتسرع في مناقشته».

وتابع نظيف: «اللجنة التي تم تكليفها بإعداد قانون مكافحة الإرهاب سعت لإيجاد صيغة التوازن المطلوب التي تكفل التوافق حول نصوص القانون، وتجنبه الانتقادات التي بدأت تنطلق أثناء بحثه وهي الانتقادات التي قامت علي الظن والتخمين».

وأضاف أن الحكومة كانت تسمع كل هذه الانتقادات ولا تستنكرها، ولكنها ـ أي الحكومة ـ فهمت أن الغرض منها خلق رأي عام ضاغط يدفع عن هذا القانون شبح تقييد الحريات وانتهاك الحرمات.

وأضاف رئيس الوزراء: «الوقت لم يسعف اللجنة المكلفة بإعداد مشروع القانون للاستقرار علي صيغة تحقق التوازن المطلوب بين حرية المواطن وأمن المجتمع، ولهذا كان أمام الحكومة خياران، الأول: الانتهاء من إعداد مشروع قانون مكافحة الإرهاب في أسرع وقت وإصداره قبل ٣١ مايو الجاري، علي أن يتم تعديله بعد ذلك علي ضوء ما يكشف عنه التطبيق العملي من ثغرات وعثرات، وما يوجه للقانون من انتقادات».

والخيار الثاني يتمثل في مد حالة الطوارئ مرة أخري لإتاحة الفرصة لمزيد من الدراسة لإعداد مشروع قانون مكافحة الإرهاب، وإجراء حوار مجتمعي حوله باعتباره الأخطر والأدق في مسيرة الإصلاح الديمقراطي التي تضمنها برنامج الرئيس.

وأوضح نظيف أن الحكومة لم تتجه إلي إنهاء حالة الطوارئ والاكتفاء بالقوانين العقابية والإجرائية القائمة لمواجهة ظاهرة الإرهاب لأنها «أي الحكومة» لم تكن علي استعداد للتضحية بالاستقرار والأمان والنمو الاقتصادي الذي تحقق في ظلها، وقال: «لقد حسمت الحكومة أمرها واختارت أن تطلب من مجلس الشعب مد حالة الطوارئ، وهو كره لها».

واختتم رئيس الوزراء قائلا: «نعلم قبل غيرنا أن تطبيق قانون الطوارئ لن يقضي علي الإرهاب تماما، ولكنه يجهض الكثير من عملياته، ويتيح للأجهزة الأمنية بعض التدابير والإجراءات لمواجهة عناصره التي تطور فكرها، وتستعين بالتقنيات الحديثة في إجرائها»، وأشار إلي أن الحكومة لم تتعسف في استخدام قانون الطوارئ إلا بالقدر اللازم لحماية أمن الوطن والمواطنين.

ودعا نظيف الأحزاب والقوي السياسية للارتفاع فوق خلافاتها الحزبية والسياسية لمواجهة خطر الإرهاب، وقال: «لتكن الموافقة علي مد حالة الطوارئ مناسبة لتوجيه رسالة من الأغلبية والمعارضة للأعداء الذين يراهنون علي تفرقنا».

شهدت جلسة مجلس الشعب أمس مناوشات عديدة بين نواب الأغلبية والمعارضة، ففي حين علق نواب المعارضة والمستقلين «بادج» علي شكل علم مصر يحمل شعار «لا للطوارئ» باستثناء المستقل مصطفي الجندي، الذي رفض تعليق «البادج»، بالإضافة إلي بعض اللافتات.

حرص نواب الوطني علي التصفيق للدكتور أحمد نظيف بمجرد دخوله القاعة، واستمروا في ذلك أثناء إلقائه كلمته، وحرص نظيف كالعادة علي النظر إلي نواب الأغلبية طوال إلقاء كلمته، ولم يلتفت نهائيا علي يساره «مكان نواب المعارضة والمستقلين» حتي عندما صاح د. حمدي حسن، غاضبا من كلمة رئيس الوزراء، ثار نواب الوطني في مواجهته «أقعد.. أقعد» وشرب نظيف كوب ماء ثم استكمل كلمته وهو ينظر لنواب الوطني، وهنا نظر إليه كمال الشاذلي، ونصحه من خلال الإشارة بالاستكمال، وعندما أعلن نظيف أن الطوارئ لم يستخدم إلا في حالات الإرهاب والمخدرات.

علق حمدي حسن منفعلا «الحكومة تكذب» وعندما طالب نظيف الأغبية والمعارضة أن يتفقوا في مواجهة الأعداء، رد نواب المعارضة والمستقلين «لا.. لا». وانفعل النائب أكرم الشاعر قائلا: «كيف لا تستطيع الحكومة الإلكترونية إعداد قانون مكافحة الإرهاب خلال عامين»، وحرص نواب الوطني علي التصفيق بشدة لنظيف أثناء إلقاء كلمته، وحتي عندما انتهي حرص الجالسون في الصف الأول علي مصافحته واعترض النائب المستقل طاهر حزين علي مناقشة الموضوع باستعجال دون موافقة المجلس، وعقب د. فتحي سرور بأن المجلس هو السلطة المختصة.

وفي حين غاب نائب الوطني أحمد أبوحجي عن الجلسة بسبب أنه أقسم بالطلاق في المرة الماضية، بعدم الموافقة علي مد الطوارئ مرة أخري، بينما وافق زميله خليفة رضوان علي المد، رغم رفضه المرة الماضية، مبررا ذلك بأن قانون الطوارئ أتاح له عقد ١٤ صلحاً بسبب الثأر بين العائلات.. واعترض نائب الوطني يحيي القطان علي قيام د. محمد البلتاجي، نائب الإخوان، بتصوير الجلسة بالمحمول، وطالبه رئيس المجلس بعدم التصوير، كما حرص سرور أثناء مناداته علي د. محمد سعد الكتاتني للحديث أن يؤكد عبارة «من المستقلين» وهو ما واجهه الكتاتني بابتسامة.

وشهدت الجلسة أزمة بين النائب كمال الشاذلي وأعضاء الإخوان، عندما قال الشاذلي «لو كان أحدهم فقد ابنه أو أحداً أسرته أو اغتالته يد الارهاب، ما وقفوا هنا ليقول مثل هذا الكلام وهو ما اعترض عليه نائب الإخوان سعد الحسيني، الذي ثار كثيراً ولكن نواب الوطني ساندوا الشاذلي بالتصفيق الذي واجهه الحسيني قائلا: «علي من يصيح أن يحل مشاكل دائرته بالمحلة أولا» وصفق نواب الأغلبية بشدة ثم نظر الشاذلي إلي الإخوان قائلا: «إذا لم تفعلوا ذلك فيكون هناك شيء غلط».

واختتم الشاذلي كلمته قائلا: «لن نسمح لقوي الشر ودعاة الظلام بإيقاف هذه المسيرة».

عندما تحدث نائب الوطني أحمد أو عقرب مشيداً بعهد حبيب العادلي وزير الداخلية وإنجازاته وإحالة عدد من الضباط للمحاكم بسبب التجاوزات،علق عليه أحد نواب الإخوان قائلا: «حسبي الله ونعم الوكيل» فرد أبوعقرب «حسبي الله ونعم الوكيل والله أكبر في قتلة ضباط الشرطة» وهو ما لاقي تصفيق نواب الوطني.

[ahmedarab]

يا عالم .........يا خلق ......يا بنى ادمين

هو فية قانون طوارىء فى الدنيا ...قانون طوارىء ..وخدين بالكوا ..يعنى القانون اللى بيحكم البلد فى الظروف الطارئه ...يستمر العمل بية 28 سنــة متصلة؟؟؟؟؟؟

يعنى مصر بتمر بظروف طارئة بقالة 27 سنة .. ولسة ؟؟؟؟؟؟؟؟

حسبى الله ونعم الوكيل ..وبيقولك رياح الارهاب عاتية .. والبلد مستهدفة..... بجد بجد ..ان لم تستحى فأفعل ما شاءت

تم تعديل 27 مايو 2008 بواسطة ahmedarab

[Automatic]

يا شعب ثور وأعرف إن الطواريء معناها الذل والإذلال ... يعني العسس أو رجال الشرطة او الامن من حقه يعمل فيك أي حاجه بعيداً عن القانون ..

ومن حقه يحولك إلى القضاء العسكري مع إنك مدني ..

ومن حقه يصدر عليك حكم ويصادق عليه كبيرهم الذي علمهم الفساد ..

ومن حقه إنه لا يُعطيك حقك في الإستئناف أو حتى تقول آي

ومن حقه يعتقل بنت بمليون راجل مننا إسمها إسراء عبد الفتاح .. أعتقلوها بعد ما برئتها النيابه .. وأخفوها لعدة أيام في المعتقل .. بل وصرحت مصادر رسمية في العسس إنهم لم يعتقلوها ولا يعرفوا مصيرها .. وهما بينفخوها عندهم في معتقلات الظلم والتعذيب عشان تتوب .. وعشان ما تفكرش تاني وعشان ما تقولش لأ وعشان تبقى نعجه مستكينة في وسط القطيع تاكل وتشرب وتتناسل وتنام بالليل عشان تصبح تاني يوم تكرر ما فعلته بالامس ..

يا ناس ثوروا على من يصور لكم الإرهاب على إنهم بعبع واقف على الباب أو إن مصر مستهدفة .. وقانونهم ده أبو 27 سنة واللي مددوه سنيتن لم يمنع ناموسة من إنها تعمل عمليه إرهابية في مصر طوال تلك الفترة ..

يا ناس ثوروا وبصوا للدول الأخرى اللي عندها بلاوي زي العراق ولبنان والأدرن بل والكيان الصهيوني نفسه بل وشبه دولة فلسطين كلهم جميعاً لم يعرفوا شيء إسمه قانون طواريء ..

يا ناس ياللي تعرفوا ألف باء ... طواريء يعني شيء موؤقت ... يعني لما يقعد 29 سنة يبقى مبارك بيلزقنا كلنا على قفانا ... يعني لما يقول بعضمة لسانة إنه هايحكم فترتين بس وبعدين يلحس كلامه ويمدد تلاتة وأربعة وخمسة وإحنا ساكتين ... يبقى من حقه يطقع من اجسادنا ويبيع في السوق ..

أولآ أنا مش فاهم هما محتاجين القانون ده ليه؟ هما كد كدا بيعملوا الي عايزينه وكان الحال بنفس الفساد قبل قانون الطوارء.

ثانيآ, ألغاء قانون الطوارئ ده حاجه رمزيه لأن الفساد بتلاقيه في كل قسم شرطه وفي كل نيابه و...و...و.....

ثالثآ, نفسي حد يقول نعمل أيه..............بالظبط مافيه مننا كتير قرفانين من الحال الي أحنا فيه لاكن حاسين أننا متكتفين.

وهيا دي أكتر حاجه نجح فيها النظام الأجرامي, أنهم حسسو وأقنعو المواطن العادي أنه مالوش دور ولا قوه في تغيير وضعه.

وأخيرآ, فين نص القانون؟ ‘ايز أقرأ بيقول أيه؟

تم تعديل 27 مايو 2008 بواسطة Automatic

[somebody]

ثالثآ, نفسي حد يقول نعمل أيه..............بالظبط مافيه مننا كتير قرفانين من الحال الي أحنا فيه لاكن حاسين أننا متكتفين.

وهيا دي أكتر حاجه نجح فيها النظام أنهم حسسو وأقنعو المواطن العادي أنه مالوش دور ولا قوه في تغيير وضعه.

___________________________________________________

انا متفقة تماما مع حضرتك في النقطة دي لازم نعمل حاجة لوقف تطبيق هذا القانون او بمعنى اصح الغاؤه لكن هنعمل ايه هو ده السؤال

___________________________________________________

تم تعديل 27 مايو 2008 بواسطة somebody

[مصري جدا]

اليوم بالصدفه شاهدت التليفزيون وكان برنامج فيه مذيعتين روشين ومسنضيفين الشخص اللي ربنا بلانا به ..\ اللواء محد عمر صاحب القول المشهور الأستفزازي {طب مايغور في ستين داهيه...}في موضوع مقتل الطالب المحلاوي رحمة الله عليه ...المهم كان بيتكلم بنفس المنطق والطريقه علي موضوع قانون الطوارئ...وأشهد بالله أن هذا الشخص له قدره كبيره في رفع الضغط وفوران الدم لكل مصري عنده كرامه وبيحب بلده .....قال .... ردا علي سؤال المذيعه ..هو لسه في القرن ال 21 ممكن حد يسجن بدون محاكمه ...فرد ببرود..... عادي علشان نحمي أمن البلد والمواطنين ....ودي السبوبه اللي بيقولوها......لأن البلد في نظرهم هي مصالح الكبار ...والمواطنين هما أسيادهم .....اللي بيحموهم......وقال كمان ...أنزلي أمشي في الشوارع ...الناس عايشه عادي ومفيش حد زعلان ..وقال كلام كتير أقل ما يقال عنه أنه أسخفاف بأدمية المصريين ...وأن المصري العادي ممكن يموت برصاصة مش مهم في سبيل حفظ الأمن والأمان ....{وايه يعني يموتوا عشره ولا أكتر }ده كلامه .......حسيت قد أيه هم وصلوا بالأستهانه بالشعب ده ...وللأسف حسيت بمراره أننا سمحنا لهم بكده ......الشعب مات ولا عزاء...وده مش حيحصل بأذن الله......وأن شاء الله يطبق قانون الطوارئ عليهم والشعب يعتقل سجانيه ويشربوا من نفس الكأس ....معلهش أعذروني لأني منفعل من كلام هذا الشخص وممكن كلامي يكون غير مرتب...بس أصلي كل ما بأشوف الناس دي بيجيبوا لي أكتئاب وعلشان كده بحاول أبعد عن أني أشوفهم ..بس بيطلعولي كده فجأه زي الكوابيس ......... البرنامج أسمه أعتقد سكر زياده علي o t.v.

ش عارف الواحد ممكن يعمل أيه ولسه كنت بأشوف موضوع التغيير في مصر ...وللآسف حسيت أننا تايهين ومفيش حد عارف الطريق .....بس فيه حاجه واحده لازم نعرفها ..لازم نكون مع بعض بكل أختلافتنا علشان نقدر نقف ونعمل حاجه ...دي أهم وأول خطوه .....

وحسبي الله ونعم الوكيل

[somebody]

السؤال التاني ازاي طلع قرار زي ده بالموافقة من اعضاء مجلس الشعب ؟

تم تعديل 27 مايو 2008 بواسطة somebody

[حلواني]

دا انتو شعب غريب

قانون الطوارئ ايه اللي مزعلكو دا دا علشان يحميكو لانه بيحمينا واحنا وانتو ايه مش واحد برضو

غلاء ايه الدنيا كلها غاليه شوف كيلو الكفيار بقي بكام اففففففففففففف

طوابير العيش دي احسن وسيله مبتكره علشان الشعب يمارس الرياضه وصحته تتحسن شوف الفائده العظيمه لجسمك لما تقف كل يوم 4 ساعات

الحريه مانتو بتتكلمو وسايبنكو تتكلمو احنا الحريه عندنا كدا اخرها الكلام الكلام وبس فاهمين وبس

الاحتكار ........... يعني هو المحتكر دا مش واحد من الشعب ولازم نساعده ابقي محتكر هتلاقينا بنساعدك وبنحتكر معاك

استغلال السلطه ... فعلا شعب عجيب يعني هواللي في السلطه دا مش مكم مش عمك ولا خالك ولا جوز اختك ترضي اننا نبهدل جوز خالتك دا حتي خالتك ممكن تزعل منك واحنا عايزين الناس تيقي مبسوطه

بالمناسبه دي فيه نكته

قرروزير الداخليه ان المرور فوق كوبري اكتوبر ب10 جنيه الناس سكتت ودفعت

راح رفع القيمه ل20جنيه الناس سكتت ودفعت رفع القيمه 50 جنيه والضرب علي القفا

حصل زخام شديد علي الكوبري قام واحد اتنرفز قوي وراح للظابط وقاله بكل شجاعه ايه دا الناس وراها شغل مفيش غير ظابط واحد اللي بيضرب

كفايه كدا مش عايز اكتب تاني

[nagla fawzy]

مبروك يا جماعة احسن مفاجأة مجلس الشعب قاصدى مجلس النظام وافق يجدد قانون الطوارئ لمدة عامين .

بس اناعاوزة افهم حاجة هو يعنى ايه طوارئ ، أصل انا أخدت فىالمدرسة إن الطوارئ كلمة معناها حاجة عارضة . انا طبعا مش باعترض ، لان ده قانون كلنا اتربينا عليه و بقى عِشرة بس انا حابة افهم و بس .

عموماً انا عاوزة أسأل اسئلة بريئة جداً مش قاصدى حاجة منها خالص ، الرئيس اللى مش قادر يعيش لمدة سنة واحدة من غير طوارئ ده معناه انه عارف ان الشعب مش طايقة و انه كاتم على نفسنا ، الرئيس ده مُصْر يقعد ليه و هايفضل كاتم على نفسنا لأمتى ؟؟و بعدين احنا بقالنا 27 سنة طوارئ و مع ذلك لسه فيه تجار مخدرات و لسه فيه حرامية و الا هو القانون معمول علشان يحمى الناس دى ؟ و سؤال تانى معلش هو ليه بيسموه قانون طوارئ ما يخلوه قانون عادى ، اه انا نسيت ما هو فيه قانون اسمه قانون الارهاب اللى ان شاء الله هايطبق على نفس المعارضين .

يا عالم يا هو نفسى اعيش زى اى حد امشى فى الشارع ما أحسش ان اى ضابط ممكن يوقفنى فى الشارع و يدخلنى الحبس لمجرد اشتباه .

نفسى اقف مع اصحابى اكتر من خمس افراد و ما نبقاش مهددين بتجمهر.

نفسى اعمل مظاهرة سلمية اعرض فيها طلباتى من غير ما أخاف .

نفسى ابقى زى اى شعب فى العالم عايش من غير طوارئ .

من الآخر نفسى ابقى حرة فى بلد حر يطبق قوانين عادية .

نفسى اعيش زى كل الشعوب اللى عايشة من غير طوارئ ، الطلب ده صعب ؟؟!! ما أعتقدش .

[~Heba~]

يا جماعه لاحظوا اننا هنحتاج القانون ده جدا لما الرئيس يعنى يروح المكان اللى انتوا عارفينه :closedeyes: ....بعد عمر طويل ان شاء الله

[فتافيت]

اولا انا موافقةعلي مد الطواري بس لحد امتي ها نفضل كدة في الطواري وحرام عليك يا اخ حلواني عايزنا نقف اربع ساعات في طابور العيش انا بدفع جنية زيادة واريح نفسي وبيجيني العيش للبيت دة انا كنت اموت فيها دي الله يسامحك

[yasser6666]

بصراحة انا شايف انها مش فارقة كتير....يعني يلغوه أو يمدوه كلها زي بعض

المهم احترام أدمية الناس في الشوارع والأقسام والمصالح الحكومية.

احنا احسن ناس لانحترم القوانين ولانتبعها

هل معني ألغاء قانون الطوارئ ان الضابط لو مسكك مش حيضربك علي قفاك؟؟

اذا كانت الأجابة بنعم

فلابد من الغاء قانون الطوارئ

ولكن للأسف الشديد ممكن القانون يتلغي والناس تهلل وتفرح انها انجزت واجبرت الحكومة علي مطالبها

ولكن لاتزال قبضة الشرطة علي الضعفاء وتعذيبهم في الاقسام مستمر

.

انتوا بتتكلموا كأننا بنطبق القوانين بحذافيرها وعلشان كده عاوزين نلغي قانون الطوارئ

.

كام واحد معاه حكم محكمة ولايستطيع تنفيذه بسبب سلطة مسئول أو ضابط شرطة معرفة

أين القانون وتطبيقه هنا؟؟

انتوا معايا والا ايه؟؟

[se_ Elsyed]

يا جماعه لاحظوا اننا هنحتاج القانون ده جدا لما الرئيس يعنى يروح المكان اللى انتوا عارفينه ....بعد عمر طويل ان شاء الله

ليه وهو أحنا الرئيس اللي بيموت عندنا بس .. وباقي الدول رؤساءهم بيطلعوا السما وبينزلوا تاني ؟

ما هي دي من البدع والأقوال الغريبة في البلد يا هبه

----------------

السؤال التاني ازاي طلع قرار زي ده بالموافقة من اعضاء مجلس الشعب ؟

إفرحي يا فوزيه ... هي دي الديمقراطية

يا عم somebody .. ده عبارة عن مجلس أراجوزات ... وكلهم بدون إستثناء باعوا ضمائرهم وبلدهم بالرخيص ... ولو شفت حضرتك كده هاتلاقي أعضاء الحزب الفاشي هم اللي وافقوا بالإجماع فقط .... تخيل ؟ يعني ما فيش واحد فيهم قليل العقل رفض ... وإحقاقاً للحق في واحد إدعى المرض ولم يحضر وهو العضو الصعيدي " احمد أبو حجي " وده أعرفه شخصياً وكان حلف بالطلاق - والله زي ما بأقولك كده - في التمديد السابق إنه مش هايوافق على التمديد مرة أخرى ... فعشان ما يطلقش الوليه .. عمل عيان وما راحش جلسة العار... وطبعاً المنفاخ بيتحضر له دلوقت من آبية جمال وهايتنفخ عن قريب وهاتشوف ..

أما شُرفاء الأمة من كتلة الإخوان والمستقلين فرفضوا جميعهم التمديد

لكن الأغلبية الفاشية اللي بإذن الله مصيرها هايكون نفس مصير أعضاء حزب البعث بعد سقوط إله صدام ... وهايتسحلوا في شوارع مصر وهاتُنتهك اعراضهم وتُسلب أموالهم .. وده جزاء بسيط ينتظرهم من الشعب باكلمه عقاباً لهم لما أقترفوه في حقوقنا ..

[~Heba~]

لو دققتوا فى تاريخ مصر هتلاحظوا ان الراس الكبيرة فى البلد من والى لملك لرئيس مش بيتغير الا بحرب و الا انقلاب و الا ثورة و ده بيحصل فى اغلب الاحوال

تفتكروا يعنى هيحصل ايه لما ينتقل الى رحمة الله تعالى اللى مساك البلد بايدين من حديد لمدة 26 سنة خصوصا انه مفيش نائب