مكجيات ساخرة(عطشووا الجيم)

[MKG]

فجأة و بعد قراءة نكتة كفر الهنادوة لاحمد رجب

قلت ليه يا دكتور (ان شاء الله)مكج مش تعمل التقليد اللذيييييذ ده فى المنتدى عن طريق تخيل عضوين احدهما عضو فى المنتدى والاخر من الشخصيات الرجبية بس بدون رسم طبعاً

و الله فكرة

و الاسس بتاعتى فى كده

1 اى هزار مع اى عضو عاااااادى و مش للاستهزاء بس مجرد هزار و لو فيه شكوى

(بصراحة مش معايا ايميل احمد رجب)

2 الحوار سيكون من طرف واحد من إحدى الشخصيتين فقط

و أوعى حد يزعل دى مجرد دعابات بريئة

و ارجوا ان تشاركوا بحرية و ابتكار

مع محبتتتتتتتى

مكج

[MKG]

الادفايز

عباس العرسة:و الله معاليك يا فندم نور ماشى فى المنتدى ,خبرة ايه و مهارة ايه ,ايه ده الله اكبر عليك يا فندم ,الوليه مراتى امبارح جابت تؤم

بنت وولد

الولد سميته ادفايزر يا فندم, هو يطول

و البنت سمتها ادفايزر برضه ,هى كانت تحلم

و عشان نفرقهم من بعض ,الولد بقوله يا وائل :D و البنت يا سوسن :D

[MKG]

الطفشان

فلاح كفر الهنادوة:جال ايه الراموقراطية دى يا ابا الحاج اللى مش موجودة ,حرام عليك بلاش كدب ,طب دا الواد ابو سويلم ابو لسان زالف ده راح فى استفتاء الريس و كتب لع,رحت مبهدله و جلتله ازاى يا وله تكتب لع انت مش تمران فيك النعمة ولا ايه كهربا و مية نضيفة ,راح جالى خلاص هروح اصحح اللى كتبته,تانى يوم بعد ما جه قالى مش انا رحت و جلتلهم انى غلطت وكتبت لع و عايز اصصح اللى كتبته و اكتب إيوه,جالولى ما احنا عارفين و صححنهالك

بس مش تغلط المرة الجاية ,شفت راموقراطية اكتر من كده بيعرفوا اللى جوه الجلب و يوفرو عليك التعب و المشورة ويجعله عامر.

[MKG]

مشرف

فلاح كفر الهنادوة:الواد ابو سويلم ابو لسان زالف عمال يجول ان مداخلاته عمالة تتحذف و ان مضطهد , جلتله اخرس ياله هو انت هتعرف زى الناس الكبارة اللى عمالين يلغو و ينسقجو اخرس يا له دانت كويس انك لسه متشيعتش من الرافورم ده <دانتا المفروض جبل ما تكتب اى حاجة تبعتها للمشرف و تقوله عجبتك لو شيعلك رسالة و جال ايوه تبعتها كمان مرة و تجله "طب احلف"

(و الله لا أقصد سوى الدعابة)

[shoshka]

فلاح كفر الهنادوة

دكتور (مكج ) بألاطة جامدة جدا : هتقوللي ابن ابو سليم داير في الكفر يفلقط بالكلام .. هقولك عيلة سليم كلها اتطوعت في العراق.. و اي حد هينضم للقلة المنحرفة اللي بتثير القلاقل و البلبلة هنطلعها وراهم .. ماهو مش ممكن كل من هب و دب كمان يكون ليه رأي و يعترض .. الرأي له ناسه و السياسة لها ناسها و الاقتصاد احنا جايبينله أجدع خبرا من أثيوببيا و اللي مش عاجبه بيشرب من الترعة و برضه الحكومة بتعالجه على حسابها .. صحيح خيرن تعمل .. شرن تلقى و يجعله عامر غصبن عنك و عن الكفر كلاته ...

[MKG]

سوقنا إضرب يا رجالة

إيه الحلاوة دى يا عم شوشكا

دحنا طلعنا نكتة فى دماغ معاليك طب خد دى بقى

مكج

فلاح كفر الهنادوة:أنا مش فاخم إنت مش عاجبك إيه فى البلد,إتجى الله ,طب هاتلى بلد فى العالم فيها جطورات زى اللى عندينا ,طب علام زى اللى عندينا ,طب واحد سكرة عمال يضحك وماسك الحكومة,,,مش هتلاجى.و يجعله عامر.

[MKG]

رجب

فلاح كفر الهنادوة:ان مش فاهم ايه اللى مش عاجبك فى عبد الناصر الله يرحمه ,دا كان راجل طيب جوى و عليه كلام حلو و كان بيكرمنا اخر كرم و يا ما بعت ناس تاخد ولاد الكفر و تسكنهم ببلاش و تكرمهم وتأكلهم ببلاش فى طره وأبو زعبل اتجى الله و يجعله عامر.

[shoshka]

يا افندم العفو دا احنا يادوب بنقول يا هادي ...

خد عندك دي ...

فلاح كفر الهنادوة:

دكتور (مكج) : هتقوللي من ساعة ما الجنيه اتعوم الغلا زاد هاقولك اخرس ياله مش أحسن ما كنا سبناهولكوا يغرق و كنتو رحتوا ورا الشمس .. هتقوللي الناس هتجن من اللي حاصل في العراق هقولك جاتكو البلاوي ما انتو مجانين مجانين ..هتفلقط بالكلام و تقول مليارات البلد بتطلع برة هقولك و انت مالك هي كانت من جيب ابوك .. و بعدين هي الحكومة هتلاحق عليكوا عيش حاف منين ..يا عالم اتقوا الله و شوفوا الناس حواليكوا عايشة ازاي اشي "سارس " و اشي "صدام" و اشي "بلا أزرق " بس انتوا اللي لا حمد و لا شكرانية و يجعلوا عامر غصبن عنكوا كلكوا ...........

[MKG]

س

بس

إيه يا عم مبلاش حكاية دكتور دى لسه بدرررررررررررررررررررررررررررررررى

خليها مكج حاف :? يالا بقى

بصراحة انا مركز على المنتدى شويتين بس مفيش مانع من التنويع

و منتظر مداخلاتك اللى مش ليها حل

عادل ابو زيد

عباس العرسة :ايه الصورة الجميلة دى يا فندم ايه الحلاوة دى ,يا معاليك انا رحت اعدل فى البطاقة قلت لازم تشيلو صورتى و تحتو صورة معاليه

قالولى ما ينفعش

روحت و دمعتى على خدى و رحت لازق صورة معاليك بالسلوتب على البطاقة

و إظاهر ان الموضوع ده هيبقى من طرفين أنا وانت

طيب اهى صحبة حلوة

و مفيش مشاكل

[yasser6666]

ايه الحلاوة دي ياشباب .موضوع لذة والله ...استقبلوا الجاية دي عندكم بصدر رحب!!!....................................

الواد ابو سويلم ابو لسان زالف جايلي يتنطط وفرحان ويجولي خلاص يابا الحاج راحت علينا وكرامتنا اتبهدلت وكبراتنا بقوا ينضربوا بالجزم في التلفزيونات...جلتله اخرس ياوله ازاي تتكلم كده علي كبراتنا ياعديم الرباية الكبير كبير حتي لو انضرب بالبلغ واتسحل علي الارض كمان دول اسيادنا وتاج راسنا واحنا عايشين بحسهم ونفسهم جالك طاعون يسم بدنك

[shoshka]

أما بجد الموضوع ده عاجبني مووت .. صحيح هم يبكي و هم يضحك ..خدو دي

و احد عارف نفسه :

فلاح كفر الهنادوة : اللا يا سعادة البيه الواد ابن ابو سليم ابو لسان زالف داير في الكفر يقول يا حلاوة يا ولاد أزمة الغلا هتنحل و الحكومة هتاخد من دورارات القمارتجية اللي في اللوكاندات الكبيرة و تشتري لنا عيش و سريس .. قلتله أخرس ياله اش فاهمك انت في الحاجات دي على رأي المثل "اردب ماهو لك ما تحضر كيله .... تتعفر دقنك و تتعب في شيله " بقى برضه الحكومة هتصرف علينا مال حرام يا جعر انت ؟؟ دي الفلوس دي هيدوها للي بيهربوا بمريارات عشان ما ربنا ما يباركلهمش فيها .. الا يا بيه هو صحيح الناس الأكابر كمان ليها في شغل التلات ورجات و فين السنيورة ؟؟ و يجعله عامر

[MKG]

إيه الحلاوة دى

دانا مروح يا عم

و خدوا دى منى

هشام عبد الوهاب

عباس العرسة:و الله يا فندم قرار التزكية للأعضاء الجدد دا قرار تاريخى ,بشرفى يا فندم دا احسن قرار بعد تأميم قناة السويس ,بس المفروض يا فندم العضو الجديد يعرف قيمة المنتدى و كل عضو جديد يبعتلى 5 جنيه عشان يشترك و فى نهاية كل سنة اشترى لحضرتك بالفلوس وردة اعبرلك بيها عن حبى.