البلهارسيا وفيروس C

[Alshiekh]

نعلم جميعا أن معظم من اصيبوا بالبلهارسيا ، يقال انهم مصابون او اصيبوا بالفيروس C

فهل نطمع من السادة الآعضاء الأفاضل أطباء المنتدى أن يلقوا الضوء على الموضوع ، وماهى العلاقة بين البلهارسيا التى تم علاجها فى فترة مبكرة من العمر ، وفيروس C وما يصاحبهما ومايتبعهما من تدمير للكبد والطحال.

[badroora]

!! انا عارفة الاجابة وممكن اقول بس لو بعتلى دعوة لانى مش من اطباء المنتدي

[Alshiekh]

!! انا عارفة الاجابة وممكن اقول بس لو بعتلى دعوة لانى مش من اطباء المنتدي :D :protest:

هو الحقيقة انا لما قلت أطباء المنتدى ، لم أقصد التقليل من مقام اى من الاعضاء ، فقط حتى يتسنى لنا ان نسأل ونجد الاجابة ، وبالطبع الكثيرين منا ممن ليسوا اطباء عندهم معلومات ، وقد تكون كافية ولكن الرد على الاسئلة بحرفية قد يكون صعبا ، ومنديات الانترنت مليئة بالمقتبسات ، ولكنها مقتبسة للنقل فقط.

وطبعا ممكن تدلى بدلوك فى الموضوع متى شعرت انك كفء له.

[badroora]

البلهارسيا .......وفيروس كبدي سي .

التشابهة بينهم فى تدمير خلايا الكبد .........ويؤدى الى فشل كبدي .

الاختلاف بينهم

فى طرق انتقال العدوى وهذا ليس بجديد علينا فكلنا نعلم كيف تتم العدوى بالبلهارسيا والاصابة بيفروس سي..

البلهارسيا عن طريق الطفيل وشرط ان يخترق الجلد .

فيروس سي .....عن طريق الدم ومشتقاتة وسوف اتكلم عنه بالتفصيل فيما بعد

البلهارسيا ........زمان اعلانات وزارة الصحة التى كانت تذاع فى التليفزيون لتوعية الناس بطرق انتقال العدوي

واعراض المرض وطريقة العلاج .

وهاقولها سريعا بطريقة بسيطة .للتذكار فقط ..الماء الراكد كالترع والمستنقعات بيئة خصبة لنمو طفيل البلهارسيا والتى تنتقل

للانسان عن طريق اختراق الجلد بالنسبة للشخص الذي يستحم فى الترع او من يستخدم ماء االترع فى رى الاراضي

الزراعية او غسيل الاوانى .

يوجد نوعين من البلهارسيا بلهارسيا معوية تعيش وتتكاثر فى القولون والمستقيم

وبلهارسيا المسالك البولية وتعيش فى المثانة

وبعد ذلك تهاجر بويضات البلهارسيا الى الوريد البابي فى الكبد وتعيش هناك حيث انها بيئة خصبة وغنية بالدم ومصدر غذاء مركز

وعلى حسب مكان البلهارسيا تظهر الاعراض

المعوية

الام فى المعدة

نزيف من الشرج ودم مع البراز

الام بالبطن

المثانة

نزيف من المثانة

بول مدمم

الم بالمثانة والحوض

اعراض مشتركة ضعف عام

فقدان الوزن

انيميا حادة

وباقي الاعراض تكون مصاحبة على حسب درجة النزيف ومدى خطورة حالة المصاب .

علاج بالبلهارسيا

فى البداية كان عن طريق الحقن ثم تطور الى اقراص بجرعات محددة على حسب ما يحددها الطبيب .

هنا هل كل من تم شفائه شفاء تام من البلهارسيا .........يعد صحى تمام والكبد سليم لن يتاثر ؟!!

هذا يعتمد على الاكتشاف المبكر للبلهارسيا والعلاج المبكر ايضا .

هناك اشخاص يتم شفائهم شفاء تام من البلهارسيا ولكن يظل الكبد عليل نتيجة لهدم خلاياه التى تمت بواسطة طفيل البلهارسيا

لانه للاسف عند هدم خلايا الكبد تنتج مكانها خلايا ليفية وهذا ما يسمى بالتليف الكبدي اى ان الكبد فقد خلاياه الاصلية وتم

بناء خلايا اخرى بديلة ولكن ليست كالاساسية ولن تقوم بنفس الوظيفة وهنا تبدأ تظهر اعراض الفشل الكبدي .

وعلاقة الطحال بالكبد ........علاقة فسيولوجية

لان الدورة الدموية فى الكبد ستجد عائق امامها الا وهو الخلايا المتليفة التى تفقد مرونة الخلايا الطبيعية التى كانت تسمح

بمرور الدم داخل خلايا الكبد (الدورة الدموية الكبدية) والدم كالنهر بالظبط اذا وجد عائق امامة فتح منفذ جديد وكذلك الدم

حين يجد عائق فى الكبد

سيرجع للخلف الى الطحال اول جهاز يتأثر ويسبب تضخم فى الطحال

وتجمع السوائل فى البطن وتسمي استسقاء

ومنها الى اعلى يصل الى المريء ويحتقن اوردة المريء بالدم ويؤدى الى .........دوالى المريء

ثم الى القلب الجانب الايمن ويؤدى الى هبوط او فشل فى وظيفة الجانب الايمن من القلب وتسؤء الاعراض على حسب

خطورة الحالة .

والعلاج هنا بيكون على حسب المضاعفات

تضخم الطحال .........استئصال الطحال .

دوالى المريء .........بحقن دوالى المرئ بعقاقير زى حالة عبدالحليم حافظ بالظبط

فشل الكبد فى نهاية مرحلة عن طريق زرع كبد .

ومن خلال اشرافي على حالات زرع كبد ......لا اشجع على زرع الكبد الا بالضرورة القصوي .

هذا باختصار عن البلهارسيا

ولى عودة مرة اخرى

لفيروس كبدي سي

تم تعديل 29 مايو 2008 بواسطة Badria Mekkawy

[اسامه اسماعيل]

السلام عليكم اولا

دي اول مشاركه خالص

المهم ندخل في الموضوع

علاقة البلهارسيا بفيروس سي؟

نسبه كبيره من مرضي البلهارسيا مصابين بفيروس سي وده يرجع الي سببين

1-زمان كان علاج مرضي البلهارسيا حقن وماكنش فيه تعقيم وبالتالي كان بيستخدموا الحققنه اكتر من مره وده كان بينقل الفيروس من شخص مصاب لاخر

2-في بعض الابحاث وجدوا ان فيرس سي ممكن يعدي البلهارسيا ويدخل في تركيبه الحامض النووي لها وبالتالي بتتكوون هي حامله للفيروس وبينتقل منها لدم الشخص اللي بتعديه

بس بصفه عامه مفيش رابط كتير بينهم نسبه بسيطه بس وخلاص

واساسا فيروس سي مش بقي مرض دلوقتي لان علاجه بقي سهل جدا وناجج مائه في مائه

سواء بحقن pegsas او مضادات الفيروسات او حتي lapre

سلام

ارجوا اكون وفيت في الاجابه

[badroora]

واساسا فيروس سي مش بقي مرض دلوقتي لان علاجه بقي سهل جدا وناجج مائه في مائه

سواء بحقن pegsas او مضادات الفيروسات او حتي lapre

اولا ارحب بحضرتك لانضمامك الينا ...........

وثانيا . ممكن بعد اذن حضرتك تكلمنا عن علاج فيروس سي لانه كما تعلم محفور فى رؤسنا انه مرض مزمن ولا يوجد له

تطعيم او مصل ضد الفيروس كوقاية من قبل الاصابة به كباقي الفيروسات ,وبصراحة كلام حضرتك مطمئن جدا

وممكن يعطى الامل لناس كتير مصابون به .

بعد اذنك .......ممكن

متى بدأ انتاج هذه الادوية والعمل بها ؟

موجودة فى اى دولة ؟

كم عدد الحالات التى تم شفائها شفاء تام من فيروس سي ؟

وبما انه تم اكتشاف علاج فعال لفيروس سي ,فلماذا لن يتم عمل تطعيم وقائي له ممكن المعرضين للاصابة به يتعاطونه كوقاية ؟

ومدة العلاج بهذه الادوية تستغرق قد ايه شهور ,اسابيع ........الخ ؟

وهل بعد الشفاء التام منه باذن الله لا يعد الدم ومشتقاته حامل للميكروب نهائي ؟

سورى على الاطالة ........

شكرا لحضرتك مقدمة .........

[اسامه اسماعيل]

يا هلا بيكي

بس كل دي اسئلة

علي العموم اوك

اول دواء حقن pegsas بتاعت شركه سويسريه اسمها roche مكلفه شويه الحقن سعر الواحده هنا بيوصل 1300 درهم ,،بيحتاج المريض من 6 الي 9 حسب نوع فيرس سي الموجود عنده

احتمال نسبه الشفاء عاليه جدا ووصلت في بعض الحالات 100 % لمرضي شوفتهم بعضهم مصريين ,علي فكره المرض ده مش مصر بس موجود في الهند وباكستان وافريقيا طبعا,

بعد الشفاء بيموت الفيرس خالص بس بتفضل الاجسام المضاده اللي الجسم طلعها لمواجهه الفيرس فتره من الوقت ممكن تتطول

فيه تاني ادويه زي zefix وده انتي فيرس بس له اعراض جانبيه كتير

وفيه كمان دوا ء هنا متوفر ودكتور مصري مقتنع بيه جدا وبيكته لكل المرضي بتوعه ونتيجته حلوه اسمها labre بتاع شركه صينيه عباره عن اعشاب بتقولي المناعه

وبرده من كلام مرضي علي اتصال معاهم قلت نسبه الفيرس في الدم جدااا وتكاد تكون غير معينه في الدم

اعتقد كل اجابه كل الاسئله الصعبه دي اللي اصعب من امتحان البورد

اتشرفت بيكم وبمعرفتكم

سلام

[اسامه اسماعيل]

ممكن سعر الحقن دي بس في مصر غالي اوي يصل 3000 تقريبا

تم تعديل 30 مايو 2008 بواسطة اسامه اسماعيل

[badroora]

ميرسي جدا لحضرتك يا فندم على سعة صدرك واجابة الاسئلة .....وكرم حضرتك دا هيخلينى اطمع فى كام سؤال كمان ... :blush2:

كما تعلم سيدي ان فيروس سي من الامراض التى تؤرق شريحة كبيرة من المجتمع سواء شباب مقبلين على الزواج

ويترفض بسبب اصابة بفيروس سي ,ولا شاب يقدم على وظيفة فى الخليج ويمنع من السفر بسبب فيروس سي

ولا ممرضة بنت حلال عندها فوبيا من الحالات اللى بتتعامل معها وممكن تصاب بفيروس سي

ولا طبيب جراح وغيره وغيره .........الخ

والاهم من كدا ان حضرتك بتقول انه نسبة الشفاء منه 100% على رغم اخر احصائية

امريكية تمت 6 مارس 2008 وقالت ان نسبة الشفاء فقط 15 % فقط ومابين 80% -70% مزمن يعنى نسبة الشفاء تقريبا لا تتعدي الربع .

فعشان كدا كلام حضرتك مطمئن ولو اى اسرة ممكن تبيع اللى وراها واللى قدامها فى سبيل توفير ثمن الدواء مهما ان

كان لان ما سوف يترتب عليه سيكون اغلى بكثير .

وباقي سؤال حضرتك لن تجب عليه بعد .......بما ان تم اكتشاف علاج لفيروس سي لماذا لن يتم عمل مصل واقى منه.

وشكرا على سعة صدر حضرتك ........... :rolleyes:

تم تعديل 30 مايو 2008 بواسطة Badria Mekkawy

[badroora]

صباح الخير ........ :rolleyes:

حضرتك طبيب صح .........؟

ممكن بعد اذن حضرتك تكتب الاسم العلمى للادوية الاتية

pagsas

labre or lapre

حضرتك كتبتها مرتين بطرق مختلفة عملت بحث عن الاسمين مطلعش حاجة ولا حتى فى الويب سايت الصينية .... :blink:

والاولانى مطلعش اى حاجة فقولت جايز تكون دى الاسامى التجارية فياريت لو حضرتك تكتبلي الاسم العملى لهم حتى يتثنى

لى البحث عنهم .

pagsas فى ويب سايت الشركة نفسه روش مالقتش الاسم موجود قولت جايز يكون فى مشكلة فى الاسم ولا حاجة

Zefix دا دواء يابانى بيدوا لمرضي التهاب كبدي B لانه بيقلل تأثير الفيروس على خلايا الكبد وبالتالى بتحسن ادائه

ودا بتنتجه شركة Glaxo Wellcome

ولن يذكر اى حاجة عن التهاب كبدي سي ...فيا ريت حضرتك بس تجبلي الاسماء العلمية لل 2 دواء اعلاهم

وشكرا ......... :blush2:

[اسامه اسماعيل]

واضح معلوماتك قويه اوي

انتي بتشتغلي ايه؟

دي الوصلات

http://www.pegasys.com/

الدواء التاني lapre موجود هنا في الامارات واعتقد في السعوديه وده مش دواء عالمي او مسجل في اماكن كتيره وبالتالي ممكن مش يظهر في البحث العام بس احاول اشوفلك معلومات عنه

[badroora]

السلام عليكم

الاخ اسامة ......... :rolleyes: .

اولا ميرسي جدا لحضرتك لانى كنت لغاية قبل ما حضرتك تدخل كنت اعرف انه لا يوجد علاج قاطع لفيروس سي

ولكن لما حضرتك دخلت كتبت عن علاج لفيروس سي فعلا عملت بحث عن اسم الدواء بالصيغة pagsas كما كتبته

ولن يظهر اى شيء فى البحث وطبعا حضرتك مشكور جبت الاسم الثانى له .

انا من شوية جالى مريض واثناء الحديث معه قال انه بيتعالج من فيروس سي وجيت منه معلومات

وكنت داخلة اكتب الكلام دا هنا واشكر حضرتك والاستاذ محمد لانكم السبب فى معرفتى بعلاج فيروس سي .

الحقن بالظبط زى ما حضرتك قولت ...

pagsas

+ Ribavirin ......اقراص

المريض قالى الاتى ........

اولا الكورس ......من 6 شهور - سنه وفى ناس بتستجيب للعلاج خلال 6 شهور وبعضهم بيستجيب للسنه وبعضهم

لا يستجيب اساسا , وقالى ان الطبيب المعالج قاله ان نسبة الشفاء 75% شفاء تام واكدلى انه يعرف مرضي

كانو معاه فى نفس العلاج واستجابو بعد 6 شهور وهم حاليا يتمتعون بصحة جيدة ووظائف الكبد عندهم طبيعية جدا

والاهم ان الفيروس اختفي من دمهم نهائي .

تمن الحقنه .....فى البحرين 130 دينار وتمنها فى مصر 1500 جنية مصري

نظام الكورس .......على حسب كلامه 48 حقنه مقسمين على حقنه كل اسبوع وطبعا بتقل على حسب استجابة

الفيروس للعلاج .

الاعراض الجانية اللى هو نفسه بيعانى منها

1- خفض المناعة ونقص فى عدد كرات الدم البيضاء

2- ضعف عام

3- الم فى الاسنان

4- الم فى البطن

5- الم فى العظام

6- بتقل الرغبة فى الطعام

7- سهولة الاصابة باى عدوى نظرا لضعف المناعة عنده

نظام المتابعة

عمل تحليل وظائف الكبد كل شهر

تحليل فيروس سي كل 3 شهور .

بجد انا سعيدة جدا وميرسي جدا للاخ اسامة واستاذ محمد ايضا .

اينعم العلاج غالى ولكن طالما موجود يبقي الحمدلله وربنا يسهل وكل دولة تضحى وتعمل تطعيم ضد الفيروس والله

يعافينا ويعافيكم .

تم تعديل 1 يونيو 2008 بواسطة Badria Mekkawy

[badroora]

انتي بتشتغلي ايه؟

انا sister المنتدى ......... :rolleyes: حضرتك

تم تعديل 1 يونيو 2008 بواسطة Badria Mekkawy

[اسامه اسماعيل]

اهلا بيكي

بس لمعلوماتك بس الحقن دي كويسه وبتخفي الفيروس في فتره قصيرة ,وعلي الرغم من اي شركه روش هي اللي بتدفع لي مرتبي بس في حالات كتيره بتشبه الحقن سوسته "يعني بتنزلي الفيرس او الاجسام المضاده "وبعد ايقاف العلاج بترجع النسبه تاني واواقات اعلي "

للعلم بالشئ بس

وشكرا

علي فكره انا مش دكتور انا صيدلي