أخونا هريدى إتبهدل يا رجاله .. بيعد الفلنكات !!!!

[achnaton]

المداخلة دى كان المفروض أن يكون مكانها منتدى " إبتسامات " وبالتحديد باب النكت .. خاصة وهى تتعلق بأخويا " هريدى " ولكن لأن شر البلية ما يضحك .. قلت أكتبها هنا عشان ضحكاتنا تبقى مكتومة مايسمعهاش الجيران .. فيضحكوا علينا ..

طبعا أحنا لم ننسى ولن ننسى حريقة قطر الصعيد .. والله واحدة يعلم كام واحد راح وانحرق وبقى فحمة .. وسجلوا أسمه جثث متفحمة ولم نتمكن على التعرف علي أصحابها .. وكل واحد غاب له واحد يقولوا له دا كان ضمن الجثث المتفحمة .. والعدد فى الليمون ..

النهاردة فاجأنا السيد الوزير الجديد - معرفش بيجيبوا الوزرا دى منين -بعمليه حريق جديدة .. وبشكل حضارى .. وهى عمليه حرق دم الصعايده .. وتفاصيلها ووصفها فى الخبر التالى اللى نشرته أخبار اليوم اليوم .. وربنا معانا صعايدة مصر .. ما احنا الحيطة الواطية .. وبكرة تمتلأ الدنيا بالنكت علينا واحنا شايلين الطرود على أكتافنا وبنعد فلنكات شريط السكة الحديد .. " صورتى حتلاقوها وأنا شايل شوال الدرة وماشى على فلنكات السكة الحديد .. إستعرها الأخ مصرى !!!؟؟{ عاوز صورتى يامصرى .. محتاجها الوقت عشان أحطها مع الخبر التالى :lol: :lol: }

كتب

مصطفي محمد مصطفي

المحرر بأخبار اليوم :

منذ وقوع حادث احتراق قطار الصعيد لم تجد هيئة السكك الحديدية طريقا لمنع تكرار هذا الحادث إلا باصدارها قرارا بمنع شحن جميع أنواع الطرود علي 'قطاراتها' هذا المنع تسبب في مشقة لابناء الصعيد بصفة خاصة نظرا لعدم وجود شركات نقل تقوم بمثل هذه الخدمة في نقل طرودهم من وإلي محافظات الوجه البحري كلها، وكان هذا نص السؤال الذي تقدم به النائب مصطفي محمد مصطفي إلي وزير النقل والمواصلات، ولم يكتف النائب بتوجيه السؤال بل أضاف إليه نوعا من 'الفكاهة' فقال الوزير ان 'الهيئة' عملت بالمثل الشعبي القائل 'اللي اتلسع من الشوربة ينفخ في الزبادي'!!

[crossfield]

حمد الله على السلامة يا أستاذ اخناتون عاش مين قرا لك :lol: بصراحة هيه فعلاً نكتة على الصعايدة أكتر منها سياسة لكن فعلاً شر البلية ما يضحك . بالمناسبة هوه حريق القطار ده كان سببه الطرود (كناية عن المواطنين الوحشين اللى بيحطوا طرودهم فى القطار بدل ميمشوا بيها كام مية كيلومتر ) و الا ان الهيئة العامة للمواصلات( كناية عن وزارة النقل و المواصلات) مش مأمنة عربيات القطار ضد الحرايق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ آه يا حرايق دمى قبل النوم :roll: .

[Mohammad Abouzied]

يا عم اخناتون متظلم عمنا الوزير

هو مضى ورقة ومكنش يعرف اي والله مكنش يعرف والورقة دي كتبها محمد افندي ما انت عارفه ونسيها على مكتبه علشان الواد الي بينضف المكتب يرميها

ام بعدين الواد اياه اخذها يتبارك بيها على محمد افندي كاتبها بأيديه وخدها معاه وهو بيقدم الشاي للراجل بتاع البريد وبتاع البريد افتكرها خطاب مخصوص للوزير لان الواد اياه محافظ عليها قوي

ام بعدين اخدها ووداها لمين للوزير والوزير كان عاوز ينام شوية فمضى بسرعة على كل الورق مرة واحدة بالكربون

يعمل ايه دنيا صعبه والشغل كتير

فالجماعة اياهم اخذو الورقة وتعبو قوي في تفسيرها ولكنها اصبحت مهما لان الباشا الوزير مضى عليها

طيب يعملو ايه

كتبو عليها القرار دا وعلشان ميطلعوش الوزير انه مضى على الفاضي

ادي الحكاية انت بتظلم الوزير ليه

اهو قرار والسلام يعني جت على القرار دا

مهو كل القرارت بتيجي بالطريقة دي

الله يخلننا الوزير والحكومة

[mnman]

قررت حكومة دولة نفقستان... اعداد شباب الصعايدة لماراسون

سان باولو السنوي وذلك بتكلفة قدرها صفر مليون دولار.. ويشرف علي التدريب سيادة وزير النقل و المواصلات ..واتخذ القرار بعد مشاورات عليا و سفلي و تقرر منعهم من ركوب القطار نهائيا و اجبارهم علي الهرولة بين اسوان - اسكندرية عشر مرات يوميا في أطار الاستعدادات.. وقد ابدي الشاب هريدي عبدربة اعجابة الشديد بالفكرة وبداء التنفيذ علي الفور ... وسجلنة معاة اللقاء التالي:

استاذ هريدي اية رائيك في المشروع الجبار دة.

هريدي: ربك منتقم جبار.

استاذ هريدي حضرتك اشتركت لية في المشروع العملاق دة.

هريدي: حكم القوي مين حيوصل الطرود اسكندرية.

استاذ هريدي: يعني الحكومة عاملة مشروع عظيم يخدم صحتك و جيبك في ذات الوقت.

هريدي: قصدك يهدم .

طلعت امتي من بيتكم للتدريب

هريدي: تدريب,, امبارح العصر يامحترم

أمبارح ولسة هنا لا لا شد حيلك عايزين الميدالية الدهب مش ممكن تهدي الرئيس اققل من الدهب..

هريدي الشدة علي الله.. ربنا يخ.. يعمر بيت الرئيس و السادة الوزراء..

أة أة دول فلنكات كتير يابوووووووووووووي..

ويعاود هريدي العد..

10105

10106

10107

10108

هاااااااااااااااانت كلها كام مائة كيلو و اوصل اسكندرية.... جايلك يا أسكندرية..

هم يضحك و هم يبكي...

[1_Nadim]

المبكي في هذا الخبر هو ان هؤلاء المسؤولين الذين يأتون بهم من مدارس المتخلفين عقليا كل ما يهمهم هو الا يحدث شيئ يخلي البيه الكبير يقولهم ايه ده وبالتالي لو وجدوا فرصه يهجروا الشعب كله علشان ماحدش يعمل دوشه لن يتأخروا

لكن المصيبه ان الشعب بطل يقول ايه ده ياولاد ......

وعندما يقولها سيتغير الحال قولوا يارب

مع خالص تحياتي

[Mohammad Abouzied]

أخونا هريدى إتبهدل يا رجاله .. بيعد الفلنكات !!!!

 

شفت يا خونا اخناتون اهو انت كمان بتغلط زي الوزير وكمان غلطة كبيرة قوي قوي اد البلاص

المفروض تقول اخونا هريدي اتبهدل يا ردالة بيعد الفلنكات

اهو انتم بس على الوزير السكرة مش تشوفو اخطائكم !!!!!!!

[achnaton]

إقتباس :

شفت يا خونا اخناتون اهو انت كمان بتغلط زي الوزير وكمان غلطة كبيرة قوي قوي اد البلاص

وعيت يا خوى .. وانت كمان بتخلبط .. إسمها .. " غلطة كبيرة جوى جوى متل البلاص "

هى جيت على كده .. إحنا ناقصنا أخوى مصرى بشواله .. وشوف بقى لما يفضل شايل الشوال من أسكندرية لأسوان ..؟

[Mohammad Abouzied]

اي والله وعيت دي غلطة اد الزير كمان :o

عارف مصري دا صعيدي بس متنور خايف ينزل الشوال من على ضهره لا يقطوه منه حرامية محطة مصر الله يستر على ضهره

[Mohammad Abouzied]

وانا جالس هنا لاقيت واحد بلدياتي بيضحك على تنزيل تمثال صدام

ولما سئلته قالي اصله دا مش تمثال صدام

استغربت وقولت له امال تمثال مين

رد علي دا تمثال شبيهه