عيد ميلاد لخبطة كل سنه وانت طيب وعقبال100 سنه!!!

[م.سامح المصرى]

السلام عليكم ورحمة الله وبركاتة

ازيك يا استاذ لخبطة ان شاء الله تكون بخير

وكل سنة وانت طيب وعقبال 100000 ونص سنة :happy:

ما تنساش تتمنى امنية للسنة الجديدة

اوكى

كل سنة وانتا طيب

[ابو محمود]

كل سنة وانت طيب ياأستاذ وعقبال 100 سنة

[Modest]

يا خسارة يا جنرال وانا اللى باقول عليك العلامة بتاعتنا ......

كل عام جديد بيمر علينا بنتولد من جديد طيب يعنى هل انا عند ميلادي بتاع عبنول اللى تميت فيه خماشر زي عيد ميلادي

السنادى اللى تمتيت اربعتاشر ........ :rolleyes: بالطبع لاء

ولذلك فان كل عام جديد يولد شخص جديد بروح جديدة وحياة جديدة ويجوز نعمل له سبوع

ثم يعنى الكارت دا شغالة به من ساعة ما المحاورات فتحت قصدى من ساعة مانضميت ليها .......ومحدش علق يعنى :wub:

اديك حرقت الكارت .....نبقي نشوف كارت تانى نشتغل به :phar:

وبالمناسبة حاجة كدا على ما قسم

زمان كنت بتعمل كروت فى اعياد الميلاد السنة دى يعنى مشوفتكش بتعمل كروت خالص تقريبا انا الوحيدة اللى

جددت الكارت بتاعى .......خير يعنى هو فى زعل بينك وبينهم ولا حاجة :sad:

يعنى ملاحظة كدا على ماقسم قولت استفسر بس ............. :wub: :blink:

يعني يا بدرية اهزر معاكي تقومي جايبة لي القديم و الجديد و تخلي اللي ما يشتري يتفرج :D

الكارت بتاعك يشتغل طبعاً اعياد ميلاد و سبوع و ممكن تطلّعيه في الأفراح و ماتشات الكورة كمان لو تحبي :)

ملاحظتك عن الكروت في محلها لكن السبب هو ضيق الوقت و زي مانتي شايفة دخولي المحاورات و "النت عموماً" بقى أقل من زمان بسبب إنشغالي .. لكن حاضر يا ستي هارجع أعمل كروت تاني علشان خاطرك ..إحنا عندنا كام بدرية يعني .. هما اتنين بس .. بدرية و نجفة

[لخبطه]

الأول اعتذار كبير أوي لكل الحبايب اللى شاركوا في الموضوع

والاعتذار عن التأخير في الرد بس المشكله كنت في ان المنتدى كان مقفول تقريبا

بنتنا الغالية تيتا شهد

وانتى بألف صحه وعافيه وحرمنا من مشاركاتك الجميله ليه

الفاضلة سمية صالح

وانتى بالف صحه وعافيه أسال الله أن يوفقك لكل خير ويجعل كل أيامك خير والأسره الكريم

وشاكر على التهنئة وعلى كرمك الزائد

الاستاذة الغالية أماني

وانتى بالف صحه ويقدرنا ربنا على رد التهنئة الجميله في كل مناسبة سعيدة لكي

[لخبطه]

الاستاذة glaxy

شاكر على التهنئة وكل سنه وانتى بالف صحة وعافيه ومتعك الله والعائلة الكريم بكل خير

وجعل كل أيامكم خير

الجنرال

انته بقا بتخلع بالكلمتين الحلوين دول وفاكر أني باكل من الكلام دا

فين ياعم الزيارة اللى واعدني بيها من 18 سنة

شاكر ياجنرال على الكلام الجميل وكل سنه وانته بالف صحه ويعمل الله ما تكنه نفسي لك من تقدير ومحبه خالصين بدون رياء

الغالي processor

وانته بالف صحه والفريق الجميل اللى انتوا عاملينه للتهنئة دا فريق رائع

[لخبطه]

الأستاذ الفاضل المنصوري

كل سنه وانته بالف صحه وعافية والاسم دا جاي من منين الظاهر احنا بلديات

سعادة المهندس / سامح المصري

وانته بالف صحه وعافيه وجزاك الله الف خير على التهنئة

وبخصوص الامنية للعام بتمني من الله يديم المنتدى الجميل دا ويديم الصحبه الجميله اللى فيه

الفاض الاستاذ : محمود مصطفي

وانته بألف صحه وعافيه وأسال الله أن يديم عليك الخير وعلى كل العائلة الكريمة