يااهل الجدعنة .. وثيقة من جدة لمصر بالطبارة ومعاه سيارة يعمل ايه ؟

[محموء المليجي]

السلام عليكم ..

اخواني واعزائي

انا فلسطيني احمل وثيقة لاجئين فلسطينين مصرية ومقيم في جدة بالسعودية

, وناوي انشالله اروح اكمل دراستي في مصر في جامعة مصر للعلوم والتكنولوجيا في 6 اكتوبر

وحابب اعرف كيف حاخد سيارتي معي لهناك

يعني انا قرأت عن السفر عن طريق البر والعبارة والتعب هدا كله

وانا اساسا عندي مشكله في البر والبحر .. ولازم حسافر بالطيارة

فكيف حشحن سيارتي ؟ هل في شركات خاصة بتشحن السيارة من جدة لمصر بدون ما اكون معاها ؟

وبتوصلها لفين هناك لأي مينا ولا لأي مدينة ولا ايه الحكاية بالزبط ؟

وايه الاجراءات اللي لازم اعرفها واعملها عشان توصل السيارة بسلام لاني طبعا مش حكون معاها وحكون سبقتها بالطيارة

.. ولما تدخل السيارة هناك هل في مدة محددة لازم اطلع السيارة بعدها وارجع ادخلها تاني ولا بس تجديد اوراق ؟

علما بأني اول ماحروح حكون رايح بفيزا طبعا عبال ما اعمل اجراءات الاقامة

يعني حينفع اشحنها على طول ولا لازم لما اطلع اقامة الطالب ؟

ياريت تفيدوني وتنصحوني

اخوكم مش فاهم حاجة wst::

تم تعديل 28 مايو 2008 بواسطة محموء المليجي

[أسد]

هنا ستجد إجابة على إستفساراتك

نظام الإفراج المؤقت للسيارات و اليخوت و تحديد مقابل الخدمة

[se_ Elsyed]

لو إنت في جده هاتلاقي شركات شحن كتيرة جداً جداً ... عندك أشهر شركة وهي البسامي مثلاً ..

وعندهم خدمة إسمها " من الباب للباب "

يعني ياخدها منك في جده ويسلمها لك في ميناء السويس وده يبعُد عن القاهرة حوالي 80 كم ..

والشحن ممكن يكلفك رايح جاي حوالي 5 ألاف ريال ...

وأقصى مده ممكن تقعد بها بالسيارة في مصر هي 6 شهور وترجع تاني تعمل نفس الفيلم ...

وخلي بالك سواء رايح أو جاي لازم تدي شركة الشحن فرصة لا تقل عن 15 يوم قبل موعد سفرك عشان يلحقوا يشحنوا السيارة ..

لو انا منك يا رجل .. أأجر في مصر سيارة مفتخرة محترمة محندقة على قدي ... بـ 2000 ج شهرياً ولو اخدتها مدة طويلة ممكن تبقى تكلفتها أقل وتوته توته خلصت الحدوتة ولا شحن ولا مصاريف ولا يحزنون

وأحسب التكاليف كويس

5000 ريال شحن على الأقل = 7500 ج

مصاريف تريبتك وحركات = 4000 ج

تكاليف رجوعك الإجباري للسعودية بعد 6 شهور = 3000 ج

يعني 15 ألف ج هاتتكلفهم وأنت زي الباشا

في حين لو لقيت لك عربية كويسة بـ 1500 ج شهرياً لفترة طويلة نقول فترة الدراسة اللي هي 9 شهور كده بتتكلم في 14 ألف ج ....

وخلي بالك هاتقعد فترة في مصر من غير عربية وكمان فترة في السعودية ... وهي المدة اللي بيستغرقها الشحن رايح جاي ...

[قديم]

هل فكره بشراء سياره من هناك ..

فيه عربيات حلوه وصغيره . جديده اقل سعـر ليها في حدود 30 الف جنيـه .

طبعا المستعمل اقل . يمكن تلاقي بــ 20 الف سياره طبيب

لا تنسي ان مده الدراســه لن تقل عن اربع سنوات ...؟؟

قارن بين البدائل الثلاثــه .

1تنزل بعربيــتك مصر ....

2 تاجر عربيـه من هناك

3 تشتري عربيه من هناك

واخيرا لا تنسي تقول لنا رسيت عليه ايه . عشان محتاجين قرارك الاخيــر . وكيف حسبتها

[محموء المليجي]

شكرا كتير كتير يا جماعة على شوركم وتعاونكم الطيب معي

وانا حاليا بفكر بالحلول التلاتة المطروحة وبحسبها صح

وانشالله ببلغكم بالقرار اللي وصلتلو

تحياتي لجميع الاخوة المصريين