أستراليا أم كندا أنا في حيرة؟؟!!

[waelmoatamed]

السلام عليكم إخواني .... بداية القول هذا المنتدى الرائع جدير بالإحترام لكل من فيه و القائمين عليه ... ربنا يوفقكم جميعاً

سؤالي ممكن يكون مكرر فإذا كان هناك موضوعات لنفس الإستفسار أرجوا إرشادي إليها و لكم جزيل الشكر ..

لو تكرمتم أنا قررت و توكلت على الله في موضوع الهجرة و الموضوع بدأ بإني قررت الهجرة لكندا و سألت و إستفسرت عن كل شيء تقريباً و ما شاء الله لا غبار عليها كبلد لكن هناك ناس نصحوني بإستراليا و قرأت شويه عن أستراليا فأصبحت في حيرة أكثر أروح كندا ولا أروح أستراليا ؟؟!!

أنا عايش حالياً في دبي أنا و أسرتي ( زوجتي و بنتين ) و أعمل في مدينة دبي للإعلام و مش هكدب عليكم راتبي مش قليل ... لكن الراتب مش كل شيء ... فيه حياة فيه تطور الواحد بيطمح إليه ...

مش هطول عليكم أنا في حيرة و مش عايز أرجع في قراري إني يوم 7 يونيو يعني السبت اللي بعد القادم لازم بإذن الله أتوجه يا إما للسفارة الكندية أو القنصلية في دبي أو غتوجة لشركة تابعة للحكومة الإستراليا في أبو ظبي للإستفسار و التقديم ... أرجوا إنكم تساعدوني في قراري دي ..

أنا بشتغل أساسا كمصمم جرافيك .. إعلانات و غيرة ... أعمل على الأي بي غم و الماكنتوش على حد سواء و الأن اعمل كأبوريشت منجر في مجال الموبايل كونتنت ... المعلوامت دي علشان تكونوا معايا في الصورة ..)

أسف على الإطالة

و متشكر جداً

ملحوظة :

أنا قرأت مواضيع كثيييرة جداً في المنتدى عن كندا و خصوصاً من الأخ هشام ..

و قرأت أيضاً كل كلمة كتبها الأستاذ ( الأفوكاتو ) ربنا يكرمه عن أستراليا ... و ما زادني ذلك إلا حيرة ....مش عارف أهاجر فين و كل اللي في بالي حالياً ...

1- تقولولي أي بلد أحسن و ليه ؟؟

2- بالنسبة للمجتمعات سواء هنا او هنا أيهما أفضل للعيشه من زوجة و بنتين ... و ركزوا معايا على موضوع بنتين ده ... يعني تربيتهو هتكون أسهل فين في كندا ولا أستراليا لأن مما لا شك فيه المجتمع هيأثر عليهم ..و ربنا يسترها علينا جميعاُ

و شكراً جزيلاً لكم مقدماً

[Dr.mmfriend]

والله انا زيك بالظبط

وحتى الان محتار استراليا ام كندا

بس انا طبيب وليا عوامل اخرى زى معادله الشهاده وحاجات تخلى الامور اعقد

اتمنى من الاخوة الرد

[ziad]

أنا مرحتش كندا قبل كده بس رحت أمريكا وحاليا عايش فى أستراليا بقالى فتره مش بطاله فوق ال4 سنين

أولا أرجوك التحقق من موضوع الهجره من الناحيه الشرعيه

2- أستراليا حوالى 22 ساعه طيران من القاهره لسيدنى أو ملبورن

3- البلدين غالبا متشابهين فى معظم الأمور لأن النظم أصلها واحد

4- الجو أكيد أفضل فى أستراليا

5- الضرائب فى أستراليا غالبا أعلى من نظريها فى كندا,هنا أى واحد يياخد أكتر من 120 ألف دولار سنويا بيدفع 48 %

بالنسبه للأختيار,يا ريت تتأكد من المكان الى فرصك فيه أكتر ومعادلاته أقل,

[waelmoatamed]

إن شاء الله يا دكتور نوصل لقرار مع الإخوة هنا ربنا يبارك فيهم

أخي زياد ... تسلم على الرد.

بالنسبة للطيران مش هيكون فارق كتير يعني لو حد بيحب السفر زي حلاتي كده هيكون مبسوط جداً و هي مره في السنه يعني زي الفل ..:protest:

بالنسبة للشبة ما هو ده اللي محيرنيييي

بالنسبة للضرائب .. غريبة أنا سمعت إن كندا الضرائب فيها أكتر من أستراليا .... و سمعت كمان إن في إستراليا الرواتب بتكون أفضل ...عموماً هنستنى الخبر اليقين من بقية الأخوة و برضوا كنت عايز أعرف أي البليدين أغلي في المعيشه ؟

بخصوص اللي فرصتي فيه أحسن ..ممم مش عارف لغايه دلوقتي لكن بالنسبة لأستراليا فيه ميزة كويسه و هي إن الموافقه بتيجي أسرع يعني كندا عايزة تلات سنين علشان تيجي الموافقه .. لكن أستراليا أعتقد في غضون شهور تقدر تسافر ...

شكراً يا أخواني و منتظر الإفااادة الأكيده أثابكم الله ..:D

[Toronto]

إن شاء الله يا دكتور نوصل لقرار مع الإخوة هنا ربنا يبارك فيهم

أخي زياد ... تسلم على الرد.

بالنسبة للطيران مش هيكون فارق كتير يعني لو حد بيحب السفر زي حلاتي كده هيكون مبسوط جداً و هي مره في السنه يعني زي الفل ..:protest:

بالنسبة للشبة ما هو ده اللي محيرنيييي

بالنسبة للضرائب .. غريبة أنا سمعت إن كندا الضرائب فيها أكتر من أستراليا .... و سمعت كمان إن في إستراليا الرواتب بتكون أفضل ...عموماً هنستنى الخبر اليقين من بقية الأخوة و برضوا كنت عايز أعرف أي البليدين أغلي في المعيشه ؟

بخصوص اللي فرصتي فيه أحسن ..ممم مش عارف لغايه دلوقتي لكن بالنسبة لأستراليا فيه ميزة كويسه و هي إن الموافقه بتيجي أسرع يعني كندا عايزة تلات سنين علشان تيجي الموافقه .. لكن أستراليا أعتقد في غضون شهور تقدر تسافر ...

شكراً يا أخواني و منتظر الإفااادة الأكيده أثابكم الله ..:D

الحياة في كندا افضل ...بنت عمي عايشة في ملبورن و هي مهندسة كهرباء و تعمل في تخصصها و لما زارت كنداكانت بتتغزل فيها من كل النواحي..الضرايب في استراليا اعلي من كندا دي معلومة اكيدة و فرص العمل تقريبا زي كندا..الفرق هو في الجو ...وسرعة انهاء اجراءات الهجرة بمعني استراليا اسرع ,الضرايب اكتر في استراليا...

[ziad]

بالنسبه للطيران أنت شكلك مفهمتش قصدى,عشان تسافر من سيدنى مثلا,أرخص تذكره بحوالى ألفين ومتين دولار أسترالى فى الأوقات الغير مزدحمه ولو عايز تسافر فى أوقات زحمه بداية العام ولا أجازات ولا رمضان أو حج بتتكلم فى تلاته مستريح,يعنى حضرتك محتاج 12 ألف دولار سنويا لو هتعمل رحله واحده ليك وللعائله بالأضافه لتعب السفر,على الأقل يومين عشان تسترجع نشاطك العادى,بالنسبه لحب السفر أحب أقولك أن السفر ده هواياتى بس بطلت لأسباب تتعلق بالزهق من الطيران أكتر من 20 ساعه.

بالنسبه للضرايب أنا أول مره أسمع أن فى بلد متقدمه ضرايبها أعلى من أستراليا كان هنا وقلت أسكت وأسيب الناس تفتى على غير علم لأن مكنش موضوع عن أستراليا مباشر,هديك مثال,أعلى ضريبة دخل عندنا شريحتها بتبتدى من 120 ألف دولار سنويا بنسبة 48 % ,لكن فى أمريكا أعلى شريحه 30% بس وده بيدفعو أصحاب الدخول المتوسطه هنا فى أستراليا ( دخلك بين 60 و75 ألف سنويا بتدفع 30 % )

بالنسبه للرواتب معلوماتى ضعيفه جدا عن كندا,بس أكيد فى مواقع بتدى أمثله,هدور ولو وصلت لحاجه هجيبها على طول

بالنسبه لموضوع الموافقه فأنا أعرف طبيب قدم من 11 شهر ولسه مفيش case officer مسك ملفه بس عشان أمانة النقل هو قال لو الورق كامل أول ميتعينله case officer,الموافقه بتكون فى حدود شهرين ل تلاته

[Looking For The Deep Fact]

أخي الكريم السلام عليكم

في وجهة نظري الأمر يعتمد على رؤيتك أنت للموضوع ، و يعتمد على أهدافك المستقبلية في حياتك، و أدوارك التي تؤديها حالياً والأدوار التي تود أن تؤديها مستقبلاُ في الحياة.

فيمكنك مثلاً أن تحدد و بوضوح ما هي أهدافك المستقبلية في الحياة ؟ ثم ما هو هدفك من الهجرة ؟ و هل الهجرة لإستراليا ستساعدك على تحقيق أهدافك المستقبلية أكثر من كندا أم ستتعارض معها أم العكس ؟ كيف سيكون حالك و حال أسرتك بعد 15 سنة مثلاً ؟ هل سيكون أفضل في كندا أم في إستراليا ؟ هذا سيساعدك على تحديد الوجهة القادمة لك للهجرة سواء لإستراليا أو لكندا ، و قد تكتشف أن الهجرة قد تتعارض بالأساس مع أهدافك المستقبلية في الحياة أو بالعكس قد تدعمها.

أيضاً الأدوار التي تؤديها أو ترغب في أن تؤديها في الحياة قد تلعب دوراً هاماً في هذا الأمر ، فمثلاً إن شخصاً ما يود العمل في مجال التجارة الدولية قد يفضل استراليا عن كندا لأنه يحصل على الجنسية و الجواز في وقت أقل من كندا مما ييسر له السفر بدون فيزا أسرع.

و أيضاً قد تجد أن شخصاً أخر وحيد والديه قد اختار أن يسقط فكرة الهجرة من الأساس لأنه قرر أن يمارس دور الابن البار بوالديه عند كبرهما فيود أن يكون قريباً منهما لرعايتهما.

فالمسألة برمتها تعتمد على الشخص ذاته و رؤيته و أهدافه المستقبلية و الأدوار التي اختار أن يمارسها في الحياة.

و تقبل تحياتي

[waelmoatamed]

أنا مش عارف أشكركم إزاي بجد أنا إبتديت فعلاً أعرف أنا عايز إيه ... بس زيدوني ربنا يكرمكم لو حد عنده أي معلومه ما يبخلش علينا بيها

أخي Looking For The Deep Fact أشكرك على النصيحة الغالية و اللي كان ليها تأثير كبير عليا في غتخاذ القرار لأن الواحد لازم يعرف فعلاً هو عايز إيه ... و ربنا يكرمك و يوفقك ...

أخي زياد ... إنت بقالك أكثر من أربع سنين يعني أكيد واخد الجنسية ... طيب لو تكرمت كنت عايز أعرف هل فرقت معاك كتير سواء داخل أستراليا ( وده اكيد ) و في مصر ؟؟ او أي بلد تاني بتزوره ...

حاجه تاني من كلامك أنا حاسس رغم إنك عايش في أستراليا بس بتميل أكتر لكندا .. بس علشان الضرائب ولا هناك امور أخرى في أستراليا تستدعي إني أفكر في كندا أكثر ... و أسف على الإطاله ...

[waelmoatamed]

سؤال مهم لو سمحتم كام لازم يكون معايا كضمان بنكي و لمدة أد إيه ؟ و شكراً جزيلاً

[ziad]

أخي زياد ... إنت بقالك أكثر من أربع سنين يعني أكيد واخد الجنسية ... طيب لو تكرمت كنت عايز أعرف هل فرقت معاك كتير سواء داخل أستراليا ( وده اكيد ) و في مصر ؟؟ او أي بلد تاني بتزوره ...

حاجه تاني من كلامك أنا حاسس رغم إنك عايش في أستراليا بس بتميل أكتر لكندا .. بس علشان الضرائب ولا هناك امور أخرى في أستراليا تستدعي إني أفكر في كندا أكثر ... و أسف على الإطاله ...

لا يا صديقى,مش معايا الجنسيه ولا حتى إقامه دائمه ,عشان كده مش هقدر أرد على السؤال الأول,بالنسبه لميلى أكتر لكندا عشان فكرة السفر الطويل,8 ساعات من سيدنى لسنغافوره,90 دقيقه ترانزيت,11 ساعه طيران للقاهره,وبعدين يومين قاعد فى البيت من تعب السفر ده لو سافرت على طيران سنغافوره,لو على الأتحاد يبقى 14 ساعه طيران لأبو ظبى وبعدين ترانزيت 4 ساعات وبعدين رحله 3 ساعات للقاهره,ولو طيران الأمارات يبقى 8 لسنغافوره أو سبعه لتايلاند وبعدين ترنزيت على الأقل 4 ساعات وبعدين 8 كمان لدبى وبعدين ترانزيت تانى هناك وأنت وحظك بقى وبعدين رحله تالته للقاهره,بجد جسمى وجعنى لما أفتكرت أنى هنزل تانى على رمضان,الجو هو الورقه الكسبانه لأستراليا لكن أى حاجه تانيه مساويه أو كندا أفضل ولو أنى أفضل إنك تفضل عندك لكن أنا بجاوبك عن سؤالك.

[YaserK]

أخي زياد ... إنت بقالك أكثر من أربع سنين يعني أكيد واخد الجنسية ... طيب لو تكرمت كنت عايز أعرف هل فرقت معاك كتير سواء داخل أستراليا ( وده اكيد ) و في مصر ؟؟ او أي بلد تاني بتزوره ...

حاجه تاني من كلامك أنا حاسس رغم إنك عايش في أستراليا بس بتميل أكتر لكندا .. بس علشان الضرائب ولا هناك امور أخرى في أستراليا تستدعي إني أفكر في كندا أكثر ... و أسف على الإطاله ...

لا يا صديقى,مش معايا الجنسيه ولا حتى إقامه دائمه ,عشان كده مش هقدر أرد على السؤال الأول,بالنسبه لميلى أكتر لكندا عشان فكرة السفر الطويل,8 ساعات من سيدنى لسنغافوره,90 دقيقه ترانزيت,11 ساعه طيران للقاهره,وبعدين يومين قاعد فى البيت من تعب السفر ده لو سافرت على طيران سنغافوره,لو على الأتحاد يبقى 14 ساعه طيران لأبو ظبى وبعدين ترانزيت 4 ساعات وبعدين رحله 3 ساعات للقاهره,ولو طيران الأمارات يبقى 8 لسنغافوره أو سبعه لتايلاند وبعدين ترنزيت على الأقل 4 ساعات وبعدين 8 كمان لدبى وبعدين ترانزيت تانى هناك وأنت وحظك بقى وبعدين رحله تالته للقاهره,بجد جسمى وجعنى لما أفتكرت أنى هنزل تانى على رمضان,الجو هو الورقه الكسبانه لأستراليا لكن أى حاجه تانيه مساويه أو كندا أفضل ولو أنى أفضل إنك تفضل عندك لكن أنا بجاوبك عن سؤالك.

أنا شايف ان مدة السفر مش هي العامل اللي هيحكم على الموضوع.. انت ممكن تروح كندا وتستقر في فانكوفر مثلا ودي أحسن مكان في كندا من كل النواحي وهتلاقي ان أقل وقت للطيران من القاهرة 18 ساعة ونص..

ولو استقريت في الجانب الشرقي من كندا في مونتريال مثلا ودي في كيبك الناطقة بالفرنسية, هتلاقي ان الطيران حوالي 14 ساعة من القاهرة.. يعني 14 أو 18 ساعة متفرقش كتير عن 19 ساعة لأستراليا خصوصا انك مش هتسافر كل يوم طبعا.. دي مرة أو مرتين في السنة مثلا.. لكن في حاجات هتقابلها كل يوم وهي المفروض تكون الفيصل في الموضوع ده.. زي مثلا الطقس اللي سئ جدا في معظم المناطق في كندا..

أنا عن نفسي بخلي الطقس هو الفيصل.. ولكل واحد ظروفه.

أنا على فكرة قتلت موضوع كندا وأستراليا ده بحثا بالرغم من اني مزرتش اي بلد فيهم.. يعني اسأل في كل اللي انت عايزه..

[YaserK]

بالنسبة للضرايب أنا مش شايف انك لازم تقلق من الناحية دي.. البلد اللي هتدفع فيها ضرايب أكتر غالبا هتاخد في المقابل خدمات صحية وتعليمية أحسن..

بس لو حبيت تقارن بين أستراليا وكندا ممكن تدخل على الوصلتين دول:

بالنسبة لأستراليا:

http://www.ato.gov.au/individuals/content....053&mfp=001

بالنسبة لكندا:

http://www.cra-arc.gc.ca/tax/individuals/faq/taxrates-e.html

وخلي بالك انه في كندا في نوعين من الضرايب: ضريبة فيدرالية ودي ثابتة في كل المناطق, وضريبة تانية بتختلف حسب المنطقة.. وهتدفع الاتنين..

من خلال نظرة أولية كده, أنا شايف ان الضرايب في كندا أعلى من أستراليا في كل شرايح الدخل.. وادخل على الموقعين واحسبها..

[waelmoatamed]

أخي زياد بالنسبة لموضوع السفر صدقني مش هيفرق كتير لو إنت بتحب السفر و الترانزيت يكاد يكون بالنسبة لي مسلي جداً أكتر ما هو تأخير .... لكن زي ما الأخ ياسر قال دي فروق فردية بين واحد و التاني ...

أما بالنسبة إني أفضل عندي ... و الله يا أخ زياد صدقني الوضع غير مطمئن بالمرة و أنا بقولك كده رغم إني و الله الفضل لا أعاني من أي شيء في حياتي على العكس حتى بنتي مدخلها مدرسة أغلى من الشويفات لكن أنا شايف إن البلد كلها ماشية في إتجاة مش مظبوط و أخرته بلاوي طيب أنا أستنى لما البلاوي تيجي ليه ... ناهيك بأه على اللي الواحد بيشوفه يبقى البريطاني من دول ولا الكندي ولا حتى الأسترالي و أكيد الامريكي ميعرفش نص اللي إنت بتعرفه و راتبه يتعدى خمس أضعاف راتبك بعشرين ضعف ... و الناس دي سواء أصليين أو متجنسين يبقى أضعف الإيمان الواحد يروح ياخد الجنسية و يرجعلهم تاني .. أو إن الواحد هيروح هناك و يحس بنظافة التعامل و نظافة العقول و يستقر و يخلص ..

عموماً أثابك الله و متشكر جداً على إهتمامك .. بجد ربنا يكرمك

أخ ياسر اللينكين دوول رااائعيين و الإتجاهات كلها تشير لإستراليا لأن أنا كمان يهمني إستقرار الطقس ولا يعيب أستراليا غير شيء من التفرقة الدينية يكاد يكون طفيف جداً و غير ملحوظ في بعض المدن هناك لكن ده لا يؤثر بالمره ولا نستطيع تعميمه

بس هل إنت مشيت في أي إجراء بخصوص أستراليا ولا لسه ؟

و متشكر جداً

[waelmoatamed]

سؤال مهم أخر أنا عندي سيارة ينفع أخدها معايا هناك لو هيكون فيه جمارك عليها ؟ و هل شراء سيارة هناك ليس بالأمر السهل زي ما سمعت ولا عادي ممكن الواحد يركب اللي هو عايزة .... هوضحلكم أكثر يعني في الإمارات مثلاً و الله ممكن راتب لا يتعدى الخمس ألاف درهم و عندك سيارة همر إنت حر يا أخي محدش ليه دعوة بيك ما دام بتدفع قسطها أو متملكها ... لكن في كندا أو أستراليا سمعت إنه لا بيجبروك تركب شريحة معينه من السيارات و لو ركبت حاجه فخمة يبقى من أين لك هذا و ممكن كمان تتحرم من أي مساعدات ؟!! أنا مش عارف الكلام ده مظبوط ميه في الميه ولا لأ بس ممكن نعرف منكم الأفضل ؟ فهل لو أخدت سيارتي معايا هيكون فيه مشكلة في أي حاجه هناك ولا عادي ملهمش دعوة ؟

و متشكر جداً

[nizza la bella]

يا صدقى متسبقش الاحداث اهم حاجه تخلص اوراق الهجره وبعدين تشوف موضوع السياره مع العلم ان السيارات مش غاليه اوى فى استراليا او كندا , اعتقد شحن السياره مكلف كتير

ربنا معاك

[ziad]

تعليق بس بسيط على كلام الدكتور ياسر,هل حضرتك متأكد أنك قريت الصفحتين بتوع الضرايب كويس,لو حضرتك قريتهم تقدر توضحلى أزاى كدا أعلى,تعالى ناخد مثال,بتقبض 75 ألف فى البلدين هتدفع كام فى كندا وكام فى أستراليا,تعالى نحسب

كندا مكتوب ( 15% on the first $37,885 of taxable income, +

22% on the next $37,884 of taxable income) يعنى (5.685 + 8.334 =14.019)

أستراليا مكتوب ( $2,850 plus 30c for each $1 over $25,000 ) يعنى تدفع 2,850 + 30% عن ال 50 الباقيين,تعالى نحسب سوا ( 2,850 + 15,000 =17,850 )

فهمنى بقى حضرتك أزاى وصلت لنقطه أن 14.019 ( كندا) أكتر من 17,850 ( أستراليا)

[ziad]

طيب نجرب تانى لو بتقبض 123,184 فى كندا هتدفع 26,346 لكن فى أستراليا هتدفع 37,123

أزاى بقى حضرتك وصلت أن 26,346 ( كندا ) أكتر من 37,123 ( أستراليا ),يا ريت توضحلى حضرتك؟؟؟؟

[YaserK]

طيب نجرب تانى لو بتقبض 123,184 فى كندا هتدفع 26,346 لكن فى أستراليا هتدفع 37,123

أزاى بقى حضرتك وصلت أن 26,346 ( كندا ) أكتر من 37,123 ( أستراليا ),يا ريت توضحلى حضرتك؟؟؟؟

انت حسبت الـFederal Tax بس ومحسبتش الـProvincial/Territorial Tax

يعني في أونتاريو مثلا هتدفع بالإضافة للـ26,346 كمان 11,182 يعني المجموع 37,528 هتدفعه على 123,184 وده في أونتاريو اللي هيه من أقل المناطق في الضرايب الحد الأقصى فيها 11%.. أسيبك بأه تحسبها لوحدك في باقي المناطق اللي حدها الأقصى بيوصل 17% بالإضافة للضريبة الفيدرالية..

خلي بالك ان الشريحة العالية في أستراليا أولها 150 ألف دولار يعني انت لحد 149,999 هتتعامل على أساس الشريحة السابقة..

[YaserK]

تعليق بس بسيط على كلام الدكتور ياسر,هل حضرتك متأكد أنك قريت الصفحتين بتوع الضرايب كويس,لو حضرتك قريتهم تقدر توضحلى أزاى كدا أعلى,تعالى ناخد مثال,بتقبض 75 ألف فى البلدين هتدفع كام فى كندا وكام فى أستراليا,تعالى نحسب

كندا مكتوب ( 15% on the first $37,885 of taxable income, +

22% on the next $37,884 of taxable income) يعنى (5.685 + 8.334 =14.019)

أستراليا مكتوب ( $2,850 plus 30c for each $1 over $25,000 ) يعنى تدفع 2,850 + 30% عن ال 50 الباقيين,تعالى نحسب سوا ( 2,850 + 15,000 =17,850 )

فهمنى بقى حضرتك أزاى وصلت لنقطه أن 14.019 ( كندا) أكتر من 17,850 ( أستراليا)

بردو هنا حسبت الضريبة الفيدرالية بس.. لو ضفت ليها الجزء التاني يبقى هتدفع 5,805 بالإضافة لـ14,019 يبقى المجموع 19,823 دولار في اونتاريو اللي من أقل المناطق في الضرايب..

[ziad]

طيب ما حضرتك محسبتش ضرايب الولايات فى أستراليا,أنا كنت بتكلم عن الدخل الصافى بدون الضرايب المحليه وتكلفة التأمين الصحى وضريبة المبيعات وخلافه,أنا شكلى هبتدى أذاكر معادله كندى