أستراليا أم كندا أنا في حيرة؟؟!!

[المصـــــــرى]

تانى أسقع ولاية فى أستراليا آخرها صفر وللا قريب منه؟

إيه الهنا اللى إنتو فيه ده؟ يمكن حضرتك بتقارن مع كندا فى توقيت شتاء إستراليا، طبعا كندا بتكون أدفأ لإن بيكون عندنا صيف، لاكن لو حنقارن شتاء بشتاء فلا وجه للمقارنة.

[جبار سينج]

حواار شيق وممتع

بالتوفيق

[المصـــــــرى]

طبعا كندا فيها عنصرية و أستراليا أيضا، لاكن أيهما أكثر عنصرية، وبرضه بتختلف درجة العنصرية من ولاية لأخرى داخل البلد الواحدة، دى حاجه بتقيسها إستطلاعات الرأى وبعض الإحصاءيات مثل معدل البطالة لدى الأقليات مقارنة بباقى الشعب وعدد جرائم العنصرية ونوعها والقوانين التى تحمى الأقاليات.

مش عارف لو فيه دراسة مقارنة بناء على تلك البيانات وإن كانت متوفرة فى كلا البلدين.

[alaashabana]

السلام عليكم ورحمة الله

ازيكم يا جماعه اخباركم اية ؟ يارب تكونوا بخير

بجد انا بهنئ استاذ وائل انة خلاص قدم علىالهجرة وبالتوفيق ان شاء الله يارب واشوفك كدة من اكبر رجال الاعمال بس يارب تفتكرنا ساعتها وتبعتلنا ...

انا كمان نفسى والله اقدم على الهجرة بس للاسف لسة مش كملت 4 سنين خبرة وكمان اانا نفسى اقدم على موضوع كندا بس بينى وبينك مش عارف لية بقيت بفكر فى استراليا وبقول سنة واخلص واخد الفيزا على طول خصوصا ان الطلب عليهم مش متزايد

لكن دة اللى بيخلينى افكر تانى ان كل الناس بتقدم على كندا وقليل اوى اللى بيقدم على استراليا يبقى اكيد فيها حاجة مش مظبوطة .. بس ان شاء الله انا هقدم على الاتنين بس لما اوراقى تكون جاهزة ولو استراليا جات الاول يبقى كويس اسافر واجرب سنة ولو الحال مش مضبوط ارجع الامارات تانى واستنى يتاع كندا لغاية ما تيجى وبكدة يبقى انا جربت الاثنين .. بس الاول ربنا يكرمنا بشغل كويس فى البلد اللى احنا فيها دى علشان نعرف نوكن قؤش كويس... حقيقى والله اانا بحييك من كل قلبى انك اتخذت القرار بتاع الهجرة.. رغم انك متجوز وعندك اولاد بس صدقنى من ان شاء الله هتكونمن انجح القرارات اللى انت اخدتها فى حياتك..

انا عندى سؤال هى المدينة العالمية ازاى بتسكن فيها ؟؟ انا روحتها مرة قبل كدة ولاقيتها عاملة زى معرض القاهة الدولى كدة يعنى مش لاقيت اى بيوت فيها ..

يمكن انا روحت مكان غلط اصل انا محبوس فى الشارقة ياعينى بقالى 8 شهور ومروحتش دبى غير مرتين ..

ياريت بجد نكون اصحاب اهو نشييل عن بعض شوية ونفضفض .. خصوصا انى مليش اصحاب هنا غير 2 او 3 وكل واحد الشغل والحياة وخدينة ومش بشوفهم غير كل فين وفين

والله انا بحب المنتدى دة لانى حاسس انى بكلم اصحابى واعرفهم من زمان اوى ... يارب نفضل طول عمرنا كدة ويوفقنا فى حياتنا كلنا ويوفقك يا وائل فى هجرتك لاستراليا ...

متشكر جدا يا جماعة على مشاركتكم فى المنتدى وعلى آرائكم الجميلة .. وبلاش حد يتخانق من التانى ..احنا كلنا بنقول اللى عندنا من معلومات وفى الاخر كلنا المستفدين ..

سلام بقى اصل المدير جاى فى الطريق

[mohd]

السلام عليكم جميعا ، أخوكم محمد من دبى ، أنا قدمت على هجرة أستراليا والحمد لله حصلت عليها من حوالى 6 شهور وكمان رحت سيدنى وقعدت هناك أسبوعين ورجعت دبى الى أن أقرر بشكل نهائى متى انتقل الى سيدنى.

بأختصار ومن وجهة نظرى الامور بشكل عام جيدة فى أستراليا بالتأكيد البداية ستكون صعبة ولكن على الاقل لم أجد أى عنصرية ، عارف ان كتير منكم عنده أسئلة وانشاءالله أحاول أجاوب على الحاجات الى أعرفها ، أعذرونى لانى معنديش وقت كتير أقضيه فى المنتدى بس أنشاءلله بحاول على قد ما أقدر.

السلام عليكم

[M Ghareeb]

السلام عليكم جميعا ... الباب مفيد منفعنتني المناقشات اللي فيه جدا .. والمعلومات والناس اللي بتكتب فيه ياريت يستمروا بارك الله فيكم

انا مقدم على هجره لكندا من 10 شهور ومجاليش اي رد ومعاملتهم مع الناس في سفارة القاهره سيئه جدا ... وبعد ان اصبحت غير قادر على التفكير في ترتيب حياتي - ان ليا عمر طبعا - فقولت اتسلى وادرس شويه في استراليا واعتبرها Plan B

لقيت ان استراليا تتميز بحاجات مهمه مكنتش واخد بالي منها ( وياريت اللي حد يصحح لي لو فيه سوء فهم مني لان كل الافكار دي مبنيه علي بحث في الانترنت وليست معايشه فعليه)

- الجو زي مصر في اهم واغلب مدن استراليا (ما عدا الجزء الجنوبي من فيكتوريا ومقاطعه جنوب استراليا)

- هناك بعض الدعم تقدمه المقاطعات في صورة نقاط واولويات لمهن عديده بتساعدك في الهجره وكمان بتقلل الوقت وبالتبعيه (نتيجة النقص الحاد في المهن دي بيكون ايجاد شغل فيها اسهل ) هذا الدعم بيخلي قبولك كمهاجر مهني مقبول من 100 نقطه بدلا من 120 نقطه في النظام الفيدرالي

- اجراءات المعادله للمهندسين اسهل واسرع من كندا ( معرفش غيرهم من المهن الاخرى وكان اهتمامي بالمهنه التي اعمل بها واللي يقدر يضيف لنا في النقطه دي عن المهن الاخرى يبقى جزاه الله خير)

- الدخل اعلى من كندا ولكن مصاريف المعيشه برضه اعلى لكن مش بنفس النسبه ( الدخل نسبته اعلي قليلا)

- الدوله بتقدم كل انواع المساعدات للمهاجرين الجدد للتاقلم مع البلد مثل تعليم اللغه والبحث عن عمل ودعم اسري بالاضافه للتعليم المجاني والتامين الصحي ويزيد عليه بعض الدعم لمصاريف الادويه ايضا

- العيوب ودي مش متاكد منها ومش عارف هيه قد ايه ممكن تكون مؤثره في حياتنا هناك === العنصريه === لو فيه حد من الاخوه هناك بالفعل يقدر ينقلنا صورة فعليه من ارض الواقع يبقى كتر خيره