ارجو المساعدة لكل اخوانى فى الامارات

[قاهرى]

اخوكم فى مشكلة يا جماعة

انا مهندس مدنى خريج دفعة 2004 تقدير جيد

اعمل فى شركة مقاولات فى الامارات - راس الخيمة

بس بجد مش قادر اكمل من الكلام الى بسمعو من الكفيل بيعاملنى معاملة سيئة جدا بدرجة انى بحس انو بيعامل العمال احسن منى -فقدت معاة كل احساسى بكلمة مهندس باقلى 4 سنين معاة على الوضع دة

معندوش حاجة اسمها مواعيد عمل - عيزنى اشتغل 15 ساعة فى اليوم ويريت عاجب

حتى يوم الجمعة القى بيتصل بيا ويفضل يتكلم على الشغل - اننا شخصيا شخص يقدس العمل ومستعد اشتغل اليوم كلو بس المشكلة انو اخر كل دة يفضل يقطم فيك ويقولك انت متنفعش انا من راى انك تدور على شغل تانى ويحسسك انك ولا حاجة انا بجد مش محتاج غير كلمة كويسة اسمعها

حتى لما بينزل يشوف الشغل يسيب كل الى اتعمل ويفضل يمسك على الشغل الى لسة مخلصش

الراتب حتى - حطلى راتب مهندس تحت التدريب وقلى لمدة 3 او 6 شهر الكلام دة اول لما اشتغلت معاة ولكن الراتب دة فضل 3 سنين والزيادة دى مجتش غير من اكتر من 10 تقارير عن انى مش قادر اكمل بالراتب دة وفى الاخر برضو الزيادة غير مجزية مع العلم ان باقى افراد الشركة الزيادة عندهم سنوية وماشة تمام

حتى نزول الاجازة لازم يفضل يعكننى قبل النزول ويقولى الغى الحجز وكلام ملوش لزمة كدة

راجل بجد معندوش ضمير - دة غير التميز الى عملو للهندود فى كل حاجة عن العرب وخصوصا ان الشركة مفهاش غير انا وواحد تانى الى عرب وهو مش بيحب اساسا المصرين -

بيشغلنى كل حاجة عندوا : مهندس - رسم هندسى - typing على الكمبيوتر -مسؤول مشتريات للموقع دة غير الطلبات الشخصية زى روح جبلى مش عارف اية من المكان الفولانى وهكذا ...

بجد مش عارف اعمل اية دورت على شغل فى اكتر من مكان جوة الامارت ومش لاقى فرصة كويسة علشان كدة انا فاضل معاة غصب عنى

عملت اكتر من 20 انترفيو بس بدون نتيجة

اخر فرصة جتلى شغل فى بلدية الشارقة وكونت مبسوط بيها جدا بعد لما اتصلو بيا وقالولى تعالى علشان انت اتقبلت ونتكلم فى الراتب وكدة

لكن فوجات انهم بيقولو راتب ميكفيش غير يدون سكن عائلى فى الشارقة وخصوصا ان البلدية مش بتامن سكن خالص

وخصوصا انى متزوج وعندى طفل

انا بجد بحاول القى حل للمشكلة دى وخصوصا انى مش قادر افضفض مع حد غيركم

[osmel33]

والله أنا من رأي تغير فى كل الأحوال بس ايه ظروف العرض فى بلدية الشارقة الراتب والسكن وغيره ؟

[umomar]

بالنسبة لموضوعك هو عادي وشائع وبالزات الشغل يوم الجمعه هما كده فاكرين أنهم أشترونا بفلوسهم أنا رأيي تحاول تغير أسلوبك معاه يعني يوم الأجازات متردش علي التليفون وتقول كنت نايم عامل تلفوني سايلنت وبالنسبة لسياسه التقطيم هوه بيحبطك عشن متتطلبش ذياده هوة ده المتوقع منهم

[umomar]

بس حسبي الله ونعم الوكيل في كل ظالم ومش لوحدك

[drTOTA]

يا عزيزى المهندسين المدنيين مطلوبين بشده فى هذه الايام ولنا صديق مهندس مدنى عندما اختلف مع الشركة التى يعمل بها واستقال اخذ الcv ومر على كل مواقع العمل وتركه هناك وفى خلال شهر جاءه اكثر من عرض واقلهم كان بضعف راتبه الذى كان يتقاضاه, والحمد لله استلم عملا جديدا فى فترة بسيطه جدا .فلم لا تحاول ان تعمل نفس الشئ؟ على فكرة الكلام ده حصل فى عجمان وخصوصا ان فى مشاريع جديدة كتير جدا طالعه فيها .حاول وربنا يوفقك ,معلش اتعب شويه وان شاء الله تعبك مش هيضيع

[desert_eagle70]

الاخ العزيز قاهرى / أنت أستحملته فى الاول ةكفاية عليه كده طبعاً انت عارف المتبع .. إعلان جرايد الخليج . وموقع مونستر باين والوسيط وفلاش والوصال والصفحات الرزقاء .. دول كتير او يا قاهرى .. هقولك جرب مش هتخسر حاجة يا عم ده انت مهندس مهندس مهندس مش لازم ازعق وعجمان عمالة بتتبنى من أول وجديد وشكات الإستشارات والمقاولين .. يلا قوم جهز ال CV اللى عالم اللى زى كده ميتقعدش معاهم ونا اكمان هجهز ال CV بس بعد الرخصة اللى هطلعنى طيار .. يلا كله فى وقته.

سلام مؤقت

[HDarwish]

الشركة اللي أنا فيها طالبة مهندسين مدني كثير جدا في الإمارات وده بسبب كثرة المشاريع اللي خادتها في الإمارات هاكتبلك على الخاص اسم الشركة وقدم إنشاء الله يكون ليك نصيب فيها

بالتوفيق

[mnada]

الشركة اللي أنا فيها طالبة مهندسين مدني كثير جدا في الإمارات وده بسبب كثرة المشاريع اللي خادتها في الإمارات هاكتبلك على الخاص اسم الشركة وقدم إنشاء الله يكون ليك نصيب فيها

بالتوفيق

والله هم الظاهر عندهم عقده من العرب.... أنا مش فاهم.... حتي الكفيل بتاعي كنا في غجتماع ولعن العرب على اليوم الي ربنا جابهم فيه..... ودي ما كانتش أول مرة طبعاً..... مع العلم بإنه راجل صاحب شركة event management يعني عارف معنى مانجمنت يطلع إيه وطبعاً ما فيش حد طيقة مننا لا العرب وللا الأجانب إللي بيشتغلوا في الشركة...... إنشاء الله ناوي أمشي بس بعد ما أتم السنة الأولي..... صون كرامتك لمستقبلك ولأولادك............. مع العلم يا قاهري إنت لو نزلت مصر بردة ( وده أسواً الفروض يعني) هتلاقي شغل كويس طبعاً .... يعني قصدي في النهاية ربنا اللي بيرزق مش الكفيل ------ وحتي لو عمل بان وللا كانسليشن مش هيطردنا من الجنة --- وإنشاء الله ربنا يوفقنا ويكتبلنا كل ما هو فيه خير للمغتربين ولكل المصريين

[Diaa]

ربنا معاك يا اخى القاهرى و على فكرة كلامك دة خلانى افلك من السفر لدبى خاصا انى قدامى فرصة شغل في احد الشركات هناك و الشركة دية بعتت لى كذا Mail انى اتقبلت و ان ال Offer Ietter فى التجهيز بس لسة ما ردوش عليا .

ممكن لو تعرف اسماء شركات كويسة ابعت ال C.V بتاعى عليها ( انا مهندس مدنى دفعة 2004 )