عايزة أأجر اسبوع فى الساحل الشمالي

[العظمة لله]

باحاول ألاقي شاليه فى الاسبوع الثالث من أغسطس ، أرضي بحديقة بس عايزاه يكون حلو ومستواه معقول ، كلمت قرية الدبلوماسيين 3 قالولولي الشهر ب 100.000 جنيه!! أول صف على البحر و 45.000 لو الشاليه مش شايف البحر !!!

على العموم أنا نفسي فى شاليه فى قرية اساتذة جامعة القاهرة علشان قيه هادية ومستواها كويس ونسبة الجنايين فيها عاليه وكمان SAFE جداً للأطفال علشان الشوارع من براها ، أنا مستنية أسمع أراؤكم ومقتحاتكم ، كنت قريت من فترة هنا فى المنتدى عن قرية الريفييرا ؟ هل من تفاصيل أكلم مين فيها لأنى حاولت أدخل على اللينك Link اللى كان موجود بس ما لقيتش حاجة..

[Diab]

هو ده ميت جنيه ولا ميت ألف جنيه

:lol:

[العظمة لله]

للأسف ميت ألف جنيه فى الشهر!!

[قديم]

هو ده ميت جنيه ولا ميت ألف جنيه

هو نت اغمي عليك سي دياب . وسع وسع اعمل حسابي انا هيغمي عليا كمان

اعلان يوجد اماكن قريب جدا ملاصق لدياب للاغماء صف اول .

[se_ Elsyed]

الـ 100 ألف باكو دل أروح أشتري بهم شقة تمليك في إسكندرية أو مرسى مطروح وأهيص فيها طول العُمر واسيبها للورثة كمان ..

او بربعهم أروح أقعد شهر كبيس من أبو 31 يوم في شرم الشيخ وأعمل ديفنج وأصطاد سمك وسلطة طحينة كمان وأرجع بالباقي

أو بربعهم برضوا أطلع ماليزيا إسبوعين من الرحلات اللي بتتنظم كل سنة

ده أنا باروح راس البر وودن البر وكل جزء في البر وأحط رجل على رجل وأصرف ألف جنيه وأرجع زي الباشا ومتبنشق ومنتشي الأوداج

100 ألف في إسبوع ؟!!!!!!!!!!!!!! ... يا نهار مش فايت ... ده أنا لو قلت لحد كده هاياخدوني عالسرايا الصفرا أو عمر يرفع عليه قضية حجر ويكسبها قبل ما تتحول المحكمة ...

قال 100 ألف قال

لأ بجد والله ... في كده في مصر ؟

[أسد]

في مراقيا ..

ممكن تلاقي شاليه دور أرضي غرفتين نوم وصالة بحديقة كبيرة أول صف على البحر ..

لن يزيد السعر عن 1000 جنيه في اليوم

[nash]

من أول قريه أمراء البحار الليله في فيلا دورين كانت حوالي 250

هايدي تقريبا ب450 جنيه ...

الأسعار تفاوتت من الصيف الماضي...

ليله في مارينا في شاليه غرفه واحده وسيء جدا ب850 جنيه بعد التوصيات...الحمدلله ما اتهورتش وعملتها...

المهم نصيحتي لكي....بعربيتك خديهم قريه قريه واسالي المكاتب هناك..وإن شاء الله ستجدي أسعار مناسبه وأماكن حلوة

[somayasaleh]

باحاول ألاقي شاليه فى الاسبوع الثالث من أغسطس ، أرضي بحديقة بس عايزاه يكون حلو ومستواه معقول ، كلمت قرية الدبلوماسيين 3 قالولولي الشهر ب 100.000 جنيه!! أول صف على البحر و 45.000 لو الشاليه مش شايف البحر !!!

على العموم أنا نفسي فى شاليه فى قرية اساتذة جامعة القاهرة علشان قيه هادية ومستواها كويس ونسبة الجنايين فيها عاليه وكمان SAFE جداً للأطفال علشان الشوارع من براها ، أنا مستنية أسمع أراؤكم ومقتحاتكم ، كنت قريت من فترة هنا فى المنتدى عن قرية الريفييرا ؟ هل من تفاصيل أكلم مين فيها لأنى حاولت أدخل على اللينك Link اللى كان موجود بس ما لقيتش حاجة..

لا لا لا طبعا ده اسعار مش معقولة خالص

السنة اللي فاتت كانت الاسعار في معظم القري السياحيه شاليه او فيلا صغيرة في حدود من 1000-2000 في اليوم الواحد

وكل لما تاخدي مدة طويله شهر يعني يكون فيه تخفيض

بس السنة ده ماعنديش فكرة لان الدنيا ولعت في كل حاجة

بالنسبة لقرية الريفييرا الكلام المكتوب هنا في المنتدي قديم جدا وكان عن التمليك مش الايجار

علي فكره جرنال الاهرام يوم الجمعة فيه مصايف كتيير وكمان لو لكم حد في النقابات منزليين اماكن راقية السنه ده

عندنا في نقابة المهندسين منزليين مصاييف وشاليهات في الساحل الشمالي ومطروح

[العظمة لله]

مرسيه يا سمية يا Nash

الحقيقة أنا عارفة إن الأسعار دي مبالغ فيها بس أنا عايزة بحر حلو أنزل فيه ومش عايزه بحر أتفرج عليه ، بس لو حكمت يعنى حابقى أنزل فى حمام السباحة ولو إنى مش باحب كده ..

على العموم فيه web site اسمه شاليهات دوت كوم http://www.chalihat.com/

وده فيه حاجات معقوله بس أنا شايفه إنه كتير إنى أدفع فى 10 أيام عشرة آلاف جنه وهو ده المعدل دلوقت بالنسبة لشاليه فى الساحل 3 غرف بحديقة وفرشه كويس ومستواه معقول ، أيوه فيه حاجات ب 450 بس شوية قديم ومتهالك والعفش مش قد كده ، على العموم لو فيه حد عارف حاجة تانيه ياريت يقوللي

بالمناسبة إيه قرية أمراء البحار دي ؟ أنا ما سمعتش عنها قبل كده .. هى دى فين ؟

خالص تقديري وتحياتي لكل المصريين

[هشام عباس]

انا السنه الي فاتت صيفت في قرية زمرده في الساحل الشمالي وكنا واخدين فيلا تاني صف على البحر مباشرة دور ارضي بالحديقه وكان فرشها كله جديد والفيلا تحفه وفاكر اني دفعت في اليوم 400ج بس ومش اكتر من كده وقعدت اسبوعين

القريه ديه كانت بعد مراقيا بشويه صغيرين تقريبا كده في الكيلو 54 او 53 الحقيقه مش فاكر كويس

وبجد كانت القريه هاديه وامان جدا للأطفال عموما انا معايا تليفون السمسار الي اخدنا الفيلا عن طريقه لو حد يحب ابعتهوله انا مش عندي مانع

بس فعلا بجد الأسعار السنه ديه وصلت لكده؟؟؟؟؟؟؟ الحمد لله اني مش مسافر مصر السنه ديه

[Ahmed el- ghamraway]

السلام عليكم

وعند حضرتك كمان قرية سيدي كرير ديه بردو قريه جميله و الريس دخلها السنه اللي فاتت من غير الحرس بتاعوه و كمان وزير الدفاع عنده فيلا هناك و صفوت الشريف و اساسا الشركه اللي بتاجر منها تابعه للمخابرات يعني safe جدااااااااااااااااااااا و الاسعار من 400 جنيه و انت طالع اسم شركة التاجير دهب

[nash]

أهلا وسهلا أختي العظمه لله

أمراء البحار قبل مراقيا مباشرة ..تتبع قباطنه أعالي البحار...

قريه هادئه بها حمامات سباحه ....

تعتبر تقريبا أول القري السياحيه في طريق الساحل

[العظمة لله]

شكراً يا أحمد أنا سمعت فعلاً إن سيدي كرير تحفة

عندك نمر تليفونات شركة دهب ؟

أو ال website بتاعها ؟

وافر الشكر

[kokomen]

كل قرية من قرى الساحل الشمالي لها أسعار خاصة بها تتوقف على عدة أشياء

منها درجة الخصوصية ومساحة الفيلا وموقعها في القرية ونوعية الفرش ودرجة الأمان

ووجود حمامات السباحة وصلاحية شاطئ البحر للسباحة .... ومدى تكدس المباني الإسمنتية

مما يسبب الضيق للمصطاف ويلغي خصوصيته بالتأكيد

كل هذه العوامل تحدد السعر الخاص بالتأجير .... ولكل شخص ظروفه التي يقرر علي أساسها الإختيار

لذلك يختلف الوضع في داخل القرية الواحدة ... مثلا مارينا العلمين تختلف أسعار تأجير الشاليهات حسب

تجهيزها وقربها أو بعدها عن البحر أو البحيرات .... وكذلك أسعار الفيلات تختلف أيضا فتبدأ من 2000 جنية

لتصل الي أكثر 15000 في اليوم الواحد ... صدق أو لا تصدق هذه مشكلتك .. وحاول تجرب وتشوف :protest:

[Leedo]

السلام عليكم ورحمة الله وبركاته

بداية اود ان اشكر جميع الاعضاء على روحهم الطيبة في التعامل لذا ارجو ان يدلني احد على قرية من قرى الساحل الشمالي لاستاجر فيها شاليه لمدة اسبوع وانا سمعت عن قرية اسمها الريفييرا وقرية بدر وقرى مينا لكن لا اعرف ايهم افضل

ارغب في قرية هادئة آمنة لذا ارجو من اي عضو ان يعطيني رايه ويا حبذا لو ارقام الهواتف لاستطيع الاستعلام والحجز

[morogermany]

اذا كنت تود الهدوء فعلا انصحك بقرية مينا اذا كنت تريد حياة الشباب والرفاهية العالية انصحك بمارينا وبورتو مارينا ...

[العظمة لله]

أخيراً أجرت أسبوع في قرية بتروبيتش ، هى قبل مارينا ، شالية أرضي بجنينة كبيرة آخر أغسطس ب 400 جنيه فى اليوم

أشكركم جميعاً على مساعدتكم وأراءكم القيمة

[somayasaleh]

أخيراً أجرت أسبوع في قرية بتروبيتش ، هى قبل مارينا ، شالية أرضي بجنينة كبيرة آخر أغسطس ب 400 جنيه فى اليوم

أشكركم جميعاً على مساعدتكم وأراءكم القيمة

الف مبروك الاخت العزيزة

وان شاء الله تقضوا اجازة سعيدة

cr((: :lol: wst:: :sad: cr((:

[Leedo]

يا جماعة ممكن اللي عنده رقم تيلقون خاص لحجز شاليه انه يكتبه سوا ء سيدي كرير او الريفييرا او مينا او بتروبيتش

[matzakos]

قرية بترو بيتش دي فين موقعها الالكتروني واللا كيفية الحجز إزاي من خارج مصر؟

ساعدونا يا جدعان أخوكوا مزنوق

نفسي أصيف في مكان مريح .... وجالي عروض في الجونة و مكادي باي ...بس مش عارف الجو هناك هيكون نار في أغسطس ....يمكن الساحل الشمالي أفضل ؟

إيه رأيكم ...دام فضلكم