شلل كُلي = موت = حبس شهرين ... ده ولا في بلاد الواق الواق

[se_ Elsyed]

أنا نايم ولا باحلم ولا أنا متعاطي شيء عالصبح

إقرأوا معي هذا الخبر في جريدة الجمهورية هذا اليوم وحد يفهمني هو فهم إيه عشان أنا مش فاهم

الحبس شهرين لطبيب تخدير تسبب في شلل طفل

الإسكندرية أشرف حجاج:

عاقبت محكمة جنح مستأنف باب شرقي برئاسة المستشار عطية مطر الدكتور توفيق عاطف استاذ تخدير بكلية الطب بالحبس مع الشغل والنفاذ لمدة شهرين وتعويض مؤقت 2001 جنيه تأخر في إفاقة طفل فتسبب في إصابته بشلل كامل وعاهة مستديمة.

صدر الحكم بعضوية المستشارين شريف زغلول وعبدالعزيز مراد وأمانة سر وليد جادو.

وكانت المحكمة قد برأت أستاذ الجراحة بكلية الطب الذي أجري استئصال اللوزتين للطفل بناء علي تقرير الطب الشرعي الذي أدان أستاذ التخدير واتهمه باعطاء الطفل جرعة زائدة من البنج وتأخر في إفاقته بعد العملية مما تسبب في عدم وصول الأوكسجين للمخ وحدوث شلل كلي وضمور في الأعصاب الحركية.

يا حلاوة ... دي حاجه سهله والله وجميله جداً

اومال لما مهندس بيغلط والعمارة اللي أشرف على بناءها بتقع بيوصل حبسه لـ 15 سنة ليه ؟

هو مش ده خطأ مهني وديكهوا خطا مهني برضوا ؟

والواد اللي إتدمر واهله إتدمروا دول ... تفتكروا نارهم هاتبرد بعد ما يخرج الأخ الدكتور بعد شهرين ويشوفوه رايح جاي قدامهم وماشي على رجليه ؟

والأخ الدكتور الهُمام .. يا ترى عنده كام شخص في قائمة إنتظار الشلل بعد ما يخرج معزز مكرم ويستقبلوه بالورود والأحضان بعد 60 يوم ويمارس مهنته وبراءة الاطفال في عينيه

[moheltohamy]

بص يا سي السيد

مشكلة الدكاتره إنهم بيلعبو دايماً في حتت خطر! والغلطة على طول عواقبها بتبان!

يعني مثلاً كانت بنت خالتي بتحاول تقنعني إن الدكتور البيطري أذكى وأشطر م البشري ، بدليل إن الحمار أو الجاموسة (من غير لمؤاخذة ، وليه لمؤاخذة هوه مش إسمه كده؟!) لما بيكون عيان مش بيعرف يشتكي!

جيت أقول لبابا الله يرحمه الكلام ده ، فقال لي:

الجاموسة مش هتتكلم ، بس صاحبها هيوصف للدكتور الاختلاف ، وإيه اللي حصل لها ، وإن كانت الأعراض دي ظهرت أبل كده ، يعني باختصار الهيستوري . ثم آخر المشوار ؛ لو الدكتور غلب ومش لاقي حل ، هتندبح ونشتري دماغنا!

في حالة الحالة المستعصية مع الطبيب البشري بأه ، هنقدر ندبح العيان ونخلص؟! :blush2:

الخلاصة ، إني مش بالتمس العذر للدكتور اللي يغلط ، بس باحاول أوضح لك إن غلطته أكيد بتعمل عاهة ، بخلاف الغلطات اللي بيلبسها وهيه مش بتاعته (زي موضوع الفوط والمقصات اللي مفضوحين بيها ف كل حتة! مسئولية مشرفة تمريض العمليات بالمناسبة تعد أدواتها قبل ما الدكتور يقفل الغرز!).

تاني باكرر : أنا مش بالتزم العذر للدكتور اللي بيغلط. بس فيه حاجات كتير المفروض تتعدل قبل ما نبدأ نضاعف العقوبات على الأخطاء المهنية للسادة الأطباء ؛ سواء المرتبات أو ظروف وبيئة العمل أو تحسين التعليم الطبي من الأساس.

داحنا يا راجل لما بنشوف أمثلة للمعادلة الأمريكية والكندية بنفتح بؤنا ونئول "إيه ديييه!" ، ولو كان هوه ده الطب ، يبقي اللي كنا بندرسه ف الكلية ده إيه؟!

واحكيلك على موقف أنا بنفسي شفته ... داخل أوضة العمليات في مستشفى - تيييييت - العام (من حوالي 8 أو 9 سنين) ، وقفت ع الباب ، لقيت اللي جوه بيندهولي تعالى اتفضل ، ودخلت بالجزمة (قصدي لابس الجزمة ، اللي ممكن جداً تكون داست في فضلات حصان أو مواشي من الشارع - تيتانوس يعني م الآخر) ، دخلت وانا مستغرب لقيت العملية جوه زي الفل وآخر دماغ! ودكاترة آعدين بيدردشو ، و واحد بيشرب شاي ، وإذ بي أفوجأ ... دبانة! طبعاً ، ما البهوات فاتحين الشباك بتاع البلكونة ، ولما اعترضت على فتح الشباك ؛ آلولي ، يعني نموت احنا من الحر؟ ما هي أوضة العمليات لا فيها تكييف ولا حتى مروحة! والمفروض الدكاترة تشتغل لستة العمليات في معادها! وآلولي إنهم ساعات بيشتغلو العملية بإيديهم من غير جوانتيات لما بيكون فيه نقص توريد المعدات من الوزارة والعيان ما عندوش استعداد يدفع مليم (سواء فقر أو بخل)! مش محتاج اقول لك إن مرتب السادة الأطباء ما يكفيش بند جوانتيات العمليات اللي بيعملوها!

دا يا راجل أفتكر إني حضرت مرة عملية قيصري مكانش فيه دكتور تخدير واحد ف المستشفى ، واضطرو يندهو لبابا الله يرحمه م البيت (إستشاري جراحة عظام) عشان يدي هوه الحقنة (كانت اسباينال - في العمود الفقري - على ما أذكر) ، باعتبار إنو (بيفهم في الحاجات دي) ، وإنه اتدرب عليها وعملها قبل كده ! وجه بابا الله يرحمه طبعاً واتحل الموقف! وطبعاً ، لو كانت حصلت أي مضاعفات ، كان زمانه لبس الليلة! ما هو رسمياً ، ساعة التحقيق محدش هينفعه! ولما عاتبت بابا الله يرحمه ف الموضوع ده ، آللي عندك انتا حل تاني؟ نسيب الست والجنين يموتو؟ آهو ربنا بيسترها مع اللي بيعمل الخير.

فــ قبل ما تحاسبو الدكاترة وتضاعفو العقوبة ، بيتهيألي المفروض يكون فيه إعادة نظر في حاجات تانية كتير. بيتهيألي العدل بيقول كده!

ومن نفس المنطلق برضه تبقى غلطة الوزير عقوبتها مضاعفة بعدد سكان البلد. زي اللي بيضارب بفلوس الوزارة ف البورصة ويخسرها ، أو اللي يستورد حاجات مسرطنة ، أو اللي يستورد بذور تدمر الناتج المحلي في السلعة الوحيدة اللي مشهورين بجودتها وسمعتها على مستوى العالم ، وغيره وغيره...

عموماً ده مجرد رأي حبيت أقوله ، وأتمنى ما يجيش على دماغي ف الآخر!

[se_ Elsyed]

عموماً ده مجرد رأي حبيت أقوله ، وأتمنى ما يجيش على دماغي ف الآخر!

لأ يا دكتور

حرية الرأي مكفولة للجميع

إتكلم زي مانت عايز

حبس 6 شهور مع الشغل والنفاذ للدكتور محمد الهامي لدخوله أوضة العمليات وهو لابس البنص بتاعه :blush2:

[Tafshan]

سؤال ذا صله ..

ايه المشكله من استبدال الخدمات الصحيه المدعومه بنظام تأمين صحى محترم و ملزم لشركات القطاع الخاص و العام .. يعنى الدكتور يشتغل دكتور و يأخذ اجر دكتور ... و شركات التأمين تشتغل تأمين و توزع الخطر على المشتركين .. و الدوله تدعم الحالات التى تستحق الدعم (العاجزين عن العمل ) و تدفع لشركات التأمين و بكده ممكن يخصخو المستشفيات و تفضل الخدمات الصحيه مجانيه برضو .. مش كده و لا ايه ؟؟

[Sherief AbdelWahab]

هكذا أصبحت طريقة تفكيرنا في ظل ميديا المال السياسي:

تحصل مشكلة.. الوزير لازم يمشي..

ماسورة تضرب في شارع.. الوزير لازم يمشي..

أما تحت .. فمفيش إهمال.. مفيش رشوة .. مفيش فساد .. مفيش حاجة تيجي كدة ..

والمحصلة النهائية : محدش بيكلم الكبير لما بيغلط غلطة كبيرة ، ومحدش بيكلم الصغير لما بيغلط غلطة كبيرة..وبكدة يبقى الزبون اتبسط ولا حد اتحاسب ولا حد اتعاقب..

لا وإيه:

يطلع بعد كل كارثة من دول حد من النقابة أو من هنا يردد كلام مجاذيب الحسين من عينة "أعلى مستوى.. إثارة للبلبلة.. الطب في مصر بخير.. ظاهرة عالمية .. اتقوا الله في مصر.. الخ".. ويصرخ .. ويتشنج..

هو عنده نصوص في اللايحة وميثاق الشرف في مهنته .. طبعاً مبتتطبقش.. الكلام دة قدامك واحنا داخلين على انتخابات وكل سنة وانتم طيبين..وبيقولولكم "احنا بنطبق وبنعاقب وبنملص ودان اللي بنظبطه متلبس بالغلط".. ليه بقى العقوبات دي سرية على شخص تأكدت إدانته.. وممكن قوي تلاقوا كدة يعني يعني لو حد من دول أدين جنائياً ما يتعاقبش بالفصل أو الحرمان من مزاولة المهنة.. أصل "النقابة" حقانية قوي .. والعدل يقتضي عدم معاقبة الشخص مرتين على نفس الجريمة.. الدمعة حتزوغ من عيني يا جدعان..

والميديا عارفة الفساد دة كله بس مبتتكلمش.. وفالحة بس تتشطر على أشرف زكي..

والمجتمع المدني عارف.. بس ما لهوش مصلحة.. لا مظاهرة ولا إضراب ولا بتاع..

واحنا عارفين..وساكتين..

محدش ضد الدكاترة .. وكلنا عارفين إنهم اتظلموا في مسألة الكادر الخاص للمعلمين اللي اعتبرت تفرقة بين الموظفين وجت فوق دماغهم بما إنهم كمان من أكثر الفئات تدنياً في الأجور بحسب وثائق حكومية.. ومن حقهم بالوسائل الشرعية والسلمية والحضارية سواء من خلال نقابتهم (وياريت من غيرها لو حبوا يخلوا مواقفهم أكثر استقلالاً وأنا بصراحة مع دة) ..

بس مش معنى إن الدكاترة حالهم سيئ إني أدي تصريح لهم بالقتل ، ومش معنى إن فيه فئات كتيرة في الجهاز البيروقراطي المصري أجورها شبه منعدمة إني أديهم تصريح بالرشوة.. ما تبقاش المسألة فساد من فوق .. وفساد من تحت.. وما تحصلش كارثة للي في النص والكل كليلة.. ألا هل قد بلغت؟

خلص الكلام

[Alshiekh]

بداية لايوجد طبيب يتعمد الخطأ ، قد تكون هناك عوامل أخرى اوجدت الخطأ ، وهذا هو السبب ان هناك حدود لعقوبة الحبس الصادرة ضد اطباء.

أولا: المطلوب من الطبيب ان يؤدى عمله فى إطار تخصصه طبقا للقواعد المنظمة لممارستها ، واذا اهمل ونتج عن اهماله اى ضرر للمريض ، فالامر يختلف عن ان يكون قد ادى عمله على الوجه الاكمل وبكامل الامكانيات المتوافرة ، ويترك تحديد هذا للجنة متخصصة والمحكمة ، واعتقد ان حكمنا على قضية لسنا اهل لتقييمها فهذا نوعا من الظلم للمحكمة وللطبيب نفسه.

ثانيا: ماذا نظن ان يكون الحكم فى خطأ مهنى؟ الذبح؟ رأس برأس؟ أعتقد ان الحكم بحبس الطبيب هو تعزيزى لان الاصل فى هذه الحالات هو التعويض فقط ، والا فلماذا حدد الاسلام الاحكام فى القتل الخطأ؟

الموضوع ليس فيه ترخيص بالقتل او تقليل من شأن الضحايا ..... عايزين بس نفكر بهدوء.

[yassir]

الحسبه بسيطه ياأخ سى السيد و يوضحها المثال التالى و هو مأخوذ من كتاب خاص بدراسه ماده الميكروايكوميك و هى مقرره على دراسى التجاره و الهندسه بعديد من ال colleges بكندا و قد طرحتها فى مداخله سابقه ...

الطفل اللى أتشل أو مات أو أنتهى من عداد الأصحاء .....يسوى كام ...بالدولار ..باليورو بأى عمله أنت عايزها ....أسمع ياسيدى الفاضل

لديك علامه ستوب فى شارع عايزين نشيلها و نركب اشارة مرور ....تكلفة انشاء أشارة المرور عشر تلاف دولار و ده حيوفرلنا حوادث فى المنطقه و يقلل نسبه الحوادث التى تؤدى للوفاه بنسبه أتنين من ميه فى الميه 02. 0% ...نعملها و لا لأ

التكلفه = 10000

التوفير = 00002. * تمن حياة الأنسان =

التوفير = 00002. * 10000000= 2000 دولار

يبقى حتصرف 10000 دولار علشان توفر 2000 , مش حنعمل الأشاره

تحل المسأله بالطريقه دى تاخد درجه السؤال كامله ......ده تمن الأنسان فى كندا ....مش مبالغ فيه و لاحاجه ...القاضى هنا بيحسب قيمه التعويض اللى يدفع للضحيه فى حادث با لأسلوب ده .....من ساعة الحادثه لحد سن التمانين لو كان عاش كان حيكسب كام و يروح طاسك تعويض مليون & 5 مليون ...كل واحد حسب قيمته فى المجتمع ...فتخيل لو كان الضحيه طفل ...يبقى التعويض حيكون شكله ايه .....

يبقى السؤال ....تمن الطفل الى اتشل كام ....مهو علشان القاضى يحدد العقوبه لازم يحدد الضرر ...الطفل لو عاش لحد تمانين حيكسب كام.... حيغير ايه ...حجم تاثيره فى مجتمعه ايه ...ببساطه .... من غير ما نتشنج بس ....و لاحاجه....صفر ...الضرر غير واقع ...لأن المتضرر لايساوى فى الميزان شىء ....صوته فى الأنتخابات لايساوى شىء ....مجرد فرد من قطيع يسمنه الحاكم ليزيد أعضاء الفرق الدافع للجبايه واحد .....يبقى العقوبه من وجهه نظرى قاسيه للغايه ....... n2&(

[somayasaleh]

أنا نايم ولا باحلم ولا أنا متعاطي شيء عالصبح

إقرأوا معي هذا الخبر في جريدة الجمهورية هذا اليوم وحد يفهمني هو فهم إيه عشان أنا مش فاهم

الحبس شهرين لطبيب تخدير تسبب في شلل طفل

الإسكندرية أشرف حجاج:

عاقبت محكمة جنح مستأنف باب شرقي برئاسة المستشار عطية مطر الدكتور توفيق عاطف استاذ تخدير بكلية الطب بالحبس مع الشغل والنفاذ لمدة شهرين وتعويض مؤقت 2001 جنيه تأخر في إفاقة طفل فتسبب في إصابته بشلل كامل وعاهة مستديمة.

صدر الحكم بعضوية المستشارين شريف زغلول وعبدالعزيز مراد وأمانة سر وليد جادو.

وكانت المحكمة قد برأت أستاذ الجراحة بكلية الطب الذي أجري استئصال اللوزتين للطفل بناء علي تقرير الطب الشرعي الذي أدان أستاذ التخدير واتهمه باعطاء الطفل جرعة زائدة من البنج وتأخر في إفاقته بعد العملية مما تسبب في عدم وصول الأوكسجين للمخ وحدوث شلل كلي وضمور في الأعصاب الحركية.

يا حلاوة ... دي حاجه سهله والله وجميله جداً

اومال لما مهندس بيغلط والعمارة اللي أشرف على بناءها بتقع بيوصل حبسه لـ 15 سنة ليه ؟

هو مش ده خطأ مهني وديكهوا خطا مهني برضوا ؟

والواد اللي إتدمر واهله إتدمروا دول ... تفتكروا نارهم هاتبرد بعد ما يخرج الأخ الدكتور بعد شهرين ويشوفوه رايح جاي قدامهم وماشي على رجليه ؟

والأخ الدكتور الهُمام .. يا ترى عنده كام شخص في قائمة إنتظار الشلل بعد ما يخرج معزز مكرم ويستقبلوه بالورود والأحضان بعد 60 يوم ويمارس مهنته وبراءة الاطفال في عينيه

الاخ الفاضل سي السيد

انا قرات الخبر فعلا بس في جريدة الاهرام......

واصبت بذهول ....... وبعدين قراته تاني.......

وبعدين نفس الذهول........ معقول فيه كده...... حياة الانسان والاطفال سهلة قوي ورخيصة بالشكل ده......

نقول ايه حسبي الله ونعم الوكيل في كل انسان لا يرعي ربنا في عمله ويتسسبب في ضرر الاخرين...

الخبر بيقول ان بعد الجراح ما خلص العملية يبص علي طبيب التخدير ..... فص ملح وداب........

ويبحثوا عليه في كل حته في المستشفي.... ولا حياة لمن تنادي....

بس اكيد اهل الطفل حيرفعوا قضية عليه وياخوا حقهم منه....

ولو معملوش كده .... ربنا موجود يمهل ولا يهمل...... n2&(

[Sherief AbdelWahab]

بداية لايوجد طبيب يتعمد الخطأ ، قد تكون هناك عوامل أخرى اوجدت الخطأ ، وهذا هو السبب ان هناك حدود لعقوبة الحبس الصادرة ضد اطباء.

أولا: المطلوب من الطبيب ان يؤدى عمله فى إطار تخصصه طبقا للقواعد المنظمة لممارستها ، واذا اهمل ونتج عن اهماله اى ضرر للمريض ، فالامر يختلف عن ان يكون قد ادى عمله على الوجه الاكمل وبكامل الامكانيات المتوافرة ، ويترك تحديد هذا للجنة متخصصة والمحكمة ، واعتقد ان حكمنا على قضية لسنا اهل لتقييمها فهذا نوعا من الظلم للمحكمة وللطبيب نفسه.

وإن ثبت إهماله؟.. مع تسليمي بإن "الظروف" بقت شماعة لكل جريمة بتحصل في مصر.. فلان الفلاني هبر ربع مليار جنيه رشوة لإن ظروفه كانت وحشة.. علان العلاني راح ع القهوة ومعاه مدفع رشاش و"نش" كل الموجودين عيارين علشان ظروفه وحشة.. دة تلاقي بن لادن ضرب البرجين إياهم علشان اتحررت عليه مخالفة سير في نيويورك من عشر سنين ونسي الكريديت كارد في البيت.. ظروفه وحشة برضه..وعلى رأي كمال الشناوي في فيلم "الكرنك" : "كلنا مجرمين.. كلنا ضحايا"..

ثانيا: ماذا نظن ان يكون الحكم فى خطأ مهنى؟ الذبح؟ رأس برأس؟ أعتقد ان الحكم بحبس الطبيب هو تعزيزى لان الاصل فى هذه الحالات هو التعويض فقط ، والا فلماذا حدد الاسلام الاحكام فى القتل الخطأ؟

الدية هي حكم يمكن وصفه بأنه عن المسئولية في وجه أهل الضحايا ، لكن الخطأ من هذه النوعية يرتب نوعين من المسئولية ، مسئولية عن العمل الجنائي في وجه المجتمع ومسئولية مخالفة قواعد المهنة وبها نصوص صريحة تم "دفننها بالحياة" .. هل معنى أنه بسقوط الجانب الجنائي من المسئولية عن العمل يسقط الجانب الآخر من المسئولية؟ دة ناقص كمان النقابة تدفع الدية .. دة مش تصريح بالقتل وبس.. اقتل براحتك واحنا نشيل ولا تزعل.. نقابة دي ولا نادي سيارات؟

الموضوع ليس فيه ترخيص بالقتل او تقليل من شأن الضحايا ......

العفو..أنا عن نفسي شايفها قمة الازدواجية المجتمعية والتقنينية وحتى السياسية في تحديد الجريمة والعقاب.. بعبارة أخرى: لما موظف صغير يضيع ورقة صغيرة بنشوفه بيتنفي للسلوم ،وفي المقابل لما دكتور صغير يضيع بني آدم صغير ميتعملهوش حاجة ، ولما عامل صغير يحرق قطار صغير نخليه بطل من الأبطال.. والله لو التفكير بهذه الطريقة فإننا لا نستحق الحزبوطني فقط ، بل نستحق أن تحكمنا أي قوة سياسية أو دينية موجودة على الساحة.. جزاءً وفاقاً لنا..

خلص الكلام

[Alshiekh]

وإن ثبت إهماله؟.. مع تسليمي بإن "الظروف" بقت شماعة لكل جريمة بتحصل في مصر.. فلان الفلاني هبر ربع مليار جنيه رشوة لإن ظروفه كانت وحشة.. علان العلاني راح ع القهوة ومعاه مدفع رشاش و"نش" كل الموجودين عيارين علشان ظروفه وحشة.. دة تلاقي بن لادن ضرب البرجين إياهم علشان اتحررت عليه مخالفة سير في نيويورك من عشر سنين ونسي الكريديت كارد في البيت.. ظروفه وحشة برضه..وعلى رأي كمال الشناوي في فيلم "الكرنك" : "كلنا مجرمين.. كلنا ضحايا"..

الدية هي حكم يمكن وصفه بأنه عن المسئولية في وجه أهل الضحايا ، لكن الخطأ من هذه النوعية يرتب نوعين من المسئولية ، مسئولية عن العمل الجنائي في وجه المجتمع ومسئولية مخالفة قواعد المهنة وبها نصوص صريحة تم "دفننها بالحياة" .. هل معنى أنه بسقوط الجانب الجنائي من المسئولية عن العمل يسقط الجانب الآخر من المسئولية؟ دة ناقص كمان النقابة تدفع الدية .. دة مش تصريح بالقتل وبس.. اقتل براحتك واحنا نشيل ولا تزعل.. نقابة دي ولا نادي سيارات؟

العفو..أنا عن نفسي شايفها قمة الازدواجية المجتمعية والتقنينية وحتى السياسية في تحديد الجريمة والعقاب.. بعبارة أخرى: لما موظف صغير يضيع ورقة صغيرة بنشوفه بيتنفي للسلوم ،وفي المقابل لما دكتور صغير يضيع بني آدم صغير ميتعملهوش حاجة ، ولما عامل صغير يحرق قطار صغير نخليه بطل من الأبطال.. والله لو التفكير بهذه الطريقة فإننا لا نستحق الحزبوطني فقط ، بل نستحق أن تحكمنا أي قوة سياسية أو دينية موجودة على الساحة.. جزاءً وفاقاً لنا..

خلص الكلام

أستاذ شريف

أنا لا أحاول أن أجد عذرا أو مبررا لاهمال او خطأ مهنى لطبيب نتج عنه اصابة او عاهة مستديمة او موت للمريض ،

وايضا لا أقلل من قيمة الحادث نفسه ، ولكن فقط اردت ان اقول ان هناك فرق بين التعمد والخطأ ، والاهمال الذى ينتج عنه اضرار جسيمة.

واعتقد ان القوانين تختلف من دولة لدولة وان كانت جميعها لاتعاقب على الاخطاء الطبية بنفس الكيفية التى تعاقب بها على الجرائم. ولايمكن بكل المقاييس ان نعتبر الخطأ المهنى جريمة مثلها مثل جرائم القتل.

واعتقد ان الاديان ايضا قد فرقت بين القتل المتعمد والذى جزاءه سن بسن وعين بعين ، والقتل الخطأ والذى عقوبته الدية والعفو.

و ... خلص الكلام

[se_ Elsyed]

لا تعليق !!!!!!!!

وبرضوا هاترسي على شهرين

تصبحوا على خير

مدرس الزرقا مات بسبب "قصور حاد" بالضمير الطبي

دخل المستشفي لتفتيت حصوة بالكلي.. قطعوا له شريان الساق اليمني!

دمياط نادر عمارة:

دفع "مدرس" ابتدائي حياته ثمنا للاهمال الطبي.. دخل المستشفي لإجراء عملية تفتيت حصوة بالكلي وخرج جثة هامدة بعد اصابته بقصور حاد بشرايين الساق.

تلقي اللواء مصطفي محمد مصطفي مدير أمن دمياط بلاغا من إبراهيم عوض موظف بالمعاش اتهم فيه مدير مستشفي دمياط التخصصي ورئيس قسم المسالك البولية وأستاذ مسالك بجامعة قناة السويس وأخصائي الأوعية الدموية ومدير عام الإسعاف بالتسبب في وفاة نجله عادل مدرس أول بمدرسة الابتدائية بالزرقا.

يقول علاء إبراهيم عوض شقيق المجني عليه: دخل شقيقي عادل مستشفي دمياط التخصصي لتفتيت حصوة بالكلي وبعد عملية استمرت 8 ساعات اشترينا له خلالها 9 أكياس دم وجميع احتياجات العملة.. وفوجئنا بتدهور حالته بعد خروجه من العملية وعدم قدرته علي تحريك ساقه.. وعندما أسرعت إلي مدير المستشفي وطبيب الأوعية الدموية طلبا مني التوقيع علي اقرار بالموافقة علي بتر ساقه لوجود قطع بشريان الدم المؤدي إلي الساق.. فرفضت بشدة وحاولت الاستغاثة بوكيل وزارة الصحة بدمياط لكن دون جدوي.

أضاف: في الوقت الذي كان فيه أخي يصرخ ألما تفرغ مدير المستشفي ومدير الطب العلاجي والإسعاف لحالة خاصة بوكيل الوزارة.. وبعد مفاوضات أجريت لشقيقي عملية لانقاذ قدمه نقل بعدها إلي مستشفي الطواريء بالمنصورة بواسطة سيارة إسعاف غير مجهزة وهناك بدأت رحلة عذاب جديدة.. حيث فوجئنا بالمرضي يتأوهون ألما في طرقات المستشفي.. وطلب مني مديرها شراء سرير لعدم وجود أسرة شاغرة بالمستشفي.. وبعد عملية أخري أجريت لشقيقي راح في غيبوبة حتي وافته المنية.. والغريب أن الطبيب طالبني بالتوقيع علي تقرير حرره يفيد بأن الوفاة طبيعية.. وعندما رفضت أجري عدة مكالمات تليفونية بعدها أعطاني تقريرا بأن الوفاة نتيجة قصور حاد بشرايين الساق اليمني بسبب عملية جراحية أجريت في مستشفي دمياط التخصصي.

اختتم شقيق المجني عليه: لقد خلف شقيقي "عادل" وراءه 3 أبناء في عمر الزهور أكبرهم طالبة بالمرحلة الثانوية وزوجة أرملة وأبا وأما مكلومين.. ولن نفرط في دمه مهما كلفنا الأمر للقصاص من قاتليه.

[هشام عباس]

لا حول ولا قوة الا بالله وانا لله وانا اليه راجعون

والله الواحد كل ما يقرا الحاجات ديه بيصاب بحاله اشبه بالزهول من هول هذه المواقف يعني حصوه في الكلى وقلب بقطع في شريان القدم؟؟؟؟ لا حول ولا قوة الا بالله

والله الواحد مش عارف لو كان مكان اهله كان ممكن يعمل ايه

[أسد]

رحم الله الفقيد .. وغفر له ..وألهم أهله الصبر ..

لكن أنا لاحظت شئ ...

- لم يتضح من الخبر . السبب الذي أدى إلى قطع الشريان المؤدي للساق

- من المعروف أن من تتم له عملية تفتيت حصوة فهو لا يحتاج إلى جراحة ولا إلى نقل دم أو خلافه .. وبالتالي فهذا الجزء من الخبر مغلوط

- الأطباء المتخصصون في مستشفى دمياط طلبوا من أسرة المتوفي (رحمة الله عليه) التوقيع على إقرار لقطع ساقه لإنقاذ حياته

- رفضت أسرة المتوفي (رحمه الله) التوقيع على الإقرار لإنقاذ حياته .. وحاولوا اللجوء لوكيل الوزارة والشكوى .. وكما يتضح أن ليس بينهم طبيب ليقرر.

- أسرة المتوفى (رحمه الله) نقلوه إلى مستشفى الطوارئ بالمنصورة .. وعدم وجود سرير هناك أخر عملية الإنقاذ مما أدى لوفاة المريض.

بالقطع يجب أن يتم تحقيق مهني فني طبي في هذا الموضوع وتحديد عما إذا كانت هناك مسئولية جنائية أم لا .. وإذا كان هناك خطأ طبي .. فهل ستقع أية مسئولية جنائية على أسرة المتوفي للتسبب في وفاته بسبب التأخر ...؟؟ هذا تساؤلي ..

أما النقطة الأخرى .. ألا ترون معي أن صياغة الخبر بها الكثير من الإثارة .. وتورية بعض المعلومات .. والتركيز على معلومات أخرى مما يجعل ناقل الخبر غير نزيه .. ويجرنا مرة أخرى إلى أهمية نزاهة الصحفيين أيضاً .. وأهمية أن يكون لدينا في مصر صحافة حرة نزيهة ..

رحم الله الفقيد ..

[blbl]

في الدول المحترمة اي جزاء يوقع علي طبيب ينشر في سجل له. وهذا السجل متوفر لكل الناس علي الويب. بعض الدول تنشر حتي اي جزاء اداري. وده بيتيح لسعتك تعرف الراجل اللي هيعلجك ده شل كام واحد وموت كام واحد قبلك. لماذا لاناخذ بهذا النظام الي ان يشاء الله ويكون عندنا تعويضات محترمة تدفع لمثل هؤلاو الضحايا.