يعني ايه كلمة وطن

[مصري اسكندراني]

كل متزيد الضغوط بتزيد عند الانسان الحاجة للفرار وكمان الحاجة لالصاق همومه باول جدار يقابلة وكعادنا دايما كعرب لسانا هوا اول الاسلحة الي نفكر في استخدامها او خلينانقول اول ادوات التصريف الي بنلجا اليها لما نهنج من حياتنا ومسؤليتنا بعس الغرب مثلا بنلاحظ انه ممكن يفرغ همة دا في انه مثلا يكسر فاز او اي حاجة ادامه.

الشاهد من الموضوع عشان متوهكوش ومتهش معاكو ان اول الواحد منا متقابلة مشكله في وطنه الحبيب مصر علطول يعبر عن ضجرة من البلد والي فيها واد ايه انه عايز يسيب البلد دي ويهج لاي حتا تانية ولو كانت......................

انا مش بستغرب ابدا من حاجة زي دي ومش حقول اني مثالي واني متحطتش في الموقف دا اكتر من مرة وكمان يمكن تصرفي كان اكثر حدة من كدا.كل الحكاية اني يمكن بعد متجاوزت كل المراحل دي وحياتي استقرت وخفت عني الكثير من الضغوط دي لقيت اني من واجبي زي ما فيوم زعلت اوي من البلد دي واتمنيت اني اهج منها كمان لازم دلوقت بعد متضحت لي الصورة بشكل اوضح اني اتكلم يمكن كلامي يخفف من ضغوط حد بيحس بيها او علي الاقل اذا كنت مش ادر اساعدك يا بلدي اعتبريها اكلمة صغيرة من ابن من ولادك حاسس اوي بيكي وبيموت لو يوم شاف دمعة في عنيكي..............بحبك يا مصر

متستغربوش انا والله مش عايش في عالم غير عالمكو ولا بعيد عن همومي وهمومكو كل الحكاية اني جربت مرة افصل بين البلد وبين الي بيحصل فيها ولقيت ان مصر هيا مصر ملهاش اي زنب

ومتفتكرونيش بغني لو قلت مصر هيا امي

ايوا يا جماعة مصر هيا امي واختي واخويا وابويا ومدرستي الي قضيت فيها اول اياه عمري وشارعي الي لعبت فيه واتشقيت فيه وكمان اخت فيه اول علقة في حياتي

مصر مش حكومة ومسوولين اذا كنا راضين عنهم ولا مش راضيين

مصر اكبر من كدا بكتير