أستيكة تصنيع محلى ! - أخيرا توصلنا لسر تصنيع الأستيكة

[هشام عبد الوهاب]

يا اساتذه الخبرالمحزن مش تصنيع الاستيكه الكارثه الحقيقيه اننا كنا ندفع 15 مليون جنيه    يعنى بندفع يوميا مايقرب من 41 الف جنيه  يعنى كل ساعه 1712 جنيه علشان نستورد ايه ،، نستورد ايه ،،،،،،ايوه

نستورد استيكه

 يعنى سعادتك تدخل المنتدى شويه ولما تخرج تبقى الحكومه المبجله دفعت 1700 جنيه فى شوية اساتيك

شوفتوا جمال الاقتصاد بتاعنا

[Mohd Hafez]

شوفتوا جمال الاقتصاد بتاعنا

[b:post_uid0]أيه حكاية جمال الاقتصاد هذا .. هو حتى الاقتصاد سميتموه ... جمـــال ... [/b:post_uid0]

[Mohd Hafez]

.....فتــــحا عظيمـــــــا..........

[إبن مصر]

يا حماعه يا حماعه ليه الهدم .... :0  النهارده استيكه وبكره مسطره وبعده حرف تى ... يعنى فاضل البرجل والاستونج وتبقى العده كملت ....

الله بلاش تكير المجاديف ده ... بكره نعمل كل حاجه بس الاول نعمل العده ...

الله ...

انت بتقول ايه يا egypt5 ?????

اااااه غطينى وصوتى يا صفيه .......

اه يــــــــــــــــــا مـــــــــــــــــــــا :baaa:  :baaa:

[samo]

:xmas: يعنى الاستيكه خدت مننا 7000 سنه لحد ما وصلنا لسرها..امال لو هنصنع عربيه هتاخد وقت اد ايه.

والنبى تغطونى وتصوتوا عليا

يا رب اصحى الاقى مصر نضفت من الحراميه واتمسحوا كلهم باستيكه  صناعه مصريه

اخيرا..مصر التى فى جيبى وفى فمى..هاسرقها هاسرقها

[Sherief AbdelWahab]

مستني إيه يا سيد حرامي..كلها شهرين و عمنا "سفوت" يعمل مسابقة عالمية بين المخترعين المصريين في اختراع سكوتر مصري..و اللي ح يفوز ح يروح التصفيات النهائية في اليابان ..و كلها سنة و حنصنع أول سكوتر تجاري مصري ننافس بيه الصيني و الياباني..و ح يطلع في نفس السنة برضه "سفوت" يشيد بدور وزارة الإعلام في تطوير الصناعة المصرية بملحمة الاسكوتر!

نافوووخي ي ي ي ي ي  ي ي ي ي !  :)  :D  :baaa:

خلص الكلام

[هشام عبد الوهاب]

أيه حكاية جمال الاقتصاد هذا .. هو حتى الاقتصاد سميتموه ... جمـــال ...

وايه يعنى ،، اشمعنى فيه جمال المراه وجمال الطبيعه وجمال عبد الحميد وجمال ........ ممممممم

،، جمال يا رااااجل ،،                        اللى دماغه شبه الاتوو ،،    

                                                                               ممم اللى كل مااا

يعطش يشرب ،، ممممممم

[إبن مصر]

حل الفزوره دى بتاعه الاتو .... البطيخه صح .. مش انت الى .. ولا هو مين الى قال .. قول بس انا عارف .. دا انت بتقول حاجات .. يا جدع .. اما موافق ... صح ..   ولا ايه ..  :withstupid:  :notify:  :withstupid:

[Mohd Hafez]

[b:post_uid0]يا جماعة أنا لسه عامل صيانة للفهامة وهي اليوم على الزيروا .. مش فاهم حاجة خالص من تلك المفردات .. أيه حكاية الأتو .. والبطيخة .. سمحوني أنا على الزيرو اليوم [/b:post_uid0]

[Byte]

يا جماعة أنا لسه عامل صيانة للفهامة وهي اليوم على الزيروا

ضحكتني علي نفسي يا ايجيبت5 ;)

انا اعاني من نفس المشكلة مع الكنديين ، فمش كفاية اني اكون باتكلم انجليزي كويس ، لكن لازم اكون عشت الهوية الكندية التي تستخدم مصطلحات من افلام وحلقات تليفزيون وملاحمهم والعابهم الرياضية .. الخ

يعني لو واحد مثلا علق علي موقف بترديد عبارة مشهورة في فيلم StarWar ، بيبقي فاكرني هاضحك ، ولما بياخد باله اني مبلم بيضحك اكتر!

والجملة اللي انت مش فاهمها لا يمكن تفهمها حتي لو حد شرحهالك ، لازم تتفرج علي مسرحية عش المجانين علشان تفهمها! انت مش كنت عايش في مصر :D  :alien:

[Spider]

أنتصرنــــــــــــــــــــــــــــــــــــــــــــــــــــــــــــــــــا :baaa:  :baaa:  :baaa:

[عادل أبوزيد]

[b:post_uid0]أعزائى  مر تقريبا ئلاث اسابيع على هذا الموضوع  و لا تخلو جريدة او مجلة من التعليق عليه  و بسخرية مرة.

الموضوع فعلا هو سقطة رئيس التحرير الذى أبرز الخبر و افرد له ربع صفحة  فى الجريدة القومية الأولى فى مصر  أو نقول فى الوطن العربى.  فكأنه قال  -بهذا الإبراز - كل ما يستحق السخرية   ... أن هذه الأستيكة نموذج لإنجازاتنا    .. و ان هذه الأستيكة و أمثالها من إنجازات هو جل طموحاتنا  !

و لا أعتقد أن كل تعليقاتنا هنا خرجت عن السخرية  أو الألم  لما قاله رئيس التحرير بطريقة غير مباشرة   ... فوضع الخبر فى غير مكانه أو فى غير سياقه  يقلب الحقائق بالكامل[/b:post_uid0]

[Cleo]

و كم بمصر من مضحكات **** و لكنه ضحك كالبكا

الله يابو الطيب يا متنبى... هى الأستيكة دى كانت على ايامك؟؟ :colgate:

[Faro]

أخيرا.. أصبح عندي أستيكة

 

ماذا تحقق من الأهداف الستة للثورة؟! قضوا علي الاحتلال.. علي الاقطاع.. حققوا الديمقراطية؟!!.. إلي آخره ولكن أهم تلك الانجازات يا إخواني، تحقق الآن.. الآن فقط.. بلغت مصر مبلغا عظيما في التصنيع.. وحققنا أقصي آمالنا.. ستقولون لي: هل سنصنع صاروخًا؟ سأقول لا.. ستقولون: سنصنع سفينة فضاء؟ سأقول لا.. ستقولون: ماذا إذن.. سأقول بكل فخر: أستيكة!!!

استمعت مؤخرا لحديث للدكتور هاني الناظر.. يشيد فيه بأول عقد مع شركة خاصة لانتاج أول أستيكة مصرية.. تصوروا.. طوال هذه السنين كلها لم تكن مصر تنتج الأستيكة.. وكان كل طلاب مصر طوال هذا القرن وما قبله يمسحون كتاباتهم بأستيكة ألمانية الصنع وأحيانا صينية.. شيء غريب جدا.. ولسان حالي يقول: هما كانوا لسه ما صنعوهاش؟!!

الدول النامية الصغري في كل مكان علي الخريطة الإنسانية تخطو هذه المرحلة الأولية في تصنيع الأشياء البسيطة، وهذا أساسي لتكون ثوراتهم الصناعية خطوة.. خطوة وبالتدريج، لكي يكون منطقيا أن تدخل إلي المرحلة التالية الأضخم وحتي لا تضطر لاستيراد التوافه من الأشياء، وحتي لا تضحك من جهلها وتواكلها الأمم.. أما نحن.. نستورد من الأستيكة إلي الطائرة.

شكرا لثورة يوليو.. شكرا لتحديث المنتج المصري.. ونعم لتشجيع الصناعة المصرية.. حتي ولو جاءت بعد خمسين سنة

منال اللقاني

[مصرى]

الأستيكة .. شعار المرحلة

نحن الآن فى عصر الأستيكة ..  :dozingoff:

[Arabisc]

الموضوع فعلا هو سقطة رئيس التحرير الذى أبرز الخبر و افرد له ربع صفحة  فى الجريدة القومية الأولى فى مصر  أو نقول فى الوطن العربى.

عزيزي استاذ عادل

وهل سكرتير تحرير جريدة بحجم و مركز الأهرام يمكن أن يكون متخلفا عقليا لينشر مثل هذا الخبر عفويا ? أقل ما فيها سيرفع اسمه من الصفحة نهائيا و ليس بمستبعد أن يستقيلوه

فهل الخبر  فعلا عفوي ? هل هو ' مغرز' لشخص ما ? هل هو اشارة مخابرات " زي الطريق إلى إيلات و أغنية بين شطين و مية  ;) " ? هل يهدف إلى شغل الناس بالحديث ?

الموضوع ليس إيمانا بنظرية المؤامرة و لا حاجة ..... بس حد يقوللي تفسير يدخل  العقل !

[الأفوكاتو]

عزيزى أرابيسك,

آخر جملة لك تضمنت كلمتى:  تفسير....... و عقل.

و كلاهما لا يوجد فى قاموس  الحكومات السنية:

1-الحكومة ليست ملتزمة بتفسير أى شيئ.

2- و إذا  ضُبط شخص بحوزته عقل فى جمجمته, فوقعته سوده.

[Arabisc]

عزيزى أرابيسك,

آخر جملة لك تضمنت كلمتى:  تفسير....... و عقل.

و كلاهما لا يوجد فى قاموس  الحكومات السنية:

1-الحكومة ليست ملتزمة بتفسير أى شيئ.

2- و إذا  ضُبط شخص بحوزته عقل فى جمجمته, فوقعته سوده.

اخلع" رأسك يا أخي فقد مضى عهد الفهم" :D

[عادل أبوزيد]

مرت أربع سنوات على هذا الموضوع و عن نفسى و أسرتى الصغيرة لم ألاحظ أى تغيير فى نوع الأستيكة التى تستعملها البيوت المصرية ربما ما زاد أن هناك أنواع صينية ذات ألوان و روائح جذابة و لكنى لا أذكر أنى رأيت "أستيكة" مصرية من النوع الذى مولت إختراعه الأكاديمية فى مصر.

هل رأى أحد منكم "الأستيكة" المصرية ؟ و ما هو ثمنها - للمقارنة مع أسعار المنتجات البديلة ؟

مجرد تساؤلات ...... قد يكون لها قيمة !!

[Sherief AbdelWahab]

يجب أن نعترف بأننا حكومة وشعباً قد فوتنا فرصة تاريخية طوال أربع سنوات ..فرصة للمرح والإحساس بالفخار والعزة والكرامة .. أضعناها آل إيه علشان كانت نفسنا مصدودة :rolleyes:

دة بدل ما نحط الأستيكة دي في أغنية مفيدة :

حبك في قلبي مزيكا ..

مسح اللي قبله بأستيكة ..

صوتك كمنجة يا حبيبي ..

وضحكتك دي مقام سيكا!

ولا إعلانات الأستاذ الدكتور الجهبذ سامي عبد العزيز بتاع تشجيع الصناعة المصرية ، لما يعمل إعلان أستيكاوي مفتكس معتبر :

اشتري أستيكة بلدك .. وابني مستقبل ولدك!

أنا شخصياً كنت فاكر إن الجرايد والتليفزيون حيهتموا بالموضوع ، حيعملوا في نشرة "الواحدة ونص" فقرة مخصصة يومياً عن الأساتيك في جميع أنحاء العالم (زي ما بنسمع موجز يومي لأخبار القطارات والعبارات والطائرات علشان نحمد ربنا ونعرف إن مش بلدنا وبس اللي بيحصل فيها الكلام دة لا سمح الله) .. ولا تلاقي مجدي بيه صابر في المسلسل الجديد حيتكلم عن الأساتيك..

أنا مستغرب .. لؤي اللي غنى للحزب الوطني وإنجازاته مغناش للأستيكة .. لييييييييييييييييييييييييه؟ :blush:

أتمنى لو أن صحفياً واحداً سأل نفسه وسألنا وسأل الحكومات المتعاقبة في السنوات الأربع الماضية سؤالاً..

مصر التي نطنطن بها وبإمكانياتها وكوادرها التي "على أعلى مستوى" ومليارديراتها الذين يعج بهم الحزب الوطني البيروقراطي.. هل "آخرها" أن تصنع أستيكة؟

هو احنا آخرنا تجميع من أيام شركة النصر للسيارات وجولد ستار بتاع الكابتن أحمد بهجت؟

مش التجميع برضه مرحلة زي باقي خلق الله ، ولا هو غاية المراد من رب العباد؟

إيه آخر أخبار الكابتن "برنامج تحديث الصناعة"؟ مش دة برضه اسمه الثلاثي؟

بعد كل السنوات دي .. احنا بلد زراعي ولا صناعي ولا إيه بالضبط؟

بجد ..

أنا فعلاً مش لاقي كلام أقوله .. وحتى اللازمة حأحطها بالعافية :

خلص الكلام