مش عاوز أبقي ذكري

[مصري جدا]

مش عاوز أبقي ذكري

ولا عاوزك يوم تقولي كان فيه واحد زمان …ب أشيله بين جفوني

كان حبي نبض قلبه …وحياته هي عيوني

وفي يوم من الآيام …..مشي الطريق بدوني

مش عاوز أبقي ذكري

ولا حتي ذكري حلوة..

تعيشي تحكي بيها…في كل مناسبة كلمه

ولو في يوم نستيها.....تفتكري ويا غنوة

مش عاوز أبقي ذكري

ولا حاضر بتعيشيه

كوهم سراب في صحرا ….ممكن تنشدي ليه

حتلاقي الحب فيه …..ولا مش حتلاقيه!!؟

مش عاوز أبقي ذكري

مش قادر اكون بقربك

مش عاوز أي فرصة يكبر جوايا حبك

مش عاوز أبقي ذكري

واليوم لازم أسيبك

من غير أي عذر…مقدرش أكون حبيبك

مش عاوز أي حلم …أي وهم… في لحظة يضيع

ماهو مستحيل خريفي يقابلك….. وأنت الربيع

أحمد جلبي

[badroora]

العزيز مصري جدا ........رائع كعادتك ........

مش عاوز أبقي ذكري

واليوم لازم أسيبك

من غير أي عذر…مقدرش أكون حبيبك

مش عاوز أي حلم …أي وهم… في لحظة يضيع

ماهو مستحيل خريفي يقابلك….. وأنت الربيع

[مصري جدا]

الأخت العزيزه بدريه :happy:

شكرا لمرورك وكلماتك الجميله ...واخجلتم تواضعنا

[أشرف حسين]

الله عليك يا بوحميد...

كـ العاده سهل ممتنع .. وبدون أى تعقيدات و لله

بس واضح ان الحاله الشعريه عاليه المره دى

حقيقي استمتعت بقصيدتك النهاردة

تسلم ايدك....

[nash]

أحيانا تكون الذكري هي وقود اليوم والغد....

حتي ولو كانت ذكري بائسه شقيه ...بشقاء الوجود نفسه...

فكرة جميله ..وتعبير أروع....وكلمات سلسه تدخل القلب سريعا....

يعطيك ربي العافيه

[امانى]

اخى الفاضل مصرى

كعهدى باشعارك السلسة ذات الاحساس المرهف والمشاعر الفياضة

تسجيل متابعة واعجاب واسمحلى ازود كلمتين اشعارك دايما بتوحى ليا بكلماتى البسيطة

مش عايز اكون زكرى لحنين لالم لأهات

ولا عايز اكون زكرى لحب كان عايش ومات

خليكى انت فى ربيعك ولخريفى الزكريات

[shahd]

هااااايلة بجد .. صح لسانك اخي الفاضل

[النيل حبيبي]

تسلم عزيزي/مصري جداً

بس كده بتحرمنا من لحظه الأمل

نسيب الأمل للشباب والرياضه

[مصري جدا]

الله عليك يا بوحميد...

كـ العاده سهل ممتنع .. وبدون أى تعقيدات و لله

بس واضح ان الحاله الشعريه عاليه المره دى

حقيقي استمتعت بقصيدتك النهاردة

تسلم ايدك....

الأخ الحبيب أشرف حسين

أسعدني مرورك وشرفت بتعليقك وسعدت به جدا.. md2: .....أتمني وجودك دائما

طبعا أسف لتأخري بالرد بسبب عطل النت والموقع الأيام الماضيه

[مصري جدا]

أحيانا تكون الذكري هي وقود اليوم والغد....

حتي ولو كانت ذكري بائسه شقيه ...بشقاء الوجود نفسه...

فكرة جميله ..وتعبير أروع....وكلمات سلسه تدخل القلب سريعا....

يعطيك ربي العافيه

الأخت الفاضلة ناش

أهلا بك و شكرا لمداخلتك ..وانا معاك أن الذكريات هي المخزون الأساسي للقلب والعقل فبدون الذكريات فلن نشعر بالحاضر ولن نامل بالمستقبل .......

لكن كانت فكره جديده حسيت أني عاوز أعبر عنها وكتبت .... الربيع التانيوهذه الأبيات للتعبير عن المشاعر في مرحله عمريه من خلال تصوري لها

مره أخري شكرا لمرورك واتمني أن أري ردودك في مواضيعي القادمه

[مصري جدا]

اخى الفاضل مصرى

كعهدى باشعارك السلسة ذات الاحساس المرهف والمشاعر الفياضة

تسجيل متابعة واعجاب واسمحلى ازود كلمتين اشعارك دايما بتوحى ليا بكلماتى البسيطة

مش عايز اكون زكرى لحنين لالم لأهات

ولا عايز اكون زكرى لحب كان عايش ومات

خليكى انت فى ربيعك ولخريفى الزكريات

الأخت الفاضله بنت بلدي السكندريه أماني

شرفت ونورتي

و زادني شرفا أن ما أكتبه يوقظ فيك موهبه نائمه..... يمكن من تأثير البحر

شكرا علي كلماتك الجميله وفي أنتظار المزيد منك

[مصري جدا]

هااااايلة بجد .. صح لسانك اخي الفاضل

الأخت الفاضلة شهد

مرورك دائما يضيف الحلاوة والشهد لأي موضوع .. md2: ..شكرا لك ولا تحرمينا من حلويات الشهد

[nash]

رائعه بحق وربي ( الربيع التاني) ....

لماذا لا تدمجها مع هذه القصيده الجميله...

حقيقه موهبه رائعه..ربي يحفظك md2:

[مصري جدا]

تسلم عزيزي/مصري جداً

بس كده بتحرمنا من لحظه الأمل

نسيب الأمل للشباب والرياضه

أ

أخي العزيز النيل ...حبيبي

بالعكس ..ده أنا عاوز نحيي الأمل في قلوبنا ..ونعيش الحب بمعناه الشمولي لا الأناني ..نعيش الحب للحب ...والعطاء ...وأحنا برضه شباب علي طول

شكرا لمرورك وتعليقك