المصريون يشربون الكهرباء

[أسد]

وزير الكهرباء : المواطنون يشربون الكهرباء والشركات العالمية تحجم عن الاستثمار في مصر

كتب عادل البهنساوي ٣١/٥/٢٠٠٨حذر الدكتور حسن يونس، وزير الكهرباء، من التزايد في استهلاك الكهرباء، قائلاً: «المواطنون أصبحوا يشربون الكهرباء تماماً مثل الماء، وهذا شيء لا يحتمل».

وقال يونس، في تصريح لـ«المصري اليوم»، إن استمرار هذا التزايد في الاستهلاك دفع الوزارة لتحديث خططها المتعلقة بالتوسع في محطات التوليد بشكل شهري، حتي تلاحق التزايد المطرد في الاستهلاك، والذي بلغ حسب آخر بيان للوزارة ١٠.٥% زيادة عن العام الماضي، وهو من أعلي المعدلات عالمياً، لافتاً إلي عزوف الشركات العالمية عن الدخول في مناقصات الحكومة المصرية وتفضيلها التوجه إلي الهند والصين، وهو ما زاد الأمر تعقيداً حسب قوله.

وأضاف يونس: الخطة العاجلة التي وضعتها الحكومة من ٢٠٠٢ وحتي ٢٠٠٧ التهمها غول الاستهلاك ولم يعد لها أثر. وتوقع الوزير أن تلحق الخطة الحالية وقدرتها ٨ آلاف ميجاوات بسابقتها.

من جانبه، وصف الدكتور محمد عوض، رئيس الشركة القابضة للكهرباء، وضع الاستهلاك في مصر بـ«السيئ جداً»، مشيراً إلي ضرورة وضع خطة شاملة لترشيد استهلاك الكهرباء في مصر، وقال إن جزءًا من المشكلة يرجع إلي تدني أسعار الكهرباء في مصر، مقارنة بدول أخري مجاورة تشبهنا في المستوي الاقتصادي.

وذكر عوض أن الحمل الأقصي خلال أبريل الماضي وصل إلي ١٩.٢ألف ميجاوات، مما ينذر بوصوله إلي أكثر من ٢٠ ألف ميجاوات خلال هذا العام، وصولاً إلي ٥٤ ألف ميجاوات عام ٢٠٢٧. ولفت محمود سلطان، رئيس شركة جنوب القاهرة لتوزيع الكهرباء، إلي ما وصفه بأنه ظاهرة خطيرة، قاصداً قيام سكان الأحياء الراقية في القاهرة بتركيب أجهزة تكييف في المطابخ.

وأشار سلطان إلي قيام الوزارة بوضع خطط لإحلال «اللمبات الموفرة» بديلاً عن اللمبات شديدة الاستهلاك.

هذا الكلام منشور هنا

http://www.almasry-alyoum.com/article2.aspx?ArticleID=107333

ياإما الراجل ده مش فاهم حاجة ..

يا إما إحنا اللي مابنفهمش حاجة ..

ياإما بيستهبل .. وناويين يعملوا حاجة تضايقنا .. (رفع أسعار الكهرباء مثلاً)

الطبيعي أن يزيد إستهلاك الكهرباء في أي مجتمع يحدث فيه نمو ..مش بيقولوا فيه نمو 7% .. يعني مصانع بتشتغل .. وناس بتقبض فلوس .. وعمارات بتتبني .. وطرق بتتفتح وبيحطوا فيها عواميد نور .. وناس بتسكن فيها .. وتكييفات بتتصنع . وبيعلنوا عنها ..

طبيعي ان الناس تستهلك كهرباء كل سنة أزيد من السنة اللي قبلها ..

خصوصاً مع إرتفاع درجة حرارة الأرض زي مابيقال ..

أمال رخاء إيه وبتاع إيه اللي بيقولوا عليه ...

وبعدين مش المفروض ان الكهرباء في مصر هي أحد مفاخرهم التي يتشدقون بها في كل وقت .. وبمناسبة وبدون مناسبة ..

وبنصدر كهرباء لدول مجاورة .. وبنعمل ربط كهربائي مع دول أخرى ..

وبعين لمبات موفرة إيه اللي بيتكلموا عليها ..

أسعارها غالية جداً .. لدرجة إنها بتتباع بالتقسيط ..

ثم إن من قال ان الكهرباء عندنا استهلاكها عالي ..

الطبيعي انك تمشي في مصر تشعر بأن الدنيا ضلمه .. مقارنة بأي بلد تاني .. الأنوار بمبهرة في كل مكان .. في المحلات والشوارع .. والبيوت ...

وحسب موقع CIA Fact Book

تلكالبيانات هي المنشورة

Electricity - production:

102.5 billion kWh (2005)

Electricity - consumption:

84.49 billion kWh (2005)

Electricity - exports:

946 million kWh (2005)

Electricity - imports:

168 million kWh (2005)

يعني فيه فائض ..

وبنصدر ..

يبقى محمد أفندي عوض رئيس شركة الكهرباء .. وحسن بيه يونس وزير الكهرباء ..

بيستهبلوا .. ولا لأ ؟؟؟

وفي تقرير التنمية البشرية .. صفحات 317 - 320 يمكنكم الوصول إلى جدول يوضح ترتيب دول العالم حسب إستهلاك الفرد للكهرباء .. لتقيموا هؤلاء المعنيين بهذا الأمر في مصر . ومدى إستخفافهم بعقولنا ..

فمثلأً .. إستهلاك الفرد للكهرباء مقيم (كيلووات / ساعة) في بعض الدول كالتالي

أمريكا 14240

أسبانيا 6412

اسرائيل 6924

اليونان 5630

الكويت 15423

قطر 19840

الامارات 12000

البحرين 11932

ليبيا 3147

السعودية 6902

لبنان 2691

سوريا 1784

الأردن 1738

جنوب أفريقيا 4818

مصر كام بقى 1465

وعندنا 1.5 مليون مواطن لا تصلهم الكهرباء من الأساس

متوسط التغير السنوي منذ 1990 وحتى 2005 هو 3.5% فقط ..

يعني كل الكلام اللي قاله الوزير ورئيس شركة الكهرباء ..

كذب في كذب .. وتخريف .. واستخفاف بالعقول ..

[حلواني]

تحياتي

طبعا الوزير ورئيس الشركه كدابين وكيد دي مرحلة اعداد لزيادة اسعار الكهرباء علشان الناس الغلابه تموت

تعرف تمن الكيلو وات هنا في الكويت كام 2 فلس يعني بالمصري 4 قروش ودا سعر ثابت من اكتر من 15 سنه وعندهم ازمه في الاستهلاك وبيطلبو الترشيد

سعر الكهرباء في مصر غالي جدا مقسم الي شرائح اقلها 10 قروش لاول 100 كيلو وبتضاعف مع الاستهلاك يعني المفروض نظريا انهم يشجعو علي الاستهلاك خاصة في غير اوقات الذروه

نقول هي مقدمه لارتفاع الاسعار

سلامي للجميع

[Alshiekh]

إذا لم تستح ، فافعل ماشئت

سعادة الوزير وغفير الشركة بتاعته بيتهموا المصريين بالاسراف فى استهلاك الكهرباء ، ولم يشر اى من سعادتهم عن كمية الكهرباء التى يستهلكها كل منهم، وهل لديهم مكيفات فى المكتب والمنزل وفى الحمام ام لا.

مليون ونصف مصرى لم يعرفوا يعنى ايه كهرباء ، يعنى اكثر من سكان غزة ، ولم يحرك ذلك ساكنا عند الوزير وغفيره. متناسيا او متجاهلا انهم يصدرون الكهرباء للدول المجاورة.

سيادة الوزير وغفيره مازالوا يعيشون العهد الاشتراكى ولذلك يظنون ان شعب مصر يجب ان يعيش على مايحددوه هم او بمعنى ادق ان هؤلاء الرعاع شعب مصر عبيد احساناتهم ، ولا يعرف سيادة غفير الشركة ان شركات الكهرباء شأنها شأن أى شركة منتجة ، يجب ان تسعى فى تلبية الطلب المتزايد للجماهير ، ولكن لانهم يعملون بعقلية الموظف الذى لن يحاسبه او يكافئه احد فلا يهم ان يلبى طلبات الجماهير ، بل يكفيه تلبية طلبات رؤسائه.

ماذا نظن من موظف حكومى يدير هيئة تحت اسم شركة سوى ان يلقى باللوم على المقتول لا على اقاتل؟

[أحمـ باشا ـد]

فمثلأً .. إستهلاك الفرد للكهرباء مقيم (كيلووات / ساعة) في بعض الدول كالتالي

أمريكا 14240

أسبانيا 6412

اسرائيل 6924

اليونان 5630

الكويت 15423

قطر 19840

الامارات 12000

البحرين 11932

ليبيا 3147

السعودية 6902

لبنان 2691

سوريا 1784

الأردن 1738

جنوب أفريقيا 4818

مصر كام بقى 1465

وعندنا 1.5 مليون مواطن لا تصلهم الكهرباء من الأساس

متوسط التغير السنوي منذ 1990 وحتى 2005 هو 3.5% فقط ..

يعني كل الكلام اللي قاله الوزير ورئيس شركة الكهرباء ..

كذب في كذب .. وتخريف .. واستخفاف بالعقول ..

بلاش سوء الظن الراجل بيتكلم عن الناس أللي بتشرب الكهرباء الغازية

من بتوع فرقة شيحه للأكروبات .....

هو ميعرفش الأحصائيات أساسا

[أسد]

طبعاً ..

أول الرقص ....

حنجلة ...

واللي بيحصل ده .. ما هو إلا حنجلة ..

ويبدأوا في رفع تعرفة الكهرباء ..

ويقولك .. إحنا بناخد من الغني علشان ندعم الفقير ,,

والكلام الخزعبلي بتاع الحكومة ..

فعلاً حاجة تقرف ..

[ziad]

طبعا عشان الحق يتقال شرايح الأسعار عندنا عادله وأرخص كتير من تمن الأنتاج,الكهرباء فى مصر مصادرهاالموارد الطبيعيه لأن كهرباء السد العالى معظمهابتستخدم فى صناعات نجع حمادى بتاعة السكر,أحنا بنحرق الوقود زى المازوت الغاز الطبيعى وخلافه والموارد ديه غليت عالميا ومهما كان أنتاجنا فأكيد أحنا بنستورد,أظن رفع الأسعار هو جزء من حوار تقليل الاعتماد على الدعم,هحاول أجيب الشرايح هنا أن شاء الله

[ziad]

أكد الدكتور حسن يونس وزير الكهرباء والطاقة أن الوزارة تعمل على دعم محدودى الدخل وتبيع الطاقة للفقير بسعر أقل من التكلفة والغنى بسعر يزيد عن التكلفة وذلك من خلال تطبيق نظام الشرائح .

وأوضح الوزير فى جلسة مجلس الشورى يوم الثلاثاء أن أسعار بيع الطاقة للمواطنين تتدرج كالتالى:

استهلاك حتى 50 كيلو وات /ساعة بسعر خمسة قروش

استهلاك من 51 الى 200 كيلو وات / ساعة 7ر10 قرش

استهلاك من 201 الى 350 كيلو وات / ساعة 9ر14 قرش

استهلاك من 351 حتى 650 كيلو وات / ساعة 6ر21 قرش

وأضف أن سعر تكلفة كيلو وات / ساعة تبلغ 19 قرشا، ويلاحظ فى الشريحة الأخيرة أنها تزيد عن سعر التكلفة وبذلك فان قطاع الكهرباء لايدعم أبدا الغنى وأنما يدعم الفقير ومحدودى الدخل .