لو عايز تسافر السعوديه يامصرى لازم تشوف الملف ده

[هانى زكريا احمد]

والله يأخى ربنا يوفق الجميع

وينور كل مسافر لطريقه الصحيح وينتشلنا من الأوضاع ده على خير

[umomar]

أنا مصريه وعايشه في الأمارات ولا تتخيلو كم المصريين اللي وصلو الأمارات في الآونه الأخيره ولكن للأسف سائقين تاكسي وبوابين و كما قال الأخ صاحب الموضوع وكم قلت في مشاركه سابقة ليه الخليجيين بيستغلوا جهلنا بالأسعار وجزاه الله خير صاحب الموضوع ومش معني ان في شركات كبيره بتقدر ان كل الشركات كده الغالبيه العظمي بيعرضوا الوظايف اللي محدش رضي بيها أصلا

يكفي ان كان في مهندس من فتره جي الأممرات وحاطط موضوع وبيسأل الراتب كافي ولا لأ وبيقول هيشتغل في شركه كبيره

طبعا المهندس هنا وخصوصا لو شركته في دبي المفروض مش اقل من 15000 درهم ولكن للأسف هم بيستغلوا ظروف بلدنا وجهلنا بالمعلومات ( دول بيقولوا انتو مش لا قيين رغيف العيش ) ومشكوره طبعا الفضائيات اللي فا ضحانا في كل مكان

[كمبورا 6]

الزملاء الافاضل .... اسعد الله اوقاتكم جميعا

انا مغترب من 35 سنة يعنى باتكلم من واقع خبرة ومعايشة للمشكلة وبمنتهى الامانة شايف ان السبب فى كل ما ذكره الزملاء

احنا ثم احنا ثم احنا

والمقصود بكلمة احنا المصريين المغتربين وأولهم احنا المشاركين فى الموضوع

وأبسط دليل على كدة ان كل الزملاء قالو بيحصل كذا وبيحصل كذا وبيحصل كذا وده بياخد كده وده كده ومفيش ولا

واحد فينا تفضل بطرح ايه الاسباب اللى وصلتنا للدرجة دى أو ايه تصوراته لحل المشكلة او تصويب الوضع

نعيب زماننا والعيب فينا

مع الاحترام

[هانى زكريا احمد]

واحد فينا تفضل بطرح ايه الاسباب اللى وصلتنا للدرجة دى أو ايه تصوراته لحل المشكلة او تصويب الوضع

نعيب زماننا والعيب فينا

مع الاحترام

طيب هنعمل ايه غير أننا نوصل المعلومه ونوضح الوضع للناس وهما ياخدوا قرار صحيح على ضوء هذه المعلومات

ثانيا أسواء حاجه تضطر الناس للوضع ده هى الوضع الأقتصادى السىء وغلاء الأسعار وضيق ذات اليد والبطاله

ثالثا وهو الأهم أن الحكومه والسفاره لا توفر أى ضمانات على العقود ويتم تخيرك نخصرك كشخص والا نخصر العلاقات مع البلد

على العموم ياريت حد يتقدم بمقترحات غير تقديم المعلومات وكلنا على أتم الأستعداد للتنفيذ

[المهاجر]

السلام عليكم ورحمة الله وبركاته

أنا كنت ببحث بالصدفة عن حاجه علي الجوجل ولقيت الموقع وشدني قوي لما دخلت واتصحفته

واول موضوع لفت نظري الاخ اللي مسافر الامارات ومنه لقيت الرابط بتاع الموضوع لو عاوز تسافر السعودية

علي فكره رد الاخ ان المرتبات في السعوديه خصوصا للمصريين متدنيه للغاية ولا تليق بخبرات وكفاءات ولاد بلدي دي حقيقه وده مش تحيز لولاد بلدي بس احنا عارفين ان المصري متميز لو هو عايز يبقه متميز

وبتفق مع الاخ اللي قال ان احنا للاسف اللي مرخصين نفسنا اولا بينضحك علينا بمعسول الكلام وتعال وربنا يسهل هتزيد بعد فترة الاختبار وتعال وهنعملك كل اللي انت عاوزه وكله كلام فاضي كن واثق ان الراتب اللي هتطلع عليه مش هيزيد قبل سنه يعني لو ناس محترمين وثانيا بنحسبها بالجنيه للاسف وهي دي المصيبه يعني حديث التخرج اللي بيشتغل في مصر ب 200 جنيه لو جاله السعودي وقاله هديك 1200 ريال بيقول دول حوالي 1500 جنيه ياااااااه ويسيل لعابه دون ان يدري انه بينضحك عليه ودون ان يعلم الفرق بين مستوي المعيشه في مصر والبلاد الاخري

بس برضه يا جماعه معلش لازم نكون واقعيين برضه الشباب متحطمين داخل البلد واي حد بيجيله فرصه انه يطلع بره البلد بيجري حتي من باب التجربه

علي فكره انا بقالي 4 سنين بره مصر عايش في السعوديه طبعا هتجنن من الغربه لاني اتغشيت برضه في العقد بتاعي مع وعود بالزياده منه لله بقه المدير المالي للاسف المصري اللي نزل خدنا من مصر

انا حظي احسن من ناس كتير لاني رايح لشركه مساهمه وليس شركة افراد وسكن وبدل اعاشه ومواصلات وتامين شامل وتذكره سنويه طيران وشهر اجازه في السنه وممكن لو عايز اخد 3 شهور باخد بس شهر بس مدفوع الاجر البيه بقه المدير المالي اللي قلتلكم عليه كان بيوفر وعرفنا لما جينا بعد كده انهم كانوا عاملين حسابهم علي 3000 ريال وهم مصدقوش لما جاب شباب زي الفل مجتهدين بالمبلغ ده خصوصا انا الشركه دي في منطقه نائية وبعيده عن العمران بحوالي 250 كم يعني زي الكامب وطبعا حطوا الرقم ده اساس وللاسف احنا قدومنا كان نكبه علي زمايلنا اللي اقدم مننا لانهم كانوا طالبين تعديل رواتبهم وتعديل اوضاعهم كانوا بياخدوا 3000 ريال وبعدها طبعا محدش قدر يفتح بقه قالهم اللي مش عجبه الباب يفوت جمل وهنزل مصر اجيب زيهم بدالكم

علي فكره برضه الراجل ده اتفصل من الشركه بعد سنه من بداية عقدنا يعني ربنا جعله سبب لمجينا ومش هوه والحمد لله مرتباتنا زادت مرتين ووصلنا لمرتب معقول الي حد ما

علي العموم الكلام مش هيخلص بس الحمد لله الذي لا يحمد علي مكروه سواه احنا احسن من غيرنا بكتييييييييييير

تم تعديل 22 يوليو 2008 بواسطة المهاجر

[marconi]

1- المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا

كلام صحيح تماما , و انا اعرف هندى خريج جديد مهندس ميكانيكا و بياخد 7 الاف بدون خبره و لا شىء

وانا مهندس اتصالات و انضحك عليا ب 4 و نص

يا لهوىىىىىىىىىىىىىىى

[دكتور مصري]

يجب على الاخ سي السيد ان يكون اكثر هدوءا في الرد على الزملاء

لقد استنكرت تماما الطريقة التى رد بها على الزميل صاحب الموضوع

لا سيما و ان كلامه سليم تماما و انا اؤيده و اعرف الكثيرين من اصحاب الرواتب الضعيفة من الاطباء و المدرسين

يجب ان يكون المشرف على الموقع على قدر المسئولية في ردوده او ليسكت تماما و يكتفي بالاعمال الفنية في المنتدي

لاننا جميعا كقراء لا نرحب بطريقته في الرد على صاحب الموضوع الزميل الفاضل

[se_ Elsyed]

يجب على الاخ سي السيد ان يكون اكثر هدوءا في الرد على الزملاء

لقد استنكرت تماما الطريقة التى رد بها على الزميل صاحب الموضوع

لا سيما و ان كلامه سليم تماما و انا اؤيده و اعرف الكثيرين من اصحاب الرواتب الضعيفة من الاطباء و المدرسين

يجب ان يكون المشرف على الموقع على قدر المسئولية في ردوده او ليسكت تماما و يكتفي بالاعمال الفنية في المنتدي

لاننا جميعا كقراء لا نرحب بطريقته في الرد على صاحب الموضوع الزميل الفاضل

سيدي الفاضل انا لما بأكتب في اي موضوع فبيبقي زيي زي اي عضو عادي من حقه يختلف مع اراء غيره .. ومن حق غيره ان يختلف مع رأيه

وشكراً على نصيحتك لي بالسكوت والتفرغ للأعمال الفنية

[دكتور مصري]

يجب على الاخ سي السيد ان يكون اكثر هدوءا في الرد على الزملاء

لقد استنكرت تماما الطريقة التى رد بها على الزميل صاحب الموضوع

لا سيما و ان كلامه سليم تماما و انا اؤيده و اعرف الكثيرين من اصحاب الرواتب الضعيفة من الاطباء و المدرسين

يجب ان يكون المشرف على الموقع على قدر المسئولية في ردوده او ليسكت تماما و يكتفي بالاعمال الفنية في المنتدي

لاننا جميعا كقراء لا نرحب بطريقته في الرد على صاحب الموضوع الزميل الفاضل

سيدي الفاضل انا لما بأكتب في اي موضوع فبيبقي زيي زي اي عضو عادي من حقه يختلف مع اراء غيره .. ومن حق غيره ان يختلف مع رأيه

وشكراً على نصيحتك لي بالسكوت والتفرغ للأعمال الفنية

من حقك تختلف لكن مش من حقك تسخر من الاخرين و تقول ان كلامهم كلام قهاوي -يجب ان تكون عبرة ونموذج للاخرين

[هانى زكريا احمد]

والله ياجماعه انا متشكر جدا على كم الردود ومتشكر لزميلى الدكتور المصرى ومتشكر لسى السيد

انا بالفعل أتصدمت فى الأول من رد سى السيد وكونت فكره غلط عنه لكن لما رجعت لردوده وتبحرت فى المنتدى أكتشفت أن ردوده جميعا فيها نوع خاص من الفكاهة والمرح ويمكن اللى سخن الموضوع شويه أنى لم أدرك هذه الحقيقه مبكرا ورديت على سى السيد بشكل عقلانى مره أخرى وثالثه ولكنى مثل ما قلت أكتشفت الحس الفكاهى عنده ومدى حب الأعضاء له فى المنتدى وعلى العموم ما محبه الا بعد اختلاف مش عداوه زى زمان وعلى فكره انا عاوز أعرف باقى مغامرات سى السيد فى الشقق

انا بصراحه غير دائم المشاركات فى المنتدى غير انه موضوع أستفذنى وعملت عليه بحث كامل مع مجموعه من الأصدقاء وقمت بنشر نتائج بحثى فى المنتدى واللى بتمناه هو نشر هذا الموضع فى كل مكان وهذه وظيفة من يقرأ الموضوع فلو كل واحد بعته لصدقائه هيتم نشره فى خلال مده وجيزه وهنكسب ثواب فى ناس كتيييير جدا عاوزه تسافر

وفى النهايه بشكر تانى مره الدكتور المصرى وسى السيد على المتابعه وفى النهايه بحب أوضح أن الهدف الأساسى هو نشر معلومه صحيحه

شكرا للجميع

[tarek nokia]

السلام عليكم

بالنسبة لكلام الأخ سي السيد انا بعملي شايف كلامه صح وكمان اكثر من كدا في ناس عندي هنا بتاخد 17000 و12000 طبعا مصريين وفي هنود بياخدو 15000 وفي سوريين بياخدو 15000 و6000 الموضوع السوق عايز ايه مش مصري ولا اردني ولا سوري ولا حتا امريكي هيا المشكلة حسب ما انت تيجي من مصر وانا شايف هيا نصيب وتوفيق من الله واجتهاد من الشخص نفسه لأن مهندس من غير خبرة او شهادات معتمدة من اوركل او مايكروسوفت اوسيسكو بتقلل الراتب كتير او يمكن مايقبلوش بيه هيا دي المشكلة ممكن تكون عندك ثانوي وعندك شهادة من مايكرو سوفت كا ال mcse او شهادة من سيسكو كا ccnp ممكن تأخذراتب ضعف المهندس يعني السوق عرض وطلب فالنصيحة لكل من يرغب في النجاح في اي عمل ان يدرس السوق وما يحتاج هذا السوق وشكرا

[drmado]

********************

تم حذف المداخلة بسبب تكرر نفس المداخلة في مواضيع كثيرة

أسد

فريق الإشراف

تم تعديل 9 نوفمبر 2008 بواسطة أسد

[melhamy]

السلام عليكم ورحمه الله وبركاتة

الأخ/ هانى ..

أخترت موضوع حساس و لكنك للإسف عرضت الداء و لم تذكر شيئ عن الدواء wst::

أنا من واقع خبرتى أشتغلت فى أكبر شركات المنطقة الشرقية على مدى 8 سنوات إن لم يكن لى أصدقاء فى بعضهم و تبادلنا الخبرة على كل المجالات و الشركات منها قابضة ...بترول ... مقاولات .. دواء .... تجارة وأجهزة إلكترونية ... توظيف .... إلخ

ولى معاك وقفة و عتاب لإنك للإسف حطيت أبو ريال مع أبو ريالين بمعنى :

1-- أنا لما أكون راكب الطيارة و طالع على مهنة (محلل مالى) ومعايا CMA - CFA - CPA غير شهادة البكالوريوس اللى حاصلت عليها مع اللى أخدها و راح يشتغل سائق تاكسى wst:: وجانبى محاسب دفعة 2009 هو فعلاً أحنا الأتنين مسافرين السعودية لكن أحنا الأتنين مش زى بعض صح ؟!!!

2- لما أنا أكون طالع على شركة قابضة فيها 52 شركة فرعية بتحتوى على 6000 موظف من كل دول العالم و جانبى واحد طالع على فيزا حرة ولا على مؤسسة مشبب للتجارة وفيها 1 هندى و 2 بنغالية والباشا جاى يشتغل محاسب و إدارى و سكرتير و يعمل الشاى و القهوة علشان يلم فلوس الشبكة -مع إن ده مش عيب- يبقى أحنا الأتنين مش زى بعض صح ؟؟!!!

بابا حسنى مبارك فى إجتماع شباب الجامعات عام 1999م قال ( نحن نقوم بتصدير العقول الشابة للخارج ) !!!!

ياريت تكون فاهمت كلامى ( إحنا مشكلتنا إننا لسه عايشين عصر القطاع الحكومى ) قائمة الأسعار !!! قصدى سلم الرواتب

المحاسب 3000 ريال و أخر السنة كرتونة بيبسى هدية

الدكتور 5000 ريال و أخر السنة علبة كريم شعر

يا شباب مش كل محاسب علشان أتخرج من كلية تجارة يبقى محاسب هما مش طلبة الكلية الحربية تانى يوم بيتخرجوا ينزلوا على سلم الرواتب و خلاصة القول قبل ما نقول يا عالم ياهووووو تعالوا شوفوا المسخرة دكتور بيشتغل على 2700 ريال لازم نتكلم صح و نقول يا ناس ياهوووو تعالوا شوفوا دكتور صيدلى خريج 2009 م ماعندهوش خبرة نهائياً و فضل يشتغل ب 2700 ريال علشان يلم نفسة و يتجوز و ياخد خبرة و يبقى يظبط نفسة بعدها .... بدل ما كان يشتغل فى مصر ب 800 جنية و يفضل زى ما هوا لمدة 4-5 سنوات .....

والسلام ختام

[se_ Elsyed]

ياريت تكون فاهمت كلامى ( إحنا مشكلتنا إننا لسه عايشين عصر القطاع الحكومى ) قائمة الأسعار !!! قصدى سلم الرواتب

المحاسب 3000 ريال و أخر السنة كرتونة بيبسى هدية

الدكتور 5000 ريال و أخر السنة علبة كريم شعر

يا شباب مش كل محاسب علشان أتخرج من كلية تجارة يبقى محاسب هما مش طلبة الكلية الحربية تانى يوم بيتخرجوا ينزلوا على سلم الرواتب و خلاصة القول قبل ما نقول يا عالم ياهووووو تعالوا شوفوا المسخرة دكتور بيشتغل على 2700 ريال لازم نتكلم صح و نقول يا ناس ياهوووو تعالوا شوفوا دكتور صيدلى خريج 2009 م ماعندهوش خبرة نهائياً و فضل يشتغل ب 2700 ريال علشان يلم نفسة و يتجوز و ياخد خبرة و يبقى يظبط نفسة بعدها .... بدل ما كان يشتغل فى مصر ب 800 جنية و يفضل زى ما هوا لمدة 4-5 سنوات .....

والسلام ختام

هو ده كان قصدي من تعليقي على الموضوع ..

وهو إن إحنا تعودنا على البكاء ..

وتعودنا على بروزة الشهادة الجامعية وتعليقها في أوضة المسافرين ..

وتعودنا على تخريج الكليات لحملة مؤهلات عُليا بالكيلو ..

لكن العدد في الليمون ..

والله أتذكر في أول سنة جامعية كان في دكتور بيدرس لنا مباديء محاسبة إسمه " عباس حجازي " راجل من أكبر المحاسبين في مصر ومكاتب وشركات ومهرجان ويدخل المحاضرة بالسيجار الكوبي وحاجه أخر فخفخه .. وإحنا لسه عيال عودها أخضر وفاكرين إن الدنيا بمبي .. وأول سؤال سأله لنا هو : تفتكر لما إنت وهو تتخرج وتيجي عايز تشتغل عندي في المكتب .. إيه اللي يخليني اختارك وأفضلك عن باقي زملاءك ؟ مع العلم إن كلية تجارة عين شمس لوحدها - ده أيامي في 93 - بتخرج سنوياً 5000 بني ادم ما بين إنتظام وإنتساب وحركات ...

فهل كل خريج بيقف مع نفسه ويسألها : إيه اللي هايميزني عن غيري في سوق العمل ؟

ونرجع نقول ما فيش شغل ..

أنا عن نفسي قعدت سنة ونصف أعمل في مجال التدريس للمرحلة الإبتدائية بعد ما خلصت جامعة عشان أصرف على نفسي واخد دورات في الإنجليزي بالجامعة الامريكية اللي كنت قوي فيه أساساً لكن قلت اهو زيادة الخير خيرين .. وفي نفس التوقيت دورات حاسب آلي اللي كان أمله ساعتها واللي عنده جهاز بنتيوم 286 ما كانش حد بيعرف يكلمه ... وكنت بأروح عند واحد صاحبي عنده مركز كمبيوتر أقعد أخبط على الاجهزة الحجرية اللي من النوع ده بمقياس الوقت بتاعنا الحالي ...

فلازم من كل خريج إنه يكون واثق إن ربنا مستحيل يضيع تعب حد بس إنت إتعب وأجتهد وضع في إعتبارك إن الحصول على المؤهل ما هو إلا بداية لثقل الخبرات والمواهب وليس هو نهاية الطريق...

فمش عيب أول ما أتخرج وأخد الشهادة الكبيرة مهما كانت .. مش عيب أشتغل حتى في الفاعل عشان اجيب فلوس وأستثمر في ثقل المؤهل العلمي بخبرات اكاديمية يحتاجها سوق العمل عشان ما أرجعش أقول محاسب بألف وميتين ودكتور بألف وخمسمية والتصنيف الغريب ده .. ولا اتصور أبداً إنسان بذل مجهود وبذل مال في مثل تلك الشهادات المحترمة وبعدين يرجع يقول مافيش شغل ومافيش مرتبات .. والحمد لله كل تلك الشهادات والمؤهلات لا محتاجه مكتب تنسيق ولا مجموع ولا دياوله وكلها متوفرة ومنها حاجات ما بتكلفش إلا القليل ..

وأتحدى المحاسب أبو 1200 يكون بيعرف لغة أنجليزية أو أشتغل على برنامج محاسبي محترم أو قرأ كتاب بأي لغة عن المحاسبة بعد ما أتخرج طبعاً !!!

لكن لا ننكر إن الحاجات الفطيس دي موجودة .. ولكنهم هم من جنوا على أنفسهم ... وعشان ما تستغربوش والناس تفتكر إن إحنا بنتكلم من برج عاجي .. سبق إني قلت إني كنت قاعد مع مدير حسابات شركة كبرى لتأجير السيارات بالسعودية وقالي إن صاحب الشركة نزل مصر وجاب مجموعة محاسبين بكالوريسات تجارة بـــ

600 ريال شهرياً ( total package )

والله العظيم هذا حصل ... ولا تعليق ؟

أحيي الزميل محمد إلهامي على مداخلته الأخيرة وأرجو إن الفكرة تكون وصلت للاخرين ..

[salhaldin]

أأشكر الأخ هانى على موضوعه ومحاولته لتوضيح بعض النقاط الهامه التى نقع فيها عند السفر للسعوديه والتى عانيت منها حيث إننى ذهبت للعمل كمندوب على 1700 ريال وذهب زميل لى للعمل فى مدرسه خاصه على 1500 ريال وبالطبع كنا لا نعلم الوضع والأسعار ومستوى المعيشه إلى جانب الكثير من الخداع الذى تعرضنا له من حيث البنود غير المحدده بالعقد كالبدلات والعمولات وخلافه وبدل السكن والسكن نفسه وحسبنا الله ونعم الوكيل

[elshafey]

ياريت تكون فاهمت كلامى ( إحنا مشكلتنا إننا لسه عايشين عصر القطاع الحكومى ) قائمة الأسعار !!! قصدى سلم الرواتب

المحاسب 3000 ريال و أخر السنة كرتونة بيبسى هدية

الدكتور 5000 ريال و أخر السنة علبة كريم شعر

يا شباب مش كل محاسب علشان أتخرج من كلية تجارة يبقى محاسب هما مش طلبة الكلية الحربية تانى يوم بيتخرجوا ينزلوا على سلم الرواتب و خلاصة القول قبل ما نقول يا عالم ياهووووو تعالوا شوفوا المسخرة دكتور بيشتغل على 2700 ريال لازم نتكلم صح و نقول يا ناس ياهوووو تعالوا شوفوا دكتور صيدلى خريج 2009 م ماعندهوش خبرة نهائياً و فضل يشتغل ب 2700 ريال علشان يلم نفسة و يتجوز و ياخد خبرة و يبقى يظبط نفسة بعدها .... بدل ما كان يشتغل فى مصر ب 800 جنية و يفضل زى ما هوا لمدة 4-5 سنوات .....

والسلام ختام

هو ده كان قصدي من تعليقي على الموضوع ..

وهو إن إحنا تعودنا على البكاء ..

وتعودنا على بروزة الشهادة الجامعية وتعليقها في أوضة المسافرين ..

وتعودنا على تخريج الكليات لحملة مؤهلات عُليا بالكيلو ..

لكن العدد في الليمون ..

والله أتذكر في أول سنة جامعية كان في دكتور بيدرس لنا مباديء محاسبة إسمه " عباس حجازي " راجل من أكبر المحاسبين في مصر ومكاتب وشركات ومهرجان ويدخل المحاضرة بالسيجار الكوبي وحاجه أخر فخفخه .. وإحنا لسه عيال عودها أخضر وفاكرين إن الدنيا بمبي .. وأول سؤال سأله لنا هو : تفتكر لما إنت وهو تتخرج وتيجي عايز تشتغل عندي في المكتب .. إيه اللي يخليني اختارك وأفضلك عن باقي زملاءك ؟ مع العلم إن كلية تجارة عين شمس لوحدها - ده أيامي في 93 - بتخرج سنوياً 5000 بني ادم ما بين إنتظام وإنتساب وحركات ...

فهل كل خريج بيقف مع نفسه ويسألها : إيه اللي هايميزني عن غيري في سوق العمل ؟

ونرجع نقول ما فيش شغل ..

أنا عن نفسي قعدت سنة ونصف أعمل في مجال التدريس للمرحلة الإبتدائية بعد ما خلصت جامعة عشان أصرف على نفسي واخد دورات في الإنجليزي بالجامعة الامريكية اللي كنت قوي فيه أساساً لكن قلت اهو زيادة الخير خيرين .. وفي نفس التوقيت دورات حاسب آلي اللي كان أمله ساعتها واللي عنده جهاز بنتيوم 286 ما كانش حد بيعرف يكلمه ... وكنت بأروح عند واحد صاحبي عنده مركز كمبيوتر أقعد أخبط على الاجهزة الحجرية اللي من النوع ده بمقياس الوقت بتاعنا الحالي ...

فلازم من كل خريج إنه يكون واثق إن ربنا مستحيل يضيع تعب حد بس إنت إتعب وأجتهد وضع في إعتبارك إن الحصول على المؤهل ما هو إلا بداية لثقل الخبرات والمواهب وليس هو نهاية الطريق...

فمش عيب أول ما أتخرج وأخد الشهادة الكبيرة مهما كانت .. مش عيب أشتغل حتى في الفاعل عشان اجيب فلوس وأستثمر في ثقل المؤهل العلمي بخبرات اكاديمية يحتاجها سوق العمل عشان ما أرجعش أقول محاسب بألف وميتين ودكتور بألف وخمسمية والتصنيف الغريب ده .. ولا اتصور أبداً إنسان بذل مجهود وبذل مال في مثل تلك الشهادات المحترمة وبعدين يرجع يقول مافيش شغل ومافيش مرتبات .. والحمد لله كل تلك الشهادات والمؤهلات لا محتاجه مكتب تنسيق ولا مجموع ولا دياوله وكلها متوفرة ومنها حاجات ما بتكلفش إلا القليل ..

وأتحدى المحاسب أبو 1200 يكون بيعرف لغة أنجليزية أو أشتغل على برنامج محاسبي محترم أو قرأ كتاب بأي لغة عن المحاسبة بعد ما أتخرج طبعاً !!!

لكن لا ننكر إن الحاجات الفطيس دي موجودة .. ولكنهم هم من جنوا على أنفسهم ... وعشان ما تستغربوش والناس تفتكر إن إحنا بنتكلم من برج عاجي .. سبق إني قلت إني كنت قاعد مع مدير حسابات شركة كبرى لتأجير السيارات بالسعودية وقالي إن صاحب الشركة نزل مصر وجاب مجموعة محاسبين بكالوريسات تجارة بـــ

600 ريال شهرياً ( total package )

والله العظيم هذا حصل ... ولا تعليق ؟

أحيي الزميل محمد إلهامي على مداخلته الأخيرة وأرجو إن الفكرة تكون وصلت للاخرين ..

انا عملت كم مقابلات مع شركات سعودية واماراتية لن تتخيله وما سمعتش رقم أكتر من مرتب اساسي 4500 ريال

والحمد لله انا عندي انجليزي قوي وكورسات كومبيوتر ماتعدش وغير الكورسات انا بستخدم الكومبيوتر من أيام ماكان شغال بالـ DOS قبل ما يبقي في حاجة اسمها ويندوز وواخد كورسات في الجامعة الامريكية في مجال المبيعات ماتعدش وعندي خبرة في مصر حوالي 8 سنين في مجال المبيعات وكنت بشتغل شغلانة زي الفل بس للأسف مرتبها أصبح مش كافي بعد تغيرات كتيرة في حياتي ( جواز وعيال و التزمات كتيرة)

طيب قولي ايه المشكلة بعد كدة ........... في ايه ناقص عندى

عايز اقولك انا ماسبتش شركة سفريات محترمة الا وال C.V. بتاعي عندهم ومافيش موقع علي النت الا ومسجل فيه لدرجة إني بقيت بنسي اليوزر والباسورد بتاع مواقع منهم

وأحكيلك علي حاجة تجنن

عملت مقابلة مع المدير الاقليمي لشركة اكسترا علي وظيفة Sales manager والحمد لله أخوك كفاءة في الكلام (بياع بقي تقول ايه) المهم الراجل سألني انت متوقع مرتبك يكون كام فرديت قلتله انا صراحة مش عايز أقول رقم عشان انا ما اعرفش المرتبات شكلها ايه في السعودية وانا ما سافرتش قبل كده

قالي قول الرقم اللي يخليك تسافر فرديت قلتله 6000 ريال .... مش هقولك الراجل حسيت انه اتخض وقالي اجمالي ولا اساسي قلتله لأ أساسي .... الراجل اتخض اكتر وقاللي ده انا مشرف المبيعات(اللي هيبقي تحتي) عندي بياخد نص الرقم ده

وبعدين راح قايل عامة الرحلة دياحنا عاملينها عشان عايزين بياعين وانا عندي مشرفين ها أرقيهم لأنهم منتظرين ترقية

طبعا انا ماسكتش وقلتله إمال انت جايبني ليه راح رادد وقال عشان اتعرف عليك

طبعا انا اتحرق دمي ورحت شايط واديته من المتنقي (بس بأدب طبعا)

ورحت طالع من عنده وكملت علي بتوع شركة السفريات

فحسيت وانا طالع من عنده اني طلبت رقم وهمي مابيخدهوش هو

وبعد كده اكتشفت ان فيه واحد صاحبي كان شغال مدير فرع في نفس الشركة معايا في مصر وطلع لإكسترا علي وظيفة بياع ب 2700 ريال

فعرفت السبب إن فيه ناس هي اللي بترخصنا وبتخلينا ما نسواش

تحياتي

[se_ Elsyed]

وبعد كده اكتشفت ان فيه واحد صاحبي كان شغال مدير فرع في نفس الشركة معايا في مصر وطلع لإكسترا علي وظيفة بياع ب 2700 ريال

فعرفت السبب إن فيه ناس هي اللي بترخصنا وبتخلينا ما نسواش

أديك قلتها ..

والسوق عرض وطلب .

واللي يقبل بكده .. ما يرجعش يعيط

لكن أنا لحد دلوقت برضوا ما عرفتش إنت كنت بتقدم على شغل إيه ؟

يعني خبرتك في مجال إيه ؟

وبالنسبة لموضوع أكسترا .. فما تنساش إن ده معرض .. ولا مؤخذه هما بيعتبروا البياعين اللي عندهم BOX MOVERS يعني بعيد عنك " بائعي صناديق " بغض النظر عن العلبة دي فيها إيه ؟ فيل ولا خاتم ... وفعلاً مرتباتهم تعبانة جداً وعدد ساعات عملهم كتيرة جداً .. والخصومات والعجوزات اللي بينطسوها كتيرة جداً . وكل ده لإن المعرض بيعتمد على سُمعته وإن العميل جاي لإسم المعرض مش لإسم البياع ...

لكن تعالى كده لبياع كمبيوتر بس زي ما بيسموه Integrated Solutions معليش ترجمتها بالعربي عبيطة قوي .. يعني ممكن نسميها " حلول متكاملة " بمعنى راجل بيقفل مشروع من بابه .. هاردوير وسوفتوير وكوميونيكشن .. وشوف مرتباتهم كام ؟

وتعالى لبائعي السوفتوير ... أعني برامج السوفتوير الجامدة ... وشوف مرتباتهم كام ؟

[elshafey]

انا في مصر كنت شغال مدير فرع أسكندرية لإحدي أكبر Retailers في مصر واللي بتعمل في مجال المحمول

وحاليا مسافر لشركة برده شغالة في نفس المجال بس علي Sales Manager

[Sharm]

يا أخي الكريم

زميلنا الكريم وضع تسعيرة لكل المصريين اللي بييجوا للمملكة زي ما أنت شفت ... وهذا غير صحيح ..

إذاً لما نيجي نتكلم .. يبقى نقول إن دي حالات خاصة

بالله عليك ... لو إنت في السعودية ... لف ودور كده وإسأل عن طبيب مصري بياخد مرتب 2500 ريال ؟ وضوفهم كام حاله

والدليل على كلامي إن الزميل الفاضل بيقول إن بقى له سنتين هنا فقط

والعبد لله موجود منذ أكثر من عشر سنوات ..

واعمل في مجال الموارد البشرية وبنعين شهرياً الكثير من المصريين وما فيش عندنا الكلام ده

ولكنني لا أنكر إن الرواتب المتدنية دي موجودة .. ولكنها حالات خاصة وقليلة ...

وبعدين لما الأخ هاني يقول

ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى

هل هذا كلام حقيقي ؟

يعني الشركات السعودية كلها إجتمعت في مكان واحد وقرروا تخفيض مرتبات المصريين ؟

يا أخي أقسم بالله العظيم إننا بنبحث عن كفاءات مصرية في مجال الحاسب الألي والبرمجيات والشركة ترصد رواتب في غاية الإحترام تتعدي الـ 15 ألف ريال شهرياً راتب لذوي الخبرة ... وتذهب لجان لعمل إختبارات في مصر .. ويرجعوا قفاهم يقمر عيش لإن الناس بترفض ...لإن خبرته تساوي أكثر

كذلك أعرف الكثيرون في المجال الطبي ويبحثون في مصر عن أطباء ولو 3 سنوات خبرة على الأقل بمرتبات تفوق الـ 5 ألاف ريال .. ولا يجدون ..

حتى عندما قال

العماله بمختلف مجالاتهم من 2500 – 4000 ريال سعودى

ده عامل إيه اللي بياخد 4 ألاف ريال ده ويتساوى مع الصيدلي او المدرس أو المساح اللي بيعتبر مهندس ؟

وبعدين

المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا

بالله عليك ده كلام ؟

ليه إن شاء الله حديث التخرج بس كان في أصله عالم ذرة ؟

هل هذا كلام واقعي .

فيا أخي الكريم ... المغترب يا نقوله معلومة صحيحة موثوق منها .. يا نسكت ...

انا صيدلي و لسة راجع و مرتبي كان 2500 و كلام صاحب الموضوع سليم

[se_ Elsyed]

انا صيدلي و لسة راجع و مرتبي كان 2500 و كلام صاحب الموضوع سليم

وهل احد اجبرك على قبول مثل هذا الهوان .. ام هو تصرف فردي منك ... ام انها تسعير جبرية لم تستطيع ان تخالفها ؟