لو عايز تسافر السعوديه يامصرى لازم تشوف الملف ده

[هانى زكريا احمد]

السلام عليكم ورحمة الله وبركاته

بالنسبه للمعترضين على موضوع التصنيف للرواتب

انا لما كتبت الموضوع كنت عاوز أوضح واقع وبعدين طالما الموضوع عرض وطلب كما يقول المشاركين فى الموضوع فالطلب قبل الموافقه عليه يجب أن يحقق مستوى معيشى كويس ده الغرض الأساسى للموضوع مثلا لو شاب مثل ما تفضلتم لا يملك خبره والا لغه والا ممارسه وقدم سيرته الذاتيه وتم الموافقه عليها فالطرفين هنا قبلوا بعضهم فكان المطلوب أن الشاب حتى لو أوضاعه المعيشيه فى مصر على المحك لا يأتى هنا ويعيش نفس الحياه .على الأقل يعرف الدنيا ماشيه أزاى لكن أنا لم أضع تسعيره حرفيه وذكرت ذلك من قبل أنا بتكلم عن متوسط الرواتب اللى أنا شفتها لمدة سنتين ممكن يكون فيه أحسن من كده لكن ده اللى انا شفته وبنقله

وبعدين أنا بكره المثل المطاطى فى التعامل بالعقود (العقد شريعة المتعاقدين)

يعنى تيجى تستغل جهلى بالسفر وبأوضاع البلد اللى مسافر ليها وتضع شروط تكفل حقق كصاحب عمل وتضيع حقوقى وتفتكر ده شطاره منك وتتلذذ بجهلى بحجة العقد.

هو ده بالضبط اللى أنا عاوز أحاربه

عاوز أفهم الراجل اللى جاى ب 600 ريال ياسى السيد والشباب الضايع اللى مش عارف حاجه حتى لو كان متهان وضايع حقوقه فى بلده متضعش هنا كمان

أو لو رضى تضيع هنا تضيع بس بمزاجه لو عاوز كده بس المهم يفهم الدنيا ماشيه أزاى

[elshafey]

السلام عليكم ورحمة الله وبركاته

بالنسبه للمعترضين على موضوع التصنيف للرواتب

انا لما كتبت الموضوع كنت عاوز أوضح واقع وبعدين طالما الموضوع عرض وطلب كما يقول المشاركين فى الموضوع فالطلب قبل الموافقه عليه يجب أن يحقق مستوى معيشى كويس ده الغرض الأساسى للموضوع مثلا لو شاب مثل ما تفضلتم لا يملك خبره والا لغه والا ممارسه وقدم سيرته الذاتيه وتم الموافقه عليها فالطرفين هنا قبلوا بعضهم فكان المطلوب أن الشاب حتى لو أوضاعه المعيشيه فى مصر على المحك لا يأتى هنا ويعيش نفس الحياه .على الأقل يعرف الدنيا ماشيه أزاى لكن أنا لم أضع تسعيره حرفيه وذكرت ذلك من قبل أنا بتكلم عن متوسط الرواتب اللى أنا شفتها لمدة سنتين ممكن يكون فيه أحسن من كده لكن ده اللى انا شفته وبنقله

وبعدين أنا بكره المثل المطاطى فى التعامل بالعقود (العقد شريعة المتعاقدين)

يعنى تيجى تستغل جهلى بالسفر وبأوضاع البلد اللى مسافر ليها وتضع شروط تكفل حقق كصاحب عمل وتضيع حقوقى وتفتكر ده شطاره منك وتتلذذ بجهلى بحجة العقد.

هو ده بالضبط اللى أنا عاوز أحاربه

عاوز أفهم الراجل اللى جاى ب 600 ريال ياسى السيد والشباب الضايع اللى مش عارف حاجه حتى لو كان متهان وضايع حقوقه فى بلده متضعش هنا كمان

أو لو رضى تضيع هنا تضيع بس بمزاجه لو عاوز كده بس المهم يفهم الدنيا ماشيه أزاى

اعتقد ان احنا توصلنا في كلامنا السابق كله إن المرتبات اللي قلت عليها حقيقية ولا ننكرها بس السبب فيها هو التنازل اللي بتقدمه ناس كتير ومفكرة انها لو ضرت هتضر نفسها بس ...... بس للاسف هما مش فاهمين انهم بيضروا كل اللي جاي بعديهم لأن اصحاب العمل خدوا علي ان طالما في ناس بتتنازل يبقا ندور علي اللي بيتنازلو ونجيب 3 بمرتب واحد (كومبو يعني) ولا الكلام كدة غلط يا أخ هاني

تحياتي

تم تعديل 10 نوفمبر 2008 بواسطة amelshafey

[eTiger]

يا جماعة ياريت نقدر نعمل حملة توعية شاملة لكل المصريين بالموضوع ده. وكفاية بهدلة بقى في الغربة وبالذات السعودية. شوفو اللي حصل للدكتور اللي عمالين بيجلدوه كل شوية. وكل المسؤلين ساكتين. وأكيد في حالات كتير وأفظع من كده وماخفي كان أعظم. ياريت نعتز بنفسنا ونعززها ونحترمها ويخربيت القرش اللي يهين صاحبه.

[فارس الزمن]

السلام عليكم ورحمة الله وبركاته

أخواني الأعزاء

بالنسبة للموضوع فهو جميل ويستاهل الكلام فيه

وبالنسبة للآراء فبعضها خطأ ولكن أغلبهــا صحيــح

أنا موجود في السعودية من عام 2003 الى الأن

لم أغادرها لا أجازة ولا غيرها

وعندما بدأت العمل هنا كان راتبي 1000 ريال وكنت في غاية السعادة

أما الأن الراتب 3000 ريال وأنا لست مهندس أو طبيب أو مدرس

وأعتبر نفسي محظوظ لان لي أصدقاء أعرفهم راتبهم 800 و 900 و 1000

وأخي الكبير بنفسه راتبة 1200 مدرس لغه عربية أرسلت له فيزة المهنة مزارع لكي يخرج من الفقر اللي في مصر

تخرج وجلس في البيت 5 أعوام لا شغلة ولا مشغله

فماذا يفعل لابد من الخروج لطلب الرزق حتي وأن كانت المهنة مزارع

وعندما كنت في مصر كنت أعمل براتب 500 جنية ولكن الأن راتبي 3000 ريال أو يزيد قليلا أي بمقدار 4500 جنيه

فأيهم أفضل بالنسبة لي الشغل في مصر ولا في السعوديه

الان 6 سنين مغترب والله أعلم أن كنت سأعود لمصر مرة ثانية أم لا

جميع من يسافر الى مصر من أصدقائي ويرجع تاني الى السعوديه يسب ويلعن للظروف اللي البلد فيها

والأحوال اللي ناس عايشة فيها ومتحملاها

وعلى العموم نحمد الله ونشكر فضلة على الصحة والعافيه

[عبدالعال]

اشكر الاخ الكريم هانى على طرحه للموضوع المهم جدا ده واشكر باقى الاعضاء جميعا وفعلا الاخ هانى عندو حق فى الرواتب الى نزلها بالموضوع لان موجودين وبكثره مصريين على هذه الرواتب هيعمل ايه شغال فى مصر براتب ضعيف او مش شغال خالص احسنلو من القاعده فى مصر وبرضه احب اقول للعضو سى السيد انت بتش فى كلامك ليه كده انت مشرف لازم يكون صبرك واسع اكتر من كده وعلى العموم الاخ الى بيقول لازم نعرف المصريين بس ليه رواتبهم كده اقولك من الحاله الى مصر فيها ومن الغلا والجشع وقلت العمل بمصر يعنى الواحد يقول امتى ارجع امتى ارجع ويروح وميكمل حجاه فى مصر وتلاقيه راجع هنا تانى تفتكرو ليه مهو من الى موجود فى مصر وجشع الى فى مصر واغلا والفقر تقبلو مرورى دومتم بود

تم تعديل 20 يناير 2009 بواسطة عبدالعال

[ahlawycatalony]

الراجل جزاه الله خير بينبه الناس للوضع

يعنى هو غلطان مثلا ؟؟

جزاك الله خير يا برنس

[KAhamid]

بجد يا جماعة الموضوع اكتر من ممتاذ

الردود كمان مفيدة جدا

[rewsha]

ا جماعه فتح موضوع المرتبات ده اكتر من هايل .ياريت اللي يقدر ينشره في اكتر من موقع مش بس في المحاورات هنا علشان يكون في توعيه للناس .انا بصراحه كنت قاعده ادور على مكاتب توظيف طالبه اطباء (اخصائيين)لان زوجي اخصائي ولما كنت باشوف المرتبات اتصدمت لسبب انهم لما بيطلبوا اخصائي من مصر مش بيحددوا الراتب وبيحاولوا يتفاوضوا معاك على اقل مرتي وبيزودوا بال 250 ريال يعني كاْنك واقف في العتبه بتفاصل على سعر السلعه اللي بتشتريها .(في المقابل بقه لاقيت كام موقع طالبين اخصائيين برضه بس من سوريا ومشترطين انهم يكونوا سوريين الجنسيه .لاقيت المرتب المعروض مكتوب من 10000_120000 يعني اشمعنى همه كاتبين لهم المرتبات والمصريين لا .مع العلم ان والله لما زوجي راح يعمل مقابلات بدؤا معاه من 7500 ووصل ل 10000 بالعافيه واللي عرض عليه 11000 كان عايز يمص دمه في الشغل يعني 9 ساعات شغل بالاضافه لشغل تاني يوم الجمعه .فاحنا لازم نعمل قيمه لنفسنا ونحاول نتحد ولو لمره يعني ممكن نقول المهنه الفلانيه مرتبها من____ الى___ اللي محتاج السفر ومضطر ممكن يسافر على الحد الادنى واللي قادر يستنى يسافر على الحد الاقصى بس مايكونش في التفاوت الرهيب ده في المرتبات.وانا من هنا باشكر كل اخواننا المصريين اللي بيحاولوا يوعوا اخوانهم في مصر علشان مانقللش من قيمة نفسنا وفي الاخر ربنا مايحوج حد لدرجة انه يرضى باقل من قيمته (امين)

[dentogabalo]

الموضوع جمبل انه سخن و اتفتح لأن دي فعلا معاناة

بس انا ليا تعليق

معظم الكلام فعلا مفييييد جدا ..

و بعدين هوا بيرد على الناس اللي بتقول ماهو انا اللي خلاني ارضى بالعروض المهينة دي هوا الحاجة

بتعرفهم انك لو رضيت بالهوان ده ... هتبقى الحاجة اهون بكتييييييير .. دانتا هنا هتتبهدل و تتغرب ووووووو..... الخ

موضوع ان الوضع في مصر بقى ما يسرش .. ده مش محل نقاشه هنا .. ده موال طويييييييييل

لكن هنا لازم ننبه الناس امصاريف المعيشة عشان .. ما يطلعش على مرتب اهبل .. كمان اايه البنود اللي لازم بقى في العقد ..

عشان ما يتبهدلش ... اشمعنا احنا المصريين اللي بنقول كده يعني الهنود و السوريين الوضع الداخلي عندهوم عال العال

و رغم كده ما بيرخصوش نفسهم .. في عبارات كده اتقالت تبكي والله يا جماعة ...

الراجل اللي سافر الهند سنتين عشان يلاقي مهندس على 6000 و مش لاقي .. و المصري بيجي على 3500 و اقل

المحاسب اللي جه هو و زمايله على مرتبات خلت زمايلهم اللي كانوا هيطلبوا زيادة .. وشهم في الارض

الموضوع ده لازم يتنشر بشكل كبير جدااااااا.. انا حاليا بجهز لموضوع خاص بالاطباء

احنا مش اقل من الهنود و السوريين .. دا على العكس احنا اكفأ منهم

ولا الوضع عندهم في بلدهم احسن من عندنا .. دا اذا ما كناش احسن منهم

[الباحث عن الرزق]

السلام عليكم

والله يا جماعه موضوع جميل جدا بس مش المصرى هو الى بيرخص نفسه ولا بلدنا لكن عدم الوعى يعنى لما واحد يكون بيشتغل ب500 جنيه مصرى ويتعرض عليه 3000 مصرى فى السعوديه او غيره بيشوفها حاجه افضل ومش بيكون عارف متوسط المرتبات الى هناك كام وده دور كل المصريين الى عارفين الدنيا ماشيه ازاى هناك يعنى انا واحد من الناس مش عارف ايه متوسط المرتبات وكمان ممكن يكون الواحد شغال فى مجال ويروح هناك فى مجال تانى

وبذلك ان اى انسان بيتعرض عليه عرض مش بيكون عارف ايه متوسط المرتبات وعشان كده بيدبس فيه ويروح هناك يصوت ويقول عايز زياده

طيب ايه موضوع البصمه طيب ممكن اغير الفيزا وارجع بفيزا افضل وهو ده الحال الى ماشى

[se_ Elsyed]

طيب ايه موضوع البصمه طيب ممكن اغير الفيزا وارجع بفيزا افضل وهو ده الحال الى ماشى

يعني ايه الكلام ده ؟

انت بتتكلم جد ولسه بتسال عن موضوع البصمة ؟!!!!!!!!!!!!!!!!!!!!

[الباحث عن الرزق]

لا اخى الفاضل سى السيد انا بضرب مثل للناس الى هى مش عارفه متوسط المرتبات وبعد متسافر بتعمل كده

[الحاج فوزى]

فى شركتى ..

يأت مهندسون للعمل كدعم فنى بمبلغ 220 دينار ..

ويأت مهندسون للعمل كمهندسى نظم بمبلغ 600 دينار ..

أحيانا ً .. يكونوا زملاء ، نفس الدفعة ،، عملوا سابقا ً بنفس الشركة بمصر .. ،،كانوا متساويين فى وقت من الأوقات ..

لكن قراراتهم فرقت مصائرهم ..

أيضا ً يأت محاسب يحمل شهادته لا شىء غيرها .. ويا ليته حتى يعرف عمله كما يجب .. لا يتجاوز راتبه 200 أو 250 دينار

وأحيانا ً يأت محاسب يحمل بجانب شهاداته أثقل منها خبرات شهادات عالمية ويثبت مكانه متخصصا ً بإحترافية عالية .. يتجاوز راتبه الـ 1500 دينار !

لذا الأخ هانى على حق .. كذلك الأخ س س على حق ..

لكن كلا ً منهما ينظر للحقيقة من زاوية مختلفة .

لا قصورا ً فى الرؤية بل إستنكارا ً لوضعية الطرف الأخر من الحقيقة ..

تم تعديل 12 مايو 2009 بواسطة الحاج فوزى

[Grendizer]

السلام عليكم ورحمة الله وبركاته

في مصر ب 200 جنيه لو جاله السعودي وقاله هديك 1200 ريال بيقول دول حوالي 1500 جنيه ياااااااه ويسيل لعابه دون ان يدري انه بينضحك عليه ودون ان يعلم الفرق بين مستوي المعيشه في مصر والبلاد الاخري

علي العموم الكلام مش هيخلص بس الحمد لله الذي لا يحمد علي مكروه سواه احنا احسن من غيرنا بكتييييييييييير

1200 * 1.5 = 1800 مش 1500

شكراً

[المهندسه]

السلام عليكم يا اخوانى...

طبعا نشكر الاستاذ هانى على طرح هذا الموضوع القيم و الحساس جدا ,,,فأن ماقاله موجود للاسف و سألت نفسى مرارا و تكرارا لماذا هذا يحدث للمصريين مع انهم افضل العماله الموجوده من مهندسين و اطباء و غيرهم من المهن الموجوده ووجدت الاجابه عند زميله سوريه بالصدفه ..فأن السوريين وذلك مثال طبعا و لست اخصهم بالذكر و لكن الاخوه السوريين ترعاهم بلدهم ببعض الاشتراطات حتى يسافر اولادهم الى اى دوله للعمل و الغريب و الجديد الذى وجدته ان الحكومه السوريه اشترطت فى حاله زواج سوريه من سعودى او اجنبى عنها فلابد عليه ان يؤمن لها بيتا خاص بأسمها فى سوريه و مبلغ من المال يدفع لها بعلم السفاره السوريه تأمين لها و ان من حقها السفر الى بلدها وقتما شائت فليس من حقه منعها ..حتى بنجلاديش ترعى عمالتها و الهند و غيرها حتى الفلبين الذين اكثرهم خادمات. ..خلاصه قولى ان هضم حقوق المصريين موجود بالفعل و الواجب علينا اتخاذ خطوات ايجابيه حيال ذلك و اهمها توعيه بعضنا البعض وابداء النصيحه لبعض لكى نظل افضل الشعوب ففى الاتحاد قوه لابد من نصيحه اخواننا قبل المجىء الى اى دوله اجنبيه ان لا يقبل بأى راتب فلابد ان يعرف ان كفائه المصريين المشهود لها لا تقدر بثمن..فلابد ان نرعى بعضنا البعض حتى و لو كانت حكومتنا لا ترعانا فى الغربه فكله راجع لنا احنا مش الحكومه يعنى نتحد عشان نعرف ناخد حقوقنا...وشكرا لكم

[تامر مصطفى]

يا بخت اللي عايشين في السعودية

تقريبا عايشين ببلاشششش

تعالوا شوفوا الاسعار في الكويت :lol:

[الأستاذ]

أشكر سعادتك على التعقيب

ولكن أوضح بعض النقاط

أولا لو حضرتك عايش فى السعوديه كنت عرفت الكلام ده

ثانيا الأرقام ده حقيقيه وموجوده أمام عينى الأن وأصحابها أصدقائى ولو أستطيع أن أحضر صور العقود فسأحضرها حتى تقتنع

ولكن هناك بعض العروض الجيده لا انكر ولكن النسبه العظمى كما ترى الرواتب السابقه

فهذه الأرقام بعد بحث دام حوالى شهر وتم سؤال كل الأصدقاء

وللعلم أنا عملى فى الرياض (العاصمه) والمستوى المعيشى فيها عالى

ومتواجد الأن فيها

ومر على وجودى سنتين

وراتبى الحمد لله جيد جدا وأعلى من الرواتب المذكوره عاليه بمراحل

وانا مهندس مدنى متخصص وسابقة أعمالى كلها والحمد لله مع كبرى الشركات الأجنبيه

وسنى 30 سنه

سبق لى السفر للأمارات والبحرين

مما سبق يتضح

أنى أستطيه أن أحكم جيدا على ما أقول

أنا فى قلب الحدث كما يقولون

أنا بوصل واقع ملموس

للعلم الرياض مفهاش قهاوى

وشكرا على المداخله بس ياريت تبحث قبل ما ترد

كلامك مظبوط أنا لسه جاي السعودية و ده اللي حصلي بالظبط من تقسيم الراتب و غيرة

[banaga]

والله يا جماعه انا عايز اقول ان كلام الاستاذ هانى كلامه صح 100 % و كلام الاستاذ س س برضة فى شوية صح بس عايز اقوله انت عشان بقالك هنا 13 سنة فا انت مش عارف الدنيا عاملة ازاى فى مصر حتى لو بتنزل 3 شهور اجازة فى السنة دى حاجة / الحاجة التانية انت حتى لو عارف برضه مش هتحس الوضع (اللى ايده فى الميه مش زى اللى ايده فى النار ) فياريت حضرتك متسالش حد و انت وافقت ليه و رديت بالهوان و متحرجش حد و كل واحد ادرى بظروفه ياسيدى و اقسملك بالله انك مهما قولت عمرك ما هتحس بحد برضة و عمرى ما هصدقك مهما قولتلى لان انا عارف بجد ان اللى بيبقى معاه مش بيحس بحد حتى لو كنا بنعمل صدقة و بنطلع زكاة و بنخرج فلوس فى مصر و هنا (السعودية ) انت ممكن تحس بس لو شوفت برنامج واحد من الناس لعمر الليثى او مشهد مؤثر فى البيت بيتك يعنى دقتيين كدا و خلاص و انتهى الموضوع و عايز اقولك برضه على راى حد من اخواننا هنا (اسف مش فاكر مين ) كان قايل فى موضوع تانى ان كل واحد حسب ظروفه يعنى لو واحد ساكن فى المهندسين و بيقبض 5 الاف جنيه لو جاله عرض ب 7 الاف هيرفض لو واحد تانى ساكن فى حتة متوسطة و مستواة اقل و بيقبض 700 جنيه و جاله عرض على 1500 ريال هيوافق طبعا و بعدين يعنى انا مش موافق طبعا بس شايف ان مفهاش اى اهانه خالص لانه هياكل كويس و يشرب كويس و عنده عربية بتوديه و تجيبه من الشغل و عنده تامين طبى و الحياة زى الفل و يحوشله 500 ريال يعنى 700 جنيه برضة كويسين انا بكلمك على حديث التخرج طبعا او خبرة سنة و لا حتى سنتين برضه بالنسباله احسن من مصر صح و لا لاء ؟؟ بالنسبة لردك على الاستاذ هانى فانا اسف حسيت ان فى سخرية شوية و ساعات بحس انك بتحس ان انت صاحب الخبرة الوحيدة معرفش ليه يمكن عشان بقالك 13 سنة او عشان ناس كتير بتدخل تسالك الله و اعلم انا مع musli4ever انك رديت بحده شوية و على فكرة اللى الاستاذ هانى قالو ده هو القاعده لكن عايز اقولك كمان حاجة زى بتاعة اللى معاه مبيحسش باللى معهوش انك لما بتكون فى مستوى معين بيكونوا كل اللى حواليك من نفس المستوى و فى الغالب من نفس المكان و كمان نفس السن انا عارف انك بتشتغل فى الموارد البشرية بس ممكن تكون شركة حضرتك بس هى اللى كدا يعنى حضرتك بتقبض 10 الاف ريال اكيد هو ده مستوى الشركة بتاعتك و صحابك من نفس سنك و خبرتك يعنى صحابك حتى اللى مش معاك فى الشركة برضه هتلاقيهم نفس المرتبات او اقل شوية او اعلى شوية (من 8 الال الى 12 الف ريال) و عايز اقولك كمان ان بتاع المهندسين اللى جالة عرض ب 7 الاف و هو فى مصر بيقبض 5 الاف جنيه لانه اصلا معاه الى يديلة 50 الف جنيه ياخد كورسات دة لو مكانش هو خريج مدراس او جامعات اجنبية مش كدا و لا اية ؟؟ و ان اللى معهوش غير يدوبك شهادة البكالريوس و معهوش كورسات او اى حاجة جمبها لانه كان بيدفع مصاريف الجامعه بالعافية و مش عايز اكلمك على اسعار الكورسات فى مصر و عايز اقول ل (المهندسه ) ان الحل فى الحكومة مش احنا او مش احنا لوحدنا و اظن حضرتك ضربتى مثال على سوريا ممكن الحكومة تعمل عقد او موحد او قانون ان المؤهل العالى ميخرجش بره البلد على اقل من 3500 ريال مثلا ده اساسى طبعا ( و مش للمهندسين و لا الدكاترة و لا حتى اى مجال و خبرة اكتر من سنتين ) و الله برضة هنيجى و بنفس العدد لان البلد دى والله تقع من غير مصريين و كله عارف كده انا اسف على الاطالة بس ياريت بجد الى عنده حل يقوله و اسف مرة تانية

[cobraspower]

تصديقاً لكلام الأستاذ هانى أنا متخرج من 2005 وإشتغلت حاجات كتير فى مصر تقريباً من غير فلوس علشان الخبرة والكلام الجميل ده وأخدت كورسات إنجليزى وكمبيوتر وتقريباً غيرت الكارير بتاعى خالص وبالرغم من كده حسافر بفيزا حرة بإذن الله وعلى راتب أساسى 1200 ريال بس أحط رجلى ومن هناك الرزق ده بتاع ربنا إحنا بنعمل إللى علينا والباقى على ربنا

[عادل أبوزيد]

موضوع فى غاية الأهمية يستحق الرفع و يستحق أن يتصفحه كل يفكر فى السفر من مصر إلى السعودية.