لو عايز تسافر السعوديه يامصرى لازم تشوف الملف ده

[tamertitos]

يا جماعة انا عايز المشورة

قمت بامضاء عقد 3 سنوات لمكتب استشارات هندسية بالرياض على 4000 ريال بالشهر و 3 شهور بدل سكن تدفع على 4 دفعات و 10% بدل انتقال ؟

انا مهندس كهرباء خبرة سنتين ومرتبى بالقاهرة هو 1800 اية رايكم فى العقد؟ وهل بدل السكن والمواصلات هيكفى ولا اية

ارجوا ان لا احبط

[المهندسه]

للرفع

اريد معرفه ارائكم بعد سنتين من كتابه هذا الموضوع لعلكم الان اكثر احتكاكا بالسوق السعودى.

[هانى زكريا احمد]

موضوع فى غاية الأهمية يستحق الرفع و يستحق أن يتصفحه كل يفكر فى السفر من مصر إلى السعودية

أشكرك على رفع الموضوع وأن شاء الله سيكون لى موضوعات أقوى بكثير

وأشكر كل من شارك فى التعقيب ونشر الموضوع حيث وجدته على منتديات كثيره جدا ولله الحمد

[ahmed hanafy]

كلام مش مظبوط وعار تماماً من الصحة ....

يمكن يكون إنت نقلته من موقع أو من شخص لديه مشكلة ..

لكن لما تحب تسأل على حاجه يبقى إسأل أصحاب الخبرة واللي موجودين في المكان منذ سنين

على سبيل المثال ..

التقسيمة اللي حضرتك قلتها دي

محاسبين على 1200 ريال

مهندسين على 1800 ريال

أطباء على 2500 ريال

مدرسين على 1500 ريال

سائقين على 1100 ريال

عماله على 700 ريال

هل هي قانون ولا لائحة ولا كلام قهاوي ولا إيه بالظبط ؟

السلام عليكم الاستاذ سي السيد

معلش انا بحب انوه لحاجة انا واحد من الناس اللي اتخدعت وللاسف اللي خدعني قريبي

انا كيميائي وجيبت هنا بفيزا عامل شحن وتفريغ واتقالي زي ناس كتير في خلال ثلاثة شهور حتتعدل زكل حاجة حتبقي تمام

وكان الراتب 1700 ومازال

ولسة مغيريين المهنة من شهر وعلي فكرة علي حسابي

بس الراتب لسة مش حقول اني مش غلطان بس اديني اهو خبره6 سنين في مصر وسنتين في السعودية ومش لاقي حاجة احسن وانا هنا في السعودية واديني وصلت اني بقيت عامل زي اللي رقصو علي السلم

وعلي فكرة مش انا لوحدي اللي كدة في ناس كتير جدا كدة

لدرجة اني فكرت اشتري فيزا حرة وارجع بس اللي بشوفة من الكفيل يمكن هنا في تبوك الرواتب هنا كدة وعلي فكرة في شركات كتير هنا بتدي نفس الرواتب

[هانى زكريا احمد]

كان الله فى العون يأخ احمد

نفسى الناس كلها تعرف الحقائق التى توصلت إليها من كل ما رأيته وعرفته هنا

فى هذا الشهر أكملت 4 سنوات فى الرياض وهناك بعض التحسن فى الأرقام السابقه ولكنها ما زالت موجوده

أستحلفكم بالله ألا تسافروا على هذه الأرقام وأعملوا سعر لخبراتكم كما يفعل الأخريين

[ahmed hanafy]

كان الله فى العون يأخ احمد

نفسى الناس كلها تعرف الحقائق التى توصلت إليها من كل ما رأيته وعرفته هنا

فى هذا الشهر أكملت 4 سنوات فى الرياض وهناك بعض التحسن فى الأرقام السابقه ولكنها ما زالت موجوده

أستحلفكم بالله ألا تسافروا على هذه الأرقام وأعملوا سعر لخبراتكم كما يفعل الأخريين

ربنا يخليك يا اخ هاني

بس صدقني انا واحد من الناس بتمني الوضع يتحسن بس في ناس كتير بتفتكر ان اللي احنا بنقولة دة اننا بنغزي العين

ونصيحة لاي واحد عايز يجي وبيقول حتتعدل مفيش حاجة بتتعدل ----- واي حد بيفكر انة حيلاقي حاجة احسن دة حلم

انا كنت فاكر كدة بردة وبالرغم اني عندي علاقات بس بردة مفيش فايدة

والحمد لله علي كل حال

[المهندسه]

أستحلفكم بالله ألا تسافروا على هذه الأرقام وأعملوا سعر لخبراتكم كما يفعل الأخريين

نشكرك على احساسك يا بشمهندس هانى و حرصك على مصلحه ابناء البلد

انا اؤيد كلامك الى ذكرته من قبل ...احنا هنا للاسف سمعنا ارقام غريبه لناس مؤهل عال لكن بيتخدعوا و بيقولى زى الاستاذ احمد بكره الحال هيتغير.

ربنا يصلح جميع الاحوال ..لكن لازم نكون اكثر ايجابيه و ما نبعش خبرتنا و مؤهلنا للغربه ببلاش.

[هانى زكريا احمد]

أشكرك يا باشمهندسه على الرد وتفعيل الموضوع مره أخرى

لقد كتبت الموضوع من فتره طويله نظرا لكثرة ما رأيت وبحثت كثيرا فلم اجد أنشط من هذا المنتدى الجيد لنشر هذه المعلومه

وقد اثمرت هنا وأرجوا أن تكون فى ميزان حسناتى والموضوع مفتوح لأى تحيث من الأعضاء المهتمين

وشكرا لك مره أخرى

[امير مجروح]

أشكرك يا باشمهندسه على الرد وتفعيل الموضوع مره أخرى

لقد كتبت الموضوع من فتره طويله نظرا لكثرة ما رأيت وبحثت كثيرا فلم اجد أنشط من هذا المنتدى الجيد لنشر هذه المعلومه

وقد اثمرت هنا وأرجوا أن تكون فى ميزان حسناتى والموضوع مفتوح لأى تحيث من الأعضاء المهتمين

وشكرا لك مره أخرى

[Rosea]

انا كمان شايفه ان الموضوع مهم جدا و فى الجون بصراحة ...التوعية مهمه و لو انى متفقه مع راى من الاراء اللى قالت ان ساعات كتير لجان بتنزل مصر بالذات للاطباء و مبيرضوش و سمعته من كذا صاحب عمل...اعتقد ده له علاقة مثلا بحادثة الاطباء الاتنين المصريين اللى من غير ما يحاكموهم سجنوهمو مفهمناش ليه اصلا

[المهندسه]

والله لو كل شاب مصرى يرفض السفر على مبالغ زهيده ...مع الوقت سعر المصرى هيكون فى السما خصوصا ان المصريين من اكفىء العماله

...لو دورنا هنلاقى ان 99% من الاطباء مصريين و حوالى 80%مهندسين مصريين ...بمعنى ان ما ينفعش يستغنوا عن المصرى ابدا

...يبقى نستغل و نرفع الراتب مش نخضع و نوافق على مبالغ زهيده و نقول اصل ما فيش شغل فى مصر..و نرخص نفسنا اكتر و اكتر.

[ahmed hanafy]

والله لو كل شاب مصرى يرفض السفر على مبالغ زهيده ...مع الوقت سعر المصرى هيكون فى السما خصوصا ان المصريين من اكفىء العماله

...لو دورنا هنلاقى ان 99% من الاطباء مصريين و حوالى 80%مهندسين مصريين ...بمعنى ان ما ينفعش يستغنوا عن المصرى ابدا

...يبقى نستغل و نرفع الراتب مش نخضع و نوافق على مبالغ زهيده و نقول اصل ما فيش شغل فى مصر..و نرخص نفسنا اكتر و اكتر.

الكلام دة طبعاصح بس مينفعش مع شعب حالتة المادية زي حالتنا

تعرفي مثلا كلية التجارة متخرج كام محاسب في السنة وكام واحد منهم بيقدر يشتغل وهكذا كلية الاداب والحقوق والتربية دة لسة انا متكلمتش علي المعاهد ولا كليات القمة

تعرفي الطبيب اول لما بيتخرج بياخد كام؟

يبقي لما يتعرض علية مثلا2000 يال يبقي فل اوي

كثير من المصريين للاسف مش لاقين يبقي لما يتعرض عليهم دة يبقي نص العما ولا العما كلة

[الحمد لله]

الموضوع جميل اوى وانا قريتة كلة ونفسى يرجع تانى ونناقش الموضوع عام2013

هل لسة الوضع كما هو ام حدث تحسن ملحوظ؟

هل بمجرد اعلان الحكومة المصرية الحد الادنى للرواتب فى مصر دى حاجة فى مصلحة المغتربين؟

عالعموم انا نفسى الموضوع دة يرجع تانى ونناقشة من تانى وانا بشكر صاحب الموضوع لانة بجد انسان محترم

وربنا يجعلة فى ميزان حسناتك

وشكر

[elshafey]

من 5 سنين بعد كتبت الرد بتاعي الاولاني ربنا كرمني بشغل راتبه معقول الحمد لله وعلي منصب معقول وفي شركة معروفة في السوق (وركزوا معايا علي كلمة معروفة دي) ... وكنت مبسوط وسافرت وبدأت شغل ورحلة الكفاح خارج البلاد ... وفجأة إكتشفت إن علي الرغم من إن راتبي كويس إني مضحوك عليا برده !!!!

لقيت زمايلي (الهنود) بياخدوا راتب قدي مرتين ولما سألت مديري (المصري) ليه كده بتضحكوا علينا قالي إنتو معندكوش خبرة عمل في الخليج ... سكتت وحطيت لساني جوة بقي وقلت طيب ماشي اصبر لغاية ما آخد خبرة الخليج ونشوف .. والراتب مكانش وحش برده ...

المهم فضلت رامي نفسي في الشغل وفي نفس الوقت بحاول اشوف شغل تاني براتب أحسن ... طبعا إكتشفت فعلا إن خبرتك في الخليج بتفرق في الرواتب كتير وخاصة لو شغال في مجال المبيعات زيي

وبعد 3 سنين عملت مقابلة تليفونية في شركة كبييييييييييييييييييييييرة جدا وبعد ما اتقسطت عن الرواتب لقيت إن راتبي ممكن يوصل لغاية 40,000 ريال .. تخيلوا علي بابا بعد الضني كان هيلبس حرير في حرير ... أيوة كان :( .... معرفش ايه اللي حصل والله .. المقابلات كانت زي الفل وكنت مبسوط منها جدا جدا وحاسس ان نتيجتها ايجابية بس للأسف محصلش نصيب ولحد دلوقتي معرفش ليه

المهم بعد حالة احباط لا توصف رجعت لمود الشغل تاني وحطيت همي في الشغل وخلال السنتين اللي بعد كده ربنا كرمني في شغلي وحطيت همي في الشغل وزادت خبرتي ولفيت السعودية كلها واشتغلت في فروع الشركة كلها في الرياض وفي جدة وفي الخبرة وكنت بتمرمط في كل مرة في النقل من بلد لبلد بس كنت بقول ماشي اديني بزود خبرتي في السعودية واقدر اكتب في الـ CV اني اشتغلت في كل المملكة (أقصد المدن الكبيرة كلها)

وفي اواخر 2012 عملت مقابلة مع شركة كبيرة برده وقالولي هنتواصل معاك قريب ومحصلش تواصل ..... ولكن بعد حوالي 9 شهور لقيتهم بيكلموني وبيقولوا لي يللا بينا واتفاوضنا في الراتب (إتفاوضنا) ووصلت للرقم اللي كنت عايزه منهم الحمد لله ... بس للأسف كان لازم أنزل مصر عشان اعمل فيزا جديدة وانا في مصر حاليا والفيزا متأخرة بسبب إنهم مسكوا 3 مؤهلات مضروبة في السفارة وموقفين اصدار فيز المؤهلات العليا مؤقتا لغاية ما يراجعو الموجود عندهم ... يعني شوية تأخير وإدعولي ربنا يسهلها من عنده إن شاء الله

الخلاصة :

- لو عايز تتنازل عشان تسافر ما تتنازلش عن كل الحاجة ... بمعني مش هيبقي لا راتب كويس ولا شركة كويسة ... لأن الشركة الكويسة هتفرق معاك بعد سنة ولا سنتين لما تكتبها في ال CV ودي لوحدها هتجيبلك شغل في اماكن أحسن إن شاء الله ....وماتتوقعش إن الشغل هيجري وراك لما تكون شغال في شركة عبارة عن صفر ع الشمال في السوق (آسف في التعبير)

- لو رضيت بحاجة ما ترجعش تعيط بعد كده .. وبدل ما تعيط استحمل وحط همك في شغلك وبعد كده كرم ربنا هتلاقيه هييجي لوحده

- وانت في الغربة استغل الوقت الفاضي وزود مهاراتك اللغوية تحديدا .. لأن ده بيفرق كتير ومتستخسرش إنك تستثمر في نفسك

ونهاية اعتذر للإطالة ولكن حبيت انقل لكم تجربتي بعد 5 سنين من الموضوع

تحياتي

[عبير يونس]

من 5 سنين بعد كتبت الرد بتاعي الاولاني ربنا كرمني بشغل راتبه معقول الحمد لله وعلي منصب معقول وفي شركة معروفة في السوق (وركزوا معايا علي كلمة معروفة دي) ... وكنت مبسوط وسافرت وبدأت شغل ورحلة الكفاح خارج البلاد ... وفجأة إكتشفت إن علي الرغم من إن راتبي كويس إني مضحوك عليا برده !!!!

لقيت زمايلي (الهنود) بياخدوا راتب قدي مرتين ولما سألت مديري (المصري) ليه كده بتضحكوا علينا قالي إنتو معندكوش خبرة عمل في الخليج ... سكتت وحطيت لساني جوة بقي وقلت طيب ماشي اصبر لغاية ما آخد خبرة الخليج ونشوف .. والراتب مكانش وحش برده ...

المهم فضلت رامي نفسي في الشغل وفي نفس الوقت بحاول اشوف شغل تاني براتب أحسن ... طبعا إكتشفت فعلا إن خبرتك في الخليج بتفرق في الرواتب كتير وخاصة لو شغال في مجال المبيعات زيي

وبعد 3 سنين عملت مقابلة تليفونية في شركة كبييييييييييييييييييييييرة جدا وبعد ما اتقسطت عن الرواتب لقيت إن راتبي ممكن يوصل لغاية 40,000 ريال .. تخيلوا علي بابا بعد الضني كان هيلبس حرير في حرير ... أيوة كان :( .... معرفش ايه اللي حصل والله .. المقابلات كانت زي الفل وكنت مبسوط منها جدا جدا وحاسس ان نتيجتها ايجابية بس للأسف محصلش نصيب ولحد دلوقتي معرفش ليه

المهم بعد حالة احباط لا توصف رجعت لمود الشغل تاني وحطيت همي في الشغل وخلال السنتين اللي بعد كده ربنا كرمني في شغلي وحطيت همي في الشغل وزادت خبرتي ولفيت السعودية كلها واشتغلت في فروع الشركة كلها في الرياض وفي جدة وفي الخبرة وكنت بتمرمط في كل مرة في النقل من بلد لبلد بس كنت بقول ماشي اديني بزود خبرتي في السعودية واقدر اكتب في الـ CV اني اشتغلت في كل المملكة (أقصد المدن الكبيرة كلها)

وفي اواخر 2012 عملت مقابلة مع شركة كبيرة برده وقالولي هنتواصل معاك قريب ومحصلش تواصل ..... ولكن بعد حوالي 9 شهور لقيتهم بيكلموني وبيقولوا لي يللا بينا واتفاوضنا في الراتب (إتفاوضنا) ووصلت للرقم اللي كنت عايزه منهم الحمد لله ... بس للأسف كان لازم أنزل مصر عشان اعمل فيزا جديدة وانا في مصر حاليا والفيزا متأخرة بسبب إنهم مسكوا 3 مؤهلات مضروبة في السفارة وموقفين اصدار فيز المؤهلات العليا مؤقتا لغاية ما يراجعو الموجود عندهم ... يعني شوية تأخير وإدعولي ربنا يسهلها من عنده إن شاء الله

الخلاصة :

- لو عايز تتنازل عشان تسافر ما تتنازلش عن كل الحاجة ... بمعني مش هيبقي لا راتب كويس ولا شركة كويسة ... لأن الشركة الكويسة هتفرق معاك بعد سنة ولا سنتين لما تكتبها في ال CV ودي لوحدها هتجيبلك شغل في اماكن أحسن إن شاء الله ....وماتتوقعش إن الشغل هيجري وراك لما تكون شغال في شركة عبارة عن صفر ع الشمال في السوق (آسف في التعبير)

- لو رضيت بحاجة ما ترجعش تعيط بعد كده .. وبدل ما تعيط استحمل وحط همك في شغلك وبعد كده كرم ربنا هتلاقيه هييجي لوحده

- وانت في الغربة استغل الوقت الفاضي وزود مهاراتك اللغوية تحديدا .. لأن ده بيفرق كتير ومتستخسرش إنك تستثمر في نفسك

ونهاية اعتذر للإطالة ولكن حبيت انقل لكم تجربتي بعد 5 سنين من الموضوع

تحياتي

[حسين امبابي]

وصلنا سنة الـ 2014

[المخنوق دائما]

وصلنا سنة الـ 2014

وصلنا سنة 2014 ومفيش أي تغييرات إلا الآتي:

* تقريبا مابقاش فيه حاجة اسمها فيزا حره

*الرواتب مازالت متدنيه "لسه فيه محاسبين على 1400 ريال ومهندسين 3000 ريال"

*التضييق بدأ يزداد على الكل "شركات & مؤسسات & مقيمين"

تم تعديل 26 أبريل 2014 بواسطة المخنوق دائما

[حسين امبابي]

لا حــــــــــــول ولا قوة الا بالله العظيم

[Teacher2014]

ربنا يصلح حالنا و حال بلدنا و ما يحوجناش للغربة

[Guest باب اللوق]

كلمه قالوها من زمان ، محدش ضربكم على ايدكم !! اللي عاجبه يشتغل والا مش عاجبه 

يلفت نظر وربنا رزاق ، اما نجي السعودية او غيرها ونشتغل ونبقى اخر السطه ومافيش

قهر ولا قلة ادب ولا حرامية ولا مخدارات عيني عينك ولا ولا ولا .... والواحد هنا بيحس 

 بادميته فعلا في السعودية وغيرها ، خدمات كويسة وشوارع نظيفه ومجتمع متعدد 

الجنسيات وكله ماشي بتناسق ومافيش مشاكل ده بحد ذاته اكبر مكسب ،،،

اللي يرغي ويقول ويزيد ويعيد الحل ابسط مما تتخيلون !! امشي وسيبها !! 

 فعلا للاسف في منا كتير بيحب الوك لوك لوك .