اذهب إلى المحتوى
محاورات المصريين

أغاني كنا بنسمعها غلط

elbana

بواسطة elbana
في دعوة للأبتسام

 مشاركة

Recommended Posts

elbana عضو جديد

elbana

بتاريخ:
بتاريخ:

أكيد الحكاية دي حصلت معانا كلنا ، وهي إننا نبقى حافظين كلمات أغنية أو مقطع منها بشكل غلط ، ونبقى مش فاهمين المطرب ليه بيقول الكلام الغريب ده ، يعني مثلاً :

وأنا صغير شوية كنت فاكر أم كلثوم بتقول :

كل شيء حلو ف حياتي وانت غايب عن عينيا

وكنت أقعد اقول معقولة هي بتكرهه للدرجة دي ، لدرجة إن كل شيء حلو في حياتها وهو غايب عن عينيها ، يا نهار اسود ، بقى دي أغنية عاطفية دي :) :lol: :lol: .

أتاريها بتقول :

قوللي إيه حلو ف حياتي وانت غايب عن عينيا :lol: :lol: :D

وكانت أختي الكبيرة وهي حالياً مديرة مدرسة محترمة ، وكانت من عازفات الموسيقى الهوااة ، ومع ذلك وهي صغيرة كانت تعتقد إن أم كلثوم كانت بتقول :

وابتدى الليل يبقى أطول من سي عبده

وكانت أختي تقعد تقول لروحها (ياربي مين سي عبده ده اللي طويل قوي لدرجة إنهم بيضربوا المثل بطول قامته في الأغاني ، وازاي يعقدوا المقارنة بين طول الليل وطول بني آدم) أصل العيلة عندنا أذكياء خالص :D :D .

بينما أم كلثوم براء من هذا التخلف وأتاريها بتقول :

وابتدى الليل يبقى أطول من ساعااااااته

:lol: :lol: :lol:

حد بقى م الإخوة عنده شجاعة يعترف بذكائه الحاد زيي كده ولا الكل عباقرة في الاستماع :D :D :lol: .

رابط هذا التعليق
شارك
  • الردود 75
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

Salwa
Salwa

عودة للموضوع الجميل.واستمرارا للحياة .. من ضمن الأغانى اللى كنا بنسمعها غلط.....واحتمال يكون ما سمعناه ( برضه صح ) اغنية ام كلثوم....يامسهرنى . مخطرتش على بالك يوم تسأل عنى ...,وعينيا مجافيها النوم

أبو محمد
أبو محمد

كنت وقتها فى إعدادى وأختى فى الجامعة إصطحبتنى أختى إلى منزل صديقة لها لتذاكر معها (النظام كان زمان كده .. البنت ما تنزلش من غير اخوها) المهم صديقة أختى كانت بتدندن بأغنية جديدة لعبد المطلب إس

عبير يونس
عبير يونس

موضوع تحفة و فطسني على روحي من الضحك حبيت ابسط حضراتكم برفعه

Cleo عضو جديد

Cleo

بتاريخ:
بتاريخ:

بمناسبة الكلام عن أغانى الست.... و أنا صغيرة كنت دايما أسمع الست فى الراديو كل يوم الصبح تقول :

افرححححححح ياا قلبىىىىىىى جاااااااك مصيييييييبة افرح يا قلبى.. :D :w:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Salwa عضو جديد

Salwa

بتاريخ:
بتاريخ:

زمان كان فيه برنامج للاطفال اسمه...بابا شارو.
وكان فيه اغنية بتقول..
قطتى صغيرة واسمها نميرة شعرها يسلى وهى لى كظلى.
طبعا هى..ك..ظلى.
وكان نفسى حد يقوللى يعنى ايه كظلى.
سلام

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
amir عضو جديد

amir

بتاريخ:
بتاريخ:

الظاهر أننا محتاجين دكتور " ودان " فى المنتدى

زمان ـ مش زمان قوى يعنى ـ كنت بذاكر بس بدون تركيز ،يعنى كنت سرحان و فى ملك تانى و كنت بأقرأ بعنيه و دماغى فى حته تانيه ، و بعدين قرأت " كالمبين بالشكل " و فجأه تنبهت و قلت فى نفسى .. ايه ده دا المدرس عمره ما كلمنا عن العالم الأجنبى ده اللى أسمه " كلمبين بلشكل " ... و بكل همه و نشاط رحت أسال الوالد علشان اثبت له أن المدرس مش بيشرح كويس ... و بس .. انتو أكيد عرفتوا والدى قال ايه و عمل ايه ... دا قال قوالــه !!

:D

يا وطنى : كل العصافير لها منازل

الا العصافير التى تحترف الحريه

فهى تموت خارج الأوطان

ـ نزار قبانى ـ

103.gif

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

اغنية محمد منير نعناعة الجنينه

لحد يومنا هذااااااا

انا مش فاهما منها ولا كلمة

وداااااااايما اغنيها بشكل عجب

زي مثلا

شجر المستراح ضلل على عيناااااي

ومرة اقولها

شجر المزدرح ضلل على عينااااي

وانا اقول ياربي ايه الشجرة دي؟؟

اتاريهااااااااا

شجر الموز طرح ضلل على عيناااااااااي :twisted: :twisted:

:roll: :roll: :roll:

على سيرة الأغالاط برضه

انا اكتر واحدا تغلط في الكلام

مرة بتكلم مع والدي وبقوله ماهوا يا بابا الأقربون اولى بالمعروف

رحت قايلاله

الأولوبون اقرى بالمعروف

ومقتنعة تمااااااااماا بالكلمة :D :D

بقيت بابا تنح في وشي وقالي يعني ايه دييييي

وع الأحرااااااااج بقى

امبارح برضه انا عاوزا اعشي اخواتي رنجة

وهما راسمهم والف سيف ياكلو بيض

رحت متنرفزة في الأخرو قلتلهم

خلصوووووووووووني

هاتكلوا ايييييييييه؟؟

بنضة والا رييييييييج؟؟؟؟؟؟؟؟؟

:lol: :lol:

وانا من البلد ديييييييييييي

رابط هذا التعليق
شارك
shoshka عضو جديد

shoshka

بتاريخ:
بتاريخ:

ابني الصغير (6 سنين ) كان دايما بيغني اغنية محمد فؤاد الحب الحقيقي ... اللي مش حقيقي ..

اما ا غنية أنغام ( سيدي وصالك ) فكان مصر انها بتقول سيني و صادي و كان شايف انها اغنية عن دروس العربي بتاعة المدرسة ....

أما الكارثة الكبيرة بقى اني كنت مرة منسجمة قوي و قاعدة اغني ( مصر يا امه يا بهية ........... ) راح الاستاذ مكشر و قايل لي يا مامتي كدة عييييييييييييييييييييب مصر مامتنا كلنا و عيب لما تقوللي عليها غبية .. طبعا ما اقدرتش أضحك عشان ما تثبتش في دماغه كدة .... و يوديني ورا الشمس :D :lol: :D :lol: :lol: :lol: :lol:

رابط هذا التعليق
شارك
Al 7aZeeN عضو جديد

Al 7aZeeN

بتاريخ:
بتاريخ:

أغنية الست "يا ظالمنى" كان فيها مقطع أرتجالى بتقول فيه"أطاوع فى هواك قلبى وأنسى الكل علشانك"

كلمة أطاوع دى كنت أظنها " عصا وحدى

Smiles_Button_purple2_prv.gif

أعطيت ما لا أملك لمن لا يستحق :(

Start by doing what is necessary

, then what is possible

and suddenly

you are doing the impossible..............

رابط هذا التعليق
شارك
crossfield عضو جديد

crossfield

بتاريخ:
بتاريخ:

و الله ياجماعة مش دايماً بيكون العيب فى وداننا احنا لأن فيه مطربين كتير مبيغنوش الا لما يبقى عندهم زكام :music: مثلاً الموجى كان ليه أغنية اسمها تقريباً "يا اللى سامعنى" فيها كوبليه بيكرره طول الأغنية بيقول فيه "يا اللى مالكش حبيب بعدى تعالى غدينى لوحدى" و الله أنا متأكدة انى مش لوحدى اللى سمعتها كده مش ممكن الراجل صوته أخنف بشكل!!!!!!!!!! بس لما ركزت -بعد سنين- فهمت ان كان فى نيته يقول"غنى لى لوحدى ".

و أحياناً بيبقى السبب المط و التطويل فى الجملة .زمان مثلاً كنت أسمع أم كلثوم تقعد تقول بالساعة "يا قلبى آه الحب وراه" و ما أفهمش يعنى ايه ؟ الحب ورا مين و الا مين اللى وراه ايه شغل المخبرين ده؟ :s2: فيييييييييييييييييييييين بقى لما كبرت و عرفت ان الجملة لسه مكملتش " أشجان و ألم".

و كله كوم و الست اللى كانت تقعد ترقع بالصوت و تقول" قهوة قهوة أنا أنا قهوة " و أنا أقعد أفكر اشمعنا القهوة يعنى؟؟؟؟؟؟؟؟؟؟؟ و هيه قهوة ازاى؟؟؟؟؟؟؟؟ :roll: :roll: ايه الأغانى الهابطة دى؟ فييييييييييييييييييين برضو لما فهمت ان الموضوع فيه لعب بالكلمات .

و أحياناً برضو الواحد دماغه تقفل كده من غير سبب و يسمع الأغنية على مزاجه هوه .أختى مثلاً كان ليها أغنية شهيرة و اكتشفنا بعدين انها كانت أغنية لعبد الحليم .كانت بتقول " و آه يا خوفى و آه يا خوفو و آه يا خفرع …" :cry: :cry: :D .

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
Cleo عضو جديد

Cleo

بتاريخ:
بتاريخ:

اللى شووفتههههه......

قااااااااااااابل ماااااااااااااا تشووووووووووووفك

عييينيييييييييه

عممممممممرررررررررررر ضاااااااااااااااااايع

يحسدوووووووووه :shock: :shock: :shock:

إزاااااااااى عليييييييييياااااااااااا

إنت عمرىىىىىىىىىىى

(دى كانت أول معرفتى بالست... :cry: :cry: )

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

فاكرة يا كروسفيلد أغنية عبد المطلب اللى بيقول فيها

"معرفش ليه الناس.... شيريبوم سوا م الكاس" ؟؟؟

:cry: :cry: :D :D :D

تكلمة الكوبليه يقول :

"ده لكل قلبين دوووووااااااااا" (لأ .... ألف سلامة صحيح... :twisted: الصحيح : كل قلب انكوىىىىى)

:D :cry: :lol:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:
ولا دي .. ولا دي يا كليو

ده كل قلب ف ألم .. ولكل واحد كاس

:cry: :cry: :D :D :D

يعنى برضه مافيش فايدة...!!!!!!!!!!!!!!!!!!! :shock: :shock: :shock:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:
:cry:  :cry:  :D 

:D  :D  :D 

مع إن عبد المطلب بيدوس ع الحروف لحد ما يفعصها

ماهو عشان كدة باسمعها مفعصة .... :cry: :lol: :lol: :lol:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
الطفشان عضو جديد

الطفشان

بتاريخ:
بتاريخ:

ام كلثوم كانت بتقول

"صعبان عليا جفاه"

و بعدين طلعت نكت ان جفاه جي، هي "قفاه" بس بلهجة اهل الكفر مش اهل البندر

الشعب اراد الحياة و القيد انكسر

رابط هذا التعليق
شارك
linux عضو جديد

linux

بتاريخ:
بتاريخ:
 

امبارح برضه انا عاوزا اعشي اخواتي رنجة

:lol:  :lol:

مش ممكن ... :? :?

حقيقى أحمدى ربنا و بوسى ايدك وش و ضهر ...

لو كنتى عايشه فى أمريكا مثلا كان ممكن سجنوكى بتهمة التشايلد ابيوز ... :lol:

:lol: :lol: رنجة على العشاء ... برضه يا أخى فيه ناس قلبها جامد

:lol:

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

من الأسباب اللى خليتني أطفش وأسيب مصر أغنية كنت كل يوم بأسمعها الصبح وهى تعتبر التتر لبرنامج " طريق السلامة " بتاع المرور .. فالأغنية بتقول .. بالسلامه يا حبيبي بالسلامة .تيجي ...؟؟؟؟ ومش عارف أيه اللى الست بتقوله بعد كده وفعلاً كل يوم كنت أتحدى نفسي وألبد جنب الراديو إنى أفهم حاجة أبداً ... فبجد الموضوع ده عملي كلكيعة فى حياتي ... حد يساعدني ويترجم الأغنية دى ليه علشان أقدر أرجع مصر وأنا مطمئن .

أما بمناسبة الأخطاء اللغوية بتاعت شعنونة وموضوع الرنجة والسنجة ( أن لله وإنا إليه راجعون ... حد ياكل رنجه على العشا :shock: ) كنت بأه فى 3 أبتدائي وفيه موضوع عن الطيور وجه عليه الدور أني أقرأ وقعدت ساعة قدام الأبله كلمة ببغاء معصلجة معايا لأنى كنت بأنطقها بغبغاء ....يمين شمال مافيش هي بغبغاء لحد ما الست يئست مني وخلت واحد تاني يقرأ.

كان فيه موضوع برضوا فى 4 أبتدائي عن الكنوز البحرية ومنها " اللؤلؤ " فأنا أسترخمت الكلمة وأفتكرتها باللغة العامية فحبيت أضيف لها بعض البهارات ورحت قريها قدام الأستاذ " اللوقلق " راح الراجل مبلم وقالي مين يا حاج ... يابني أسمها اللؤلؤ قلتله لأ يا أستاذ اللؤلؤ دي لغة عامية لكن باللغة العربية الفصحى تبقى اللوقلق .... الزمخشري ياخواتي.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
crossfield عضو جديد

crossfield

بتاريخ:
بتاريخ:
من الأسباب اللى خليتني أطفش وأسيب مصر أغنية كنت كل يوم بأسمعها الصبح وهى تعتبر التتر لبرنامج " طريق السلامة " بتاع المرور .. فالأغنية بتقول .. بالسلامه يا حبيبي بالسلامة .تيجي ...؟؟؟؟ ومش عارف أيه اللى الست بتقوله بعد كده وفعلاً كل يوم كنت أتحدى نفسي وألبد جنب الراديو إنى أفهم حاجة أبداً ... فبجد الموضوع ده عملي كلكيعة فى حياتي ... حد يساعدني ويترجم الأغنية دى ليه علشان أقدر أرجع مصر وأنا مطمئن .

أما بمناسبة الأخطاء اللغوية بتاعت شعنونة وموضوع الرنجة والسنجة ( أن لله وإنا إليه راجعون ... حد ياكل رنجه على العشا  :shock:  ) كنت بأه فى 3 أبتدائي وفيه موضوع عن الطيور وجه عليه الدور أني أقرأ وقعدت ساعة قدام الأبله كلمة ببغاء معصلجة معايا لأنى كنت بأنطقها بغبغاء ....يمين شمال مافيش هي بغبغاء لحد ما الست يئست مني وخلت واحد تاني يقرأ.

كان فيه موضوع برضوا فى 4 أبتدائي عن الكنوز البحرية ومنها " اللؤلؤ " فأنا أسترخمت الكلمة وأفتكرتها باللغة العامية فحبيت أضيف لها بعض البهارات ورحت قريها قدام الأستاذ " اللوقلق " راح الراجل مبلم وقالي مين يا حاج ... يابني أسمها اللؤلؤ قلتله لأ يا أستاذ اللؤلؤ دي لغة عامية لكن باللغة العربية الفصحى تبقى اللوقلق .... الزمخشري ياخواتي.

فابتسم الأسد و قال له يا أبله :oops:

بمناسبة الأغنية بقى بتقول:

بالسلامة يا حبيبى بالسلامة

بالسلامة تروح و ترجع بالسلامة

ايه بقى اللى كان معصلج فيها؟؟طيب أنا أموت و أعرف الأغنية بتاعة أبلة فضيلة بقى بتقول ايه؟؟؟؟ علشان نسمع أبلة فضيلة راح تحكيلنا حكاية جميلة وتسلينا.........................................................................

........................................... هتتجنن و أفهم كلمة من الباقى :roll: :roll: :roll: :roll: و يمكن هوه ده اللى مجننى :oops:

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

طيب أنا طول عمري أسمع الست بتقول

ياحبيبا زرت يوما بيته طائر الشوق يغني أجلي

وبعدين أقول لنفسي هما بيقولوا الله على أيه المتخلفين دول

وكان فيه زمان أغنيه غاية التخلف كان الراديو في مصر بيذيعها كل يوم الصبح .. مش عارف أن كانوا لسه بيذيعوها ولا لأ .. فيها واحده بتقول :

أديني ريال أديني ريال يابو جيب مليان ....أديني ريال ياسيد الشبان

شفتوا الشحاته الغلسة ... وفي الراديو عالصبح

:D :D :D :lol: :lol: :lol: :lol: :lol:

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

كروساية كتبت

بمناسبة الأغنية بقى بتقول:

بالسلامة يا حبيبى بالسلامة

بالسلامة تروح و ترجع بالسلامة

ايه بقى اللى كان معصلج ؟

يا سلام يا ست كروسايه ، يعني جبتي التايهه ، المقطع ده سهل .. أنا بتكلم على المقطع اللى بعده من أول تيجي .. ......... يالا ياجدعان أجازتي قربت وعايز أنزل مصر وانا مرتاح نفسياً

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • Grandma
      15
      أغاني المهرجانات
      أصدر الفنان هاني شاكر نقيب الموسيقيين قرارا بمنع مطربي( المهرجانات ) من الغناء .. وقبل الهوجة التي حدثت مؤخرا في وسائل الاعلام و السوشيال ميديا لم أكن أعرف ان هذا النوع من الغناء يسمى بأغاني المهرجانات .. أظن أن تسميته بأغاني ( العشوئيات ) أقرب لطبيعته فالكلمات و الألحان وطريقة الأداء كله هابط والمؤسف إن عدد كبير من الجمهور معجب بهذا النوع من الغناء المبتذل حتى ان الاطفال والمراهقين للأسف بدأوا يقلدوا طريقة رقص وحركات و ايماءت مطربي المهرجانات الغير منضبطة لأنها غالبا تصدر عنهم وهم في حالة سكر و

      بواسطة Grandma
      كُتب

    • inas
      45
      من أغاني الأفلام والمسلسلات
      اكيد في أغاني كتير سمعناها في مسلسل ولا في فيلم وحبيناها حبيت نشارك بعض بيهم والنهرده جيبالكم اغنيه من فيلم جديد فيلم خيانه مشروعه انا مشفتش الفيلم بس سمعت الاغنيه وعجبتني اوي بغض النظر عن الفيلم إذا كان وحش أو حلو الاغنيه للمطربه أمال ماهر اسمها يعيني عليك يا طيبه حمل الأغنيه أتمنى اشوف مشاركاتكم

      بواسطة inas
      كُتب

    • Scorpion
      10
      كلمات و أغاني 3
      كل ما أغني

      بواسطة Scorpion
      كُتب

    • Simba
      408
      أغاني بحبها
      معلش لاني مش بعرف ارفع ملفات علي مواقع التحميل فأنا جبتها من اليوتيوب اسهل واسرع دي أغاني اعتقد انها هتعيش مهما يمر الزمن ومش ممكن تفتقد طربها http://www.youtube.com/watch?v=Oyz5dIQnU10 http://www.youtube.com/watch?v=koss-OaoPRA&feature=related

      بواسطة Simba
      كُتب

    • Grandma
      12
      موسيقى و أغاني تيترات الأفلام و المسلسلات
      مش باقي مني غير شوية ضي في عنيا / أحمد سعد /www.youtube.com/watch?v=r5gmJzOQvZg

      بواسطة Grandma
      كُتب

×
×
  • أضف...